Anihiburu 9:6 - IWE ỌNỊNỊ

⁶ Àa vavọọ sị ịsa ẹnẹẹ tenyi tịtẹ, dị ohirẹsụ irehi Ohomorihi aa nọ ini eyi ẹhẹ ajẹngụ ọnọọ eyinị-eyinị, dị ọ na aa mẹ̀ ụkọrọ Ohomorihi.

Anihiburu 9:6 Referans Kwoze

Ịrịka 28:3

Ịsa ẹnị ẹ vaa sị mẹ̀ ịsọvọ ana a rị ịra eyinị-eyinị yị Ẹnẹyịmavara ẹ vị ezi atẹmẹ ịrayị ọnya ẹẹva ẹnẹ yị nyị ụkụ.

Ọyịkụra 27:21

Ịra ọnọọ vị ọnị ụ vaa sị tụ́ ịnị ajẹngụ ịzị a yàa gẹ éyi ẹhẹ ịta ene gu apoti oto hi. Sị tụ́ ọvịdị amị ịzọọ di Eerọnị ọnịrị ezi anị ẹ̀ẹ sị eyii pe ozotupa ọnọọ. Â nyị ka ịra ọnọọ ọ̀ọ za hụrẹ oruva na ngụ ẹnẹnẹ eyinẹhẹ anị. Ido mị jị ọ wụ nịnị. Ẹwụ nịnị ana vị Anisirẹrị vị ana vaa saasa a pooro ịnị avaba ẹhẹ awụ nịnị.

Ịdanịyẹrị 8:11

Ọpanyị ọnọọ ộ hyakụ kụ hịrẹ ọdọvịdị isoja ẹbẹẹba, dị ọ ka asị a kụkụ mẹ̀ ịsọvọ hi Ohomorihi a mẹ̀ vịdịị mẹ̀ ẹ eyinị-eyinị nị. Ịzị aā yàa hẹkẹ Ohomorihi vị ọnị ọ hyakụ du va hi ẹtẹ bẹẹ.

Ịrịka 18:2

Ộ ka Eerọnị ọ̀ kụ́ anda ẹnịnị ana vị ezi Ireevi beri ẹngụ mẹ̀ ụkọrọ. Ẹnịnị ẹ gụ ọnịrị ezi anị ụvọ mẹ̀ ụkọrọ ịnị ajẹngụ oto.

Aniroomi 9:4

ẹnị ẹ vị Anisirẹrị nị, ẹnị Óhomorihi sị Mẹ ezi anị, dị ọ mẹ ka ẹ̀ nyị tụ́ ịnị ụbanyị anị nị. Ohomorihi ô wo oto irenyi-irenyi yị wa, dị ọ rẹ sị ọda anị yị wa nị. Ohomorihi ọ rẹ sị zụ wa a mẹ̀ vọrọ ka àa hẹkẹ ọnị, dị ẹ̀ rẹ dọ ịsa oni Ohomorihi kà a ka ẹ yị zụ nyị ka ọnị ọ yị vaa mẹẹ yị wa nị.

Anihiburu 7:11

Anisirẹrị nịnị ệ dọ Imerikizẹdẹkị ọda, Ánireevi màa mẹ ohirẹsụ irehi Ohomorihi. Ụkọrọ ẹnịnị ọnọọ ọ̀ọ yaanị zụ mẹ ka aza ẹ̀ gụ, ẹ yị yaanị nyị ka à nyị ohirẹsụ ọsa anka Imerikizẹdẹkị; vị a yaanị aa kà a ka anka Eerọnị nị.