Ayịsaya 1:2 - IWE ỌNỊNỊ

² Ẹnẹyịmavara kà ihinẹba ọnịrị ẹtẹ ẹ wụ́ ịrẹyị ọnị ọnị aa vaa kà aanị. Ọ kà ezi ọnị ọnị pá, ẹ sị vịra, di e nyima dị ẹ yaa kụ̀ụ hịrẹ ọnị nị.

Ayịsaya 1:2 Referans Kwoze

Iwe Ọhụhị Imosiisi ana aa hị́ Ọyịvatụrọda 32:1

Imosiisi kà ẹbẹẹba ọnịrị ẹtẹ e batọ ịsị ọnị a vaa kà.

Iwe Ọhụhị Imosiisi ana aa hị́ Ọyịvatụrọda 30:19

Ọnị aa sị oze yị wa booro aanị ka ẹ nyị ịnị akakana ẹhẹ ọnịrị usu, a vị Ohomorihi ọ mẹ ize yị a vị Ohomorihi ọ tụ ozirenu hi wa. Agụvị avọọ ọnị ọ sị ẹbẹẹba ọnịrị mẹ ivenu yị ịsị waa nyị. Nyị ẹhẹ.

Imika 1:2

Batọ nịnị o, avaba ẹwụ nịnị anẹhẹ; avaba ẹwụ nịnị ene hi ẹhẹ ò batọ dị ọ̀ wụ́ ịrẹyị. Ẹnẹyịmavara Ohomorihi vaa dọ ivenu ịsa ọn ị ụ mẹ̀. Batọ! Ọ vaa ka ịrẹyị hụrị ini eehi anị ịnị ihinẹba.

Iwe Ọhụhị Imosiisi ana aa hị́ Ọyịvatụrọda 4:26

Imosiisi ka ọnị ọ sị ẹbẹẹba ọnịrị ẹtẹ mẹ ivenu yị wa ka ẹnịnị ẹ̀ẹ mẹ akamawụ hi ọnị, ịjjịjọo e ye vu ẹtẹ nị. Ẹnịnị ẹ̀ yị vaa ra gọdọ ịnị ẹtẹ ana ya akẹnẹ irehu Ijodani ọnị ẹ yaa vaa dọ, dị ẹ ra ini anị. Ẹnịnị vi ene vee vu ẹtẹ saka-saka.

Ahẹ Ụgama 50:4

Ohomorihi ộ hị́ ẹbẹẹba ọnịrị ẹtẹ ka ẹ̀ vị onivenu di è re ọnị màa mẹ̀ ọkarẹyị aza anị.

Ịmarakayị 1:6

Ẹnẹyịmavara Ochẹtẹẹngụ ộ kà a yị ohirẹsụ irehi Ohomorihi nịnị ka, ozi vị anaā sịị ụbanyị yị ada anị, di ozi ahụ ọnị rẹ sị ịrẹsụ nẹtẹ yị ọga anị. Ọnị ọ̀ọ vị ada ẹnịnị, dị ọnị vị ọga ẹnịnị nị, sị ẹ vị ụbanyị ada ọnịrị angwahi ọga ẹnị ẹ nyị yị ọnị? Dị ọ rẹ ka ẹ raa si eyi oweyi re ọnị nị. Ama dị ẹ yaa họ̀ ọ use ka, ẹnị mẹmẹ sị eyi oweyi re e nị?

Imika 3:8

Ama Ẹnẹyịmavara ọ raà mẹ ka ẹ̀ ma nyị ụkata ẹtẹẹtẹrẹ Ộ mẹ ka ma yẹ ịsị ẹ vị ịzẹyịza. Dị ayị amị ọ̀ rẹ vị dị maa kà a yị ovwoovu Ijekọvụ ebira odivi ẹ́nịnị. Mị ka maa kà a yi Anisirẹrị ebira odivi ẹnị ẹ yaa mẹ.

Emọsị 3:1

Ẹnẹyịmavara ọ hị́ Anisirẹrị ka e batọ ịrẹyị ọnị ọnị vaa ka yị wa. Ịrẹyị ọnọọ ọ za avaba ẹnịnị ọnị ọ kụ̀ hụrị ẹtẹ Ijipiti vẹ.

Ezikẹẹrị 36:4

Avọọ, ẹwụ nịnị ataba ẹbanyị ọnịrị eweyi ene hi Isirẹrị ẹ̀ wụ ịsị ọnị ọnị Ẹnẹyịmavara aa kà. Ẹwụ nịnị okuha ọnịrị inozi ẹ̀ wụ. Ẹwụ nịnị aha ana á raa jị eburu ọnịrị ẹkụra-ẹkụra ana a raa tụ osusu, dị anẹkụra ana kara wụ nịnị raa kụ́ ụ nịnị ẹnya, ẹ̀ sị ụtọ pe ẹtẹ

Ijeremaya 22:29

Tee! ẹwụ nịnị anẹkụra, ẹwụ nịnị anẹkụra! Wụ́ ịrẹyị ọnị Ẹnẹyịmavara kà nịnị.

Ijeremaya 6:19

Ẹwụ nịnị anẹhẹ ọ wụ o; re, ọnị aa kụ ẹngụkata vee tu aza ẹnẹnị dị ẹ̀ rị ọgụ ụkọrọ ụvọ ẹnịnị ka, ẹnịnị ê yi ka ẹnị ẹ yị wụ́ ịrẹyị anị. Ẹnịnị ka ẹnị ẹ yị saasa ọda nị.

Ayịsaya 65:2

Aza amị vị anayọkatẹngụ anaā mẹ̀ ịsa ẹnẹ ẹ̀ yị vọrọ, dị ẹ zị oze ẹnịnị, ama mê yi tenyi ẹngụ ọ̀yị za wa gụrị ẹngụ.

Ayịsaya 30:9

Aza ẹnẹnị vi anakamawụ, dị ẹ rẹ vi enevene nị. Ẹnịnị e yi sì ka ẹnị ẹ̀ wụ́ ịrẹyị ẹnị Ẹnẹyịmavara ọ̀ọ kà.

Ayịsaya 30:1

Ẹnẹyịmavara kà wa sị dà nịnị ẹwụ nịnị anakamawụ ẹnẹnị. Ẹwụ nịnị ana ahịka ẹẹngụ awụ nịnị kẹnẹ ụụ̄ dàa mẹ nị, dị wẹ̀ yị zẹẹ ka ò pè wu nịnị juwe. Ẹwụrị aza aa naa vaa bẹ nịnị, ama wâ yẹ ka ọ yị nyị ụvọ tụ́ ọ. Dị ụ vavọọ aa mẹ̀ ebira odivi ẹnyị tụra ọsa nịnị. Mị ka wa sị dà nịnị.

Ijeremaya 31:9

Ọ kà, aza anị vaa vàa vẹ dị eyee sụ ùnè, ọnị ọọ kụ wa aa vàa vẹ dị ẹyaa mẹ̀ aduwa. Ọnị vaa zụ wa oze naa ngụ ịnị okuha ana nyị enyi, ọnị vaa kụ wa vaa tụra oze ana swa, ẹnịnị ẹ́ yị vaa vangga. Ọ kà, Ada ọnị vị yị Anisirẹrị nịnị nị, dị Ehwireemi vị ozi ịpaapa anị nị.

Ijeremaya 13:15

Ijeremaya ka, ẹwụ nịnị Anisirẹrị, Ẹnẹyịmavara ọ̀ sị ịrẹyị kà. Sị ụtọ pẹtẹ wa wụ nịnị, asị ụ sị ẹngụ tụ ẹba nịnị.

Iwe Ọhụhị Imosiisi ana aa hị́ Ọyịvatụrọda 1:31

ọnịrị ịnị ụnọmị. Ẹnẹyịmavara Ohomorihi awụ nịnị vị ana sị wa anka ọnyị mẹẹ̄ sị ozi avọọ. Avọọ ọ mẹ sị wa ve tu ụmẹ ọnọọ nị.

Odeyi 4:20

Agụvị ka ẹyị e yi zụ kú irenu, dị asị ị kà ịrẹyị ẹnẹ ẹyị ụvọta si re, dị ị rẹ sị ọọ wụ́.”

Ahẹ Ụgama 49:1

Ẹwụ nịnị anẹhẹ, ọzọbanyị ọnịrị onosiye navọ wa sị ụtọ pè ịrẹyị ọnị maa vaa kà aanị.

Ayịsaya 31:6

Ẹwụ nịnị Anisirẹrị, wa raà mẹ̀ ebira odivi hi Ohomorihi nịnị. Navọ wa varẹma ka a na nịnị.

Ayịsaya 34:1

Ẹwụ nịnị avaba anẹhẹ, vẹ dị wa va wụ́ ịrẹyị nịnị. Avaba ẹhẹ ọnịrị avaba ịsị e hi ịnị anị ẹ̀ batọ dị ẹ̀ wụ́ ịrẹyị.

Ayịsaya 63:16

Ẹwa vị ada ayị nị. Ohiku ayị Abụrahamị ọnịrị Ijekọvụ ẹ yị yẹ yị, ama ẹwụ Ẹnẹyịmavara ọ vị ada ayị. Ẹwa vị ọza anaa dọ yị ha pooro nị.

Ijeremaya 3:22

Ẹnẹyịmavara kà, avaba ẹwụ nịnị ezi ana kama wụ ọ̀ và ka ọnị vẹ. Ọnị vaa sị ụ nịnị ẹngụ nịya, dị ọnị mẹ ka waa mẹ ịzẹyịza nịnị. Dị ẹnịnị tụ́ ohi, dị ẹ ka, ịzẹyịza ẹnị aa vàa vẹ, agụvị ka ẹwụ a vị Ẹnẹyịmavara, Ohomorihi ẹnịnị nị.

Ezikẹẹrị 24:3

Ọ kà ọnị ò che ụhịrẹyị ọnọnị yị aza anị ẹnẹẹ yị ma wụ́ ịrẹyị ọza aanị. Ọnị Ẹnẹyịmavara ọ ka ọnị ò che ụhịrẹyị ọnọnị yi wa nị ka, Ẹnịnị ẹ̀ sị ụnọkọ hii ịra, dị ẹnịnị ẹ̀ dà enyi hi ọ, ohihi.

2 Ohinọyị 21:22

Amọnị ô yi Ẹnẹyịmavara Ohomorihi ohiku anị, dị ọ mẹ akamawụ hi ọda Ẹnẹyịmavara.

Imika 1:1

 nyị ụmẹ ọnya aanị, ịnị ụmẹ ọnọọ Ijotami ọnịrị Ahazi ne beri Ihezekaya vavọọ vị ohinọyị tù ẹngụ tù ẹngụ tụ́ Ijuda nị. Ịnị ụmẹ ọnọọ Ẹnẹyịmavara mẹ ka Imika ana vị Animoreseti ò re ẹtẹ. Ini etore ọnọọ, dị Ẹnẹyịmavara pè e kà ịrẹyị nị. Ẹtẹ ọnị Imika re vị ịrẹyị ene vee tù Ịsamarịya ọnịrị Ijerusarẹmị.