Anihwiripi 3:18 - IWE ỌNỊNỊ

¹⁸ Ụpọọpọsa m maanị sịị kà a wụ nịnị nị; m mèe tenyi ọọ kà aanị, m maa jị oreree tụ́ ọ nị, ka aza ẹnyị yà ịzọọ, ana ahịka ẹyaa mẹ̀ ebira anka ọnịvị ọchị apavahị oni Ikirisiti sú ị́rẹsụ anị nị.

Anihwiripi 3:18 Referans Kwoze

Anẹhwẹsọsị 4:17

Maa sị ịrẹha Ananyị yị kà wụ nịnị ọ̀nọ̀ ka asị ụ rẹ̀ kụkụ zị ụsẹ anka anarịmadọwụ nịnị, ana ahịka ịrẹyị kẹnẹ-kẹnẹ eē ro nị.

Ayịsaya 8:11

Ẹnẹyịmavara ô hú mi ụvọ ẹtẹẹtẹrẹ dị ọ ka asị mị saasa ebira ana aza ẹnẹẹ aa mẹ nị. Ọ kà

Anigaratiya 6:12

Aza ene ee sì ka, à kà ka à yẹ ẹnị ịnị ẹhẹ, ẹnị ẹyaa sị ụkataa za wụ nịnị ka wa jị ụvẹvẹnẹ nịnị nị. Eyi sì ka à sị ụya rị ẹnị agụvị enube isu Ikirisiti ị́rẹsụ apavahị.

Anigaratiya 2:14

Agụvị avọọ, m mè re ka ẹnịnị ẹ yị và tụra oze ịzẹyịza enube ọyịza, dị mị kà a yị Ipita éyi avaba ẹnịnị ka, “Ẹwụ vị Aniju, ama waa mẹ anka anarịmadọwụ avọọ, wẹ yị mẹ anka Aniju; sị ẹ vẹ dị waa sị ụkata za ọdọwụ ẹnẹ ẹ̀ yị vị Aniju aanị ka ẹ̀ẹ mẹ anka Aniju nịnị?”

Anigaratiya 1:7

Ịnị ịzẹyịza, ẹ yị nyị enube ọyịza ọsa vụrụ-vụrụ; ama áa nyị aza ẹnyị ana aa và wụ nịnị zí, eyee sì ka eni è du enube ọyịza Ikirisiti ha.

Ijeremaya 13:17

Ọ kà, wàa ka wẹ yị wụ nịnị, ọnị vaa jị òrèrè ịnị aku, agụvị ka waa sị ẹngụụ tụ ẹba nịnị. Ọnị vaa jị òrèrè ọngwọọngụ dị ẹgọ ee si agụvị ka asị aza Ẹnẹyịmavara za ọrịhị ne hi aha ọsa.

2Ipita 2:10

Aza oni Ohomorihi vaa sị ụyaa rịị hu yị: Aza ana aa mẹ̀ ịsa edivi ọnị ọchẹngụ ẹnịnịị̄ sì kẹnẹ, dị ẹyaa sị eyii wụ̀ aza ana nyị ọda, dị ẹ rẹ yaa sị ẹngụụ tụ́ ẹba, ẹngụ ẹnịnị kẹnẹ e sì ịrẹyị anị nị, ẹnịnị ẹ́ yị nyị angwahi anggẹẹrị nịnị, dị ẹyaa kà ịrẹyị odivii hi wa.

1 Anịtẹsaronika 4:6

Asị a nyị ọza ana na mẹ ịvị, dị ọ̀ na rị ọdọwụ ọnọhụva anị ẹtẹ ahụ ịnị ịsọnyị-ịsọnyị! Ọza ana àa vavọọ mẹ, vị Ohomorihi Ananyị yị ee sí ọọ atọ nị. Yáa vịdị vavọọ sị ọọ kà wụ nịnị, dị ị kà wụ nịnị ọ̀nọ̀ nị.

Anihwiripi 1:4

Ụmẹ tụra ụmẹ ọnị maa mẹ̀ aduwaa wụ nịnị, ịnẹ amị vị eneē hine

Anigaratiya 5:21

dị ẹyaa kụ̀ ụhị, dị eyee hú eche dị aa mẹrị wa; dị ẹ rẹ yaa rị eche pooro kẹnẹ; dị ẹ rẹ yaa mẹ ẹngụ ịsa ẹnẹẹ ana vọ. Maa kà a wụ nịnị booro aanị, anka m mẹ̀ rẹ vịdị kà a wụ nịnị, ka aza ana àa mẹ ẹngụ ịsa ẹnẹẹ, ẹyị va ngụ ịzị Ohomorihi yà aa mẹ ịjọva.

Anigaratiya 2:21

Me yi vee yi ayamva Ohomorihi tịtẹ. Àa vị agụvị ka ọza ọ́ọ saasa ọda, Óhomorihi aa sịị jị ịhị yị ọza nị, ọnị ọ vị ka isu Ikirisiti vị osusu samị-samị.

2 Anịkọrịntị 11:29

Àa nyị ọza ana ayị anị ọ̀ yị jẹẹ, vị ayị ẹmị ọnị ọ̀ yị rẹ jẹẹ avọọ nị. Ọza ọ̀ọ na mẹ ịvị, dị aa zị mị.

2 Anịkọrịntị 11:13

Ezirẹma Ijeesu ireche ẹ vị nị, dị eyee cheechee tụ́ ịnị ụkọrọ ẹnịnị nị. Dị ẹyaa mẹ apẹ ka ezirẹma Ijeesu ẹnị vị nị.

2 Anịkọrịntị 2:4

M mẹ̀ chẹrẹ iwe ọnọọ tụ́ hi wu nịnị, ayị amị vị ene du ẹtẹẹtẹrẹ, dị ẹgọ aa ká mị eyi. Ayị vị ka me si du wu nịnị ayị, ama dụ wa zụ sị yẹ nịnị ka mê sì ịrẹyị awụ nịnị ẹtẹẹtẹrẹ.

1 Anịkọrịntị 6:9

Máa yẹ ka wáa yẹ nịnị kaakara ka ọza ẹnẹ ẹ̀ yị nyị ịzẹyịza, ọ yị vaa ngụ ịzị Ohomorihi yà aa mẹ ịjọva. Asị ụ vene ẹngụ awụ nịnị oo! Ọmụnọ nịnị ọnịrị aza ana aa hẹkẹ ori, beri ọsẹrẹka nịnị ọnịrị ọnọrụ nịnị anaā nọ ịdị ọnọrụ ọsa anka ọnẹẹ avọọ,

1 Anịkọrịntị 1:18

Aza ene ee vu ẹtẹ vị ene roo ka enube ọyịza ana aa kà ka Ikirisiti óo sú ị́rẹsụ ọchị apavahị vị ịrẹyị ịyẹyẹ. Ama yị ẹyị oni Ohomorihi aa dọ ọ há, ụkata Ohomorihi ọ vị nị.

Aniroomi 9:2

Ịzẹyịza, ayị amị o si du ẹtẹẹtẹrẹ, ịrẹyị ọnya aa zị mị ẹngụ pooro kẹnẹ ịnị ayị amị.

Iruuku 19:41

Íjeesu màa vaa ngụ ịnị Ijerusarẹmị, di o re e, ộ jị òrèrè agụvị anị.

Ịdanịyẹrị 4:37

Dị ọnị kụkụ aa sị ụga ọnịrị ụbanyịị yị ohinọyị ana nyị ẹbẹẹba nị. Agụvị ka ịzẹyịza ọnịrị ịsa ana vọrọ ọọ̄ mẹ̀ nị. Ọza ẹ̀ yịị yaraa sị ẹngụ anịị tụ ẹba Ohomorihi ọ zụ và a nẹtẹ.

Ijudi 1:13

Eē si ka ẹnị ẹ̀ sị ebira odivi ẹnịnị tụ́ ẹhẹ anka enyi ini òkū mẹ̀ẹ̄ da, dị ọ kụ́ ịdọtị tụ́ ẹhẹ avọọ. Vị́ ẹ rẹ sị mẹẹ anka ụzọmị anaa ngwọọ zịịzị nị. Ịnị ịrahụ ruma-ruma a sị eehi aza ẹnẹnị tụ́ nị. Ịzọọ a vaa kụ́ wa hi pooro zịna-zịna nị.

2 Anịtẹsaronika 3:11

Yáa wụ́ ọọ ka aza ẹnyị ịnị awụ nịnị ẹyị mẹ̀ ụkọrọ vụrụ-vụrụ. Ẹyaa nyị uworo, dị ẹ rẹ yaa jị eyii ngụ ịrẹyị ọnịrẹyị.

Odeyi 20:19

Mâ hẹkẹ Ananyị yị, dị mị kà ẹngụ amị chí, dị maa ká ẹgọ, dị mị rẹ nyị ẹngụkata nị, agụvị ka Aniju nịnị vị ana aa gẹ eyi amị.

Ijeremaya 9:1

Ijeremaya ka, aa yẹ, ẹyị anị oo và enyi anka enyi anaa tụ̀ hụụnị eteesu avọọ. Dị ọnị oo jị òrèrè pooro kẹnẹ ọọdụ ọnịrị ịrahụ, agụvị aza anị ana a wụ̀ ha aanị.

Ahẹ Ụgama 119:136

M mè re ka aza ẹ yị zẹẹ ka ẹnị ẹ̀ẹ saasa ọda awụ, ẹgọ vị anaaa ká mị eyi.

Anigaratiya 6:14

Àa vị ẹmịị yọ, ẹ yị nyị ịsị mị zụ sị mẹ eyi, àyị vị isu oni Ijeesu Ikirisiti Ananyị yị sú ị́rẹsụ apavahị. Agụvị isu anị ọnọọ, ịsa ẹhẹ ọnọnị kụkụ vị kẹnẹ-kẹnẹ yị mị, ma sị vara oku yị ẹhẹ.

Ireevi 11:16

ogugu onyọpanyi, ogugu eneē nowu, ịpẹpẹyị ịnị enyi, avaba irepe,

Ireevi 13:8

Ohirẹsụ irehi Ohomorihi vaa zama a re, àa vị ịtahụ ọnọọ sị yara hi ẹngụ nị, dị ọ kà a ka ọza ọnị ụkụ ọnọnị za ẹ́ yị kụkụ nị, ụkụ ọbanyị ọ za a nị.