Anihwiripi 3:7 - IWE ỌNỊNỊ

⁷ Avaba ịsị mị vịdị ro ka ọgụ ẹ vị mị nị, ịsa kẹnẹ-kẹnẹ mi kuku re wa tụ́ nị, agụvị ịrẹyị Ikirisiti.

Anihwiripi 3:7 Referans Kwoze

Iruuku 14:33

Dị Ijeesu ka, “Avọọ gẹdẹ-gẹdẹ ọ mẹ̀ rẹ yà nị; ọza tụra ọza ịnị ẹngụ awụ nịnị ene è yi yi avaba ịsa ọnị ọ nyị tịtẹ, ọ yị zụ vị ozirẹma amị.”

Imatiwu 16:26

Ọza ọ̀ọ sị avaba ẹhẹ rị ọgụ, dị ụhwẹ anị vene si vú nị, ọgụ ịsị ọza ọnọọ kụkụ va rị? Sị ọza vaa sị vara ụhwẹ anị?

Iruuku 14:26

“Ọza ana àa vẹ ịdị amị, di ò yi hí ayị ada anị ọnịrị ọnyị anị beri ose anị ọnịrị ozi anị ọnịrị ẹyịnyara anị ọnẹẹ ọnịrị ọnọrụ, dị ọ̀ yị rẹ hyakụ hí ayị ẹngụ anị ụvọta nị, ọza ọnọọ ọ yị zụ vị ozirẹma amị.

Ụhịrẹyị 13:8

Ọza ọbanyị vị ana sị ẹkẹhị dọ ẹngụ anị ha, ama a yi nyị ịsị ẹ vị angwahi onosiye.

Oyinyima 19:17

Ẹ mẹ̀ raà kụ́ wa jịnẹ dị ẹ kà a yị wa ka, “Èe sì ịrẹyị ụhwẹ ẹnịnị, eē zwe, asị ẹ kana eyi ịrẹma, asị ẹ rẹ jẹẹ aha ọnyọọnyị ini ozi, Ẹ ka èe zwee nọ ịnị ataba nịnị, ka e ve wusu.”

Ijoovu 2:4

Dị Echu tụ Ẹnẹyịmavara ohi ka, ẹ yị nyị ịsị ọnị ọza ọyị zụ sị zune ụhwẹ anị. Sị ụvọ kanyị ọchẹngụ anị kẹ!

Iruuku 16:8

Dị ọga ọnọọ kà ọda yị ozi ahụ onirikichi ọnọọ nị, agụvị ka ộ vavọọ sị ịrẹyọyẹ mẹ. Anẹhẹ ọnọnị aa mẹ̀ ebira ịrẹyọyẹ ịnị ẹhẹ ẹnịnịị huna aza ana ka ẹnị yà ini ẹtohweyi nị.”

Ụhịrẹyị 23:23

Asị ụ zẹ ka ịzẹyịza ọnịrị ịrẹyọyẹ ọ jị ụ ha, sị ụvọ za ịrẹyị ana a sị zụ wụ, dị eyi awụ o hweyi.

Oyinyima 19:26

Ose Ịrọọtị vị ana aa dụ Ịrọọtị ịrẹma. Ọnị ộ kana eyi ịrẹma, dị ọ vavọọ vara anọ jẹẹ ịzọọ nị.

Odeyi 27:38

Ịjị ẹ sị ịsa rị, dị ẹ kụ́ akụ ana vọ và hi enyi agụvị ẹpa ọ̀ hẹrẹ nị.

Anihiburu 11:26

Ô ro ka ọza òo sị eyi wụ̀ ọza agụvị Ikirisiti, ọ́ọ nyị ụbanyị huna avaba ụbanyị ene hi Ijipiti, agụvị ka Imosiisi ọ́ọ sị eyi tụ́ ịnị ọgụ ana aa vẹ ị́rẹma.

Ịrẹyị Ọzwọzịsa 3:6

Aa nyị ụmẹ ene e sii hèe ịsa, dị a nyị ụmẹ ọnị ịsa sii vu nị. Aa nyị ụmẹ ana a sịị sị ịsa tẹ, dị a nyị ụmẹ ene e sii ne ịsaa ta nị.

Ịmaakị 10:50

Dị ọ wụsẹ ngwa awuru anị ne ta, di o ji kwẹẹtẹ, di o ne tù Ijeesu nị.