Anihwiripi 1:10 - IWE ỌNỊNỊ

¹⁰ Ịjọnọọ ụ va zụụ sị ụvọọ tụ́ ịnị ịsa ene zoza ẹtẹẹtẹrẹ nịnị. Wàa vavọọ aa mẹ nịnị, ịhị Ijeesu Ikirisiti ọ̀ọ vavẹ, ụ va zụụ yà nịnị anka ọza ana ayị anị nị, dị ọ̀ yị rị ịvị,

Anihwiripi 1:10 Referans Kwoze

Aniroomi 12:2

Asị ụ rẹ̀ mẹ̀ ebira ana anẹhẹẹ̄ kẹnẹ mẹ nịnị! Ama navọ Ohomorihi ọ̀ vara ayị awụ nịnị ọwọọwa saka-saka! Ịjọnọọ ụ va zụụ yẹ ịsa oni Ohomorihi sì nịnị nị, ọnọọ vị ka ịsa ene zoza, di o zé Ohomorihi eyi, dị ọ rẹ gụ.

1 Anịtẹsaronika 3:13

Ini oze avọọ, dị ụ wa vị ọnịnị nịnị ọ́vịdị Ohomorihi Ada ayị ịnị ụmẹ oni Ijeesu Ananyị yị vaa sị vaa vẹ beri avaba aza anị!

1 Anịtẹsaronika 5:23

Ohomorihi anaā sịị ẹngwọọrọọ yị, ọ̀ mẹ ka ayị awụ nịnị ọ nị saka-saka. Ohomorihi ọ̀ navọ ivehu awụ nịnị ọnịrị ariro awụ nịnị ne beri ọchẹngụ awụ nịnị ẹ̀ vị ọnịnị; dị asị ụ nyị ohuvọ nịnị vụrụ-vụrụ ịnị ẹkụhị ọnị Ijeesu Ananyị yị vaa sị vaa vẹ.

Aniroomi 2:18

Wáa yẹ ịsị Ohomorihi sì ka waa mẹ nịnị, agụvị ka wa sị ọọ kọ ịnị ọda ịsa ana vọrọ.

Anẹhwẹsọsị 5:10

Wee sì iruvo ịsa ene zé Ohomorihi eyi nịnị!

1 Ịjọọnụ 4:1

Ẹwụ nịnị anda ayị, asị ụ dọ avaba aza ana kà a ka ẹnị ẹ́ẹ nyị Ụhwẹ Ọnịnị wụ́. Ama zama wa re, dị ụ wa yẹ ịzẹyịza àa vị Ụhwẹ Ọnịnị Ohomorihi ẹ nyị nị, agụvị ka ọnịsẹ onireche ẹ sị gara hi ẹhẹ.

Anihwiripi 1:6

Máa yẹ kaakara ka Ohomorihi ana maanị nyima aa mẹ̀ ịsa ozoza ọnọnị nịnị ayị awụ nịnị vaa mẹẹ nee tù ịrẹsụ pooro ne tù ẹkụhị ọnị Ijeesu Ikirisiti vaa sị vaa vẹ.

1 Anịtẹsaronika 5:21

Waa zama avaba ịsaa re nịnị, dị ụ wa sị ụvọ za ene zoza nịnị ẹtẹẹtẹrẹ.

1 Anịkọrịntị 1:8

Ikirisiti vaa sị ụvọọ za wụ nịnị pooro ne tù ụmẹ ọdịrẹma, agụvị ịhị Ijeesu Ikirisiti Ananyị yị ọ̀ọ vavẹ, asị ụ na nyị ohuvọ nịnị vụrụ-vụrụ.

Ẹtore 2:2

Mâ yẹ ịsị ụụ̄ mẹ; mâ yẹ ụ mẹmẹ mẹ̀ ụkọrọ ẹtẹẹtẹrẹ. Ma rẹ yẹ isuuru ọnị ụ nyị. Mâ yẹ ka wẹ yị dọ ịrẹyị aza edivi. Ma rẹ yẹ ka aza ana ka ẹnị vị ezirẹma Ijeesu, wa raà zama wa re; wa sị yẹ ka onireche ẹ vị nị.

Anẹhwẹsọsị 5:27

Ộ vavọọ mẹ, agụvị anịragụ anị ò nyengu zoza nịkị-nịkị, dị asị ọ rẹ nyị ịdọtị ikonya. Ịjọnọọ dị ọ va sị ọọ yị ẹngụ anị ọgọnị.

Ịjọọnụ 1:47

Ịjị Ijeesu re ka Inatanẹrị aa vẹ ịda anị, di Ijeesu kà ịrẹyị ini oze anị ka, “Anisirẹrị obooro yọ! Ọnịzẹyịza obooro ọ vị̀ nị.”

Imatiwu 16:23

Ama dị Ijeesu vara eyi dị ọ kà a yị Ipita ka, “Ẹwụ echu, và ị́rẹma amị! Ariro ọza ụ nyị nị, ẹ yị vị ariro Ohomorihi.”

Ijosuwa 24:14

Dị Ijosuwa ka yị wa ka ẹnịnị e hí angwahi Ẹnẹyịmavara dị ẹ sị ịzẹyịza saasa a ịnị ụmẹ tụra ụmẹ. Dị asị ẹnịnị kụkụ mẹ ori ọnị ohiku ẹnịnị vịdị mẹ̀ akẹnẹ Okuha Ịjọdanị ọnịrị Ijipiti.

2 Anịkọrịntị 1:12

Yâ yẹ ịnị ayị ịzẹyịza ka ebira ayị ịnị ẹhẹ ọnọnị ọnịrị ịsị yee pe wu nịnịị mẹ, ka ayị ọnya beri ebira Ohomorihi ị yaa sịị mẹ̀ ẹ nị. Ayamva Ohomorihi ọ mẹ ka ya vavọọ mẹ nị. Ẹ yị vị ịrẹyọyẹ ọza kẹnẹ ọ vị. Agụvị avọọ ị yaa sịị jẹ nị.

Aniroomi 12:9

Ayị ọnya a vọrọ ka ye sii sì ịrẹyị ọza nị. Waa nyị ịhyẹrẹ ịsa edivi, dụ wa sị ụvọ za ịsa ọyịza.

Aniroomi 8:7

Ọza ana àa sị ayị tụ́ ịnị ịsa ọnị ọchẹngụ anị òo sị kẹnẹ, ọnịvị Ohomorihi aa vị nị. Iruvo ọ vị ka ọ yị vaa mẹ̀ ịsa oni Ohomorihi ọ̀ọ mẹ ọda anịị yọ; ọ yị hyakụ aa zụụ mẹẹ bẹẹ.

Imatiwu 26:33

Dị Ipita kà a yọ ka, “Avaba aza ẹ̀ẹ daka zwe hụrẹ wụ ẹngụ, emi e yi vee zwe.”

Imika 3:2

Ama ẹwụ nịnị ọnọọ ọ vaa mẹ̀ ịsa odivi di wè yi sì ka wa mẹ̀ ịsa ana vọrọ nị. Wa sị ụhwọ nyị tù aza anị nịnị anka ọza ana aa vọ uye avọọ.

Ijoovu 34:3

Ro ịrẹyị ọnị mi kà aanị anka a mẹẹ̄ zama uhine ịsa re avọọ.

Ijoovu 12:11

Ọza mẹẹ̄ sị ịrarẹ da ịsa re avọ̀ọ, avọ́ọ ọza mẹẹ zama ịrẹyị ọnị ọ, wụ re nị, kọ ịrẹyọyẹ hụụnị ụvọ azọkụ nị.

Oyinyima 20:5

Ọ rẹ ka ọ́ọ́ yẹ ka ọnị ọ kà a yị ọnị ka ọyịnyara anịị yọ nị? Di Isera ọnị ụvọta ọnị rẹ ka ẹnẹbẹnị anị Abụrahamị vị nị. Ọ kà ọnị ọ yị nyị ariro odivi tụ́ ịnị ayị dị ọnị ka ọnị aa nyị ọ, ọ ka ayị ọnya ọnị sị na nị.

Anihwiripi 1:16

Aza ana aa sị ụhịị kà ọyịza Ikirisiti, dị ẹ̀ yị nyị ayị ọnya, vị ene roo ka vị ẹnị aa dàa tụ́ ịnị ụya ọnị maa rị ịnị ẹngwa aanị nị.

Anẹhwẹsọsị 6:24

Ohomorihi ọ̀ mẹ ọyịza yị avaba aza ene sì ịrẹyị Ijeesu Ikirisiti Ananyị yị pooro zịna-zịna.

Anẹhwẹsọsị 4:15

Ama à navọ yee sì ịrẹyị ẹngụ, dị yaa kà ịzẹyịzaa yị ẹngụ, agụvị dị yaa vịraa véné Ikirisiti ini oze tụra oze! Ikirisiti vị ana jẹẹ yị ịrẹsụ,

Anigaratiya 5:11

Àa vị ẹmịị yọ nị, ẹwụ nịnị anda ayị, màa yịị kà a ka aza ana dọ Ijeesu wụ́, ẹ̀ jị ụvẹvẹnẹ, aza ẹnẹẹ ẹyị kụkụ yaanị aa sị ụyaa rị mị. Màa yaanị vavọọ aa kà, isu Ijeesu ị́rẹsụ apavahị ọyị yaanị aa mẹ ayịị kụ́ aza.

2 Anịkọrịntị 8:8

Mẹ yị mẹ̀ ẹ ọdaa wụ nịnị. Ama mee sì ka ma yẹ, u meme sì ịrẹyị ọza nịnị; agụvị avọọ m maa kà a wụ nịnị, aza ana vọ mẹmẹ aa gụ aza ụvọ nị.

2 Anịkọrịntị 6:3

Ye yi sì ka ụkọrọ ayị ọ̀ nyị ohuvọ, agụvị avọọ i ye yi sì ka ya mẹ ọzọnyị-ọzọnyị nyeeyi nị.

2 Anịkọrịntị 2:17

Ẹyị ẹ yị yà anka aza ọrụrụ-ọrụrụ ẹnyị ana sị ụvọ za ịrẹyị Ohomorihi anka ịsị a sịị̄ sẹ ohu. Ama Ohomorihi ọ tụ́ ẹyị ụtụ nị, dị yaa sị ịzẹyịzaa kà ịrẹyị anị ọ́vịdị Ohomorihi anka aza ọnị ọnịrị Ikirisiti sị vị ọnya.

1 Anịkọrịntị 10:32

Asị ụ mẹ ka ọza ọnyọọnyị ò du ayị, ọ̀ọ vị Aniju, ọ̀ọ vị aza ẹnẹ ẹ̀yị vị Aniju, ọ̀ọ daka rẹ vị anịragụ Ohomorihi.

1 Anịkọrịntị 8:13

Agụvị avọọ, mê re ka ịsị maa rị, vaa mẹ ka ọnọhụva amị ọ̀ mẹ ịvị, mẹ yị kụkụụ vanaa rị ịsa ọnọọ paa, agụvị asị mị na mẹ ka ọnọhụva amị ò vu ẹtẹ.

Aniroomi 16:17

Ẹwụ nịnị ẹyịnyara amị, sị ụtọ pe ẹtẹ nịnị, oo! Sị ụvọ za ẹngụ awụ nịnị agụvị aza anaā há azaa hi, di ẹyaa kụ́ azaa nyeeyi, ọnọọ vị ka ẹyaa kà ịrẹyị ana jị ịsị a vịdị sị zụ̀ wụ nịnị nyee. Asị ụ zị ògù ẹngụ aza ẹnẹẹ!

Aniroomi 7:22

Ayị amị ô hine tụ́ ịnị ọda Ohomorihi,

Aniroomi 7:16

Màa mẹ̀ ịsa oni mè yi sì ka ma mẹ, ọnọọ ộ sị zụ̀ ka mâ dọ ka ọda ô zoza.

Odeyi 24:16

Dị maa sịị vụrị ka me re ka ayị amị ộ nị ọ́vịdị Ohomorihi ọnịrị aza nị.

Ịjọọnụ 3:20

Ọza anaā mẹ̀ ịsa odivi, o mē sì ịrẹyị ẹtohweyi, ọ mā rẹ vẹ ịnị anị, agụvị ka e ve re ịsa odivi ana aa mẹ.

Anihwiripi 2:16

Sị ụvọ za ịrẹyị anaā mẹ ka ọza ọ̀ yàra nịnị, agụvị ịhị Ikirisiti ọ̀ọ vavẹ, ma zụ jẹ ịrajẹ ka echi ọnị mị zwe ọnịrị ụkọrọ ọnị mị mẹ, ọ rẹ̀ va vị ọọhẹ.