Anihwiripi 1:13 - IWE ỌNỊNỊ

¹³ Booro aanị avaba aza ene hi ịdị ohinọyị ọnịrị aza ana vọ ẹ sị yẹ ka agụvị ịrẹyị Ikirisiti mị yà ịnị ẹngwa nị ịzẹnị nị.

Anihwiripi 1:13 Referans Kwoze

2 Itimoti 2:9

Agụvị enube ọyịza ọnọọ, m maa sịị rị ụya aanị, dị a hyakụ sị ẹba tụ́ mị anka ọza ana na mẹ̀ ịsa odivi avọọ nị. Ama mâ yẹ ka ọza ọyị zụ sị ẹba tụ́ ịrẹyị Ohomorihi.

Anẹhwẹsọsị 3:1

Ẹmị Ịpọọrụ vị anịnẹngwa Ijeesu Ikirisiti agụvị ẹwụ nịnị ẹnẹ ẹ̀ yị vị Aniju.

Anihwiripi 1:7

Áa vọrọ ka ẹngụ ariro ọnọọ ọ̀ vavọọ yà ịnị ayị amị, agụvị ka ịrẹyị awụ nịnị vị anaā yà ịnị ayị amị pooro. Ụkọrọ oni Ohomorihi nyị mi yi sị mị, wé beri emi nyị ụvọ tụ́ ọ nịnị. M Mẹ̀ yà ịnị ẹngwa, ẹmịrị ẹwụ nịnịị yọ nị; m mẹ̀ vaa kà ịrẹyị Ohomorihi dị maa sịị zụ̀ aza ka ịzẹyịza ọ vị nị, ẹmịrị ẹwụ nịnị rẹẹ yọ nị.

Anẹhwẹsọsị 6:20

Odeyi Ikirisiti mị vị nị, ộ tụ́ mị ka ma naa kà enube ọyịzaa yị aza nị; agụvị anị mị hyakụ yà ịnị ẹngwa booro aanị nị. Mẹ aduwa yị mị nịnị ka ma nyị ọtụtụrụma dị ma yịị kà a, anka ọ mẹ̀ vọrọ!

Odeyi 26:29

Dị Ịpọọrụ ka, “Ọ̀ọ vị ụmẹ ọgọdọ, àa vị ụmẹ keere, ịsị mee sì, ọ vị ka Ohomorihi ọ̀ navọ asị ahịka ẹwụnya kẹnẹ yọ nị, ama avaba aza ana aa wụ́ ịrẹyị amị ajịnị aanị, ẹ̀ zụ yà, m mẹ̀ yà aanị. Ama me yi sì ka à sị ẹba tụ́ wa, anka a mẹ̀ sị tụ́ mị aanị kẹnẹ.”

Anihwiripi 4:22

Avaba aza Ohomorihi ka ẹnị kụ́ wụ nịnị. Ẹnị anineehi ohinọyị Aniroomi ka màaa kụ́ wụ nịnị, ẹnị ẹ̀ẹ wụ́.

Odeyi 28:30

Ịpọọrụ ộ yà ịzọọ mẹ ịrayị ẹẹva ini irehi ọnọọ dọ di ee sí ụta anị. Dị aa dọ aza ene èe ve hee yi ọzọga nị.

Odeyi 28:20

Ọ kà agụvị avọọ ọnị hị́ wa, ka ọnị o re wa, dị ọnịrị wa è dudu kà ịrẹyị nị. Ịrẹyị ọza ana Anisirẹrị aa tụra eyi, ọ mẹ ka à kụ́ ẹba tụ́ ọnị aanị nị.”

Odeyi 28:17

Ịrẹma ẹkụhị ẹẹta, dị Ịpọọrụ hị́ ọdọvịdị Aniju nịnị ene hi ịzọọ eyọgẹ nị. Ẹ mẹ̀ sị gụ, dị ọ kà a yị wa ka, “Ẹwụ nịnị ẹyịnyara amị, ẹ yị nyị ịsị ọnị mẹ anda ayị, Ọnị ẹ yị mẹ̀ ịsa odivi hi ịsa ohiku ayị. Ama vị ẹ yị za ọnị Íjerusarẹmị kẹnẹ, dị a sị ọnị chire Aniroomi nịnị ụvọ nị.

Odeyi 26:31

Ẹ mẹ̀ hụụ ịzọọ, dị ẹyaa kà a yị ẹngụ ka, “Ẹ yị nyị ịsị ọnọrụ ọnọnị mẹ anaa vọrọ ka à sị wụ ọọ. Ẹ yị hyakụ vọrọ ka à sị ọọ tụ́ ịnị ẹngwa bẹẹ.”

Anẹhwẹsọsị 4:1

Ẹmị ana yà ịnị ẹngwa agụvị Ananyị yị maa dá ịpẹẹ wụ nịnị ka waa mẹ̀ ebira ana vọrọ tụra wụ nịnị anka aza oni Ohomorihi sị hị́.

Anihwiripi 1:30

Wa raà và ụvọ beri emi nịnị aa vụ̀ ịrẹvụ oni u vịdị re nịnị ka maa vụ̀ nịnị. Wáa wụ́ ọ nịnị ka maa yịị vụ̀ ịrẹvụ ọnọọ.