Anihwiripi 2:5 - IWE ỌNỊNỊ

⁵ Ẹngụ ayị oni Ijeesu nyị avọọ, a vọrọ ka ẹwụ nịnị ọ̀ rẹ nyị nị:

Anihwiripi 2:5 Referans Kwoze

1 Ịjọọnụ 2:6

Ọza ana àa ka ọnịrị Ohomorihi ọ sị vị ọnya, áa vọrọ ka ọ̀ọ zị ụsẹ anka Ijeesu mẹ̀ zị ụsẹ.

Imatiwu 11:29

Navọ maa zụ̀ wụ nịnị oze, dị ma rẹẹ zụ̀ wụ nịnị ịsa; agụvị ka miī ro o yị ọza, dị mị rẹ nyị ayohunẹnẹ nị. Ịjọnọọ ayị awụ nịnị vaa nyị ụhwọtụ.

1Ipita 2:21

Oze oni Ohomorihi hị́ wụ nịnị tụ́ ọ vị ọnọọ nị, agụvị ka Ikirisiti nyẹmba ộ rị ụya yị wụ nịnị. Ộ tụ́ oze tịtẹ yị wụ nịnị ka wa vavọọ sị ahụ anịị hi ẹtẹ nịnị.

1Ipita 4:1

Wáa yẹ nịnị ka Ikirisiti ọnị nyẹmba ọ́ọ rị ụya ịnị ọchẹngụ anị. Agụvị avọọ ẹwụ nịnị ò re tenyi ẹngụ, dị ụ wa vavọọ nyị ariro nịnị! Ọza ana àa vavọọ rị ụya, ọ sị hụụnị ịvị ọyịmẹ̀.

1 Anịkọrịntị 10:33

Avọọ gẹdẹ-gẹdẹ m maa mẹ̀ nị. Maa sịị vụrị ka mee ro o yị aza ịnị avaba ịsị ẹ màaa mẹ. Me yi sì ọyịza yị ẹngụ amị kẹnẹ, ama mee sì ọyịzaa yị aza ana vọ, agụvị dị à zụ dọ wa há.

Anẹhwẹsọsị 5:2

Wee sì ịrẹyị ẹngụ nịnị ịnị avaba ịsa ọnị ụ wàaa mẹ nịnị, anka Íkirisiti mè re sì ịrẹyị ayị, dị ọ sị ẹngụ anị mẹ ịsọvọọ yị. Ịsọvọ ọnọọ óo hine Ohomorihi ayị ẹtẹẹtẹrẹ.

Aniroomi 15:5

Ohomorihi anaā sịị isuuruu yị ọza, dị ọ rẹẹ̄ mẹ ka ọza ọ̀ nyị ọtụtụrụma, ọ̀ navọ ariro awụ nịnị ọ̀ zụ vị ọnya, dụ wa zụụ sị ahụ Ijeesu Ikirisiti hi ẹtẹ nịnị!

Odeyi 20:35

Ma raà sị zụ̀ wụ nịnị ịnị avaba oze ka â nyị ka ya maanị mẹ̀ ụkọrọ ẹtẹẹtẹrẹ, dị ya zụụ mẹ ọgụvọọ yị ọkụmị nịnị.” Tamayị ịrẹyị oni Ijeesu Ananyị yị ụvọta kà nịnị ka: “Wàaa mẹ ọza ẹyịza, ụ zụ jẹ ịrajẹ hu ka waa dọ ọza ịsa nị.”

Aniroomi 15:3

Ikirisiti ọyị hyakụ mẹ̀ ịsa ene ze eyi kẹnẹ. Ama ộ mẹ̀, anka a mẹ̀ vịdị chẹrẹẹ tụ́ ini Iwe Ohomorihi ka ụhụ ana aza aa kụ̀ Ohomorihi, ọ zị vẹ ịrẹsụ anị.

Iruuku 22:27

Ọza ana yaayịtẹ aha ịsọyịrị kẹnẹ ọnịrị ọza ana aa sị ịsaa yọ, ye re ene hu? Yâ yẹ ka ọza ana yaayịtẹ kẹnẹ yọ nị. Ama ẹmị vị ana yà ịnị akakana awụ nịnị, dị maa zị wụ nịnị ụtụ.

Aniroomi 14:15

Ẹngụ ịsa ọnị ụ waa rị, àaa mẹ ka ọhụva awụ òo du ayị, wẹ yị kụkụ mẹ̀ ebira ịrẹyị ọza oyisì. Ọza oni Ikirisiti hụ ụvị anị sú, asị ụ kụkụ na sị ẹngụ ịsọyịrị awụ mẹ ka ò vu ẹtẹ!

Odeyi 10:38

Wa rẹ yẹ Ijeesu Anịnazarẹtị nịnị. Ohomorihi ộ sị Ụhwẹ Ọnịnị ọnịrị ụkata yọ ẹtẹẹtẹrẹ. Aa ngụ ọọ zị, dị aa mẹ ọyịza, dị ọ raa mẹ aza ene Echu aa sị ụyaa rị ụkụ nị, agụvị ka Ohomorihi ộ yà pe e.

Anihwiripi 1:1

Ẹmị Ịpọọrụ ọnịrị Itimoti ana vị ezi ahụ Ijeesu Ikirisiti aa chẹrẹ iwe ọnọnịị tụ́ụ hi avaba aza Ohomorihi ẹnị ẹnịrị Ijeesu sị vị ọnya ene hi Ihwiripi, re ne beri ọdọvịdị ịragụ Ohomorihi ọnịrị aza ana aa mẹ ọgụvọọ yị wa.