Anihwiripi 2:10 - IWE ỌNỊNỊ

¹⁰ Avaba ịsa ene hi ẹbẹẹba ọnịrị ẹhẹ beri ini eku, ẹ̀ẹ wụ́ ịrẹha Ijeesu, e vee kú ẹtẹẹ yọ.

Anihwiripi 2:10 Referans Kwoze

Imatiwu 28:18

Dị Ijeesu ve tù wa, dị ọ kà a yị wa ka, “A raà sị avaba ụkata ịnị ẹhẹ ọnịrị ẹbẹẹba yị mị.

Anihiburu 1:6

Óhomorihi màa vaa tụ́ Ozi anị ọnị ọ nyị mẹ ọọnyị vẹ ẹhẹ, ọ rẹ kà a ka, “Avaba anggẹẹrị Ohomorihi nịnị ẹẹ hẹkẹ ẹ.”

Anẹhwẹsọsị 3:14

Agụvị avọọ, mê ku ẹtẹ yị Ohomorihi Ada ayị.

Ẹtore 4:10

dị azọkụ ohurẹẹna ẹnẹẹ và ku ẹtẹ ọvịdị ọza ana yaayịtẹ ịnị aga ohinọyị ọnọọ ana yára pooro zịna-zịna, dị ẹyaa hẹkẹ ẹ. Dị ẹ hụ̀ ọkẹkẹrẹkụ ẹnịnị tụ́ ọvịdị aga ohinọyị, dị ẹ ka:

Anẹhwẹsọsị 1:10

Ịsa oni Ohomorihi mẹ eto anị ka ọnị vaa mẹ ịjị ụmẹ òo si tù ọ vị ka, ọnị vaa kụ́ avaba ịsa ene hi ẹbẹẹba ọnịrị ẹhẹẹ gụ tụ́ ịdị Ikirisiti nị. Dị ahịka Ikirisiti ọ vị ka Ikirisiti ọ vị ohirẹsụ avaba ẹnịnị nị.

Imatiwu 27:29

Dị ẹ mẹ ọkẹkẹrẹkụ ikeyi-ikeyi, di e si kú ọọ ịrẹsụ nị. Dị ẹ sị okutẹ chire e ụvọ nị, di e nyima dị ẹyaa kụ́ ọọ ụkụ́ isiya nị, dị ẹ ka, “Taarụ, Ohinọyị Aniju nịnị.”

Ẹtore 20:13

Dị òkū kụ́ oku ene sú hi ịnị anị vẹ nị. Di iswọọza ọnịrị eku ẹnị rẹ hụrẹ oku ẹnịnị ụvọ nị. Dị a mẹ̀ ọkarẹyị yị ọzọza anka ịsa ọnị ọ mẹ nị.

Anẹhwẹsọsị 4:9

Ịjị a kà a ka, “ộ hịrẹ nọ ẹbẹẹba”, sẹ vị iruvo anị? Ọnọọ ọ vị ka ô vịdị zi chí nọ ụvẹtẹ-ụvẹtẹ huuu da.

Aniroomi 11:4

Ịjọọ vavọọ kà, wâ yẹ, Óhomorihi mè tụ́ ọọ ohi? Ohomorihi ộ kà a yọ ka, “Ma nyị nyị aza ẹnị akahị-akahị oze ịhịmba (7,000) tẹ yị ẹngụ amị. Aza ẹnẹẹ ẹ yị hyakụ jị idinku ku ẹtẹ yị ori ọnọọ ana aā hị́ Ịbaarị.”

Imatiwu 12:40

Íjona mẹ̀ yà ịnịnẹ ivovo ọbanyị ọnọọ mẹ ọọdụ ẹẹta ọnịrị ịrahụ ẹẹta, avọọ Ózi ọza onigirima mẹ̀ rẹ vaa mẹ ọọ dụ ẹẹta ọnịrị ịrahụ ẹẹta ịnịnẹ ẹtẹ nị.

Oyinyima 41:43

Dị ọ sị ọ tụra ịkẹkẹ oni umaataā tura ọnị ọgụ ọhụva ohinọyịị̄ tụra nị. Dị aza hi ọvịdị Ijosẹẹhụ di eyee nowu dị ẹ ka, “Hụrẹ oze nịnị!” Avọọ Ihwarawo mẹ̀ sị avaba ẹtẹ Ijipiti chire Ijosẹẹhụ ụvọ nị.

Ahẹ Ụgama 95:6

Vẹ yaa tanaa tụra ẹtẹẹ kụ́ ọ, dị yaa jị idinku kú ẹtẹ yị Ẹnẹyịmavara. Wâ yẹ ka ọnị ọ mẹ yị nị.

Ẹtore 5:3

Ẹ yị nyị ọza ịnya ẹbẹẹba, à vị ịnị ẹhẹ ọnọnị, à vị ini eku, ana zụ hụ̀ iwe ọnọnị dị ò re e.