Anihwiripi 1:9 - IWE ỌNỊNỊ

⁹ Aduwa ọnị maa mẹẹ wụ nịnị yị: Ohomorihi ọ̀ navọ wee sì ịrẹyị ẹngụụ hu avọọ nịnị pooro. Dị ụ wa rẹẹ nyị ịrẹyọyẹẹ hu avọọ nịnị, dị ụ wa zụ yẹ ịsa ozoza ọnịrị ene è yi zoza nịnị.

Anihwiripi 1:9 Referans Kwoze

1 Anịtẹsaronika 3:12

Ananyị yị ọ̀ navọ wee sì ịrẹyị ẹngụụ hu avọọ, di u we ree sì ịrẹyị azaa hu avọọ, anka ẹ́yị mè ree sì ịrẹyị ẹwụ nịnị.

Anikorasi 1:9

Agụvị avọọ, ị mẹ̀ hụrẹ wụ́ ọ, ị hụrẹ aa mẹ ịpọdaa yị Ohomorihi agụvị awụ nịnị nị. Yaa dá ịpẹ ka ọ̀ sị zụ̀ wụ nịnị gedebee ịsa oni o sì, dị Ụhwẹ Ọnịnị ọ̀ sị ịrẹyọyẹ yị wụ nịnị ịnị avaba ịsa.

Ihwirimọnị 1:6

Maa mẹ̀ aduwa ka ẹdọwụ ọnị ụ nyị tụ ịnị anị, ọ̀ va mẹ ka wa yẹ avaba ịsa ọyịza ọnị nyị hu avọọ, agụvị ka ẹyịrị Ikirisiti ọ sị vị ọnya.

Anikorasi 3:10

ebira ọwọọwa ụ kụkụ nyị nịnị nị. Ohomorihi ọ vara wụ nịnị ọza ọwọọwa nị. Dị ee yii tenyi ebira awụ nịnị ọnọọ, agụvị dị ò zụ véné ebira Ikirisiti, dị waa yẹ Ikirisiti nịnịị huna avọọ nị.

1Ipita 1:22

Wa sị ẹngụ awụ nịnị vara aza ọnịnị, agụvị ka waa saasa ịzẹyịza Ohomorihi nịnị; agụvị avọọ di u kuku ee sì ịrẹyị ọdọwụ anda ayị nịnị ẹtẹẹtẹrẹ nị. Agụvị avọọ, wa yịị sị avaba ayị awụ nịnịị sì ịrẹyị ẹngụ nịnị ẹtẹẹtẹrẹ.

2 Anịkọrịntị 8:7

Waa mẹ ẹtẹẹrẹ ịnị avaba ịsa nịnị. Wâ dọ wụ́ nịnị, wa rẹ zụ kà ịrẹyị nịnị, dị ụ rẹ yẹ ịrẹyị nịnị nị. Wa rẹ kụ́ ẹngụ hi ụkọrọ Ohomorihi nịnị, we re sì ịrẹyị ayị nịnị. Re ka ụ raa mẹ̀ ụkọrọ ẹyịza ọyịmẹ̀ nịnị ẹtẹẹtẹrẹ o.

1 Anịkọrịntị 14:20

Ẹwụ nịnị ẹyịnyara amị, asị u rè ro ịrẹyị anka ezweyi nịnị! Re ka wee ro ịrẹyị anka ọza ana sị vịra! Wâ yẹ ka ezweyi ẹ mā mẹ̀ ịsa odivi; ẹwụ nịnị ọ̀ rẹ vavọọ yà anka ezweyi!

2 Anịtẹsaronika 1:3

Ẹwụ nịnị ẹyịnyara amị, áa nyị ka yaa kụ́ Ohomorihi avọ pooro agụvị awụ nịnị. Iruvo ọ vị ka waa yị sị ayị tụra Ikirisiti hu avọọ nịnị ẹtẹẹtẹrẹ, dị ụ rẹ nyayịnẹ ee sì ịrẹyị ẹngụụ hu avọọ ẹtẹẹtẹrẹ nị.

2Ipita 3:18

Waa vịra nịnị ini oze Ijeesu Ikirisiti Ananyị yị ọnịrị Ọdọzaha ayị, agụvị dị ọ̀ọ mẹ ọyịzaa yị wụ nịnị hu avọọ, dị ụ wa rẹẹ yẹẹ hu avọọ nịnị! Ụbanyị ọ̀ vị áanị booro aanị ọnịrị pooro zịna-zịna, Aamị.

Anihiburu 5:14

Ịsa ọyịrị obooro ázọkụụ̄ rị nị. Ẹnịnị ệ kọsẹ ịrẹyọyẹ, agụvị avọọ ẹ sị ọyịza ọnịrị odivi yẹ.

Anẹhwẹsọsị 5:17

Agụvị avọọ asị ụ vị ọnụra nịnị, ama re ka wáa yẹ ịsa oni Ohomorihi sì ka wa mẹ nịnị!

Ụhịrẹyị 4:18

Ọnịrẹyịzẹyịza ọọ̄ ma hụrẹ ayịnẹ. Ẹhẹ anị ọ mā nyị ọjịrẹka.

1 Anịtẹsaronika 4:1

Ẹwụ nịnị ẹyịnyara amị, jẹẹ maa kà ịsa ọnya, dị ma va za ịrẹyị amị ịrẹsụ: Ya raà sị zụ̀ wụ nịnị ẹngụ ebira ene zé Ohomorihi eyi ana a vọrọ ka waa mẹ nịnị. Avọọ ụ màa mẹ nịnị da nị. Aarịhịnị, yáa sị Ijeesu Ananyị yị dá ịpẹẹ wụ nịnị ka waa sịị vụrịị hu avọọ nịnị.

Ijoovu 17:9

Ịsa tụra ịsa enee tu ọnizẹyịza, vị́ ọnị aa jẹẹ gere-gere.

Ahẹ Ụgama 119:66

Navọ wa kọ mị dị ma yẹ ịrẹyị ọnịrị ịsa ana vọrọ.