Anihwiripi 4:15 - IWE ỌNỊNỊ

¹⁵ Ẹwụ nịnị Anihwiripi, wáa yẹ nịnị ka m me hụrẹ nyima aa kà enube ọyịza m mẹ̀ hụrị Imasedoniya, ẹwụ nịnị ịnya kẹnẹ ọ vị anịragụ Ohomorihi ẹnẹ ẹmịrịị aa sị ịsaa yị ẹngụ nị.

Anihwiripi 4:15 Referans Kwoze

Anihwiripi 1:5

agụvị ọgụvọ ọnị ụ mẹ mị nịnị ini oze enube ọyịza, m me hụrẹ nyima ve tù ọyaanị.

Odeyi 16:40

Dị Ịpọọrụ ọnịrị Isira hụụnị ẹngwa, dị ẹ nọ ini eehi Iridiya nị. É re ọdọwụ nịnị ịzọọ, dị ẹ tụ́ wa ọtụtụrụma, dị ẹ hụụ ịzọọ nị.

2 Ohinọyị 5:20

Ama Ịnaamanị ộ da zị chẹẹ dị Igehazi, ozi ahụ Erisa, ọza Ohomorihi kà a yị ẹngụ anị ka, vị ọga anị navọ Ịnaamanị ka ọọ na ọọhẹ ka asị á nyị ịsị o sị́ nị. Â vọrọ ka ọ̀ dọ ọ ẹyịza ọnị ọ sị vẹ. Ọ kà ọnị ộ sị Ẹnẹyịmavara hị́ eku, ọnị ee zwee dụ ọ, dị ọnị ọ̀ na dọ ọ ịsa nị.

2 Ohinọyị 5:16

Ama di Erisa ka, Ẹnẹyịmavara ọnị ọnị aa hẹkẹ ọ̀ọ yị yà ịzọọ, ọnị ẹ yị vaa dọ ọ ịsọnyị-ịsọnyị. Ịnaamanị ộ dà ịpẹ yọ pooro, ama ọ ka ọnị ẹ yị dọ.

Aniroomi 15:26

Anịragụ ene hi Imasedoniya ọnịrị Akaya nịnị ệ sị tụ́ ịnị ayị ka ẹnị ẹ̀ tụ́ ẹkẹhị na mẹ ọgụvọ yị aza Ohomorihi ene hi Ijerusarẹmị ẹnẹ ẹ̀ yị nyị ẹkẹhị.

Anihwiripi 1:7

Áa vọrọ ka ẹngụ ariro ọnọọ ọ̀ vavọọ yà ịnị ayị amị, agụvị ka ịrẹyị awụ nịnị vị anaā yà ịnị ayị amị pooro. Ụkọrọ oni Ohomorihi nyị mi yi sị mị, wé beri emi nyị ụvọ tụ́ ọ nịnị. M Mẹ̀ yà ịnị ẹngwa, ẹmịrị ẹwụ nịnịị yọ nị; m mẹ̀ vaa kà ịrẹyị Ohomorihi dị maa sịị zụ̀ aza ka ịzẹyịza ọ vị nị, ẹmịrị ẹwụ nịnị rẹẹ yọ nị.

Anihwiripi 1:12

Ẹwụ nịnị ẹyịnyara amị, mee sì ka wa yẹ nịnị ka ịsa ene tù mi aanị vị ana aa mẹ ka enube ọyịza ọ̀ hyakụụ kà a tụ́ ọvịdị.

Anihwiripi 1:16

Aza ana aa sị ụhịị kà ọyịza Ikirisiti, dị ẹ̀ yị nyị ayị ọnya, vị ene roo ka vị ẹnị aa dàa tụ́ ịnị ụya ọnị maa rị ịnị ẹngwa aanị nị.

Anihwiripi 2:12

Ẹwụ nịnị anda ayị, anka ụ mẹ̀ yịị wụ́ ịrẹyị amị, m mẹ̀ yà ịdị awụ nịnị, wa vavọọ yịị wụ́ ịrẹyị amịị hu avọọ nịnị, m mẹ̀ yị mẹ daka kụkụ yà ịdị awụ nịnị aanị. Sị angwahi Ohomorihi beri ẹgahị, wa sịị mẹ̀ ụkọrọ ana vaa mẹ ka wa há nịnị;