Ayịsaya 3:1 - IWE ỌNỊNỊ

¹ O yi kuku vee kù dị Ananyị yị Ẹnẹyịmavara Ochẹtẹẹngụ Ochẹtẹngụ ọ̀ kụ́ avaba ịsa ọnịrị aza hụrẹ Ijerusarẹmị ọnịrị Ijuda. Avaba ịsa ẹnị ẹ sị eyi kà vị ọnị ọ vaa kụ́ụ kwooze saka-saka.

Ayịsaya 3:1 Referans Kwoze

Ireevi 26:26

Ẹnẹyịmavara kà ọnị vee gù wa oze ịsọyịrị ẹnịnị, dị ọnyẹnẹẹ ẹẹwụ aa mẹ̀ ịsa ịnị arasị ọnya. Dị a kụkụ aa gà ịsọyịrị swẹ-swẹ tụ wa ụvọ. Ẹnịnị ẹ̀ẹ rị ọ, ịnẹ ẹ́ yị vaa há wa.

Ezikẹẹrị 14:13

Ozi-ọza, ẹkụra ọyịvụrụ ọ̀ọ mẹ̀ ebira odivi hi ọnị, dị ẹnịnị ẹ̀ yị sị ayị tụra ọnị nị, ọnị vee gù wa oze ịsọyịrị. Ọnị vaa mẹ ka ụngwẹ ọ̀ kụ̀ wa, dị ọnị wụ̀ aza ọnịrị ịsụpa nịnị va ha.

Ayịsaya 1:24

Avọọ sị ụtọ pe ẹtẹ dị wa wụ́ ịrẹyị ẹnị Ẹnẹyịmavara Ochẹtẹẹngụ aa ka. Ọnị ọ vị Ohomorihi Anisirẹrị nị. Ọnị ọ nyị ụkata nị. Ọ kà ọnị ka ọnị vee sí ẹwụ nịnị ọnịvị anị atọ ịrẹyị ọnọnị, dị ẹwụ nịnị ọ̀ sị ọnị tịtẹ hẹẹ.

Ijeremaya 38:9

Taarụ ada ayị, vị aza ẹnẹnị aa chamayị kẹnẹ aanị nọ̀. Ẹ sị Ijeremaya ne ngụ ịkangga o. Ọnị ộ yẹ́ ka ịzọọ ee súu tụ nị, agụvị ka ẹ́ yị kụkụ nyị ịsọyịrị ịnị ẹkụra.

Ijeremaya 37:21

Ịzẹyịza, dị Ịzẹdẹkaya ka è nee gu oze hi ọnị ohweje ohinọyị nị. Dị ọnị yà ịzọọ nị. Eyinị-eyinị dị aa sị ịbụrẹdị ikonyi ikonya hụụ ịdị aza anaā mẹ ịbụrẹdị vaa yị ọnị nị. Avọọ á mẹ sị yị ọnị pooro ne tu ụmẹ ọnị ịbụrẹdị ta hụụ ịdị aza anaā mẹẹ nị.

Ayịsaya 51:22

Ẹnẹyịmavara Ohomorihi awụ nịnị anaā vụ ịrẹvụ yị aza anị kà, ọnị ọ raà dọ ako ọnị ọnị sị yị wa ịnị ọyịkụ. A yị kụkụ vaa sị ụkata-ụkata za wa ka e hu dị ọọ vaa mẹrị wa.

Ayịsaya 36:12

Dị ọga isoja Anasiriya ọnọọ ka, “Aanị ka ẹwụrị ọga awụ nịnị ịnya kẹnẹ a tụ́ mi hi ka ma kà ịrẹyị ẹnẹnịị yị nị? Aza ene hi ịrẹsụ ọvọ avọọ vi ana a ka ma rẹ kị kà a yị bẹẹ. Ịrẹyị ọnya o vee tù wu nịnị nị, dị waa dà ịhyẹrẹ awụ nịnị rị, di u ree hú eehenyi awụ nịnị.”

Ayịsaya 5:13

A vaa kụ́ wụ nịnị ọrịhị nọ aha ọsa agụvị ka ọnụra ụ vị nịnị nị. Aza ọ̀kà-ọ̀kà awụ nịnị vị ọnị ụngwẹ vaa wụụ ha. Di enyi kụ̀ aza ana vọ pooro, di e sú va ha.

Ayịsaya 2:22

Avọọ asị ụ rẹ sị ayị tụra ọzarẹyịrẹsụ. Ẹ yị nyị ịsị ọza vị.

Ahẹ Ụgama 105:16

Ohomorihi ộ kụ́ ụngwẹ na ngụ ịnị ẹtẹ Anijipiti, di o du avaba ịsọyịrị ẹnịnị ha nị.

Ayịsaya 3:16

Ẹnẹyịmavara kà ọnị ka eyi ana anyẹnẹẹ Anịzayọnị aa mẹ ọ sị vị ẹnẹmẹhị. Ẹ̀ẹ yaa zị ụsẹ dị ệ tana ọrọkọ ẹnịnị. Avọọ ẹ mẹ̀ dọ ọda ịrẹkọyịsẹ nị. Ẹ̀ẹ yaa na, dị ẹ tangwa ee hu ahụ dị ịsa ẹ si tụ́ ahụ ọnị aa sụ́ ịrẹyị;

Ayịsaya 9:20

Avaba ịzị aza ẹ̀ẹ ya re ịsọyịrị ịnị ẹkụra ọnọọ vị ene vee zunee rị, ama dị ụngwẹ aa kịị kụ̀ wa. Ẹ hyakụ vaa wụ̀ ozi ẹnịnịị rị bẹẹ.

Ijeremaya 52:3

Dị ayị kụ Ẹnẹyịmavara tu Anijerusarẹmị nịnị ọnịrị Anijuda nịnị, dị ọ hụ́ wa hụrị ẹngụ anị eyi nị. Ịzẹdẹkaya ộ kụ̀ hịrẹ Inebukadineza ohinọyị Ịbabịrọnị.

Ijeremaya 52:6

Ịnị ẹkụhị ịhịịna ịnị ụhwẹ ọhụna ịnị ịrayị ọnọọ gẹdẹ-gẹdẹ, Anijerusarẹmị nịnị é yi kuku re ịsa rị, dị ụngwẹ nyayịnẹ aa kụ̀ wa ẹtẹẹtẹrẹ nị.

Arụwẹ 5:4

Ị kụkụ aa hị́ enyi ọnị yee hú nị; ọkụ ọnị yaa sị ka ịra vị ọnị yaa hị́ bẹẹ.

Emọsị 4:6

Ẹnẹyịmavara kà ọnị ộ kụ́ ụngwẹ ngụ ẹkụra ẹnịnị ama ẹnịnị ẹ yị vaa va hụụnị ebira odivi ka ọnị vẹ.

Imika 4:9

Anijerusarẹmị, sị ẹ vẹ dị ụ maanị aa tụ̀ orere boro-boro? Sị ẹ vẹ dị wee nowu anka ọza ana aa barẹẹ avọọ? Vị waaa nyị ohinọyị nịnị nị. Mâ yẹ ka e zụ pe wu nịnị juwe ộ!

2 Ohinọyị 25:3

Ịnị ẹkụhị ịhịịna ịnị ụhwẹ ọhụna ịnị ịrayị ọnọọ, ụngwẹ odivi vavọọ ngụ ẹkụra, ọnọọ dị aza ẹ yị re ịsa rị nị.