Anihwiripi 1:15 - IWE ỌNỊNỊ

¹⁵ Ama aza ẹnyị vị ana aa kà enube ọyịza Ikirisiti agụvị ka ẹyaa kụ̀ ụhị, dị ẹ rẹ vị ọnịrẹyị nị. Ama aza ẹnyị vị ana aa sị ayị ọnyaa kà a.

Anihwiripi 1:15 Referans Kwoze

Anihwiripi 2:3

Asị a nyị ọza ana sị ụhị ọyị kụ̀ mẹ ịsọnyị-ịsọnyị. Asị ụ rẹ mẹ̀ ịsa agụvị di u we zụ sii wo oto nịnị. Ọzọza ọ̀ kà ẹngụ anị chi, asị aza ẹnyị ro o ka ọnị óo huna ọsa.

2 Anịkọrịntị 11:13

Ezirẹma Ijeesu ireche ẹ vị nị, dị eyee cheechee tụ́ ịnị ụkọrọ ẹnịnị nị. Dị ẹyaa mẹ apẹ ka ezirẹma Ijeesu ẹnị vị nị.

2 Anịkọrịntị 4:5

Yẹ yị kà enube ẹngụ ayị. Ama yaa kà enube ọyịza Ijeesu oni Ohomorihi nyị mẹ ohinọyị ka ọ̀ dọ yị há ka, ọnị ọ vị Ananyị yị nị. Ẹyị â hụ̀ agụvị Ijeesu, yâ vị ezi ahụ awụ nịnị.

2 Anịkọrịntị 1:19

Ijeesu Ikirisiti ana vị Ozi Ohomorihi ẹnẹ ẹmịrị Isirivanọsị beri Itimoti kà ịrẹyị anịị wụ nịnị, ayị vị ọza hịịn eyiye ọ vị. Ọ̀ọ kà a ka “hịịn”, “hịịn” ọ vị nị.

Imatiwu 23:5

Avaba ịsa ẹnịnị vị ẹnẹ ẹẹ̄ mẹ ka aza è re e kẹnẹ. Ampo ana a chẹrẹ ịrẹyị Ohomorihi tụ́, dị a sụ́ ọ za ụvọ ọnịrị ibe, ẹnịnị vị ana banyị irenyi. Avọ awuru ẹnịnị vị ana rẹ gọdọ irenyi.

1 Itimoti 3:16

Avaba aza ẹ́ẹ dọ ka ahẹkẹ ayị ọnọnị, ọ ka hịịn, iruvo anị ọ́ọ nyịnẹ ẹtẹẹtẹrẹ: Ikirisiti ọ́ọ sị ẹngụ anị zụ̀ anka ọzarẹyịrẹsụ. Ụhwẹ Ọnịnị ọ́ọ sị zụ̀ ka ọnịzẹyịza ọ vị nị, anggẹẹrị nịnị e re ree. Áa kà ịrẹyị anị yị anẹhẹ, anẹhẹ ẹ́ẹ sị ayị tụra, dị a sị ọọ nọ ẹbẹẹba ini igirima nị.

Anigaratiya 2:4

Aa kà ọ̀nọ̀ ini oze ịrẹyị ọnọnị, agụvị ka áa nyị ọdọwụ ireche nini ene were va ngụ ịnị akakana ayị. Ẹ́ẹ tangwa vẹ ka eni è ve were re ị mẹmẹ nyị ẹngụ ayị, ẹ́yịrị Ijeesu Ikirisiti mẹ̀ sị vabẹ. Eyee sì ka ẹnị ẹ̀ za yị na vị ọrịhị (ọda Aniju).

2 Anịkọrịntị 12:20

Mee roo ka ẹyịyara, mèe tù ịdị awụ nịnị, wẹ yị vaa yà, anka m mè sì ka wa yà nịnị. Ẹmị ẹ yị rẹ vaa yà anka u mè sì ka ma yà nịnị. Asị a hyakụ na nyị ịrazị ọnịrị ụhị ọyịkụ ne beri ọyịkụ! Asị a rẹ na nyị ebira ọza eneē sì ẹngụ anị kẹnẹ, ọnịrị aza eneē du ọza ịrẹsụ, ọnịrị ọza anaā kụ́ ịrẹka, ne beri ọza anaā mẹ eyi, ọnịrị ọza anaā mẹ̀ ebira jugu-jugu.

1 Anịkọrịntị 13:3

Màa hyakụ nyẹngụ sị avaba ogu ọnị mị nyị mẹ ẹyịza, dị mị hyakụ zẹẹ ka à rị mị ịra nị, ama àa vị ka me yi sì ịrẹyị ọza, ẹ yị nyị ọgụ ịsị ọ vị yị mị.

1 Anịkọrịntị 1:23

Ama ẹyị vị ana aa kịị kà enube ọyịza Ijeesu ana a kanyị za ọchị apavahị kẹnẹ. Enube ọyịza ọnọọ vị ana aa mẹ ka Aniju nịnị ẹ̀ và ịrẹma kà a. Ọ rẹ mẹ ka Anigiriki nịnị è ree ka ụra kẹnẹ-kẹnẹ ọ vị nị.

Odeyi 11:20

Ẹnyị ịnị ọdọwụ ẹnẹẹ vị Aniju ana hụrẹ Ịsayịpịrụsị ọnịrị Isayirini vẹ. Ệ nọ Antịyọkị, dị ẹyaa kà enube ọyịza Ijeesuu yị Anigiriki nịnị bẹẹ nị.

Odeyi 10:36

Wâ yẹ ụtụ oni Ohomorihi tụ́ hi Anisirẹrị nịnị. Ini oze Ijeesu Ikirisiti, ộ kà enube ọyịza ẹngwọọrọ yị aza. Ijeesu ọnọọ ọ nyị avaba ịsa nị.

Odeyi 9:20

Dị ọ wụsẹ nọ ini irehi Ohomorihi Aniju, dị aa kà a nị ka Ijeesu vị Ozi Ohomorihi.

Odeyi 8:35

Dị Ihwiripi nyima aa kà ịrẹyị, dị ọ sị ịrẹyị anị hụrẹ ịzị ọnọrụ ọnọọ aa kà gẹdẹ-gẹdẹ ini Iwe Ohomorihi, dị ọ kà enube ọyịza Ijeesu yọ nị.

Odeyi 5:42

Eyinị-eyinị, ini irehi Ohomorihi ọnịrị hụụnị ini irehi ọnya na ngụ ọsa, dị ẹyaa yịị sị ịsaa zụ̀ aza, dị ẹ rẹ yaa kà enube ọyịza Ijeesu Ikirisitii yị aza nị.

Odeyi 8:5

Ihwiripi ô chí nọ ẹkụra ọbanyị Ịsamarịya, dị ọ na kà enube ọyịza Ikirisiti yị anịzọọ nị.

Aniroomi 2:8

Ama aza ẹnyị vị ene ee sì ọyịzaa yị ẹngụ ẹnịnị ịnya kẹnẹ. Ẹnịnị ẹ vị ana aa mẹ akamawụụ hi ịzẹyịza, ịsa odivi kẹnẹ ẹẹ̄ dụụ zị nị. Ẹngụ aza ẹnẹẹ, Óhomorihi vaa kụ́ ayịị hi ẹtẹẹtẹrẹ, dị ọ mẹ̀ ọkarẹyị yị wa nị.