Anihwiripi 1:8 - IWE ỌNỊNỊ

⁸ Ohomorihi ọ́ọ yẹ ka Ijeesu Ikirisiti ụvọta ọ mẹ ka eyi awụ nịnị ọ̀ọ tụra mị ẹtẹẹtẹrẹ nị.

Anihwiripi 1:8 Referans Kwoze

Anihwiripi 4:1

Ẹwụ nịnị ẹyịnyara amị, máa da sì ịrẹyị awụ nịnị kẹnẹ. Eyi awụ nịnị aa tụra mị. Ụụ̄ daa mẹ ka ịnẹ amị òo hine nịnị; ẹwụ nịnị ọ vị ọgụ ụkọrọ amị nị. Ẹwụ nịnị ẹyịnyara amị, ẹwụrị Ananyị yị ọ sị vị ọnya, agụvị avọọ jẹẹ geri-geri nịnị.

Aniroomi 1:9

Mâ sị Ohomorihi ọnị maa sị ayị ọnyaa hẹkẹ, ịnị ka maa kà enube ọyịza Ozi anị tẹ̀ ivenu, ka ẹ yị nyị ka maa mẹ̀ aduwa dị mẹ̀ yị tamayị awụ nịnị.

2 Itimoti 1:4

Mâ tamayị ụ maa jị òrèrè. Eyi awụ aa tụra mị ẹtẹẹtẹrẹ; mee sì ka me re wu dị ayị amị ò zụ hine ẹtẹẹtẹrẹ.

1 Anịtẹsaronika 2:8

Yê sì ịrẹyị awụ nịnị ẹtẹẹtẹrẹ. Ẹ yị vị enube ọyịza Ohomorihi kẹnẹ i yee sì ka ya kà wụ nịnị; yee sì ka ya hyakụ sị ẹngụ ayịị wụ nịnị bẹẹ, agụvị ka vị ị nyayịnẹ sì ịrẹyị awụ nịnị nị.

Aniroomi 9:1

Ịrẹyị ọnị maa kà aanị vị ịzẹyịza. Mâ sị Ikirisiti tẹ ivenu, me yi cheeche. Ayị amị ọnịrị Ụhwẹ Ohomorihi ọ rẹ dọ ivenu tụ́ ọọ bẹẹ.

Ihwirimọnị 1:12

Maa sị ọ varẹma vaa wụ̀, ayị amị ọ́ọ saasa aa vẹ.

Ijeremaya 31:20

Ẹnẹyịmavara kà, ẹwụ nịnị Anisirẹrị ẹ vị ozi ịpaapa anị nị. Ẹwụ nịnị ọnị sì ịrẹyị anị hu nị. Ọnị ọ̀ọ daka aa yịị kụ ayịị hi u nịnị ọnị ee yii rò ịrẹyị awụ nịnị. Ọ kà, ịrẹyị awụ nịnị ẹ́ yị hụụnị ayị anị, ọnị vaa vayị awụ nịnị.

Anikorasi 2:1

Jẹẹ ma kà a wụ nịnị ka mâ sị vụrị ẹtẹẹtẹrẹ agụvị awụ nịnị ọnịrị Anịragụ Irayodesiya ọnịrị aza ẹnẹ ẹ̀ yị hyakụ yẹ mị tụ́ eyi.

Anigaratiya 4:19

Ezi emi oni mi sì ịrẹyị anị, mị raa rị ụya agụvị awụ nịnị booro aanị anka ọnẹẹ ana aa ma ozi avọọ. Avọọ m mẹ vaa rị ụya pooro dị aza ẹ̀ zụ yẹ ka wa raa sị ebira Ikirisiti nịnị nị.

Anigaratiya 1:20

Avaba ịsa ọnị mị chẹrẹ tụ́ hi wu aanị vị ịzẹyịza. Ohomorihi vị onivenu amị ka me yi cheeche.

2 Anịkọrịntị 7:15

Ọ̀ọ tamayị, ụ mẹmẹ aa wụ́ ịrẹyị ọza nịnị ọnịrị ụ mẹmẹ sị angwahi-angwahi dọ ọ ọzọga nịnị, ọọ̄ mẹ̀ ka ọ̀ hyakụ sì ịrẹyị awụ nịnị hu avọọ.

2 Anịkọrịntị 6:12

Wèe roo nịnị ka yẹ yị sị avaba ayị sì ịrẹyị awụ nịnị, ẹ yị vị ịzẹyịza ọ vị. Ẹwụ nịnị ịrẹyị vị ana yà ịnị ụvọ anị nị.

Iruuku 1:78

Ohomorihi ayịị̄ vayị ọza ẹtẹẹtẹrẹ, agụvị avọọ ọ vaa mẹ ka ẹtohweyi ana sị mẹẹ anka ọyị anaa tụ̀ụ vẹ avọọ ọ̀ và ọpa tụra ayị.

Ayịsaya 63:15

Ẹnẹyịmavara navọ wa va eyi chi vẹ hụrẹ ẹbẹẹba, aha ọnịnị ọnịrị ụbanyị awụ, dị wee re ịsa ana aa na.

Ayịsaya 16:11

Ịrẹyị Imowabi ọnịrị Ikiri-Iheresi ộ mẹ̀ ka ayị amị ò du ẹtẹẹtẹrẹ.

1 Ịjọọnụ 3:17

À kà a ka ọza ọ́ọ nyị ịsa rị ụvọ, dị o re ọdọwụ ọsa mee re osiye, ama dị ọ sị ụvọ anị kwoku yọ nị, ọza ọnọọ ọ́ọ́ zụ kà a ka oni o sì ịrẹyị Ohomorihi?

Ihwirimọnị 1:20

Ẹnẹbẹnị ayị, aarịhịnị hụ agụvị Ananyị yị dụ wa mẹ̀ ịsa ọnọnị mị. Sị ayị amị nẹtẹ agụvị ka ẹmịrị ẹwụ vị ọnya ini Ikirisiti.

1 Anịtẹsaronika 2:5

Wáa yẹ nịnị ka ẹ yị nyị ụmẹ ọnị ị sị kà eyi ọza; yẹ yị rẹ mẹ apẹ há ọhọha. Ohomorihi vị onivenu ayị.

Anikorasi 3:12

Ohomorihi ọ sị wụ nịnị nyị mẹ aza anị; óo sì ịrẹyị awụ nịnị. Agụvị avọọ waa mẹ̀ ebira ana vọrọ tụra ọza Ohomorihi nịnị! Wee roo yị ẹngụ, dị waa ngụ ayị ẹngụ nịnị. Kà ẹngụ awụ nịnị chí, nyị ebira hẹẹ ọnịrị ayọnẹtẹ nịnị.

Anihwiripi 2:26

O si kù ene eyi awụ nịnị hụrẹ aa tụra a. Ayị amị ọ yị nẹtẹ, agụvị ka wâ wụ́ ọ nịnị ka ẹngụ ộ zị ọ.

Anihwiripi 2:1

Wáa yẹ nịnị ka ẹwụrị Ikirisiti ọ sị vị ọnya nịnị. Ọnọọ ộ sị ụkata yị ayị awụ nịnị. Ikirisiti óo sì ịrẹyị awụ nịnị, agụvị avọọ ayị awụ nịnị óo hunẹnẹ. Ẹwụrị Ụhwẹ Ọnịnị ọ sị vabẹ nịnị, ụ raa ngụ ayị ẹngụ nịnị, di u ree roo yị ẹngụ nịnị nị.

2 Anịkọrịntị 13:9

Ẹ́yị mẹ̀ vị ọkụmị, dị ẹwụ nịnị nyị ụkata aanị, ịnẹ ayị ô hine. Yaa mẹ̀ aduwa ka wa hyakụ zụ gụ nịnị.

Ijoovu 16:19

Ohomorihi ana ya ẹbẹẹba ene sere ọnị ọ vị onivenu anị nị.

Anigaratiya 3:26

Avaba awụ nịnị vị ezi Ohomorihi, agụvị ka wáa sị ayị tụra Ijeesu nịnị.