Iwe Ọhụhị Imosiisi ana aa hị́ Ọyịvatụrọda 10:5 - IWE ỌNỊNỊ

⁵ Ịjị Imosiisi chi hụrẹ ịrẹsụ ataba vẹ, dị ọ kụ ịrẹta ẹnẹẹ hi ịnị apoti anka a mẹẹ mẹ ọda yọ nị. Hụrẹ ịhị ọnọọ ịrẹta ẹnẹẹ vene hi ini apoti ọnọọ pooro tu ajịnị nị.”

Iwe Ọhụhị Imosiisi ana aa hị́ Ọyịvatụrọda 10:5 Referans Kwoze

Ọyịkụra 40:20

Imosiisi ộ sị ịrẹta ana a chẹrẹ ọda ẹẹwụ ọnọọ tụ́ dị ọ sị ọ tụ́ ịnị ịnẹ apoti oto nị. Dị ọ kụ́ okutẹ ana a bẹ dị ọ kà wa ngụ ịnị ịzị a mẹ aha ẹnịnị tụ́ ini apoti ọnọọ, dị ọ va sị òkú apoti ọnọọ di o si kú ọ nị.

Ọyịkụra 34:29

Imosiisi ô chi hụụnị ataba Ịsịnayị vẹ. Dị ọ kụ́ ịrẹta ẹẹva ẹnẹẹ ọnị ọ chẹrẹ ọda ẹẹwụ ẹnẹẹ tụ́ rị ụvọ nị. Imosiisi ọ yị yẹ ka eyi anị vị ana kụkụ aa za nyanga-nyanga agụvị ka ô pe Ẹnẹyịmavara kà ịrẹyị.

Ijosuwa 4:9

Dị Ijosuwa rẹ kụ́ ịrẹta ẹwụrẹva gụ ịnị akakana irehu Ijodani ịzị ohirẹsụ irehi Ohomorihi ana za apoti oto jẹẹ ụmẹ ọnọọ nị. Ịrẹta ẹnẹẹ yị hị́ ịzọọ pooro vee tu ajịnị.

Iwe Ọhụhị Imosiisi ana aa hị́ Ọyịvatụrọda 10:2

Ẹnẹyịmavara kà ọnị e tenyi ọda anị chẹrẹ tụ ịnị ịrẹta ẹnẹẹ anka ẹngụ ọnị Imosiisi vịdị chaka. Dị a kụ wa hị́ ịnị apoti ọnọọ.

Iwe Ọhụhị Imosiisi ana aa hị́ Ọyịvatụrọda 9:15

Ịzẹyịza mâ varẹma, di mi chi hụụnị ataba aa vaachi nị. Mâ sị ọparị ịrẹta ẹẹva ana a chẹrẹ oto Ẹnẹyịmavara hi rị ụvọ. Ịra vị anaa dà wụụrụ ịnị ataba ọnọọ.

Ọyịkụra 32:15

Di Imosiisi chi hụụnị ataba dị ọ varẹma ne tù aza ẹnẹẹ nị. Ịrẹta ẹẹva ana a chẹrẹ ọda ẹnẹẹ hi vị ọnị ọ kụ́ rị ụvọ. Eyi ẹyịva ịrẹta ẹnẹẹ a chẹrẹ ịsa tụ́ nị.

Ọyịkụra 25:16

Dị ụ vaa kụ́ ịrẹta ẹẹva ọnị mị chẹrẹ ọda ẹnẹẹ tụ́ ọnị mị vaa sịị yị wụ, dị ụ kụ́ ọ hi ini apoti ọnọọ.

Ọyịkụra 25:21

Kụ́ ịrẹta ọnị mị chẹrẹ ọda ẹnẹẹ tụ ọnị mị vaa sii wụ, dị ụ kụ́ wa hi ini apoti ọnọọ, dị ụ sị oku anị kú ọ.

Ọyịkụra 34:28

Imosiisi ọnịrị Ẹnẹyịmavara ê hi ịrẹsụ ataba ịzọọ ọọdụ ọnịrị ịrahụ pooro mẹ ẹkụhị ẹbẹẹva. Imosiisi ọ yị rị ịsa, o yi hú enyi. Dị ọ sị ọparị ẹnẹẹ ana a sị ịrẹta bẹ, dị ọ chẹrẹ ịrẹyị oni Ohomorihi ọnịrị Anisirẹrị ka tịtẹ tụ́ ọ nị. Ịrẹyị ẹnẹẹ ọ vị ọda ẹẹwụ oni Ohomorihi mẹ yị wa nị.