Anihiburu 9:5 - IWE ỌNỊNỊ

⁵ Ị́rẹsụ oku apoti ọnọọ â nyị anggẹẹrị ẹẹva aanị ana nyị ụbanyị ana a mẹ, ana aā hị́ Ikerubimi. Ệ gana avaka kú apoti ọnọọ. Ệ jẹẹ yị Ohomorihi ana yaayịtẹ ịzọọ, ịzị ọ yàā vayị aza nị. Yẹ yị nyẹngụ aa kà avaba anị chẹẹ-chẹẹ booro aanị.

Anihiburu 9:5 Referans Kwoze

Ịrịka 7:89

Ụmẹ ọnị Imosiisi ọ̀ọ ngụ ịnị ajẹngụ ne pe Ẹnẹyịmavara kà ịrẹyị, dị ọ wụ ọngwẹ hụrẹ ẹbẹẹba ene e pe e ka ịrẹyị akẹbẹẹba apoti oto ịnị uyi anggẹẹrị ẹẹva.

Ireevi 16:2

Ọ̀ kà a yị ọyịnyara anị Eerọnị ka, à sị ọ sị avaba ụmẹ ngụ aha ọnịnị ịzị a sị ịta jị, agụvị ka ịzọọ ọnị yaā sị ẹngụụ zụ̀ ịnị eguhi, akẹbẹẹba oku apoti oto nị. Ẹ̀ yị saasa ịrẹyị ọnọnị vị ọnị aa wụ̀ ọ nị.

Ahẹ Ụgama 99:1

Ẹnẹyịmavara ọ vị ohinọyị nị. Â nyị ka angwa òo hi anẹhẹ, dị ẹ̀ẹ dá ẹgahị. Ẹnẹyịmavara vị ana yaayịtẹ ịnị akakana icherubi nịnị, dị ẹhẹ ee henyi jigi-jigi.

Ahẹ Ụgama 80:1

Ẹwụ ana aa tẹsị Anisirẹrị anka ọza ene ee sere ịsụpa mẹ̀ẹ tẹsị ịsụpa anị avọọ, navọ wa wụ́ ịpẹ ọnị yaa dá.

Ireevi 16:13

Ọ vaa yà ọvịdị Ẹnẹyịmavara ịzọọ, dị ọ và eturare ọnọọ hi ịnị ịra, dị areyi anị ọ̀ chaka ku ịrẹhụ ayamva ana yà ịrẹsụ apoti oto ụ vị dị a sị o su agụvị ka oo re e.

1Ipita 1:12

Ohomorihi ộ sị zụ wa ka ẹwụ nịnị ẹyaa mẹ ụkọrọọ yị nị, ẹ́ yị vị ẹngụ ẹnịnị. Aza anaā kà enube ọyịza ệ kà a wụ nịnị, anka Ụhwẹ Ọnịnị ana a tụ́ hụrị ẹbẹẹba vẹ mẹ̀ sị ụkata yị wa. Anggẹẹrị nịnị nyẹmba bẹẹ ee sì ka eni è re ịsa ẹnẹnị.

Anihiburu 4:16

Agụvị avọọ, à vẹ ya nyị ọtụtụrụma, di ye tere vẹ ọvịdị aga ohinọyị ịzị Ohomorihi yà dị aa mẹ ọyịzaa yị aza. Ịzọọ Ohomorihi vaa vayị ayị, dị ọ rẹ gụ yị ụvọ ịnị ụmẹ oni yèe sì ọgụvọ nị.

1 Ịtọpa 28:11

Idevidi ộ sị iwe a mẹmẹ vaa dà irehi Ohomorihi ẹnẹẹ yị Isoromọnị. Á mẹmẹ vaa da aku ana aā kụ́ ịsaa hi nịnị, ọnịrị avaba aku ana vọ, beri ize hu keekere ana a vaa sịị yị Ohomorihi, ịzị a yaa vagu ịvịị yị aza vị ana yà ịnị iwe ọnọọ.

2 Ohinọyị 19:15

Ộ mẹ̀ aduwa, dị ọ ka: Ẹwụ Ẹnẹyịmavara, Ohomorihi Anisirẹrị nịnị, ohinọyị ana ya ẹbẹẹba anggẹẹrị nịnị, ẹwụ ịnyara ọ vị̀ Ohomorihi nị. Ẹ wa vị ohinọyị avaba ẹhẹ nị. Ẹwụ tụ ẹtẹ ọnịrị ihinẹba nị.

1 Ịsamụwẹrị 4:4

Ịzẹyịza dị ẹ tụ́ nọ Isiro dị ẹ na sị apoti oto Ohomorihi vẹ nị. Apoti ọnọọ vị ana jẹẹ yị ịzị Ẹnẹyịmavara Ochẹtẹẹngụ yà; icherubi ẹẹva vị ana maanị yà eyi ẹyịva apoti ọnọọ di e và eyi kà ẹngụ. Ezi Eri ẹyịva ana aā hí Ihohwini ọnịrị Ihwinehasi ẹ sị eyi pè apoti ọnọọ tụ́ Isiro nị. Ẹnị ẹyịva ẹnẹẹ vị ana saasa apoti ọnọọ vẹ.

Anẹhwẹsọsị 3:10

Ộ vavọọ mẹ, agụvị ọyaanị Ohomorihi ọ̀ sị anịragụ anị mẹ ka anggẹẹrị irenyi-irenyi ana nyị ụkata hi ẹbẹẹba ẹ̀ zụ yẹ ịrẹyọyẹ oni Ohomorihi nyị ini oze irenyi-renyi.

Aniroomi 9:4

ẹnị ẹ vị Anisirẹrị nị, ẹnị Óhomorihi sị Mẹ ezi anị, dị ọ mẹ ka ẹ̀ nyị tụ́ ịnị ụbanyị anị nị. Ohomorihi ô wo oto irenyi-irenyi yị wa, dị ọ rẹ sị ọda anị yị wa nị. Ohomorihi ọ rẹ sị zụ wa a mẹ̀ vọrọ ka àa hẹkẹ ọnị, dị ẹ̀ rẹ dọ ịsa oni Ohomorihi kà a ka ẹ yị zụ nyị ka ọnị ọ yị vaa mẹẹ yị wa nị.