Anihiburu 9:9 - IWE ỌNỊNỊ

⁹ Ịsa ịyẹẹyẹ ẹnẹẹ vị ana jẹẹ yị ịsa ọyaanị ọnọnị. Ọnị ọ vị ka ẹyịza ana aza sị va yị Ohomorihi, ọnịrị uye ẹnẹ ẹyaa wụụ mẹ ịsọvọọ hi ọọ, ẹyị zụ mẹ ka ayị aza ana aa mẹ̀ ịsa ẹnẹẹ, ẹ̀ gụ saka-saka éyi Ohomorihi.

Anihiburu 9:9 Referans Kwoze

1Ipita 3:21

A zụ sị ịsa ọnọọ juwe ọyịhwenyi, ana dọ yị há ọyaanị, agụvị ka Ijeesu Ikirisiti ộ ha kwẹẹtẹ hụụnị isu. Ọyịhwọzenyi ọ yị vị ọyịhụ ịdọtị ẹngụ ayị và ha. Ama yaa sịị dá ịpẹẹ yị Ohomorihi ka ọ̀ nyịna ayị ayị hụụnị ịvị.

Anihiburu 5:1

Aā nyị avaba ohirẹsụ ọbanyị irehi Ohomorihi hụụnị akakana aza, ka ọ̀ọ hẹkẹ Ohomorihii yị ẹnị. Dị ọ̀ rẹẹ mẹ ịsọvọọ hi Ohomorihi, dị ọ̀ọ sị ẹyịza ẹnịnị naa yọ agụvị ịvị ẹnẹ ẹnị ẹ̀ẹ mẹ.

Aniroomi 5:14

Hụrẹ ụmẹ Adamị ve tù ụmẹ Imosiisi, aza hụrẹ yà ịnị ụvọ iswọọza nị. Aza ẹnẹ ẹ̀ yị daka mẹ ịvị ana Adamị mẹ gẹdẹ-gẹdẹ, vị ene ee yii sú. Adamị vị ana a sị mẹẹ anka Ọza ịnya ana vaa vẹ avọọ.

Anihiburu 11:19

Abụrahamị ộ sị ayị sị ọ ka Ohomorihi ọ zụ ha Ayiziiki hụụnị isu. Àa kà a à kà a Ayiziiki vị ana sị mẹẹ anka ọza ana ha hụụnị isu avọọ ve tù Abụrahamị.

Anihiburu 10:11

Avaba ohirẹsụ irehi Ohomorihi vị anaā jẹẹ, dị aa mẹ̀ ụkọrọ anị eyinị-eyinị, dị aa mẹ̀ ịsọvọ ọnyọọnya ụpọsa-ụpọsa. Ama ịsọvọ ẹnẹẹ ẹ yị zụ sị ịvị aza kwooze vụrụ-vụrụ.

Anihiburu 9:24

Ikirisiti ọ́ yị na ngụ aha ọnịnị ana aza mẹ, ana ahịka vị ọnị aa sị ịsa obooro zụ̀ kẹnẹ nị. Ịdị Ohomorihi booro ọ ngụ nị, agụvị avọọ ọ na jẹẹ ọvịdị Ohomorihi agụvị ayị booro aanị nị.

Anihiburu 7:11

Anisirẹrị nịnị ệ dọ Imerikizẹdẹkị ọda, Ánireevi màa mẹ ohirẹsụ irehi Ohomorihi. Ụkọrọ ẹnịnị ọnọọ ọ̀ọ yaanị zụ mẹ ka aza ẹ̀ gụ, ẹ yị yaanị nyị ka à nyị ohirẹsụ ọsa anka Imerikizẹdẹkị; vị a yaanị aa kà a ka anka Eerọnị nị.

Anigaratiya 3:21

Vị ọsọnị wáá vị ka vị ọda Ohomorihi ọnịrị oto anị aa za ẹngụ oze nị? Asị Ohomorihi zẹẹ! Àa yaanị mẹ ọda ana nyẹngụ mẹ ka ọza ọ̀ yàra, ọ yaanị rẹ zụ mẹ ka ọza ọ̀ vị ọnịrẹyịzẹyịza ini eyi Ohomorihi.

Anihiburu 8:4

Àa vị ẹhẹ ọ yà nị, ọ yị yaanị zụ vị ohirẹsụ irehi Ohomorihi, agụvị ka áa nyị aza ana sị vị ohirẹsụ irehi Ohomorihi da, ana aa mẹ̀ ịsọvọ, anka Ímosiisi mẹ̀ mẹ ọda.