Anihwiripi 3:8 - IWE ỌNỊNỊ

⁸ M mẹ̀ hụrẹ va yẹ Ijeesu Ikirisiti ka ọnị ọ nyị mị nị, avaba ịsa ana vọ vị ọnị mị kụkụ za ịrịka tụ́ ịnị ịsa kẹnẹ-kẹnẹ. Ọnọ o huna avaba ịsa ẹnẹẹ nị. Mé yi re wa anka ịhyẹrẹ, agụvị ma kụkụ va rị ọgụ obooro ana vị Ikirisiti.

Anihwiripi 3:8 Referans Kwoze

Aniroomi 8:18

Mâ yẹ kaakara ka ụya ọnị yaa rị booro aanị, ẹ yị nyị ịzị o vee tù ụbanyị oni Ohomorihi sị tịtẹ yị.

Odeyi 20:24

Mẹ yị za ụhwẹ amị tụ́ ịnị ịsọnyị-ịsọnyị, agụvị dị ma zụ zị ụtụ amị ta, dị ma mẹ̀ ụkọrọ oni Ijeesu Ananyị yị sị mị ka ma mẹ. Ụkọrọ ọnọọ ọ vị ka maa kà enube ọyịza ka Ohomorihiī mẹ ọyịzaa yị ọza.

Anihwiripi 3:7

Avaba ịsị mị vịdị ro ka ọgụ ẹ vị mị nị, ịsa kẹnẹ-kẹnẹ mi kuku re wa tụ́ nị, agụvị ịrẹyị Ikirisiti.

Ịjọọnụ 17:3

Ka ẹ̀ yàra pooro zịna-zịna ọ vị ka ẹ̀ yẹ ẹwụ ịnyara chọchọchọ ana vị Ohomorihi ọnịrị ẹmị Ijeesu Ikirisiti ọnị ụ tụ́ vẹ ẹhẹ.

Anihwiripi 3:10

Avaba ịsị mee sì ọ vị ka ma yẹ Ikirisiti, dị ma rẹ yẹ ụkata ana mẹ ka ọ̀ há hụụnị isu. Mi ree sì ka me beri ọ rị ụya, dị ma rẹ zụ nyị ẹngụ ayị ọnị Ikirisiti nyị o me sú.

2Ipita 1:3

Yáa yẹ Ijeesu ana hị́ yị ka ya nyị tụ́ ịnị ụbanyị anị ọnịrị ebira ozoza anị. Ụkata Ohomorihi ọ raà sị avaba ịsa ana vọrọ ka ya nyị yị, dị ya zụ nyị ebira obooro, dị ya rẹ zụ mẹ̀ ebira ene ze Ohomorihi eyi.

1 Anịkọrịntị 2:2

Maa raà sị tụ́ ịnị ayị ka màa va sị ngụ ịda awụ nịnị, me yi vee ro ịrẹyị ọsa, ịrẹyị Ijeesu Ikirisiti kẹnẹ mị vaa sị ayịị tụ́ nị, ọnịrị isu oni o sú ị́rẹsụ ọchị apavahị.

1 Ịjọọnụ 5:20

Yáa yẹ ka Ozi Ohomorihi ộ vẹ ẹhẹ, dị ọ sị ịrẹyọyẹ yị ka ya zụ yẹ Ohomorihi ọnịzẹyịza nị. Ẹyịrị Ohomorihi ọ sị vị ọnya ne beri Ijeesu Ikirisiti Ozi anị. Ọnị ọ vị Ohomorihi ọnịzẹyịza nị, ọnị ọ rẹẹ̄ mẹ ka ọza ọ̀ yàra pooro zịna-zịna nị.

Ịjọọnụ 17:8

Ịrẹyị ọnị ụ kà yị mị, ma raà kà a yị wa. Ẹ sị ịrẹyị ọnọọ dọ, ẹ rẹ yẹ ka ịzẹyịza, ịdị awụ mị hụrẹ vẹ nị. Ẹ rẹ sị dọ wụ́ ka ẹwa tụ́ mị vẹ ẹhẹ nị.

Ịjọọnụ 14:20

Ịhị ẹkụhị ọnọọ òo si tù, ụ vaa yẹ nịnị ka ẹmịrị Ada amị vị ọnya, dị ẹmịrị ẹwụ nịnị rẹ vị ọnya dị ị sị vabẹ nị.

Anihiburu 3:14

Oyitureyi ọnị ị nyị ịpaapa, yàa yị sị ụvọ zaa pooro ne tù ẹtẹ, ị vaa nyịị tụ́ ịnị ịsa Ikirisiti.

2 Anịkọrịntị 4:6

Ohomorihi ộ vịdị kà a ka ẹtohweyi vaa jịnẹ hụụnị ịrahụụ vẹ. Ohomorihi ọnọọ ọ̀ rẹ mẹ ka ẹtohweyi anị ọ̀ọ zẹtẹ ịnị ayị ayị, agụvị dị ya zụ yẹ igirima Ohomorihi ana aa zẹtẹ ini eyirẹsụ Ijeesu oni Ohomorihi nyị mẹ ohinọyị ka ọ̀ dọ yị há.

Ịjọọnụ 14:7

Wàa yaanị yẹ mị nịnị, ụ rẹ yaanị yẹ Ada amị nịnị bẹẹ. Hụrẹ ọyaanị na, wa sị ọọ yẹ nịnị, we re si oo re nịnị.”

Ayịsaya 53:11

Ịjị òo re avaba ịsị ẹ mẹ agụvị ụya ọnị ọnị rị, ayị anị vee hine. Agụvị ịsa ene reè tù ọ, ozi ahụ amị ana vị ọnịrẹyịzẹyịza vaa mẹ ka, aza ọrụrụ-ọrụrụ ẹ̀ vara ọnịrẹyịzẹyịza, agụvị ka ọnị ọ rị avaba ụya ịvị ẹnịnị nị.

Anẹhwẹsọsị 4:13

Avọọ ọ mẹ̀ vaa yịị yà pooro ne tù ụmẹ ọnya, ana ahịka avaba ayị vaa vaabẹ ịnị ọyịsị ayị tụra Ikirisiti, dị ya rẹ yẹ Ozi Ohomorihi. Ịjọnọọ ị vaa vịra, dị i rẹ gụ, anka Íkirisiti ọnị mẹ̀ rẹ yà.

2Ipita 3:18

Waa vịra nịnị ini oze Ijeesu Ikirisiti Ananyị yị ọnịrị Ọdọzaha ayị, agụvị dị ọ̀ọ mẹ ọyịzaa yị wụ nịnị hu avọọ, dị ụ wa rẹẹ yẹẹ hu avọọ nịnị! Ụbanyị ọ̀ vị áanị booro aanị ọnịrị pooro zịna-zịna, Aamị.

1 Ịjọọnụ 1:3

Ịsa ẹnẹnị ẹnẹ ẹyị ụvọta sị re, dị ị raà sị ụtọ ayị wụ́, ọnị ị yaà kà a wụ nịnị agụvị ẹyịrị ẹwụ nịnị ọ̀ zụ rị vabẹ.

2 Itimoti 4:6

Àa vị ẹmịị yọ, ma sị ẹngụ tenyi ka à wụ̀ mị anka ịsa ịsọvọ avọọ. Ụmẹ o si tù ka ma hụụnị ẹhẹ ọnọnị.

Ịjọọnụ 20:28

Dị Ịtọmọsị tụ́ ọọ ohi, dị ọ ka, “Ananyị yị, Ohomorihi amị!”

Ịjọọnụ 16:3

Ẹ vavọọ vaa mẹ wụ nịnị, agụvị ka ẹnịnị ẹ yị yẹ Ada amị, avọọ ẹnịnị ẹ̀ yị mẹ̀ rẹ yẹ mị nị.

Ahẹ Ụgama 126:6

Navọ aza ana kụ́ ịsa ọyịna ee nee chire, dị ahịka vi e yee sụ́ ùnè nị, ẹ̀ vaa jẹ ịrajẹ ịhị ịsa ọnọọ ọ̀ọ sị mẹ dị ẹ na kụ́ ọ hụụnị aarẹ aa vẹ nị.

1 Ịjọọnụ 2:19

Aza ẹnẹẹ vị ana hụụ ịdị ayị agụvị ka ẹyịrị wa ẹ́ yị vị ọnya. Ẹyịrị wa ọ̀ọ yaanị vị ọnya, ẹnịnị vị ana yaanị yà pe yị. Ama ẹ́ẹ hụụ ịdị ayị agụvị dị ọzọza è ree ka ẹyịrị wa ẹ́ yị vị ọnya.

1Ipita 2:7

Yị aza ana sị ayị tụra a, ịsa obooro ọ vị yị wa nị. Ama yị aza ẹnẹ ẹ̀ yị sị ayị tụra a, e vee re ka, ịrẹta ọnị ọtụrarehi nịnị yi tịtẹ, ọ vana vị ọọnyị ịnị ịrẹta ana aā sịị da irehi nị.

Anigaratiya 1:16

dị ọ sị Ozi anị zụ̀ mị ka ma nyẹngụ kà enube ọyịza anị yị anarịmadọwụ nịnị nị. Ụmẹ ọnọọ ẹ yị nyị ọza ọnyọọnyị oni mi sị pe gẹ eyi.

2 Anịkọrịntị 4:4

Ẹnịnị ẹ yị dọ wụ, agụvị ka Echu ana anẹhẹ nịnị aa hẹkẹ, ọ sị wa ayị gu. Ọ yị zẹẹ ka è re ẹtohweyi ene ee hweyii tụra wa. Etohweyi ọnọọ vị ana hụụnị enube ọyịza Ijeesu oni Ohomorihi nyị mẹ ohinọyị ka ọ̀ dọ há, ana nyị igirima vẹ. Ọza oni Ohomorihi nyị ọdọzaha aanị vị uhwoto Ohomorihi.

1 Anịkọrịntị 9:10

Vụrụ-vụrụ, agụvị ayị ọ vavọọ sị kà a nị. Ụvọ ayị a vavọọ chẹrẹ ẹ nị. Yâ vavọọ yẹ, agụvị ka ọza ana dà aarẹ, di o chire ịsa tụ́ ọọ aa tụra eyi ka ọnị vee re ọgụ ịnị anị. Ọza ana raa mẹ̀ ịsa ịnị aarẹ, ọnị vị ana rẹẹ̄ tụra eyi ka áa nyị ịsị ọnị rẹ vaa dọ.

Ịjọọnụ 20:13

Dị ẹ họ̀ Imeri ka, “Ọnẹẹ ọnọnị, sị ẹ vẹ dị ụ waa jị òrèrè?” Dị ọ ka, “A raà sị Ananyị yị hụụ ịzẹnị, mẹ yị yẹ ịzị ẹ sị ọọ tụ́.”

Iruuku 11:20

Ama àa vị ụkata Ohomorihi m maa sịị dụ ụhwẹ echuu jịnẹ nị, ọnọọ ộ sị zụ̀ ka ịjọva Ohomorihi ọ sị gụrị ẹwụ nịnị.

Ịrịka 14:30

Ịrẹma Ijosuwa ọnịrị Ịkarẹbị, a yi vaa nyị ọza ẹnịnị anaa na ngụ ịnị ẹtẹ ọnị ọnị hị́ eku anị yị wa.

Iruuku 1:43

Ẹnẹ vị ẹmị, ọnị ọnyị Ananyị yị ee vee heyi?

Ịmarakayị 2:3

Ọ kà ọnị vaa pa ịva yị ezi ẹnịnị, dị ọnị vaa ịhyẹrẹ ịsụpa ẹnị ẹ sị va mẹ̀ ịsọvọ kụ wa eyi, dị ọnị rẹ dụ wa hụrẹ ọvịdị anị.

Ijoovu 20:7

Vị ahị vaa kụ ọ anka edudu avọọ nị. Dị aza ana vịdị yẹ wa kụkụ aa họ̀ ka ịzị e hi.

2 Ohinọyị 9:37

Ộ kà a ka oku Ijezebẹrị vị ana vaa sị mẹẹ anka ịhyẹrẹ avọọ ịnị ẹtẹ Ijezirẹẹrị, dị ẹ yị nyị ọza ana va zụụ kà a ka, Ijezebẹrị yọ.

1 Ohinọyị 14:10

Ẹnẹyịmavara kà agụvị avọọ ọ̀ yẹ o, ka ọnị aa kụ́ ịrẹyị odivi vee tù irehi Ijerobowami. Ọ kà avaba ezi ọnọrụ Ijerobowami ene hi ịnị ẹtẹ Isirẹrị vị ẹnị ọnị vaa wụ̀ vaa ha, hụụnị ozi na ngụ ịnị ọrịhị. Ọ kà ovwoovu Ijerobowami vị ọnị vaa rị ịra vaa ha anka a mẹẹ rị itutu ịra avọọ.

Ahẹ Ụgama 73:25

Ẹwụ ịnya chọ̀chọ̀chọ̀ mị nyị tụ́ ẹbẹẹba nị, ẹ yị rẹ nyị ịsị ẹ yà ịnị ẹhẹ oni mee sì, ẹ̀ yị vị ẹwụ.

Aniroomi 8:39

ọ̀ọ daka vị ẹbẹẹba, àa vị eku, àa vị ịsa tụra ịsa anaa mẹ, ẹ yị nyị ịsị ẹ vaa sị yịị hụụ ịdị Ohomorihi ana sị zụ̀ yị ini oze Ijeesu Ananyị yị Ohinọyị ọnị ọ nyị ka ọ̀ dọ yị há, ka oni ô sì ịrẹyị ayị.

Anihwiripi 1:1

Ẹmị Ịpọọrụ ọnịrị Itimoti ana vị ezi ahụ Ijeesu Ikirisiti aa chẹrẹ iwe ọnọnịị tụ́ụ hi avaba aza Ohomorihi ẹnị ẹnịrị Ijeesu sị vị ọnya ene hi Ihwiripi, re ne beri ọdọvịdị ịragụ Ohomorihi ọnịrị aza ana aa mẹ ọgụvọọ yị wa.

Anihwiripi 3:12

Mẹ yị kà a ka ịsị maa dụ, ụvọ amị óo kú ọ; mẹ yị rẹ kà a ka ma sị gụ. Ama maa kà a tụ́ ọvịdị ka ụvọ amị ọ̀ nyẹngụ kú ịsa ọnọọ, oni Ijeesu hụ agụvị anị nyị mị.

2Ipita 1:2

Ohomorihi ọ̀ mẹ ọyịza wụ nịnị, dị ọ̀ sị ẹngwọọrọ yị wụ hu avọọ hu avọọ, ụ màa yẹ Ohomorihi ọnịrị Ijeesu Ikirisiti Ananyị yị hu avọọ nịnị.

2Ipita 1:8

Wàa vavọọ aa mẹ̀ ịsa ẹnẹnịị hu avọọ hu avọọ nịnị, ụ vaa yẹ Ijeesuu hu avọọ nịnị.