Anihwiripi 3:12 - IWE ỌNỊNỊ

¹² Mẹ yị kà a ka ịsị maa dụ, ụvọ amị óo kú ọ; mẹ yị rẹ kà a ka ma sị gụ. Ama maa kà a tụ́ ọvịdị ka ụvọ amị ọ̀ nyẹngụ kú ịsa ọnọọ, oni Ijeesu hụ agụvị anị nyị mị.

Anihwiripi 3:12 Referans Kwoze

Ahẹ Ụgama 138:8

Ịjị ẹnị Ẹnẹyịmavara ro ka ọnị vaa mẹẹ mị vị ana aa mịị mẹ. Ẹnẹyịmavara, vi uū sì ịrẹyị ọza pooro nị. Navọ ịsa oni ụ nyima aa mẹ, wa mẹ̀ ẹ ta.

Ihoseya 6:3

Dị ẹnị ẹ yẹ ẹ, dị ẹnị ẹ yẹ huu avọọ. Ẹnẹyịmavara vee tu ẹnị ohi dị ẹtẹ o vee hozi. Ọ vaa vẹ anka orihi ịpaapa ị̀rẹ̀sụ̀ avọọ nị.

2 Anịkọrịntị 7:1

Ẹwụ nịnị anda ayị, avaba ayị a kà a ka a vaa mẹ̀ ịsa ẹnẹẹ yị nị. Agụvị avọọ, à vẹ ya nyịna ẹngụ ayị hụụnị avaba ịsị ẹẹ̄ mẹ ka asị ẹngụ ọza ọnịrị ayị ọza nị! À vẹ ya vị Ohomorihi saka-saka ini oze angwahi Ohomorihi ọyịnyị.

Ayịsaya 51:1

Batọ avaba awụ nịnị ene zi ka a dọ ụ nịnị ha. Ẹwụ nịnị ene si ka wa saasa ịrẹyị Ẹnẹyịmavara sị ụtọ pe ẹtẹ. Tamayị ịzị ụ chi hụrẹ vẹ nịnị.

Anihiburu 13:21

Ohomorihi ọnọọ ọ̀ sị avaba ịsa ozoza yị wụ nịnị, dị ụ wa zụ mẹ̀ ịsa oni o sì ka wa mẹ nịnị! Ohomorihi ọ̀ rẹ mẹ yị ini oze Ijeesu Ikirisiti, dị ya zụ vị ịsị o sì ka ya vị. Ijeesu Ikirisiti ọnọọ ọ vaa nyị ụbanyị pooro zịna-zịna nị. Aamị.

Anẹhwẹsọsị 1:4

Hụrị ụmọrụmọ dị a va yẹ ka aa mẹ ẹhẹ, Ohomorihi hụrẹ nyị yị agụvị Ikirisiti ka ya mẹ̀ ebira ọnịnị, dị asị ị nyị ohuvọ ini eyi anị, di yee sì ịrẹyị aza nị.

Anihwiripi 3:16

Ịrẹyị ene hu ọ vị ka, ịzẹyịza ọnị ịsị yẹ, a vẹ yaa yịị kà a tụ́ ọvịdị ịnị anị.

2Ipita 3:18

Waa vịra nịnị ini oze Ijeesu Ikirisiti Ananyị yị ọnịrị Ọdọzaha ayị, agụvị dị ọ̀ọ mẹ ọyịzaa yị wụ nịnị hu avọọ, dị ụ wa rẹẹ yẹẹ hu avọọ nịnị! Ụbanyị ọ̀ vị áanị booro aanị ọnịrị pooro zịna-zịna, Aamị.

Ijemiisi 3:2

Avaba ayị oō nyeeyi ini oze irenyi-irenyi nị. Àa nyị ọza ene è yi mē nyeeyi kà ịrẹyị, ọza ọnọọ ọ́ọ gụ; ọ nyẹngụ rẹ sị ụvọ za ẹngụ anị bẹẹ.

Anihiburu 12:14

Sị vụrị, di u we re ka wáa sị ẹngwọọrọ pe aza aa mẹ; dị ụ wa rẹ sị vụrị di u we re ka waa mẹ̀ ebira ọnịnị nịnị! Agụvị ka aza ẹnẹ ẹ̀yị vavọọ mẹ, eyi ve zuu re Ananyị yị.

Anigaratiya 5:17

Agụvị ka ịsa ọnị ọchẹngụ ọza sì, Ụhwẹ Ọnịnị oyi sì ọọ, ịsa ọnị Ụhwẹ Ọnịnị oni re sì, ọchẹngụ ọza oyi sì ọọ. Ịsa ẹẹva ẹnẹnị vị ana và eyi ịrazị kà ẹngụ; ọnị ọ vị ka ayị vị isu wèe sì nịnị kẹnẹ, ụ zụ mẹ nịnị.

Ijoovu 17:9

Ịsa tụra ịsa enee tu ọnizẹyịza, vị́ ọnị aa jẹẹ gere-gere.

1Ipita 5:10

Ohomorihiī mẹ ọyịzaa yị aza ẹtẹẹtẹrẹ, ộ hị́ wụ nịnị ka wa vẹ, dị ẹwụrị Ijeesu ọ̀ vị ọnya nịnị ịnị ụbanyị ẹnẹ ẹ̀ yị ma sa pooro zịna-zịna. Wàa sị ụya rị chee nịnị, Ohomorihi ọnị ụvọta vee tenyi wu nịnị, dị ọ̀ mẹ ka wa gụ nịnị, dị ọ rẹ mẹ ka wa nyị ụkata jẹẹ geri-geri nịnị ịnị avaba ịsa.

2 Anịtẹsaronika 2:13

Ẹwụ nịnị ẹyịnyara amị, áa nyị ka yaa kụ́ Ohomorihi avọ pooro agụvị awụ nịnị ana Ananyị yị sì ịrẹyị anị. Ohomorihi ọ nyị ẹwụ nịnị tịtẹ hụrẹ ụmọrụmọ ka ọnị ọ̀ dọ wụ nịnị há nị. Ọ́ vavọọ mẹ ini oze Ụhwẹ Ọnịnị ana vara wụ nịnị ọnịnị ọnịrị ka wâ dọ ịzẹyịza wụ́ nịnị.

Anẹhwẹsọsị 4:12

Ộ vavọọ mẹ, agụvị ò zụ tenyi avaba aza Ohomorihi ẹngụ, dị ẹ̀ zụụ mẹ̀ ụkọrọ Ikirisiti, dị ẹ̀ rẹ zụụ mẹ ọgụvọọ yị (anịragụ Ohomorihi ana vị) ẹngụ Ikirisiti.

2 Anịkọrịntị 13:9

Ẹ́yị mẹ̀ vị ọkụmị, dị ẹwụ nịnị nyị ụkata aanị, ịnẹ ayị ô hine. Yaa mẹ̀ aduwa ka wa hyakụ zụ gụ nịnị.

1 Anịkọrịntị 13:10

Ama ịhị Ohomorihi ọ raà sị ịsa ana gụ zụ yị, avaba ịsa ẹnẹ ẹ̀ yị gụ vaa ta.

Ụhịrẹyị 4:18

Ọnịrẹyịzẹyịza ọọ̄ ma hụrẹ ayịnẹ. Ẹhẹ anị ọ mā nyị ọjịrẹka.

Ahẹ Ụgama 119:5

Ọ maa navọ kwogwo ma nyẹngụụ sị ayị ọnya saasa ọda awụ.

Ahẹ Ụgama 84:2

Eyi irehi awụ aa tụra mị kẹnẹ. Ohomorihi ana yà ịzọọ, à kà ka me vene re ka mị yà ịda awụ.

Ahẹ Ụgama 63:8

Ẹwụ mị taku nị ụkata awụ ụ sị sị mị jẹẹ nị.

1 Anịtẹsaronika 5:15

Re ka ẹ́ yị nyị ọza ana sị odivi si atọ odivi yị ọzọnyị-ọzọnyị. Waa mẹ̀ ịsa ene zoza ịnị akakana awụ nịnị, dị ụ wa rẹẹ mẹ̀ ẹ hi avaba ọza nịnị.

1 Itimoti 6:19

Ẹ̀ẹ vavọọ aa mẹ, dị ẹyaa kụ́ ịsaa tẹẹ yị ẹngụ ẹnịnị ana ahịka ọ vaa vị ịsa ẹtẹẹtẹrẹ yị wa ụhwọọ, agụvị dị ụvọ ẹnịnị ò zụ kú ẹhẹ obooro.

Odeyi 9:15

Dị Ananyị yị kà a yọ ka, “Na! Agụvị ka ma sị ọọ nyị ka ọọ mẹ ụkọrọọ mị, dị ọ̀ na kà ịrẹyị amị yị Anigiriki ọnịrị ohinọyị nịnị ne beri Anisirẹrị nịnị.

1 Itimoti 5:10

Dị à va dọ osoku, a rẹ vọrọ ka aza ẹ̀ẹ kà ịrẹyị ọyịza anị, agụvị ka aa mẹ̀ ịsa ozoza. A rẹ vọrọ ka ọ̀ vị ọnẹẹ ana pá ezi anị ẹtẹẹtẹrẹ, dị ò reē sì ọzọga. A rẹ vọrọ ka ọ̀ vị ọza ana raà nyịna aza Ohomorihi ahụ da, dị ọ̀ vị ọza anaā mẹ ọgụvọọ yị aza ana aa rị ụya, dị ọ̀ rẹ vị ọza ana ahịka ịsa ozoza ọọ̄ mẹ̀ pooro nị.

Ahẹ Ụgama 94:15

Ụmẹ aa vẹ ana a vanaa sị ịzẹyịzaa mẹ̀ ọkarẹyị. Aza ana aa mẹ ịzẹyịza vaa jẹẹ pè e.

Anihiburu 12:23

Ịzị ụ vẹ nịnị aanị vị ịzị avaba anịragụ Ohomorihi kụ́ gụ. Ẹnị ẹ vị ezi ịpaapa Ohomorihi ọnị ọ raà chẹrẹ ịrẹha ẹnịnị tụ́ ẹbẹẹba nị. Wa raà saasa ọnịrẹyịzẹyịza nịnị oni Ohomorihi raà mẹ ka ẹ̀ gụ.

Ahẹ Ụgama 42:1

Enyi aa kụ̀ akọnọ, wâ yẹ o mèe sì enyi zị avọọ Ohomorihi, avọọ gẹdẹ-gẹdẹ m mèe sì wu nị.

Imatiwu 5:48

Agụvị avọọ, áa vọrọ ka wa gụ nịnị, anka Áda awụ nịnị ẹbẹẹba mẹ̀ gụ.”

Aniroomi 8:39

ọ̀ọ daka vị ẹbẹẹba, àa vị eku, àa vị ịsa tụra ịsa anaa mẹ, ẹ yị nyị ịsị ẹ vaa sị yịị hụụ ịdị Ohomorihi ana sị zụ̀ yị ini oze Ijeesu Ananyị yị Ohinọyị ọnị ọ nyị ka ọ̀ dọ yị há, ka oni ô sì ịrẹyị ayị.

1 Anịkọrịntị 9:24

Wâ yẹ nịnị ka àa ka è ne zwe echi, ọzọza vee zwe, ama ọza ịnyara ọ vaa yịị sị ịsa ọdọvịdị nị. Waa vavọọ sị avaba ụkata awụ nịnị zwe echi, agụvị wa dọ ịsa ọnịpaapa nịnị.

1 Anịkọrịntị 13:12

Ịsa oni yee re booro aanị, vị ana sị mẹẹ ọza òo rere aa zị oze ini ore re ẹtẹ wura-wura avọọ. Ama ẹkụhị ọnya, i vee re wa eyi gẹrị eyi. Booro aanị, ẹ yị nyị ịsị mị zẹẹ yẹ; ama ịhị ọnọọ, mị vaa yẹ wa ẹtẹẹtẹrẹ, anka Óhomorihi ọnị mẹ̀ yẹ mị saka-saka.

Anihwiripi 1:1

Ẹmị Ịpọọrụ ọnịrị Itimoti ana vị ezi ahụ Ijeesu Ikirisiti aa chẹrẹ iwe ọnọnịị tụ́ụ hi avaba aza Ohomorihi ẹnị ẹnịrị Ijeesu sị vị ọnya ene hi Ihwiripi, re ne beri ọdọvịdị ịragụ Ohomorihi ọnịrị aza ana aa mẹ ọgụvọọ yị wa.

Anihwiripi 3:3

Ẹyị ọnị Ụhwẹ Ọnịnị sị ụkata yị ka yaa hẹkẹ Ohomorihi, ẹngụ ẹyị ọnọọ ọ vana jị ụvẹvẹnẹ obooro nị. Ịsa oni Ijeesu mẹ ịnị ẹhẹ ayị, ẹyị aa sịị mẹ ụbanyị nị. Ẹyị ẹ yị sị ayị tụra ịsa ana a mẹ tụ́ ịnị ọchẹngụ kẹnẹ.

Anihwiripi 3:8

M mẹ̀ hụrẹ va yẹ Ijeesu Ikirisiti ka ọnị ọ nyị mị nị, avaba ịsa ana vọ vị ọnị mị kụkụ za ịrịka tụ́ ịnị ịsa kẹnẹ-kẹnẹ. Ọnọ o huna avaba ịsa ẹnẹẹ nị. Mé yi re wa anka ịhyẹrẹ, agụvị ma kụkụ va rị ọgụ obooro ana vị Ikirisiti.