Anihwiripi 1:14 - IWE ỌNỊNỊ

¹⁴ Ịnị ẹngwa ọnị mị yà aanị, ọ raà mẹ ka anda ayị ọrụrụ-ọrụrụ e che ayị za Ananyị yị hu avọọ, dị ẹ̀ kụkụ nyị ọtụtụrụma hu avọọ, dị ẹyaa kà ịrẹyị Ohomorihi, di è yi hí angwa nị.

Anihwiripi 1:14 Referans Kwoze

1 Anịtẹsaronika 2:2

Wáa yẹ nịnị, ị mẹmẹ vịdị rị ụya dị a kụ̀ yị ụhụ Íhwiripi. Ama Ohomorihi ọ sị sị ọtụtụrụma yị ka ya kà enube ọyịza anị yị wụ nịnị, aza ẹ̀ẹ daka sì ka ẹnị ẹ̀ dọ yị oro.

Iruuku 1:74

ka ọnị vaa dọ yịị háa hụụnị ụvọ ọnịvị ayị, dị yaa hẹkẹ ọnị, dị asị i hí angwa;

Anikorasi 4:4

Mẹ aduwaa mị nịnị ka ma zụ kà a zụ̀ aza, ọ mẹ̀ vọrọ, dị ẹnịnị ẹ̀ zụ yẹ.

Anihwiripi 1:7

Áa vọrọ ka ẹngụ ariro ọnọọ ọ̀ vavọọ yà ịnị ayị amị, agụvị ka ịrẹyị awụ nịnị vị anaā yà ịnị ayị amị pooro. Ụkọrọ oni Ohomorihi nyị mi yi sị mị, wé beri emi nyị ụvọ tụ́ ọ nịnị. M Mẹ̀ yà ịnị ẹngwa, ẹmịrị ẹwụ nịnịị yọ nị; m mẹ̀ vaa kà ịrẹyị Ohomorihi dị maa sịị zụ̀ aza ka ịzẹyịza ọ vị nị, ẹmịrị ẹwụ nịnị rẹẹ yọ nị.

Anikorasi 4:7

Ịtayịkịkọsị vị ẹnẹbẹnị ayị ini oze Ijeesu. Ọ vaa vẹ, dị ọ̀ kà avaba enube ini oze amịị wụ nịnị. Mée sì ịrẹyị anị agụvị ka aa sị ayị ọnyaa mẹ ụkọrọọ yị ịragụ Ohomorihi. Ẹmịrị ọ o dudu vị ozi ahụ Ananyị yị.

Anihwiripi 4:1

Ẹwụ nịnị ẹyịnyara amị, máa da sì ịrẹyị awụ nịnị kẹnẹ. Eyi awụ nịnị aa tụra mị. Ụụ̄ daa mẹ ka ịnẹ amị òo hine nịnị; ẹwụ nịnị ọ vị ọgụ ụkọrọ amị nị. Ẹwụ nịnị ẹyịnyara amị, ẹwụrị Ananyị yị ọ sị vị ọnya, agụvị avọọ jẹẹ geri-geri nịnị.

Anẹhwẹsọsị 3:13

Aarịhịnị, asị ụ na zẹẹ ka ayị awụ nịnị ọ̀ vazi agụvị ụya ọnị maa rịị yị wụ nịnị! Avaba anị vị ọgụ yị wụ nịnị.

2 Anịkọrịntị 3:12

Agụvị ka yaa maanị nyị ọyịtureyi ọnọnị, ọnị ọ mẹ̀ ka ya vavọọ nyị ayị dị yaa kà ịrẹyị nị.

2 Anịkọrịntị 7:4

Mâ sị ayị tụra wụ nịnị ẹtẹẹtẹrẹ, dị mị raa sị wụ nịnị mẹ eyi nị. Yâ daka aa rị ụya pooro, ma nyị nyị ayọnẹtẹ, ayị amị vị ene ee yii hine ẹtẹẹtẹrẹ.

Anihwiripi 1:20

Ịsị mee sìi hu keekere di mi re si eyi tụ́, ọ vị ka asị ụhị nyị mị ini oze ọnyọọnyị nị. Ama mee sì ka ma nyị ọtụtụrụma ịnị avaba ụmẹ ọnịrị ọyaanị bẹẹ. Mee sì ka ma nyẹngụ sị avaba ayị amị sị ụbanyị yị Ikirisiti, màa daka sú, màa yára.

2 Itimoti 2:9

Agụvị enube ọyịza ọnọọ, m maa sịị rị ụya aanị, dị a hyakụ sị ẹba tụ́ mị anka ọza ana na mẹ̀ ịsa odivi avọọ nị. Ama mâ yẹ ka ọza ọyị zụ sị ẹba tụ́ ịrẹyị Ohomorihi.

Ịmaakị 3:3

Dị Ijeesu kà a yị osuvọ ọnọọ ka, “Vẹ ọvịdị ịzẹnị!”