Anihwiripi 2:22 - IWE ỌNỊNỊ

²² Wáa yẹ nịnị ka Itimoti ọ́ọ nyị ebira. Ẹmịrị ọ ô dudu kà enube ọyịza. Ô pe mi mẹ̀ ụkọrọ ọnọọ anka ozi mee pe ada anịị mẹ̀ ụkọrọ avọọ.

Anihwiripi 2:22 Referans Kwoze

1 Anịkọrịntị 4:17

Agụvị avọọ, gẹdẹ-gẹdẹ, maa tụ́ Itimotii hi wu nịnị. Itimoti vị ozi emi oni mi sì ịrẹyị anị. Ayị ọnya aa sịị mẹ̀ ụkọrọ yị Ananyị yị nị. Ọ vaa tama wụ nịnị ayị ahụ oni mee sii hi ẹtẹ ini oze Ijeesu Ikirisiti ọnịrị ọnị mị raa sịị zụ̀ aza aha tụra aha ọnịrị ịnị ịragụ Ohomorihi tụra ịragụ Ohomorihi ọnị màa nọ.

2 Itimoti 1:2

Maa chẹrẹ iwe ọnọnịị tụ́ụ hi wu Itimoti ozi emi, mée sì ịrẹyị awụ. Ohomorihi Ada ayị ọnịrị Ijeesu Ikirisiti Ananyị yị ẹ̀ mẹ ọyịza wụ, dị ẹ̀ vayị awụ, dị ẹ̀ rẹ mẹ ẹngwọọrọ yị wụ.

1 Itimoti 1:2

Maa chẹrẹ iwe ọnọnịị tụ́ụ hi wu Itimoti, ana vị ozi emi ini oze ka ẹma sị ọọ vẹ ka ọ̀ va sị ayị tụra Ohomorihi nị. Ohomorihi Ada ayị ọnịrị Ijeesu Ikirisiti Ananyị yị ẹ̀ mẹ ọyịza wụ, ọ vayị awụ, dị ẹ̀ rẹ mẹ ẹngwọọrọ yị wụ.

2 Anịkọrịntị 2:9

Agụvị avọọ mị chẹrẹ iwe ọnọọ tụ́ hi wu nịnị nị, ka ma sị zama wụ nịnị re, wàa wụ́ ịrẹyị amị nịnị ịnị avaba ịsa ọnị mị kà.

1 Itimoti 1:18

Itimoti ozi emi, maa mẹ̀ ọda ịrẹyị ẹnẹnịị yị wu. Ịrẹyị ọnọọ ọ́ọ jịrị ịrẹyị ọnị ọnịsẹ nịnị vịdị kà ini oze awụ. Sị ịrẹyị ẹnẹẹ mẹ ẹnya ịrẹkụ ọnị ụ vaa sị kụ̀ ịrẹkụ ozoza!

2 Anịkọrịntị 8:22

Ị raa tụ́ ẹnẹbẹnị ayị ọsaa saasa wa. Ya raà sị ịrẹyị ọrụrụ-ọrụrụ zama a re, ye si oo re ụmẹ tụra ụmẹ ka oō sì ẹtẹẹtẹrẹ ka ọnị ọ̀ gụ aza ụvọ. Ộ yẹ ka aza ana a zụ sị ayị tụra ụ vị nịnị nị. Ọnọọ ọ rẹ mẹ ka ọ̀ hyakụ sì ka ọnị ọ̀ mẹ ọgụvọ hu avọọ.

Ịtayịtọsị 1:4

Maa chẹrẹ iwe tụ́ụ hi wu, ozi emi Ịtayịtọsị, agụvị ka ẹmịrị ẹwụ óo dudu sị ayị tụra Ijeesu. Ohomorihi Ada ayị ọnịrị Ijeesu Ikirisiti Ọdọzaha ayị ẹ̀ mẹ ọyịza yị wụ o.

2 Itimoti 3:10

Ama ẹwa raà saasa avaba ịsị mị sịị̄ zụ̀ aza, ọnịrị ebira ọnị mịị̄ mẹ beri ịsị miī sì ịnị ẹhẹ. Wa rẹ saasa mị ini oze ọnị mị zị sị ayị tụra Ohomorihi, dị mị nyị isuuru, di mee sì ịrẹyị aza, dị mị rẹ sị ẹngụ dọ ụya.

Anihwiripi 2:20

Ẹ yị nyị ọza ẹnẹsa ene ee ro ịsị mee ro, àyị vị Itimoti ọnịnya. Ọnịnya ịrẹyị awụ nịnị re dooro nị.

2 Anịkọrịntị 8:24

Agụvị avọọ, sị zụ̀ ka wee sì ịrẹyị ẹnịnị, dị avaba anịragụ Ohomorihi ẹ̀ yẹ. Dị ẹ̀ rẹ yẹ ka ẹ yị vị ị yaa sị wụ nịnịị wo oto kẹnẹ-kẹnẹ.

2 Anịkọrịntị 8:8

Mẹ yị mẹ̀ ẹ ọdaa wụ nịnị. Ama mee sì ka ma yẹ, u meme sì ịrẹyị ọza nịnị; agụvị avọọ m maa kà a wụ nịnị, aza ana vọ mẹmẹ aa gụ aza ụvọ nị.

Odeyi 16:2

Ọdọwụ nịnị ene hi Ịrịsịtịra ọnịrị Ayịkọnịyọmị vị ana nyayịnẹ aa kà ịrẹyị ọyịza Itimoti.

Aniroomi 5:4

Yàa zụụ sị ẹngụụ dọ ịrẹyị, ọ vaa mẹ ka yaa vịra. Yàa sị vịra, dị yaa nyị ọyịtureyi.

1 Anịkọrịntị 16:10

Itimoti ọ̀ọ vẹ ịdị awụ nịnị, re ka waa mẹ̀ ẹ inohine nịnị! Wâ yẹ ka ọnị vị ana raa mẹ ụkọrọọ yị Ananyị yị anka ẹmị.

Anihwiripi 1:5

agụvị ọgụvọ ọnị ụ mẹ mị nịnị ini oze enube ọyịza, m me hụrẹ nyima ve tù ọyaanị.

Anihwiripi 1:7

Áa vọrọ ka ẹngụ ariro ọnọọ ọ̀ vavọọ yà ịnị ayị amị, agụvị ka ịrẹyị awụ nịnị vị anaā yà ịnị ayị amị pooro. Ụkọrọ oni Ohomorihi nyị mi yi sị mị, wé beri emi nyị ụvọ tụ́ ọ nịnị. M Mẹ̀ yà ịnị ẹngwa, ẹmịrị ẹwụ nịnịị yọ nị; m mẹ̀ vaa kà ịrẹyị Ohomorihi dị maa sịị zụ̀ aza ka ịzẹyịza ọ vị nị, ẹmịrị ẹwụ nịnị rẹẹ yọ nị.

Anihwiripi 1:12

Ẹwụ nịnị ẹyịnyara amị, mee sì ka wa yẹ nịnị ka ịsa ene tù mi aanị vị ana aa mẹ ka enube ọyịza ọ̀ hyakụụ kà a tụ́ ọvịdị.

Anihwiripi 1:16

Aza ana aa sị ụhịị kà ọyịza Ikirisiti, dị ẹ̀ yị nyị ayị ọnya, vị ene roo ka vị ẹnị aa dàa tụ́ ịnị ụya ọnị maa rị ịnị ẹngwa aanị nị.

1 Itimoti 4:6

Wàa tama anda ayị nịnị ayị ini oze ịrẹyị ẹnẹẹ, ọnụkọrọ ozoza u waa vịị yị Ijeesu Ikirisiti nị. Wáa sị ịrẹyị ẹdọwụ ọnịrị ịzẹyịza ana a raà sị zụ̀ wụ, dị ụ saasaa pá ẹngụ awụ.