Anihwiripi 3:11 - IWE ỌNỊNỊ

¹¹ Mị vavọọ ee sì, ịsavọọ ma zụ ha hụụnị isu.

Anihwiripi 3:11 Referans Kwoze

Ẹtore 20:5

Oku ana vọ nịnị ẹ́ yị ha va yára pooro dị ịrayị akahị ọnọọ gụ. Ọnọọ ọ vị ịpaapa ana a ha oku nịnị hụụnị isu nị.

Odeyi 26:7

Ịrẹsụ ayị ẹwụrẹva ẹnị ẹ rẹ vavọọ nyị ọyịtureyi, agụvị avọọ dị ẹ nyayịnẹ aa hẹkẹ Ohomorihi ọọdụ ọnịrị ịrahụ nị. Taarụ, agụvị ka ẹmị raa tụra eyi ịsa ọnọọ Ániju nịnị sị za mị aanị nị.

Odeyi 23:6

Ịjị Ịpọọrụ re ka ẹnyị ini anikootu ẹnẹẹ vị Anisadusi, dị ẹnyị rẹ vị Anihwarisi nịnị, di o nowu ini ikootu, dị ọ ka, “Ẹwụ nịnị ẹyịnyara amị, Anihwarisi mị vị nị. Ada amị rẹ vị Anihwarisi. Mâ tụra eyi ka oku nịnị vaa haa hụụnị isu. Agụvị avọọ a za mị vẹ ịzẹnị aanị nị.”

Anihiburu 11:35

Anyẹnẹẹ ẹnyị ê re ka aza ẹnịnị ene vịdị sú, ẹ sị ha hụụnị isu và ká wa vẹ. Â sị ụya rị aza ẹnyị ẹtẹẹtẹrẹ, ẹ yị dọ ka à hụrẹ ẹnị ụvọ, agụvị ka eyee zí eyi ka ẹnị vaa haa kwẹẹtẹ dị ẹnị ẹ̀ ngụ ịnị ẹhẹ ene zoza hu aanị.

2 Anịtẹsaronika 2:3

Asị ụ zẹẹ ka à nyị ọza ene vene wu nịnị ini oze ọnyọọnyị o. Ẹkụhị ọnọọ ọ́ yị vaa vẹ ne tù ụmẹ ana aza ọrụrụ-ọrụrụ vaa và ịrẹma Ohomorihi, dị ọza ọnọọ anaā jịnẹ avaba ọda ọ̀ sị ẹngụ anị tụ́ ẹhẹ. Ọnị ọ vị ọza ene vee vú ẹtẹẹ tụ́ ini ẹkụra nị.

1 Anịtẹsaronika 3:5

Mẹ yị kụkụ zụ za ayị; agụvị avọọ mị tụ́ vẹ nị. Mée sì ka ò ve re, ụ mẹmẹ aa yịị sị ayịị tụra Ikirisiti nịnị. Angwa ee hí mi ka Echu ọ sị wụ nịnị zama re, dị ọ mẹ wụ nịnị nyeeyi, dị ụkọrọ ayị na sị vị osusu kẹnẹ.

2 Anịkọrịntị 11:3

Angwa ee hí mi ka, asị a na vara wụ nịnị ayị, anka ẹwụ ọnọọ mẹ̀ sị ọbọ vene Iivi ịyẹẹyẹ avọọ. Dị ụ kụkụ sị va, dị ụ wẹ yị kụkụ sị avaba ayị yị Ikirisiti, ọnị ụ vịdị aa sị ịzẹyịzaa saasa nịnị.

1 Anịkọrịntị 9:27

Maa sị ẹngụ amịị dọ avaba ụya, maa sị ụvọọ za ẹngụ amị, agụvị asị ọ na sị vị ka ẹmị ana aa kà enube ọyịzaa yị ọza, áamị ọ̀ sị vị osusu.

1 Anịkọrịntị 9:22

Mèe re tù ịdị aza ẹnẹ ẹdọwụ ẹnịnị ẹ̀ yị vavọọ katẹngụ, dị mị sị ẹngụ amị tụ́ udi ẹnịnị, agụvị ma zụ mẹ ka ẹ̀ dọ Ijeesu Ohinọyị oni Ohomorihi nyị ka ọ̀ dọ yị há wụ́ hu avọọ. Udi tụra udi oni mèe ne tù ọza, dị mị rẹ sị ẹngụ amị tụ́ udi ọnọọ. Mị vavọọ aa mẹ ịsị màa zụ mẹ, ka ịsavọọ ma zụ mẹ ka à dọ aza ẹnyị há.

Aniroomi 11:14

Àa ka ọnị mẹ, mị zụ mẹ ka anẹkụra amị è zụ beri Anigiriki kụ̀ ụhị, dị à nyị ịsị mị zụ mẹ, dị Ohomorihi ọ̀ dọ aza ẹnẹ ẹ̀yị vị Aniju kụ̀ ụhị, dị à nyị ịsị mị zụ mẹ, dị Ohomorihi ọ̀ dọ aza ẹnyị ẹnịnị há.

Ịjọọnụ 11:24

Dị Ịmata ka, “Mâ yẹ de, ka ọ vaa haa hụụnị isu ịnị ẹkụhị ọdịrẹma ana avaba aza vaa haa hụụnị isu.”

Iruuku 14:14

Ịjọnọọ Ohomorihi vaa mẹ ka waa jẹ, agụvị ka aza ẹnẹẹ e yi zụ sí wu atọ. Ịhị ọnịrẹyịzẹyịza nịnị ẹ̀ẹ ha hụụnị isu, Ohomorihi vee sí wu atọ.”

Ahẹ Ụgama 49:7

Nyị ọza ana nyẹngụ sị ẹkẹhị hị́ ụhwẹ ọyịnyara anị Ọ za o yi si ụta ụhwẹ ọza yị Ohomorihi,

Odeyi 27:12

Ịzị ẹpa ọnọọ jẹẹ, oyi zoza yọ ịnị ụmẹ ọgụ, dị aza ọrụrụ-ọrụrụ ịnị ẹnị ene hi ịnị ẹpa ka àa na, ịsavọọ eni è zụ tù Iponiki, dị ẹpa ọ̀ yà ịzọọ ịnị ụmẹ ọgụ. Iponiki vị ịzị ẹpaā jẹẹ Íkirete. Ịzọọ vị ana và eyi ká eyi ụvẹtẹ ọ̀vàká eyi ọnị ọyịị̄ zịị ngụ ẹtẹ. Dị ọ rẹ và eyi ká eyẹba ọ̀vàká eyi ọnị ọyịị̄ zịị ngụ ẹtẹ nị eyi ẹbẹẹba.

1 Anịkọrịntị 15:23

Ịsa ẹnẹnị vị ana vaa mẹẹ tù ẹngụ tù ẹngụ: Ijeesu Ohinọyị oni Ohomorihi nyị ka ọ̀ dọ yị há, ọ vịdị vaa haa hụụnị isu nị; ịnị ụmẹ ọnị ọ̀ọ vaa sị vaa vẹ ịnị ẹhẹ ọnọnị, avaba aza ana vị áanị ẹnị rẹ vaa ha hụụnị isu.

2 Itimoti 4:8

Máa yẹ ka ẹyịza ọbanyị oni Ohomorihiī sịị yị ọza ana mẹ̀ ebira ana vọrọ, ọ raà sị tẹ mị. Ananyị yị anaā sịị ịzẹyịzaa mẹ̀ ọkarẹyị vaa sị ọọ mị ịnị ẹkụhị ọnọọ. Ayị vị ẹmị ịnya kẹnẹ ọ vaa sịị yị; ọ rẹ vaa sịị yị avaba aza ene ee sì ọọ ka ọ̀ vavẹ.