Anihwiripi 4:5 - IWE ỌNỊNỊ

⁵ Sị zụ̀ avaba aza nịnị ka waa nyị ebira hẹẹ nịnị. Ananyị yị aa vaa vẹ.

Anihwiripi 4:5 Referans Kwoze

Imatiwu 6:25

Agụvị avọọ dị ma kà a wụ nịnị ka, asị ụ rẹ̀ mẹ ariro ini oze ẹhẹ awụ nịnị ka, sị ụ vaa rị kẹ, à vị ka si u vee hú. Asị ụ rẹ̀ rẹ mẹ ariro agụvị ọchẹngụ awụ nịnị ka si u ve sii kú ẹngụ nịnị. Aanịka ụhwẹ ọza o yi huna ịsọyịrị, à vị ẹngụ ọza o yi huna ịta?

Ịtayịtọsị 3:2

Kàa ka asị ẹ rẹ̀ kà ịrẹyị odivi ọza, asị ẹnịrị aza zyaazị! Ama ẹnịnị ẹ̀ nyị ebira hẹẹ, dị ẹ̀ nyị ayohunẹnẹ hi avaba aza ẹtẹẹtẹrẹ!

Anihiburu 10:37

Anka iwe Ohomorihi mẹ kà, Òo kù chee, ọza ana aa vẹ, vaa vẹ. Ọyị vaa sị ụmẹẹ tura ẹtẹ.

1Ipita 4:7

Ụmẹ ẹnẹ ẹhẹ ọnọnị vaa sị zẹtẹ, ọ sị gụrị ẹtẹ. Agụvị avọọ sị ụvọ za ẹngụ awụ nịnị, dị ụ wa sị eyi pe ẹtẹ, agụvị dị ụ wa zụụ mẹ̀ aduwa nịnị!

1 Anịkọrịntị 6:7

Ẹngụ ọnị ụ waa kụ́ụ nọ ikootu nịnị, ọ́ọ sị zụ ka wa raà sị ahị jị ọchị nyee nịnị. Àa vị ọza o sì wu ịrẹyị dị ụ sị ẹngụ dọ ọ nị, ọ́ọ vana dahi. Wàa rẹ dọ ka ọza ọ̀ mẹ wụ rị, ọ́ọ dahi.

Anihiburu 10:25

Asị ị navọ ẹngụ ọyịkụgụ tịtẹ, anka aza ẹnyị mẹ̀ẹ̄ mẹ! Ama à vẹ yaa tụ́ ẹngụ ọtụtụrụma, ẹ́kụhị Ananyị yị mẹ̀ hyakụ aa gụrị ẹtẹ aanị!

Ẹtore 22:7

Di Ijeesu ka, “Re, maa aa vẹ ịsọọnị-ịsọọnị. Ọza ana àa saasa ịsẹ ana a kà tụ́ ini iwe ọnọnị, vaa daa jẹ.”

1 Anịkọrịntị 8:13

Agụvị avọọ, mê re ka ịsị maa rị, vaa mẹ ka ọnọhụva amị ọ̀ mẹ ịvị, mẹ yị kụkụụ vanaa rị ịsa ọnọọ paa, agụvị asị mị na mẹ ka ọnọhụva amị ò vu ẹtẹ.

Imatiwu 6:34

Agụvị avọọ asị ụ rẹ̀ mẹ ariro agụvị ụhwọọ. Ụhwọọ ọ vaa mẹ ariro ẹngụ anị nị. Sị eyi pe ariro ajịnị kẹnẹ!”

Ẹtore 22:20

Ọza ana dọ ivenu tụ́ ịnị ịrẹyị ọnọnị ka: Ịzẹyịza, ọnị aa vẹ ịsọọnị-ịsọọnị! Aamị; avọọ yịị yọ! Wa vẹ, Ijeesu Ananyị yị!

1Ipita 1:11

Ụhwẹ Ọnịnị Ikirisiti ana yà ịnị ayị ẹnịnị aa kà a yị wa, Ikirisiti mẹmẹ vaa rị ụya dị à va sị igirimaa yọ. Eyee sì ka ẹnị ẹ̀ yẹ ụmẹ ọnị ịsa ẹnẹnị vaa sị mẹ ọnịrị ọ mẹmẹ vaa yà.

1 Anịkọrịntị 9:25

Avaba aza eneē zwe echi vị eneē tenyi ẹngụ ẹnịnị ẹtẹẹtẹrẹ ini oze tụra oze. Ẹnịnị vavọọ aa mẹ ka ẹnị ẹ̀ zụ dọ ịsa ọnịpaapa, ana hi ka o vee du. Ama ịsị ẹyị vaa dọ, o mē du.

2 Anịtẹsaronika 2:2

asị ụ na zẹẹ ka ayị awụ nịnị ọ̀ wụsẹ vazi. Asị ụ rẹ zẹẹ ka angwa ò hí wu nịnị, agụvị ka aza aa kà a ka ẹkụhị Ananyị yị o si tu. Aza ẹnyị ẹ zụ kà a ka vị ẹnị vavọọ re ẹtẹ nị. Ọ zụ hwọọ a hị́ ka vị aza ẹnyị aa kà a ka Ohomorihi ọ vavọọ kà a yị ẹnị nị. Aza ẹnyị ẹ rẹ zụ kà a ka ẹyị hyakụ chẹrẹ ẹ tụ́ ini iwe vẹ nị.

Iruuku 21:34

Dị Ijeesu ka, “Sị eyi pe ẹngụ awụ nịnị, oo! Asị ụ sị eche ọyịrị pooro ọnịrị eche ahaahara oyihú ne beri ariro ẹhẹ ọnọnị dọ ẹngụ awụ nịnị oro! Agụvị ka ẹ̀ yị vị avọọ, ẹkụhị ọnọọ o vee tù wu nịnị ịnị ụmẹ oni u wè yi ro nịnị.

1 Anịkọrịntị 16:22

Ọza ene èe yi sì ịrẹyị Ananyị yị, o du oo kù. “Marana ta”, ọnị ọ vị ka, Ananyị yị, waa vẹ.

2 Anịkọrịntị 10:1

Ẹmị Ịpọọrụ, mâ sị ịrẹswọkahi ọnịrị ebira hẹẹ Ikirisiti dá ịpẹ wụ nịnị. Aza ẹnyị aa kà a ka màa yà ịdị awụ nịnị, ma mā nyayịnẹ kà ịrẹyị; ama màa va sị hụụ ịdị awụ nịnị, dị maa kà ọnọrụ.