Anihiburu 9:26 - IWE ỌNỊNỊ

²⁶ Àyị vị avọọ, vị ọ yaanị aa rị ụya ụmẹ tụra ụmẹ, ẹ́hẹ mẹ̀ hụrẹ nyima nị. Ama ộ vẹ ịnị ẹhẹ ọnọnị ụpẹ ọnya gene-gene ịnị ụmẹ ẹnẹ ẹhẹ aa vaa ta aanị, ka ọnị ọ̀ sị ẹngụ anị mẹ̀ ịsọvọ, dị ọ̀ kụ́ ịvị aza kwooze.

Anihiburu 9:26 Referans Kwoze

1Ipita 1:20

Hụrị ụmọrụmọ dị a va yẹ ka aa mẹ ẹhẹ, Ohomorihi hụrẹ mẹ eto tịtẹ ka Ikirisiti vavọọ vaa mẹ nị. Dị ọ sị Ijeesu zụ̀ gedebee agụvị awụ nịnị ịnị ụmẹ ọdịrẹma ọnọnị, ẹnẹ ẹhẹ aa vaa ta aanị nị.

Anihiburu 9:12

Ikirisiti ộ ngụ Aha Ọnịnị keekere Ohomorihi. Ụpẹ ọnya gene-gene ọ ngụ ịzọọ nị. Ẹ yị vị anya ịdẹ ọnịrị ozi imaaru ọnọrụ ọnị za na ngụ ịzọọ. Anya anị ụvọta ọ za na, dị ọ sị hị́ yị varẹma pooro zịna-zịna nị.

Imatiwu 25:34

Ịjọnọọ dị Ohinọyị kà a yị aza ene hi eyi ụvọrị anị ka: ‘Wa vẹ nịnị, ẹwụ nịnị ana Ada amị raà mẹ ka ò zé yị! Ngụ ịzị Ohomorihi yà aa mẹ ịjọva, oni o si tenyi tịtẹ wụ nịnị, ẹ́hẹ mè hụrẹ nyima.

1Ipita 3:18

Ikirisiti ộ rị ụya o mè sú agụvị ịvị ayị ụpẹ ọnya gene-gene. Ikirisiti ẹnẹ ẹ̀ yị mẹ ịvị, ô sú yị aza ana mẹ ịvị, agụvị dị ọ̀ zụ sị yị vẹ ịdị Ohomorihi. Aza ệ wụ ọ, ama â mẹ ka ụhwẹ anị ọ̀ yara.

Anihiburu 1:2

Ama ịnị ụmẹ ọnọnị ana vị ụmẹ ọdịrẹma aanị, oze ịnị ụvọ Ozi anị ọ zị kà ịrẹyịị yị nị. Ohomorihi ọ sị ọọ nyị ka ọnị ọ̀ sị avaba ịsa yọ. Oze ịnị ụvọ Ozi anị ọnọọ ọ rẹ zị mẹ avaba ẹhẹ nị.

Anihiburu 10:4

Anya imaaru ọnọrụ ọnịrị ịdẹ ẹyị zụ kụ́ ịvị kwooze vụrụ-vụrụ.

Anihiburu 7:27

Oni e yi véné ohirẹsụ ẹbanyị irehi Ohomorihi ana vọ. Ẹ yị nyị ka ọ̀ọ mẹ̀ ịsọvọ eyinị-eyinị yị ịvị ẹngụ anị da, ọnịrị agụvị ịvị aza ana vọ. Ụpẹ ọnya gene-gene ọnị mẹ̀ ịsọvọ anị nị, ụmẹ ọnị ọ sị ẹngụ anị mẹ̀ ịsọvọ.

1 Ịjọọnụ 3:5

Wáa yẹ nịnị ka Ijeesu Ikirisiti vị ana vẹ ẹhẹ, agụvị dị ọ̀ va dị yị hụụnị ịvị. Wáa yẹ nịnị ka ọnị ẹ yị nyị ịvị vụrụ-vụrụ.

Anihiburu 10:12

Ama Ikirisiti ọnị vị ana yị mẹ̀ ịsọvọ ụpẹ ọnya kẹnẹ ana kụ́ ịvị aza kwooze pooro zịna-zịna. Dị ọ kụkụ yaayịtẹ éyi ụvọrị Ohomorihi nị.

Anihiburu 10:10

Ijeesu Ikirisiti ộ mẹ̀ ịsa oni Ohomorihi sì ka ọ̀ mẹ. Ọ raà vara yị aza anị ọnịnị ini oze ịsọvọ ọnị ọ sị ẹngụ anị mẹ ụpẹ ọnya gene-gene.

Anihiburu 9:14

Anya uye ẹnẹ ẹ̀ẹ zụ mẹ ka aza ẹ̀ nị, ọnọọ ọ́ọ sị zụ̀ ka anya Ikirisiti ọ́ọ nyị ụkata hu avọọ ẹtẹẹtẹrẹ. Ẹngụ anị ụvọta ẹnẹ ẹ̀ yị nyị ịvị ọ sị mẹ ịsọvọọ yị nị ini oze Ụhwẹ Ọnịnị ana yàra pooro zịna-zịna. Agụvị avọọ ộ nyịna ayị ayị nị, ka asị ị kụkụ na mẹ ịvị, anaā sịị ọza nee sú; ama dị ya kụkụụ hẹkẹ Ohomorihi ana yára.

1Ipita 2:24

Ikirisiti ụvọta ộ sị ịrẹsụ dọ ụya ịvị ayị, a mẹ̀ kanyị ọ za ọchị apavahị, agụvị dị ya kụkụ sị mẹẹ oku avọọ dị asị kụkụ zụ mẹ ịvị, dị ya kụkụụ mẹ ịzẹyịza. Ini oze ụnava ana a tụ̀ ọ, ọ sị mẹ wụ nịnị ụkụ nị.

Ẹtore 17:8

Uye oni u re avọọ, ọ́ọ vịdị yàra, ama ọyị kụkụ yàra booro aanị. Ọ vaa jịnẹẹ hụụnị ọbọbọọ vẹ, dị ọ nọ ịzị ọ vaa yàa vu ẹtẹ. Aza ene hi ẹhẹ ọnị ọza ọ̀yị chẹrẹ ịrẹha ẹnịnị dị a va yẹ ka aa mẹ ẹhẹẹ tụ́ iwe aza ana yàra pooro zịna-zịna, èeyee re uye ọnọọ, o vee hí wa irenu. Uye ọnọọ ọ́ọ vịdị yàra, ọyị kụkụ yàra booro aanị, ọ rẹ vanaa sị ẹngụụ tụ́ ẹhẹ.

Anihiburu 4:3

Ẹyị ana sị ayị tụra Ijeesu, ọ ngụ ịzị ọ yà naa tụ́ ụhwọ́ nị. Ama ẹnị vị ọnị ọ́ kà a yị ka: Ayị ọ́ kụ́ ọnị, dị ọnị hị́ eku ka ẹnịnị ẹ yị vaa ngụ ịdị anị vaa tụ́ ụhwọ́ nị. Dị ọ maanị yị kà, ọ sị ụkọrọ anị mẹ ta hụrị ụmọrụmọ, ọ mẹ̀ hụrẹ mẹ ẹhẹ.

Ịtayịtọsị 2:14

Ijeesu ọnọọ ọ vịdị sị ẹngụ anịị yị, agụvị dị ọ̀ zụ hị́ yị varẹma nị, agụvị dị ya zụ há hụụnị avaba ịsa edivi. Dị ọ́ mẹ ayị ayị ọnịnị, dị ị kụkụ sị vị aza anị ana aa sịị vụrị ka yaa mẹ̀ ịsa ene zoza nị.

Anẹhwẹsọsị 5:2

Wee sì ịrẹyị ẹngụ nịnị ịnị avaba ịsa ọnị ụ wàaa mẹ nịnị, anka Íkirisiti mè re sì ịrẹyị ayị, dị ọ sị ẹngụ anị mẹ ịsọvọọ yị. Ịsọvọ ọnọọ óo hine Ohomorihi ayị ẹtẹẹtẹrẹ.

Anẹhwẹsọsị 1:10

Ịsa oni Ohomorihi mẹ eto anị ka ọnị vaa mẹ ịjị ụmẹ òo si tù ọ vị ka, ọnị vaa kụ́ avaba ịsa ene hi ẹbẹẹba ọnịrị ẹhẹẹ gụ tụ́ ịdị Ikirisiti nị. Dị ahịka Ikirisiti ọ vị ka Ikirisiti ọ vị ohirẹsụ avaba ẹnịnị nị.

1 Anịkọrịntị 10:11

Ịsa ẹnẹẹ ana mẹ wa vị ana aa kà aza ọnọ. Â chẹrẹẹ tịtẹ ka ẹyị ene hi ịnị ụmẹ ọdịrẹma aanị, ọ̀ zụ kọ ịrẹyọyẹ hụụnị anị.

Ẹtore 13:8

Avaba aza ene hi ịnị ẹhẹ vaa hẹkẹ uye ọnọọ; ọnọọ vị ka aza ọnị ọza ọ̀ yị chẹrẹ ịrẹha ẹnịnị dị a va yẹ ka aa mẹ ẹhẹ tụ́ ini iwe aza ana yàra pooro zịna-zịna oni Ozi Atẹmẹ anaa vịdị wụ nyị.

Anihiburu 10:26

Ya sị ịzẹyịza yẹ; yèe kuku ee yii re ịsa odivi googoro dị ị naa mẹẹ nị, ẹ yị kụkụ nyị ịsọvọ ana aa kụ́ ọọ kwooze.

Anigaratiya 4:1

Jẹẹ ma rẹ kà a zị oze ọsa: Sị ịrẹyị ozi oweyi zama a re! Ozi ana vaa kụ́ ogu ada anị vị ana sị mẹẹ ọrịhị avọọ ịjị ọ vị ozweyi, ama ọnị ọyị nyị avaba ịsa nị.

Ịjọọnụ 17:24

“Ọga, mị yaanị sì ka ẹnị ọnị ụ raà sị mị, ẹ̀ yà ịzị màa yà, dị ẹnịnị è zuu re igirima amị, ọnị ụ sị yị mị, agụvị ka wê sì ịrẹyị amị hụrẹ ụmọrụmọ, dị a va yẹ ka aa mẹ ẹhẹ.

Ịjọọnụ 1:29

Eyinẹhẹ anị, Ịjọọnụ ô re Ijeesu, ọ màa vẹ ịdị anị. Dị ịjọọnụ ka, “Wee re Ozi Atẹmẹ Ohomorihi ana a vaa sị mẹ̀ ịsọvọ dị ọ̀ kụ̀ ịvị anẹhẹ kwooze!

Imika 4:1

Ụmẹ aa vẹ dị ataba ịzị dà irehi Ẹnẹyịmavara tụ́ aanị kuku vaa vị ataba ana nẹba hu ataba ana vọ, dị ọ da jịnẹ wa. Anẹkụra ọrụrụ-ọrụrụ vee tụraa hi ịzọọ.

Ịdanịyẹrị 10:14

Ộ ka, ọnị ọ zị vẹ ọ yị va ka ẹ yị ọnị ịsị e ve tu aza anị ụhwọ, agụvị ka ẹtẹ ọnị re aanị ẹ yị vị ịrẹyị ọ yaanị ọ vị.

Ịdanịyẹrị 9:24

Ịrayị ẹtarẹwụ oze ịhịmba Ohomorihi jị ka ọ vaa mẹ dị aza anị ana vị Anijerusarẹmị ẹ va hụụnị ebira odivi ọ̀ yị mẹ, dị a kụ ebira odivi hụrị ẹtẹ nị. A vaa mẹ ka à kụkụ mẹ̀ ịsa ana vọrọ pooro, dị ẹtẹ ọnị Ịdanịyẹrị ré aanị ọnịrị ịrẹyị ọnị ọnịsẹ kà aanị sị gẹ. Dị a varẹma ve tenyi irehi Ohomorihi ana ya Ijerusarẹmị.

Ayịsaya 2:2

Ụmẹ aa vẹ, ịrẹsụ ataba ọnị irehi Ẹnẹyịmavara ya vaa vị Ataba ana nẹba hu kerekere, dị ọ va avaba ataba ana vọ chire. Anẹkụra ọrụrụ-ọrụrụ vee turaa hi ịzọọ,

Ijoovu 7:21

Sị ẹ vẹ dị ụ wẹ yị vagu ịvị ọnị mẹ yị mị, dị ụ wa sị ebira ọhịmị amị kwooze? Ẹ yị nyị aa jẹẹ aanị dị a sị mị ne chire ẹtẹ; u kuku vee sì mị, ịjị ọnọọ mi si hu.

2 Ịsamụwẹrị 24:10

A mẹ̀ vavọọ sị aza ẹnẹẹ za ịrịka kẹnẹ, dị ayị Idevidi mẹ kì nị. Dị Idevidi kà a yị Ẹnẹyịmavara dị ọ ka, “Ogwoo, Ma sị akụvị ọbanyị mẹ ịnị ịrẹyị ọnị mị mẹ aanị. Aarịhịnị Ẹnẹyịmavara navọ wa vagu mị ka ma sị ụra odivi mẹ ịnị ịrẹyị ọnị mị mẹ aanị.”

2 Ịsamụwẹrị 12:13

Di Idevidi kà a yị Inatanị dị ọ ka, “Ma sị ebira odivi mẹ hi Ẹnẹyịmavara.” Di Inatanị tụ́ Idevidi ohi dị ọ ka, “Ẹnẹyịmavara ọ raà jị eyi vee hụụnị ebira odivi ọnị ụ mẹ. We yi kuku vee sú.

Ahẹ Ụgama 103:12

Anka ịzị ọyị zịị hụrẹ mẹ̀ noze rịrị ịzị ọ zịị naa ngụ ẹtẹ, avọọ Ẹnẹyịmavara mẹ̀ sị ebira odivi ayị noze rịrị ẹyị nị.

Imatiwu 13:39

Ọnịvị ọnọọ ene ne chire ebe ẹnẹẹ ọ vị echu nị. Ụmẹ anaa sịị̄ mẹẹ ọ vị ụmẹ ọdịrẹma ẹhẹ nị. Aza ana vaa mẹ wa ọ vị anggẹẹrị nịnị nị.

Imatiwu 13:40

Anka a mẹ̀ sụ́ ebe ẹnẹẹ, dị a rị wa ịra, avọọ ọ́dịrẹma ẹhẹ ọnọnị mẹ̀ vaa yà nị.

1Ipita 4:7

Ụmẹ ẹnẹ ẹhẹ ọnọnị vaa sị zẹtẹ, ọ sị gụrị ẹtẹ. Agụvị avọọ sị ụvọ za ẹngụ awụ nịnị, dị ụ wa sị eyi pe ẹtẹ, agụvị dị ụ wa zụụ mẹ̀ aduwa nịnị!

1 Ịjọọnụ 3:8

Ama ọza ana àa mẹ ịvị, ozi Echu ọ vị nị, agụvị ka Echu vị anaā mẹ ịvị dị a va yẹ ka aa mẹ ẹhẹ. Agụvị avọọ Ozi Ohomorihi vẹ ẹhẹ ka oni ò ve vú ụkọrọ Echu ẹtẹ nị.