Anihwiripi 2:12 - IWE ỌNỊNỊ

¹² Ẹwụ nịnị anda ayị, anka ụ mẹ̀ yịị wụ́ ịrẹyị amị, m mẹ̀ yà ịdị awụ nịnị, wa vavọọ yịị wụ́ ịrẹyị amịị hu avọọ nịnị, m mẹ̀ yị mẹ daka kụkụ yà ịdị awụ nịnị aanị. Sị angwahi Ohomorihi beri ẹgahị, wa sịị mẹ̀ ụkọrọ ana vaa mẹ ka wa há nịnị;

Anihwiripi 2:12 Referans Kwoze

1 Anịkọrịntị 15:58

Ẹwụ nịnị ẹyịnyara amị, re ka wa hụ agụvị avọọ jẹẹ geri-geri nịnị, asị ụ zizi! Waa sị avaba ụmẹẹ mẹ ụkọrọọ yị Ananyị yị nịnị pooro, agụvị ka wâ yẹ nịnị ka ẹ yị nyị ịsị ụ mẹ yị Ananyị yị nịnị ana zụ vị ọọhẹ kẹnẹ.

Anihiburu 4:11

Agụvị avọọ, à vẹ yaa sịị vụrị, dị ya zụ ngụ ịnị ụhwọtụ ọnọọ. Asị a nyị ọza ana na mẹ akamawụ anka ohiku ayị nịnị.

1Ipita 2:11

Ẹwụ nịnị ọnị mi sì, wâ yẹ nịnị ka ọzọga ụ vị hi ịnị ẹhẹ nịnị nị. Agụvị avọọ, maa dá ịpẹẹ wụ nịnị: Và hụụnị ịsa edivi ọnị ọchẹngụ awụ nịnị sì. Ịsa ẹnẹẹ vị ana và eyi ịrazị kà ayị awụ nịnị.

Imatiwu 11:29

Navọ maa zụ̀ wụ nịnị oze, dị ma rẹẹ zụ̀ wụ nịnị ịsa; agụvị ka miī ro o yị ọza, dị mị rẹ nyị ayohunẹnẹ nị. Ịjọnọọ ayị awụ nịnị vaa nyị ụhwọtụ.

Anihwiripi 1:27

Ịsị ẹ vị ịrẹyị obooro ọ vị ka ebira awụ nịnị ọ̀ yà anka ọ mẹ vọrọ tụra ọza ana dọ enube ọyịza wụ́. Me ve hee wu nịnị oo, mẹ yị vẹ oo, mee sì ka ma wụ́ ka wáa sị ayị ọnya jẹẹ geri-geri nịnị, di u we duduu sị ọnyaa dụ ịrẹyị enube ọyịza ọnị ụ dọ wụ́ nịnị.

Ayịsaya 66:2

Ọ kà ọnị ọ mẹ ẹbẹẹba ọnịrị ẹtẹ nị. Avaba ẹhẹ vị anị. Ayị anị o hine tù aza anaā ka ẹngụ ẹnịnị chi, dị ẹ sị ayị tụra ọnị kẹnẹ, di e hí angwa anị ọ̀ọ ka ịrẹyị.

2Ipita 3:18

Waa vịra nịnị ini oze Ijeesu Ikirisiti Ananyị yị ọnịrị Ọdọzaha ayị, agụvị dị ọ̀ọ mẹ ọyịzaa yị wụ nịnị hu avọọ, dị ụ wa rẹẹ yẹẹ hu avọọ nịnị! Ụbanyị ọ̀ vị áanị booro aanị ọnịrị pooro zịna-zịna, Aamị.

Anihiburu 5:9

Ịjị Ohomorihi sị Ijeesu mẹ ka ọ gụ, dị Ijeesu kụkụ vị oze ana aza ana wụ́ ịrẹyị anị aa zịị há pooro zịna-zịna.

2 Itimoti 2:10

Agụvị avọọ, mâ sị ẹngụ dọ avaba ụyọrị agụvị aza oni Ohomorihi sị nyị, dị Ijeesu Ikirisiti ọ̀ rẹ zụ dọ ụyọrị agụvị aza ọnị Ohomorihi sị nyị, dị Ijeesu Ikirisiti ọ̀ rẹ zụ dọ ẹnị há, dị ẹ̀ rẹ nyị ụbanyị ana yà pooro zịna-zịna yị wa.

Ụhịrẹyị 13:4

Ọza anaā nyị uworo o mē zụ re ịsị e si ama ọza anaā mẹ̀ vee re e tụra-tụra.

Anihiburu 4:1

Ohomorihi ka ẹ́ yị zụ nyị ka ẹyị ẹ́ yị rẹ vaa ngụ ịzị ọnị yà, dị ya na tụ́ ụhwọ́. Agụvị avọọ à vẹ ya nyị angwahi, agụvị asị a na nyị ọza ịnya ịnị awụ nịnị ana ahịka ọ rẹ va zụ ngụ ịzọọ.

Anihiburu 12:1

Wee re ka áa nyị onivenu ọrụrụ-ọrụrụ ana kara yị aanị. Agụvị avọọ ịsa tụra ịsa ana àa vaa dọ yị oro, à vẹ ya sị ọọ kwooze beri ịvị anaā paraa za yị biri-biri! À vẹ ya jẹẹ geri-geri, di yee zwe echi ana yà ọvịdị ayị!

Anihwiripi 4:1

Ẹwụ nịnị ẹyịnyara amị, máa da sì ịrẹyị awụ nịnị kẹnẹ. Eyi awụ nịnị aa tụra mị. Ụụ̄ daa mẹ ka ịnẹ amị òo hine nịnị; ẹwụ nịnị ọ vị ọgụ ụkọrọ amị nị. Ẹwụ nịnị ẹyịnyara amị, ẹwụrị Ananyị yị ọ sị vị ọnya, agụvị avọọ jẹẹ geri-geri nịnị.

Aniroomi 2:7

Aza ẹnyị aa mẹ̀ ebira ozoza. Eyee sì ka Ohomorihi ọ̀ sị ụbanyị yị ẹnị, dị ọ̀ rẹ mẹ ka ẹnị ẹ̀ yàra pooro zịna-zịna. Ẹngụ aza ẹnẹẹ, Ohomorihi vaa mẹ ka ẹ̀ yàra ị́da anị pooro zịna-zịna.

1 Anịtẹsaronika 1:3

Ịị̄ tamayị awụ nịnị pooro ọ́vịdị Ohomorihi Ada ayị, anka ụ mẹmẹ aa sịị zụ̀ ka wáa sị ayị tụraa ini oze ụkọrọ awụ nịnị nị. Ịrẹyị ọza oni u sì raa mẹ ka waa mẹ̀ ụkọrọ nịnị ẹtẹẹtẹrẹ, vị ụ rẹ nyayịnẹ ee zí Ijeesu Ikirisiti Ananyị yị eyi nịnị.

Anihwiripi 1:29

Ohomorihi ộ sị oze wụ nịnị ka wa sị ayị tụra Ikirisiti nịnị. Ẹ yị vị ọnọọ kẹnẹ, ama ọ rẹ mẹ ka we re oze rị ụya nịnị agụvị anị nịnị.

Ahẹ Ụgama 119:120

Angwa awụ vi ene ee hí mị, dị ẹngụ amị aa dá ẹgahị agụvị ọkarẹyị ọnị ụụ̄ mẹ.

Ahẹ Ụgama 2:11

Sị ịrẹsụ yị Ẹnẹyịmavara dị waa sị ayị ohinee hẹkẹ ẹ nịnị.

2 Anịkọrịntị 7:15

Ọ̀ọ tamayị, ụ mẹmẹ aa wụ́ ịrẹyị ọza nịnị ọnịrị ụ mẹmẹ sị angwahi-angwahi dọ ọ ọzọga nịnị, ọọ̄ mẹ̀ ka ọ̀ hyakụ sì ịrẹyị awụ nịnị hu avọọ.

1 Anịkọrịntị 2:3

M mẹ̀ vavọọ va yà ịda awụ nịnị, m maa mẹ̀ anka ọza ẹnẹ ẹ̀yị nyị ụkata avọọ, dị mị hyakụ aa dá ẹgahị, ángwa mèe hí mi nị.

Anẹhwẹsọsị 6:5

Ẹwụ nịnị ezi ahụ, waa wụ́ ịrẹyị aza ana vị ọga awụ nịnị ịnị ẹhẹ ọnọnị! Sị ụbanyị yị wa, dị ụ wa nyị angwahi ẹnịnị! Waa sị ayị ọnyaa mẹ ụkọrọọ yị wa nịnị, anka ụ mẹ̀ yaanị mẹ yị Ikirisiti nịnị!

Ayịsaya 66:5

Batọ ịrẹyị Ẹnẹyịmavara ẹwụ nịnị ene hí angwa anị: Aza awụ nịnị ana nyị ịhyẹrẹ awụ di e yi wụ tịtẹ agụvị anị vaa sị wụ nịnị mẹ enyi ini. Dị ẹ ka, Ẹnẹyịmavara ọ́ sị ụkata anị zụ dị ẹnị e re kẹ. Ama ẹnị a vaa mẹ̀ ụhị nyị nị.

Ụhịrẹyị 10:16

Ebira ọyịza ọ sị ọza na orubo nị, ama ọza odivi vị ana sị ẹhẹ anị mẹ odivi.

Imatiwu 11:12

Hụrẹ ụmẹ Ịjọọnụ ọhwọzenyi va ngụ ajịnị, ịjọva Ada ayị ẹbẹẹba sị hụrẹ ngụ ịrẹyị ụkata nị, dị aza sị ụkata-ụkata kwẹẹtẹ tù ọọ nị.

Ẹzịra 10:3

Booro aanị, ọ sị vị abaabo ka ẹnị hụrẹ anẹẹ anikinami ẹnịnị ọnịrị ezi ẹnịnị ụvọ ka ẹẹ nọ eehi ẹnịnị anka ajuwe ọnị Ẹzịra ọnịrị aza ana sị ụvọ za ọda Ohomorihi sị yị ẹnị aanị.

Anihwiripi 1:5

agụvị ọgụvọ ọnị ụ mẹ mị nịnị ini oze enube ọyịza, m me hụrẹ nyima ve tù ọyaanị.

Odeyi 9:6

Kwẹẹtẹ, dị ụ wa nọ ịnị ẹkụra ọsọọ; a vaa kà a wụ ịsị a vọrọ ka wa mẹ.”

Anihwiripi 2:19

Ijeesu Ikirisiti Ananyị yị òo sì, mi vee jintuu tụ́ Itimotii hi wu nịnị. Ọ̀ọ vavẹ va kà enube awụ nịnịị mị, ayị amị vaa nẹtẹ.

1 Anịkọrịntị 4:14

Ayị vị agụvị ụhị ọ̀ nyị wụ nịnị, mị sị chẹrẹ ịsa ẹnẹnị tụ́ hi wu nịnị. Ama máa chẹrẹẹ ka ma sị kà wụ nịnị ọ̀nọ̀ anka ozi emi ụvọta oni mi sì ịrẹyị anị.

Anihwiripi 4:15

Ẹwụ nịnị Anihwiripi, wáa yẹ nịnị ka m me hụrẹ nyima aa kà enube ọyịza m mẹ̀ hụrị Imasedoniya, ẹwụ nịnị ịnya kẹnẹ ọ vị anịragụ Ohomorihi ẹnẹ ẹmịrịị aa sị ịsaa yị ẹngụ nị.

Odeyi 16:29

Dị ọga ọnọọ ka à sị ịra vẹ, di o zwe ngụ ini eehi ẹngwa, dị aa dá ẹgahị, dị ọ và ku ẹtẹ ọ́vịdị Ịpọọrụ ọnịrị Isira nị.

Anihwiripi 1:6

Máa yẹ kaakara ka Ohomorihi ana maanị nyima aa mẹ̀ ịsa ozoza ọnọnị nịnị ayị awụ nịnị vaa mẹẹ nee tù ịrẹsụ pooro ne tù ẹkụhị ọnị Ijeesu Ikirisiti vaa sị vaa vẹ.