Anihwiripi 2:25 - IWE ỌNỊNỊ

²⁵ Mèe roo ka áa vọrọ ka ma tụ́ Ẹpahwịrọdịtụsị vavẹ ve tù wu nịnị. Ẹmịrị ọ dudu vị ọdọwụ. Ẹmịrị ọ ore dudu mẹ̀ ụkọrọ, di i re dudu và ụvọ bẹ kụ́ ịrẹkụ nị. Ọnị ụ tụ́ vẹ nịnị ka ọ̀ va gụ mị ụvọ ini oze ịsa ọnị mẹ yị nyị nị.

Anihwiripi 2:25 Referans Kwoze

Anihwiripi 4:18

Ẹpahwịrọdịtụsị ộ sị avaba ịsa ọnị ụ sị tụ́ ọ va yị mị. Avaba ịsị mee sì saka-saka, ma sị ọ nyị booro aanị; ọ́ọ hyakụ si huna ọpa oni mee sì. Ẹyịza ẹnẹẹ vị ana sị mẹẹ anka ịsa ana ahụ anị zoza avọọ; vị ọ rẹ yà anka ịsọvọ ene zé Ohomorihi eyi ẹtẹẹtẹrẹ avọọ nị.

Anikorasi 1:7

Epahwirasi ọ vịdị kà a wụ nịnị nị. Ẹyịrị ọ dudu vị ezi ahụ Ijeesu. Yée sì ịrẹyị anị ẹtẹẹtẹrẹ. Aa sị ayị ọnyaa mẹ ụkọrọọ yị Ikirisiti ịnị akakana awụ nịnị.

Anihwiripi 4:3

Ẹwụ bẹẹ ẹnẹ ẹmịrị aa mẹ̀ ụkọrọ, re ka wáa gụ anẹẹ ẹnẹẹ ụvọ, ene pe mi mẹ̀ ụkọrọ, ị mẹ̀ dudu aa kà enube ọyịzaa zị beri Ịkịrẹmẹntị ọnịrị aza ana vọ ene pe mi mẹ̀ ụkọrọ; ịrẹha ẹnịnị yà ini iwe aza ana yara pooro zịna-zịna.

1 Anịkọrịntị 3:9

Ẹyị vị ene dudu aa mẹ ụkọrọọ yị Ohomorihi. Ẹwụ nịnị vị ana sị mẹẹ anka aarẹ Ohomorihi, à vị irehi oni Ohomorihi aa dà.

Ihwirimọnị 1:24

Aza ẹnẹ ẹmịrịị dudu aa mẹ̀ ụkọrọ ana vọ: Ịmaakị, Arisitakọsị beri Ịdẹmasị ọnịrị Iruuku ka ẹnị rẹ kụ́ wụ.

Ụhịrẹyị 25:13

Ọnụtụ obooro vị anaa sị ayị ọza ana tụ ọ ụtụ nẹtẹ anka ọza o hú enyi ohunẹnẹ ịnị ụmẹ ẹtẹ ọngụra avọọ.

Anihiburu 3:1

Ẹwụ nịnị anda ayị, Ohomorihi ọ sị wụ nịnị nyị tụ́ irenyi yị ẹngụ anị. Ọ rẹ hị́ wụ nịnị ka wa nyị tụ́ ịdị anị ẹbẹẹba. Agụvị avọọ ro ịrẹyị Ijeesu nịnị ana vị odeyi ọnịrị ohirẹsụ ọbanyị irehi Ohomorihi ayị. Ọnị ị dọ wụ́ nị.

1 Anịtẹsaronika 3:2

dị ya tụ́ Itimoti hi wu nịnị nị. Itimoti vị ọyịnyara ayị, ẹnẹ ẹyịrịị aa mẹ̀ ụkọrọ Ohomorihi, dị yaa kà enube ọyịza Ikirisiti. Yâ tụ́ ọọ ka ọ̀ va mẹ ka wa jẹẹ geri-geri, dị ọ̀ tụ́ wụ nịnị ọtụtụrụma ka wa yịị sị ayịị tụra Ikirisiti nịnị,

Anikorasi 4:11

Ijeesu ana aā rẹẹ hị́ Ịjọsịtọsị ka ọnị kụ́ wụ nịnị. Aza ẹnị ẹyịta ẹnẹnị kẹnẹ ẹ vị Aniju ene ee pe mii mẹ̀ ụkọrọ yị ịjọva Ohomorihi nị. Ẹnịnị ệ kụ́ mị ẹngụ nịya ẹtẹẹtẹrẹ.

2 Anịkọrịntị 2:13

Ama ayị amị ọ sị vazi, agụvị ka me yi re Ịtayịtọsị ọyịnyara amị. Dị mị hụụ ịzọọ, dị maa nọ Imasedoniya nị.

Ịjọọnụ 17:18

Maa tụ́ waa nọ ịnị ẹhẹ, anka ẹwụ mẹ̀ rẹ tụ́ mị vẹ ẹhẹ.

Ịjọọnụ 13:16

Ịzẹyịza m maa kà a wụ nịnị nị, wâ yẹ ka ozida o mē huna ọga anị. Ọza ana a tụ́ ụtụ, o mē re huna ọza ana tụ́ ọọ ụtụ.

Aniroomi 16:3

Kụ́ Ipirisira ọnịrị Akwira yị mị nịnị! Ẹmịrị wa ô dudu mẹ̀ ụkọrọ yị Ijeesu Ikirisiti.

Aniroomi 16:9

Kụ́ Ụbanụsị yị! Ẹyịrị ọọ vị ene dudu aa mẹ̀ ụkọrọ Ikirisiti. Rẹ kụ́ Isitakisi ọta amị booro yị mị!

Anihwiripi 2:26

O si kù ene eyi awụ nịnị hụrẹ aa tụra a. Ayị amị ọ yị nẹtẹ, agụvị ka wâ wụ́ ọ nịnị ka ẹngụ ộ zị ọ.