Iwe Ọhụhị Imosiisi ana aa hị́ Ọyịvatụrọda 1:7 - IWE ỌNỊNỊ

⁷ Dị ọ ka ẹnịnị ẹ kara ajẹngụ ẹnịnị, dị ẹẹ nọ ẹkụra Anamọrị ene hi ịrẹsụ ataba. Ẹ ngụ ẹkụra ene hi inozi, ọnịrị ịrẹsụ ataba ne beri iruvo ataba ne tu Ịnẹgẹvị ọnịrị avaba ẹkụra eni hi utenyi ana vị ẹtẹ Anikenaani. E avọọ va hịrẹ na ngụ Ịrẹbanọnị dị ẹ̀ hi ịzọọ na ngụ irehu Iyuhwuretisi.

Iwe Ọhụhị Imosiisi ana aa hị́ Ọyịvatụrọda 1:7 Referans Kwoze

Iwe Ọhụhị Imosiisi ana aa hị́ Ọyịvatụrọda 11:24

Aha tụra aha ọnị ẹ sị ahụ ẹnịnị hi, ọ vaa vị ẹnịnị nị. Ịsị ẹ sị ọ hụrị ụnọmị eyi ụvẹtẹ na ngụ ịrẹsụ ataba Ịrẹbanọnị, hụrị irehu Iyuhwuretisi na ngụ Òkū Imeditareniya.

Ijosuwa 10:40

Avọọ Ijosuwa mẹ vu avaba ẹkụra ene hi ịrẹsụ ataba va chi va ngụ Ịnẹgẹvị ọnịrị ẹkụra ene hi inozi. Ẹ yị nyị ọza ana ha anka Ẹnẹyịmavara mẹ mẹ ọda anị yị wa.

Emọsị 2:9

Ẹnẹyịmavara kà eyi Anisirẹrị nịnị ọnị wụ̀ Anamọnị ha nị. Aza ẹnẹẹ vị ana hụ anka ụchẹba, dị ẹ nyị ụkata anka ọbanjere. Ẹ yị nyị ọza ana vọ ẹtẹ ịnị ẹnịnị vụrụ-vụrụ.

1 Ịtọpa 18:3

Idevidi ộ vana rẹ kụ́ ịrẹkụ ne tu Ihadadeza, ohinọyị Anisiriya ịnị ẹtẹ Izoba. Ịzọọ vị ana gụrị ẹhwị ẹtẹ Ihamati. Ịhadadeza vị ene vịdị eè sì ka ọnị ọ̀ọ mẹ ịjọva tụra ẹhwị ẹtẹ ana yà eyi ẹbẹẹba Iyuhwuretisi.

1 Ịtọpa 5:9

Ẹnịnị ệ nyị ịsụpa tuturutu hi ẹtẹ Anigiriyadi, agụvị avọọ dị ẹnịnị ra hi ịzọọ nị. Ẹnịnị ệ ra hụrị eyi ọnị ọyị zịị hụrẹẹ vẹ huuu na ngụ oze ana a zịị̄ nọ irehu Iyuhwuretisi.

2 Ịsamụwẹrị 8:3

A rẹ nyị ụmẹ ọnya di ohinọyị Izoba ana aā hị́ Ihadadeza ana vi ozi Ịrẹhọbị sì ka ọnị ọ̀ varẹma na dọ ẹtẹ ana yà ụtọ Okuha Iyuhwireti nị. Di Idevidi na, dị ọnịrị ọ kụ̀ ịrẹkụ, di Idevidi hu ọ ẹtẹ nị.

Ijosuwa 24:15

Ama ẹnịnị e yi si ka ẹnị ẹ hẹkẹ Ẹnẹyịmavara, Ẹ nyị ịhị ọnọọ ịsa ọnị ẹnịnị e vaa kụ́ yị. Avị ori ohiku ẹnịnị, avị ori Anamọrị ịzị ẹ yaa aanị. Dị Ijosuwa ka ọnịrị ovwoovu anị vị ana vaa hẹkẹ Ẹnẹyịmavara.

Ijosuwa 1:4

Ộ kà ẹtẹ ọnị ọnị vaa sị yọ ọ kwẹẹtẹ hụụ ịnị ụnọmị va hịrẹ na ngụ Ịrẹbanọnị, hụrị Ịrẹbanọnị na ngụ irehu ọbanyị ọnịrị irehu Iyuhwuretisi ne beri avaba ẹtẹ Anihiti ọnịrị ẹtẹ ana na ngụ oku ọbanyị ana aā hị́ Imeditareniya.

Iwe Ọhụhị Imosiisi ana aa hị́ Ọyịvatụrọda 11:11

Ama ẹtẹ ọnị ẹ ya vaa ngụ aanị vị ẹtẹ ana nyị ataba ọnịrị inozi ọnị orihi aa zụ hi.

Ọyịkụra 23:31

Ẹhwị ẹtẹ awụ nịnị vaa nyima hụrẹ Oku ịkẹ-ịkẹ na ngụ Oku Anihwirisiti nị Ẹwụ nịnị ọ vavọọ vaa nyị ọ hụụnị ụnọmị na ngụ ini Oku nị. Mị vaa navọ ka aza ana vịdị ra hi ịnị ẹtẹ ọnọọ wa dụ wa kwooze nịnị.

Ẹtore 9:14

Dị ọ kà a yị anggẹẹrị ọhụhịnọnyị ana nyị ọpanyị aanị, dị ọ ka: Ọ̀ ngwara anggẹẹrị ẹẹna ana a sụ́ tụ́ ini òkū ọbanyị Iyuhwireti nị!

Oyinyima 12:9

Dị Abụramị aa yịị na, pooro, dị ọ na ngụ eyi ụvẹtẹ ịnị ẹtẹ Ịnẹgẹvị nị.

Iwe Ọhụhị Imosiisi ana aa hị́ Ọyịvatụrọda 1:19

Ịjị Anisirẹrị nịnị raà mẹ̀ ịsa ọnị Ẹnẹyịmavara Ohomorihi ka yị wa, dị ẹ hụrị ataba Ịhọrẹbị zị oze ịrẹsụ ataba ẹkụra Anamọrị ịnị ẹtẹ vansa ene chire ọza angwa na ngụ Ịkẹdẹsị Ibaneya nị.

Ịrịka 10:12

avọọ, dị Anisirẹrị nịnị kụ ẹnya ẹnịnị kwẹẹtẹ hụrẹ ụnọmị Ịsịnayị na ngụ ụnọmị Ịparanị nị.

Ijosuwa 9:1

Ịnị ụmẹ ọnọọ avaba ohinọyị anẹkụra nịnị ene hi ịrẹsụ ataba ọnịrị iruvo ataba akẹnẹ irehu Ijodani nịnị ệ wụ́ ọ Ijosuwa mẹmẹ aa nyị ehuna. Ẹkụra ẹnẹẹ ẹ vị Anihiti, Anamọrị, Anikenaani, Aniperi, Anihivi ọnịrị Anijebusi.

1 Ịtọpa 27:29

Isitirayi ana vị Anisaroni o si eyi pe ọkọnị imaaru ana aa kụụ rị inozi ẹtẹ Ịsarọnị nị; dị Isahwati ozi Adirayi ọnị si eyi pe ọkọnị imaaru ana aa kụụ rị inozi nị.