Anihwiripi 3:10 - IWE ỌNỊNỊ

¹⁰ Avaba ịsị mee sì ọ vị ka ma yẹ Ikirisiti, dị ma rẹ yẹ ụkata ana mẹ ka ọ̀ há hụụnị isu. Mi ree sì ka me beri ọ rị ụya, dị ma rẹ zụ nyị ẹngụ ayị ọnị Ikirisiti nyị o me sú.

Anihwiripi 3:10 Referans Kwoze

Anigaratiya 2:20

Ama ma yị yàra, ẹ yị vị ẹmị ụvọta, Ikirisiti ọ yàra ịnị ịnẹ amị nị. Ọyịyàra ọnị mị yàra ịnị ẹhẹ booro aanị, mâ yàra agụvị ka mâ sị ayị tụra Ozi Ohomorihi ene sì ịrẹyị amị, dị ọ sị ẹngụ anị mẹ̀ ịsọvọ yị mị.

Aniroomi 8:17

Ị mẹ̀ sị vị ezi Ohomorihi aanị, ị rẹ vaa dọ ẹyịza oni Ohomorihi sị tịtẹ yị aza anị. Ẹyịrị Ikirisiti re dudu vaa dọ ẹyịza oni Ohomorihi raà sị tịtẹ yọ. Yàa rị ụya, anka Ikirisiti ọnị mẹ̀ rẹ rị ụya, ẹyị rẹ vaa nyịị tụ́ ịnị ụbanyị ọnị ọ nyị.

Anihwiripi 3:8

M mẹ̀ hụrẹ va yẹ Ijeesu Ikirisiti ka ọnị ọ nyị mị nị, avaba ịsa ana vọ vị ọnị mị kụkụ za ịrịka tụ́ ịnị ịsa kẹnẹ-kẹnẹ. Ọnọ o huna avaba ịsa ẹnẹẹ nị. Mé yi re wa anka ịhyẹrẹ, agụvị ma kụkụ va rị ọgụ obooro ana vị Ikirisiti.

1 Ịjọọnụ 2:3

Yàa saasa ịrẹyị Ohomorihi, ọnị ọ vaa sị zụ̀ ka yáa yẹ Ohomorihi nị.

Anikorasi 3:1

Wáa yẹ nịnị ka a sị ẹwụrị Ijeesu ha hụụnị isu nịnị. Agụvị avọọ waa sị eyii tụ́ ịnị ịsa ana yà ẹbẹẹba, ịzị Ikirisiti yaayịtẹ éyi ụvọrị Ohomorihi.

Anikorasi 1:24

Maa jẹ booro aanị, agụvị ka maa rị ụya agụvị awụ nịnị. Maa rị ụya ana vọ ọnị Ikirisiti ka ma rị yị ịragụ Ohomorihi, ana jẹẹ yị ẹngụ Ikirisiti.

2 Anịkọrịntị 1:5

Anka ị mẹ̀ nyị tụ́ ịnị ụya ọrụrụ-ọrụrụ ọnị Ikirisiti rị, avọọ ọza ọnọọ mè ree hunẹnẹ yị ayị ẹtẹẹtẹrẹ nị.

1Ipita 1:3

À vẹ ya sị ụga yị Ohomorihi ana vị Ada Ijeesu Ikirisiti Ananyị yị! Ohomorihi ộ vayị ayị ẹtẹẹtẹrẹ, di o tenyi yị ma nị. Agụvị avọọ yáa nyị ọyịtureyi ka ị vaa yara ịdị anị pooro zịna-zịna, agụvị ka Ijeesu Ikirisiti ộ ha kwẹẹtẹ hụụnị isu.

2 Anịkọrịntị 13:4

Ịzẹyịza ọ́ dọ ka ọnị vị ọkụmị dị à kanyị ọnị za ọchị apavahị; ama ini oze ụkata Ohomorihi ọ kụkụ yára nị. Ẹyị ọnị ọnịrịị sị vị ọnya rẹ vị ọkụmị ịzẹyịza, ama ịnị uze ọnị ẹyịrị ẹwụ nịnị aà mẹ, u vee re ka ẹyịrị Ikirisiti ộ yàra ini oze ụkata Ohomorihi.

1 Ịjọọnụ 2:5

Ama ọza ana àa saasa ịrẹyị Ohomorihi, ọnị gẹdẹ-gẹdẹ ịrẹyị Ohomorihi oyisì gụ tụ́ ịnị ayị anị nị. Ịsị ẹ zụ sị zụ̀ ka ẹyịrị Ohomorihi ọ sị vị ọnya yị:

Ịjọọnụ 17:3

Ka ẹ̀ yàra pooro zịna-zịna ọ vị ka ẹ̀ yẹ ẹwụ ịnyara chọchọchọ ana vị Ohomorihi ọnịrị ẹmị Ijeesu Ikirisiti ọnị ụ tụ́ vẹ ẹhẹ.

Aniroomi 8:29

Aza oni Ohomorihi sị yẹ tịtẹ, dị ọ rẹ vịdị sị wa nyị tịtẹ ka ẹ̀ yà anka Ozi anị. Ozi anị ọnọọ ọ vaa vị ozi ịpaapa anị ịnị ẹnị ọrụrụ-ọrụrụ ana vọ ana vị ọyịnyara anị nị.

Ẹtore 1:18

Ọza ana yára mị vị nị. Mê vịdị sú, ama re, booro aanị mị kụkụ yára pooro zịna-zịna nị. Ẹma nyị ọda isu ọnịrị ini eku nị.

Anikorasi 2:13

Ịyẹẹyẹ, wée vịdị wusu nịnị, agụvị ka wa sị ịvị mẹ nịnị, Ohomorihi ọ yị vịdị jị wụ nịnị ụvẹvẹnẹ. Ama booro aanị Ohomorihi ọ raà vagu yi ịnị avaba ịvị ayị, dị ọ mẹ ka ẹyịrị Ikirisiti ọ̀ kụkụ yára nị.

Anẹhwẹsọsị 4:13

Avọọ ọ mẹ̀ vaa yịị yà pooro ne tù ụmẹ ọnya, ana ahịka avaba ayị vaa vaabẹ ịnị ọyịsị ayị tụra Ikirisiti, dị ya rẹ yẹ Ozi Ohomorihi. Ịjọnọọ ị vaa vịra, dị i rẹ gụ, anka Íkirisiti ọnị mẹ̀ rẹ yà.

2 Anịkọrịntị 1:10

Ohomorihi ộ dọ yị hụrị ụvọ isu ene si tù yi gede-gede. Ọ rẹ vaa dọ yịị há. Yâ sị ayị tụra a ka ọ vaa dọ yịị há.

Ịjọọnụ 10:18

Ẹ yị vị ọza aa dọ mị ụhwẹ, ẹmị ụvọta ọ hụrẹ ẹ ụvọ nị. Mâ nyị ụkata ọyịnavọ ụhwẹ amị tịtẹ, ma rẹ nyị ụkata ọyị sị ọọ varẹma. Ọda ana Ada amị mẹ mị ọ vị ọnọọ nị.”

Imatiwu 20:23

Dị Ijeesu ka, “Ịzẹyịza yọ, ụ vaa sị akoo hú ụyọrị oni mi vee hú nịnị. Ama ẹmị ẹ yị nyị ọda ọyịkà a wụ nịnị ka aza ẹnyị ẹ̀ yaayịtẹ éyi ụvọrị amị, dị ọsa ọ̀ yaayịtẹ éyi ụvọha amị. Ada amị ọ vaa sịị yị aza ọnọọ sị ọọ tenyi tịtẹ yị nị.”

Ijeremaya 9:23

Ẹnẹyịmavara kà, asị ọyẹrẹyị nịnị sị ịrẹyọyẹ ẹnịnị wo oto. Asị aza ana nyị ụkata sị ụkata ẹnịnị wo oto. Dị a sị opisa nịnị sị ogu ẹnịnị wo oto.

Aniroomi 8:36

 vịdị vavọọ chẹrẹ ẹ ka, “Agụvị awụ aza ee chire yi angwa eyinị-eyinị ka ẹnị vaa wụ̀ yị nị. Ẹ yaa mẹ yị anka atẹmẹ ana aa va naa wụ avọọ.”

Anigaratiya 6:17

Hụrẹ ajịnị na, asa a nyị ọza ene kuku zigi mi, agụvị ka apịtahụ ene hi ịnị ẹngụ amị aanị, ẹ́ẹ sị zụ̀ ka Íjeesu mị vị nị.

2Ipita 1:13

M mẹ yị yà ẹhẹ aanị, mée ro ka aa vọrọ ka ma tama wụ nịnị ayị ịsa ẹnẹnị, du wee zí nịnị.