Anihwiripi 1:11 - IWE ỌNỊNỊ

¹¹ dị ụ wa rẹ zụụ mẹ̀ ebira ana vọrọ tụra ọza oni Ohomorihi raà jị ịhị yị. Ijeesu Ikirisiti ọọ̄ mẹ̀ ka ọza ọ̀ vavọọ zụ mẹ̀ ebira nị. Ọnọọ vaa mẹ ka aza ẹ̀ẹ sị ụga ọnịrị ụbanyịị yị Ohomorihi.

Anihwiripi 1:11 Referans Kwoze

Anihiburu 12:11

Ịnị ụmẹ ana àaa sịị sị ụyaa rị yị, o vee du yi ayị, yẹ yị vaa jẹ. Ama ọdịrẹma anị, ụyọrị ọnọọ vaa mẹ ka aza ana sị ẹngụ dọ ọ, ẹ̀ẹ mẹ̀ ịsa ana vọrọ, dị ẹ rẹ yaa mẹ̀ ebira ẹngwọọrọ.

Ịjọọnụ 15:8

Wàa nyị ẹtụtụ nịnị ẹtẹẹtẹrẹ, ọ vaa mẹ ka aza ẹ̀ sị ụbanyị yị Ada amị nị; oze avọọ ụ rẹ nyẹngụ zị vị ezirẹma amị nịnị nị.

Anikorasi 1:10

Ịrẹyọyẹ ọnọọ vaa mẹ ka wa zụụ zị ụsẹ ana vọrọ ini eyi Ananyị yị nịnị, di o re zé eyi ẹtẹẹtẹrẹ; dị ẹhẹ awụ nịnị ọ̀ zụ nyị ẹtụtụ ịnị avaba ịsị ụ wàaa mẹ nịnị. Dị ụ raa yẹ Ohomorihii hu avọọ nịnị.

Anihwiripi 4:17

Ẹ yị vị ka ẹyịza awụ nịnị m maa dụ nị, ama maa dụ ka wa nyị ọgụ ẹtẹẹtẹrẹ tụ́ ịnị ẹyịza awụ nịnị.

Anikorasi 1:6

Anka énube ọyịza ọnọọ mẹ̀ ngụ ịdị awụ nịnị, avọọ ọ mẹ̀ raa garaa ngụ avaba ẹhẹẹ zị nị. Aa mẹ ka aza ẹ̀ẹ nyị ebira ọyịza, dị ẹ̀ rẹẹ vịraa tụ́ ịnị anị, anka ọ mẹ̀ rẹ yà yị ẹwụ nịnị. Ô nyima ụ mẹ̀ hụrẹ wụ́ enube ọnọọ, dị ẹwụ nịnị rẹ sị ayamva Ohomorihi yẹ obooro.

Aniroomi 6:22

Booro aanị, Ohomorihi ọ sị wụ nịnị dọ tịtẹ hụụnị ụvọ ịvị, wa sị vara ozi ahụ Ohomorihi nịnị. Ọgụ ọnị ụ rị nịnị ọ vị ka wa kụkụ zụ aa mẹ̀ ebira ọnịnị nịnị. Ọdịrẹma anị ọ vị ka ụ vaa yàra nịnị pooro zịna-zịna ị́da Ohomorihi.

Ayịsaya 61:11

Ẹnẹyịmavara Ochẹtẹẹngụ vaa sị ịzẹyịza anị zụ anẹhẹ nịnị. Avaba anẹkụra nịnị vaa ga a. Ịzẹyịza Ohomorihi vaa sị mẹẹ anka ụbazị mẹẹ̄ ya ẹnẹnẹ avọọ nị. Anka uhu nịnị mẹẹ̄ chị hj avaba aha dị ẹ hụ avọọ.

1Ipita 2:9

Àa vị ẹwụ nịnị yọ, ẹwụ nịnị vị aza oni Ohomorihi sị nyị. Ẹngụ ohirẹsụ irehi Ohomorihi ana aa hẹkẹ Ohomorihi Ohinọyị, ụ vị nịnị nị. Anẹkụra oni Ohomorihi nyị tụ́ irenyi yị ẹngụ anị, ụ vị nịnị nị. Aza Ohomorihi obooro ụ vị nịnị nị. Ộ nyị wụ nịnị ka waa kà a yị aza ịsa ẹbanyị-ẹbanyị oni Ohomorihi mẹ, ọ mẹ̀ hị́ wụ nịnị hụụnị ịrahụ va ngụ ini ẹtohweyi anị ene hí ọza irenu.

2 Anịtẹsaronika 1:12

Ini oze avọọ Ijeesu Ananyị yị va zụụ nyị ụbanyị ịnị ụvọ awụ nịnị nị, dị ẹwụ nịnị rẹ nyị ụbanyị ịnị ụvọ anị. Ayamva Ohomorihi ayị ọnịrị Ijeesu Ikirisiti Ananyị yị vaa vavọọ mẹẹ.

Anẹhwẹsọsị 5:9

Etohweyi ọọ̄ mẹ̀ ka aza ẹ̀ẹ mẹ̀ ebira ene zoza, dị ọ vọrọ, ọnịrị ịzẹyịza nị.

Anẹhwẹsọsị 1:14

Ụhwẹ Ọnịnị ọnọọ ọ́ọ sị zụ ka ị vaa dọ ẹyịza ana vọ oni Ohomorihi kà a ka ẹ yị zụ nyị ka ọnị ọ yị vaa sịị yị aza anị. Ọ rẹ mẹ ka ya yẹ ka Ohomorihi vaa hị́ aza anịị varẹma saka-saka. Agụvị avọọ à vẹ yaa ga ụbanyị anị.

1 Anịkọrịntị 10:31

Ịzẹyịza yọ, tamayị kẹnẹ ka wàaa rị, wèee hụ́, ịsa tụra ịsa ọnị ụ wàa mẹ, re ka ộ sị ụbanyị yị Ohomorihi!

Imatiwu 5:16

Navọ ẹtohweyi ọnị ụ vị nịnị ọ̀ vavọọ zẹtẹ ọ́vịdị aza, dị è zụ re ebira ozoza awụ nịnị dị ẹ̀ sị ụga yị Ada awụ nịnị ẹbẹẹba!”

1Ipita 4:14

Aza àa kụ̀ wụ nịnị ụhụ agụvị Ikirisiti, ọyịza ọ vaa vịị yị wụ nịnị nị; agụvị ka Ụhwẹ Ọnịnị ana nyị ụbanyị yàa wụ nịnị ịrẹma.

1Ipita 2:12

Waa mẹ̀ ebira ọyịza, ụ mẹ yà ịnị akakana anarịmadọwụ nịnị aanị. Aza ẹnẹẹ ẹ̀ẹ daka aa kà ịrẹyị odivi awụ nịnị, áa vọrọ ka è zụ ré ebira ọyịza awụ nịnị, dị ẹ̀ zụ sị ụga yị Ohomorihi ịnị ẹkụhị oni òo ve tù wa.

1Ipita 2:5

Ẹwụ nịnị nyẹmba vị ana rẹ yà anka ịrẹta ana yára avọọ. Ohomorihi aa sị wụ nịnịị dà irehi anị ana yára. Ohomorihi ọ raà sị wụ nịnị tụ́ irenyi yị ẹngụ anị anka ohirẹsụ irehi Ohomorihi nịnị, ka wa sị ụkata Ụhwẹ Ọnịnịị hẹkẹ Ohomorihi nịnị. Ọnọọ ọ vị ịsọvọ ọnị waa mẹ̀ ẹ hi Ohomorihi ini oze Ijeesu Ikirisiti nị. Ịsị Ohomorihi sì ọ vị ọnọọ nị.

Anẹhwẹsọsị 2:10

Ụkọrọ ụvọ Ohomorihi ị vị nị, ộ mẹ̀ ka ẹyịrị Ijeesu Ikirisiti ọ̀ vị ọnya, agụvị dị yaa zụụ mẹ̀ ịsa ozoza ọnị ọ vịdị sị eto anị mẹ tịtẹ ka ị vaa mẹ.

Anẹhwẹsọsị 1:12

ẹyị ana ahịka ẹya vịdị aa tụra Ikirisiti eyi aanị nị, ya ga ụbanyị Ohomorihi.

2 Anịkọrịntị 9:10

Ohomorihi anaā sịị ịsa ọyịnaa yị ọkụrịkụ, dị ọ rẹẹ̄ sị ịsọyịrịị yị ọza, ọ rẹ vaa sị ịsa ọyịnaa wụ nịnị, di u we chire e nịnị. Ọ rẹ vaa mẹ ka ọ̀ hụ, dị ẹ̀ nyị ẹtụtụ ẹtẹẹtẹrẹ, agụvị ka wẹ yị sị ụvọ kú oku nịnị vụrụ-vụrụ.

Ịjọọnụ 15:16

Ẹ yị vị ka ẹwụ nịnị ọ nyị mị nị, ama ẹma vị ana nyị wụ nịnị nị. Mâ nyị wụ nịnị ka wa zụ naa nyị ẹtụtụ nịnị ẹtẹẹtẹrẹ ana vaa yà pooro zịna-zịna, agụvị ịsa tụra ịsa ọnị ụ wàa họ̀ Ada amị use nịnị ịnị ịrẹha amị, dị ọ̀ sị yị wụ nịnị.

Ịjọọnụ 15:2

Avaba avọ ọnị màa há, ẹnẹ ẹ̀ yị tụ́ ẹtụtụ, dị ọ dà a ne ta. Ama avọ ana àaa tụ́ ẹtụtụ, di o tenyi ọ, dị ọ̀ọ tụ́ hu avọọ.

Ayịsaya 61:3

Aza ene hi Ịzayọnị ee du ayị sị ịrajẹ ọnịrị ayohine dọ ịrẹsụ ayodu ẹnịnị yị wa sị ahẹ ụgama dọ ịrẹsụ ahẹ orere yị wa Ẹnịnị vaa sị mẹ anka ọchị ọnị Ẹnẹyịmavara chire avọọ nị. Avaba ẹnịnị vaa mẹ̀ ịsa ana vọrọ. Ohomorihi vị ana a vaa ga agụvị ịsa ọnị ọ raà mẹ.

Ayịsaya 60:21

Aza awụ vaa mẹ ịsị ẹ vọrọ, dị ẹ nyị ẹtẹ pooro zịna. Ẹnẹyịmavara kà ọnị ộ mẹ̀ wa, dị ọnị sị wa jẹẹ agụvị ẹ sị ụbanyị anị zụ nị.

Ahẹ Ụgama 1:3

Ọza ana vavọọ aa mẹ̀ ebira ẹtẹẹrẹ, vị ọnị ẹngụ anị vee hunẹnẹ pooro. Ẹngụ ọza ọnọọ vị ana sị mẹ anka ọchị ene e chire tụ́ ụtọ okuha, anaā tụ ẹtụtụ anị ịnị ụmẹ anị, avị anị ẹ yị maa wọ̀rọ̀. Ịsa tụra ịsa ọnị ẹngụ ọza ọnọọ ọ̀ọ sị ụvọ tụra ka ọnị aa mẹ vị ene ee zozaa yọ.

Ayịsaya 5:2

Ô huru ẹtẹ ọnọọ dị ọ tọ̀ọ́ ịrẹta anị hụụnị anị; Dị ọ hị̄ ọchị ịvayịnị ozoza-ozoza hi ọ nị. Dị ọ rẹ dà irehi ọgọdọ tụ́ ịnị ụbazị ọnọọ ịzị oserẹtẹ vaa yà di oo sere e nị. Dị ọ va chị aha ịzị a vaa yàa kwọrọ ẹtụtụ igirepi ẹnẹẹ ẹ̀ẹ sị tụ́ nị. Ọta amị aa tụra eyi ka ọchị ẹnẹẹ vaa tụ́ ẹtụtụ ozoza, ama dị ahịka ẹtụtụ edivi-edivi ẹ na tụ́ nị.

Aniroomi 15:28

Màa sị ụkọrọ amị ọnọnị mẹ ta, dị mị raà sị avaba ẹkẹhị ọnọnị yị wa nị, di mi zị oze ịda awụ nịnị aa nọ Isipeni.

Ịtayịtọsị 3:14

Sị zụ̀ aza ayị nịnị, dị ẹ̀ yẹ ka aa vọrọ ka ẹnị ẹ̀ ẹ mẹ̀ ịsa ozozaa yị aza ẹnẹ ẹ̀ yị nyị ịsa. Ẹnịnị ẹ̀ vavọọ mẹ, agụvị asị ẹhẹ ẹnịnị vị kẹnẹ-kẹnẹ.