Anihwiripi 3:6 - IWE ỌNỊNỊ

⁶ Máa kụ́ ẹngụ hi ịrẹyị Anịju nịnị ẹtẹẹtẹrẹ, dị mị hyakụ aa sị ụyaa rị Anịragụ Ohomorihi nị. Àa ka na kà ịrẹyị ọza ọnị ọda kà a ka ọ́ọ vị ọnịrẹyịzẹyịza, mẹ yị nyị ohuvọ da.

Anihwiripi 3:6 Referans Kwoze

Odeyi 8:3

Dị Ịsọọrụ oni ee sì ka oni ò vú ịragụ Ohomorihi ẹtẹ nị. Dị aa ngụ irehi-irehii zị, ịzị ọ̀ọ yà re ọdọwụ nịnị, àa vị ọnọrụ, àa vị ọnẹẹ, dị ọ za wa, dị ọ kụ́ wa ne hi ịnị ẹngwa.

Imatiwu 5:20

Maa kà a wụ nịnị ka ẹ̀ yị vị ịzẹyịza awụ nịnị huna ọ́ọzwọzọda nịnị ọnịrị Áanihwarisi nịnị, wẹ yị va nyẹngụ ngụ ịzị Ada ayị ẹbẹẹba yà aa mẹ ịjọva nịnị.”

1 Itimoti 1:13

Ịyẹẹyẹ vị ọnị mịị̄ vịdịị kà ịrẹyị odivii hi ọọ, dị maa sị ụyaa rị ọọ, dị mị raa kụ̀ ọọ ụhụ nị. Ama Ohomorihi ọ va vayị amị, agụvị ka ịnị ịyẹẹyẹ ọnọọ, eyi amị oyi vịdị hweyi, mẹ yị rẹ nyị ẹdọwụ.

Anihwiripi 3:9

Mee sì ka ẹmịrị ọ ọ̀ yị vabẹ. Mé yi kuku si ka aa hị́ mị ọnịrẹyịzẹyịza ini oze ka maa sị ayị tụra ọda. Ama mee sì ka àa hị́ mị ọnịrẹyịzẹyịza ini oze ka maa sị ayị tụra Ikirisiti. Ẹngụ ịzẹyịza ọnọọ, Ohomorihi ọọ̄ sị yị ọza ana sị ayị tụra a nị.

1 Anịkọrịntị 15:9

Eme weyi hu keekere ịnị avaba ezirẹma Ijeesu nịnị nị. Mẹ yị hyakụ yà ọza anaa vọrọ ka àa hị́ ezirẹma Ijeesu, agụvị ka mâ sị ụya rị ịragụ Ohomorihi.

Aniroomi 7:9

Ịjị mẹ̀ yị vịdị yẹ ọda, máa yàra, ẹ yị nyị ịrẹyị. Ịjị ọda vẹ, ịvị ọ sị ụkata nyị,

Odeyi 26:5

Ẹ̀ẹ ka ẹnị aa dọ ivenu, ệ yẹ ka hụrẹ ụmọrụmọ mị hụrẹ sị ụvọ za ahẹkẹ ayị ẹtẹẹtẹrẹ nị. Ogu Anihwarisi mị hyakụ vị nị.

Odeyi 21:20

Ẹ mẹ̀ wụ́ ọọ, dị ẹyaa sị ụgaa yị Ohomorihi nị. Dị ẹ kà a yị Ịpọọrụ ka, “Ẹnẹbẹnị ayị, wê re, ọ mẹ̀ yà avọọ. Aniju ọrụrụ-ọrụrụ ẹ sị dọ wụ́. Ẹnịnị vị ana nyayịnẹ sị ụvọ za ọda Imosiisi ẹtẹẹtẹrẹ.

Iruuku 1:6

Ẹnị ẹyịva vị ọnịzẹyịza ini eyi Ohomorihi, dị ẹ rẹ yaa saasa avaba ọda Ohomorihi nị. Ẹnịnị ẹ yị sị ahụ jị ọchị nyee vụrụ-vụrụ.

Imatiwu 23:25

Wa sị dà nịnị, ẹwụ ọzwọzọda ọnịrị Anihwarisi nịnị, ẹwụ nịnị ọmọzakụyẹ! Wàa za ịrẹma ako ọnịrị ịchacha, dị ụ nyịna wa nịnị; ama ịsa ene hi ịnịnẹ anị vị ọnị ụ sị ụkata-ụkata ọnịrị ọhọha dọ nịnị.

2 Ohinọyị 10:16

Ộ kà a yọ ka, “Saasa amị, di u we ve re mmẹmẹ kụ ẹngụ hi ịrẹyị Ẹnẹyịmavara.” Dị ọnịrị ọ sị ịkẹkẹ anị aa na nị.

2 Ịsamụwẹrị 21:2

Anigibiyọnị ẹnị ẹ yị vị Anisirẹrị. Anamọrị ẹ vị nị, dị ahịka vị ẹ yà chee aanị nị. Anisirẹrị ệ vịdị raà hị́ eku yị wa ka ẹnị vee sere wa. Ama agụvị ka Ịsọọrụ o reè sì ịrẹyị Anisirẹrị ọnịrị Anijuda baaba, ee sì ka ọnị ọ wụ Anigibiyọnị.

Ịrẹyị Ọzwọzịsa 7:16

Asị ụ na mẹ ịzẹyịza ọnịrị ịrẹyọyẹ ẹnẹmẹhị, ka ẹyị vavọọ ụ va wụ ẹngụ awụ.

Odeyi 22:5

Ohirẹsụ ọbanyị irehi Ohomorihi ọnịrị anikootu nịnị ẹ zụ dọ mị ivenu. Mâ hyakụ dọ iwe na yị Aniju ene hi Ịdamasịkọsị ka ma na za ọdọwụ nịnị, dị ma tụ́ wa orupa vẹ Ijerusarẹmị, dị à va sị ụya rị wa.”

1 Anịkọrịntị 10:32

Asị ụ mẹ ka ọza ọnyọọnyị ò du ayị, ọ̀ọ vị Aniju, ọ̀ọ vị aza ẹnẹ ẹ̀yị vị Aniju, ọ̀ọ daka rẹ vị anịragụ Ohomorihi.

Anihwiripi 2:15

Wa vavọọ mẹ agụvị asị ụ na nyị ohuvọ, dị ụ wa zụ nị nịnị. Ọnọọ ọ vaa mẹ ka wa zụ vị ezi Ohomorihi ẹnẹ ẹ̀ yị nyị ịsa odivi nị. Ụ mẹ̀ yà ịnị akakana anẹhẹ edivi ana ayị ẹnịnị ẹ̀ yị vọrọ aanị, áa vọrọ ka wa vị ẹtohweyi yị wa tụ́ ịnị ẹhẹ nịnị.

Ireevi 13:16

Ama ikenebe ọnọọ ọ̀ọ varẹma vị́, dị aa vwẹtẹ nị, ọza ọnọọ vaa varẹma nee tu ohirẹsụ irehi Ohomorihi,

Ọdọvịdị 6:30

Dị Anẹkụra nịnị ka yị Ijowasi ka ọ sị ozi tụ ẹhẹ, dị ẹnị ẹ wụ̀ ọ. Oni o wu ụta Ịbaarị, dị ọ dà ọchị ana a sị mẹ uyi Asẹra tụ̀ akahị Ịbaarị nị.