Anihiburu 9:3 - IWE ỌNỊNỊ

³ Ịnịnẹ anị, â nyị aku ana a sị ịta ọsa ana ratụpọ jị oze anị. Ịzọọ aā hị́ Aha Ọnịnị keekere nị.

Anihiburu 9:3 Referans Kwoze

Imatiwu 27:51

Dị achị ọratụpọ anaa sị che irehi Ohomorihi, há hi ẹẹva hụrẹ ẹbẹẹba na ngụ ụvẹtẹ waara nị. Dị ẹtẹ henyi, dị ịrẹta nịnị há hi ẹẹva nị.

Ọyịkụra 40:21

Dị ọ sị apoti ọnọọ va tụ́ ịnị ajẹngụ, dị ọ sị ịta dị ọ sị jị ọ nị. Avọọ Ẹnẹyịmavara mẹ̀ kà a ka ọ̀ mẹ̀ ẹ nị.

Ọyịkụra 40:3

Ọ kà ọ̀ sị apoti oto dị ọ sị ịta anị jị ọ.

Anihiburu 9:8

Ụhwẹ Ọnịnị aa sị ịsa ẹnẹnị sịị zụ̀ yị ka, éyi ẹhẹ ajẹngụ mẹ̀ yị yà ịzọọ, ọza o yi re oze na ngụ Aha Ọnịnị keekere.

1 Ohinọyị 8:6

Di ohirẹsụ irehi Ohomorihi nịnị sị apoti oto Ẹnẹyịmavara nọ ịnị aku ọdịrẹma keekere ini eehi ọnọọ nị. Ịzọọ ọ vị aha ọnịnị keekere nị. Dị ẹ sị apoti ọnọọ tụ́ uruvo avaka ikerubi ẹnẹẹ nị.

Anihiburu 6:19

Ịsa ọnị ị sị eyi tụra, ọ za ayị ayị jẹẹ geri-geri nị. Agụvị avọọ, ọyịtureyi ayị ọ́ọ para ịzị a sị ịsa jị hu na huuu na ngụ aha ọnịnị keekere.

Ayịsaya 25:7

Ịrẹsụ ataba ịzọọ Óhomorihi vaa yà dị ọ kụ́ ayodu kwooze yị avaba aza nị.

2 Ịtọpa 3:14

Isoromọnị ộ mẹ̀ achị ọnị uvuru ọnịrị ọdọzeeyirị ne beri ovivi, vaka achị ọhẹhẹ jị oze. Achị ẹnẹẹ vị ana a va uhwoto icherubi nịnị tụ́.

Ịrịka 4:5

Àaa nyị ka ẹyaa kwẹẹtẹ hụrị aha ọnyị ngụ ọsa, Eerọnị ọnịrị ezi anị ẹ vịdị va ngụ ịnị ajẹngụ na tụ achị ịnị akakana ne ku apoti oto da nị.

1 Ohinọyị 6:16

Dị ọ sị ọchị isida, dị ọ sị dà aku hi ịrẹma irehi ọnọọ nị. Hụụnị eteesu aku ẹnẹẹ na ngụ ini ugene vị ahụ ohurẹẹwụ. Aku ọnọọ vị ọnị ọ dà tụ́ ịnị ịnẹ eehi keekere, dị ọ sị ịzọọ mẹ aha ọnịnị keekere nị.

Ezikẹẹrị 41:4

Ộ mọ aku ọnọọ ụvọta, dị ọ vị ẹ̀hụ ahẹ ẹbẹẹta tụra ẹẹhị eyi ẹnyị, eyi ọsa nị. Aku ọnọnị ộ noze rịrị aku ịnị akakana ọnọnị chee. Ezikẹẹrị ka dị ọnọrụ ọnọnị ka aku ọnọnị ọ vị aha ana nị hu kere-kere ịnị irehi Ohomorihi nị.

Anihiburu 9:7

Ohirẹsụ ọbanyị irehi Ohomorihi ọnịnya kẹnẹ ọọ̄ ngụ ini aku ajẹngụ ọnọọ ụpẹ ọnya kẹnẹ ịnị ịrayị nị. Àaa na, dị ọ sị anya za ọnị ọ vaa sị mẹ ịsọvọọ yị ẹngụ anị, dị ọ̀ rẹ mẹ yị aza agụvị ịvị ene e nyeeyi mẹ.