Anihwiripi 2:1 - IWE ỌNỊNỊ

¹ Wáa yẹ nịnị ka ẹwụrị Ikirisiti ọ sị vị ọnya nịnị. Ọnọọ ộ sị ụkata yị ayị awụ nịnị. Ikirisiti óo sì ịrẹyị awụ nịnị, agụvị avọọ ayị awụ nịnị óo hunẹnẹ. Ẹwụrị Ụhwẹ Ọnịnị ọ sị vabẹ nịnị, ụ raa ngụ ayị ẹngụ nịnị, di u ree roo yị ẹngụ nịnị nị.

Anihwiripi 2:1 Referans Kwoze

Anikorasi 3:12

Ohomorihi ọ sị wụ nịnị nyị mẹ aza anị; óo sì ịrẹyị awụ nịnị. Agụvị avọọ waa mẹ̀ ebira ana vọrọ tụra ọza Ohomorihi nịnị! Wee roo yị ẹngụ, dị waa ngụ ayị ẹngụ nịnị. Kà ẹngụ awụ nịnị chí, nyị ebira hẹẹ ọnịrị ayọnẹtẹ nịnị.

1 Ịjọọnụ 4:12

Ẹẹ̀ yị nyị ọza ana sị eyi re Ohomorihi da, ama yèe sì ịrẹyị ẹngụ, ẹyịrị Ohomorihi vị ọnya. Oyisì anị ọ sị gụ tụ́ ịnị ayị ayị.

2 Anịkọrịntị 13:14

Ẹyịza ọọhẹ Ananyị yị Ijeesu Ikirisiti ọnịrị oyisì Ohomorihi ọnịrị uze Ụhwẹ Ọnịnị ọ̀ yà pe avaba awụ nịnị.

Anikorasi 2:2

Mị vavọọ aa vụrị agụvị ayị ẹnịnị ẹ̀ vị́, di è zụ sì ịrẹyị ẹngụ, dị ẹ̀ rẹ zụ vabẹ. Mee sì ka ẹ̀ yẹ ẹtẹẹtẹrẹ ịsa Ohomorihi vị ọnịrị ịrẹyị oni iruvo anị nyịnẹ. Ịrẹyị ọnọọ ọ vị Ikirisiti ọnị nyẹmba nị.

1 Anịkọrịntị 12:13

Yàa vị Aniju, yẹ̀ yị vị Aniju, yàa vị ọrịhị, yàa vị ozi; avaba ayị ọ sị vị ẹngụ ọnya, a mẹ̀ sị Ụhwẹ Ohomorihi mẹ̀ ọyịhwọzenyi yị. Ụhwẹ Ohomorihi ọnọọ ọnyọọnya ọ yà ịnị ayị avaba ayị nị.

Ahẹ Ụgama 133:1

Aza ana vị anda èe dudu ra vabẹ di ẹ̀ yị nyị ahankata nị, ộ dà zoza kẹnẹ!

Anigaratiya 5:22

Ama Ụhwẹ Ọnịnị ọọ̄ mẹ̀ ka ọza ọ̀ọ vịra ịnị ịsa ẹnẹnị nị: ịrẹyị ọza oyisì ọnịrị inohine beri ẹngwọọrọ ọnịrị isuuru beri ebira hẹẹ ọyịmẹ̀ ọnịrị ebira ozoza ne beri ịzẹyịza ọyịmẹ̀ ọnịrị

Anigaratiya 4:6

Dị à zụ yẹ ka ezi Ohomorihi ụ vị nịnị nị, Ohomorihi ộ sị Ụhwẹ Ọnịnị Ozi anị tụ́ ịnị ayị awụ nịnị, di ee nowu ka: Ada amị!

Odeyi 4:32

Avaba ẹnịnị ana dọ wụ́ vị ana và ịnẹ bẹ, dị ẹ nyị ayị ọnya nị. Ẹ yị nyị ọza ana kà a ka ịsị ọnị nyị ka áanị ịnyara kẹnẹ ọ vị nị. Ịsị ẹ̀ẹ nyị, vi e dudu aa gà a nị.

1 Ịjọọnụ 3:24

Ọza ana àa saasa ọda Ohomorihi, ọnịrị Ohomorihi ọ sị vị ọnya, Ohomorihi ọnịrị ọza ọnọọ ọ sị vabẹ. Ịsị ẹ sị zụ̀ yị gedebee ka ẹyịrị ọ vị ọnya yị: agụvị Ụhwẹ Ọnịnị anị ọnị ọ sị yị.

Ịjọọnụ 17:13

“Booro aanị, maa vẹ ịdị awụ. Maa kà ịsa ẹnẹnị, m mẹ̀ yị yà ịnị ẹhẹ aanị, agụvị dị ẹ̀ zụ nyị inohine amị tụ́ ịnị ayị ẹnịnị, dị ọ̀ gụ.

1 Ịjọọnụ 4:16

Ẹyị nyẹmba ộ yẹ, ya rẹ dọ wụ́ ka Ohomorihi ô sì ịrẹyị ayị, Ohomorihi vị eneē sì ịrẹyị ọza. Ọza eneē sì ịrẹyị ọza, ọnịrị Ohomorihi vị ọnya, Ohomorihi ọnịrị ọza ọnọọ ẹ sị vabẹ.

Anihwiripi 3:3

Ẹyị ọnị Ụhwẹ Ọnịnị sị ụkata yị ka yaa hẹkẹ Ohomorihi, ẹngụ ẹyị ọnọọ ọ vana jị ụvẹvẹnẹ obooro nị. Ịsa oni Ijeesu mẹ ịnị ẹhẹ ayị, ẹyị aa sịị mẹ ụbanyị nị. Ẹyị ẹ yị sị ayị tụra ịsa ana a mẹ tụ́ ịnị ọchẹngụ kẹnẹ.

1 Anịkọrịntị 3:16

Aanịka wẹ yị yẹ nịnị ka irehi Ohomorihi ụ vị nịnị nị? Ụhwẹ Ọnịnị vị ana ra ịnịnẹ awụ nịnị.

Aniroomi 8:26

Ụhwẹ Ohomorihi raa gụ ẹyị ẹnẹ ẹ̀ yị nyị ụkata ụvọ. Yẹ yị yara mẹ̀ aduwa, a mẹ̀ vọrọ; agụvị avọọ Ụ́hwẹ Ohomorihi ọnị ụvọta aa dá ịpẹẹ yị Ohomorihi yị nị. Ee tì ana ahịka irenu ọ yị zụ kà.

Aniroomi 5:5

Yàa nyị ọyịtureyi, ụhị ọ yị vaa nyị yị, agụvị ka Ohomorihi ộ mẹ̀ ka ya yẹ, o meme sì ịrẹyị ayị ini oze Ụhwẹ Ohomorihi ọnị ọ sị tụ ịnị ayị ayị.

Odeyi 2:46

Eyinị-eyinị ẹ sịị̄ kụ́ gụ ini irehi Ohomorihi ịnị ayị ọnya nị. Di e dudu aa rị ịsaa vaabẹ ini eehi ẹnịnị, dị ẹyaa sị ịrajẹẹ gà ịsọyịrị ẹnịnị nị. Ệ sị ọọ rọ ẹngụ ẹnịnị ẹngụ.

1Ipita 1:2

Ohomorihi Ada ayị ô vịdị si o ro tịtẹ, dị ọ va nyị wụ nịnị nị. Ộ sị Ụhwẹ Ọnịnị anị nyị wụ nịnị tịtẹ yị ẹngụ anị, ka wa wụ́ ịrẹyị Ijeesu Ikirisiti nịnị, dị e che anya anị sẹ́ wụ nịnị. Ohomorihi ọ̀ mẹ ọyịza ọnịrị ẹngwọọrọ anị yị wụ nịnị hu avọọ hu avọọ!

Anihiburu 6:18

Ịrẹyị ẹẹva ẹnẹẹ ẹ mā vara. Ohomorihi oyi re zụ cheeche ịnị anị. Agụvị avọọ, ẹyị ene zwe na tẹ̀ ịdị anị, yaa nyị ọtụtụrụma ẹtẹẹtẹrẹ ka ya sị ụvọ za oni Ohomorihi raà sị tụ́ ọvịdị ayị geri-geri. Ịsa ọnọọ ị sị eyi tụ́ ịnị anị nị.

Anihwiripi 1:8

Ohomorihi ọ́ọ yẹ ka Ijeesu Ikirisiti ụvọta ọ mẹ ka eyi awụ nịnị ọ̀ọ tụra mị ẹtẹẹtẹrẹ nị.

Anẹhwẹsọsị 4:4

Wa sị vị ọnya nịnị, anka ẹ́ngụ ọza mẹ̀ vị ọnya avọọ. Ụhwẹ Ọnịnị rẹ vị ọnya. Avọọ ị́sa oni Ohomorihi hị́ wụ nịnị ka wa vaa tụra eyi anị ọnị mẹ̀ rẹ vị ọnya nị.

2 Anịkọrịntị 2:14

À vẹ ya kụ́ Ohomorihi avọ! Ẹ́yịrị Ikirisiti mẹ̀ sị vị ọnya, ộ mẹ̀ ka è ree ka Ikirisiti ọ raà nyị ehuna avaba ayị. Ộ sị yị mẹ anka ịsa ana nyị agụ ozoza ọnị ọzọza aa wụ́ avọọ ka aza ẹ̀ zụ yẹ ini oze Ikirisiti avaba aha.

1 Anịkọrịntị 15:31

Ẹwụ nịnị ẹyịnyara amị, ẹmịrị isu ẹ yị tára ẹngụ eyinị-eyinị. Ịzẹyịza ọ vị nị, anka m maa sị wụ nịnị wo oto ka aza Ijeesu Ikirisiti Ananyị yị ụ vị nịnị nị.

Ịjọọnụ 14:27

“Maa mẹ ka wa nyị ẹngwọọrọ nịnị; ẹngụ ẹngwọọrọ ọnị mị nyị m maa mẹ̀ ka wa nyị nịnị nị. Ẹ yị vị ẹngụ ẹngwọọrọ ọnị ẹhẹ sịị yị ọza m maa mẹ̀ ka wa nyị nịnị. Asị ụ zẹẹ ka ayị awụ nịnị ò du; asị u re hí angwa nịnị!

Ịjọọnụ 14:18

Mẹ yị vaa navọ wụ nịnị kẹnẹ anka ozi oku avọọ. Mị vaa vaavẹ ịdị awụ nịnị.

Iruuku 2:25

 nyị ọnọrụ ọnya aanị Íjerusarẹmị ọnị ịrẹha anị rị Isimiyọnị. Ọnịzẹyịza ọ vị nị, dị ọ rẹẹ̄ hẹkẹ Ohomorihi nị. Ee zí eyi ka Ohomorihi ọ̀ va kụ́ Anisirẹrị vavẹ udi ẹnịnị. Ụhwẹ Ọnịnị yà ịnị ayị anị.

Ayịsaya 16:11

Ịrẹyị Imowabi ọnịrị Ikiri-Iheresi ộ mẹ̀ ka ayị amị ò du ẹtẹẹtẹrẹ.