Anihiburu 9:25 - IWE ỌNỊNỊ

²⁵ Avaba ohirẹsụ ọbanyị irehi Ohomorihi vị anaā ngụ Aha Ọnịnị (ini irehi Ohomorihi) ịrayị-ịrayị. Dị a hị́ ka anya uye ọ sị na nị, ayị vị anya ẹngụ anị. Ama ẹ yị nyị ka Ikirisiti ọnị ọ̀ọ sị ẹngụ anịị mẹ̀ ịsọvọ ụmẹ tụra ụmẹ.

Anihiburu 9:25 Referans Kwoze

Anihiburu 9:12

Ikirisiti ộ ngụ Aha Ọnịnị keekere Ohomorihi. Ụpẹ ọnya gene-gene ọ ngụ ịzọọ nị. Ẹ yị vị anya ịdẹ ọnịrị ozi imaaru ọnọrụ ọnị za na ngụ ịzọọ. Anya anị ụvọta ọ za na, dị ọ sị hị́ yị varẹma pooro zịna-zịna nị.

Anihiburu 9:7

Ohirẹsụ ọbanyị irehi Ohomorihi ọnịnya kẹnẹ ọọ̄ ngụ ini aku ajẹngụ ọnọọ ụpẹ ọnya kẹnẹ ịnị ịrayị nị. Àaa na, dị ọ sị anya za ọnị ọ vaa sị mẹ ịsọvọọ yị ẹngụ anị, dị ọ̀ rẹ mẹ yị aza agụvị ịvị ene e nyeeyi mẹ.

Anihiburu 9:14

Anya uye ẹnẹ ẹ̀ẹ zụ mẹ ka aza ẹ̀ nị, ọnọọ ọ́ọ sị zụ̀ ka anya Ikirisiti ọ́ọ nyị ụkata hu avọọ ẹtẹẹtẹrẹ. Ẹngụ anị ụvọta ẹnẹ ẹ̀ yị nyị ịvị ọ sị mẹ ịsọvọọ yị nị ini oze Ụhwẹ Ọnịnị ana yàra pooro zịna-zịna. Agụvị avọọ ộ nyịna ayị ayị nị, ka asị ị kụkụ na mẹ ịvị, anaā sịị ọza nee sú; ama dị ya kụkụụ hẹkẹ Ohomorihi ana yára.

Anihiburu 10:19

Ẹwụ nịnị ẹyịnyara amị, ini oze anya oni Ijeesu che sẹ́ ẹtẹ o mè sú, yáa nyị ọtụtụrụma ọyịna ngụ aha ọnịnị keekere ịzị Ohomorihi yà.

Anihiburu 9:26

Àyị vị avọọ, vị ọ yaanị aa rị ụya ụmẹ tụra ụmẹ, ẹ́hẹ mẹ̀ hụrẹ nyima nị. Ama ộ vẹ ịnị ẹhẹ ọnọnị ụpẹ ọnya gene-gene ịnị ụmẹ ẹnẹ ẹhẹ aa vaa ta aanị, ka ọnị ọ̀ sị ẹngụ anị mẹ̀ ịsọvọ, dị ọ̀ kụ́ ịvị aza kwooze.

Anihiburu 10:10

Ijeesu Ikirisiti ộ mẹ̀ ịsa oni Ohomorihi sì ka ọ̀ mẹ. Ọ raà vara yị aza anị ọnịnị ini oze ịsọvọ ọnị ọ sị ẹngụ anị mẹ ụpẹ ọnya gene-gene.

Ọyịkụra 30:10

Ụpẹ ọnya kẹnẹ ịnị ịrayị Eerọnị vaa gụ̀ ọpanyị ụta ọnọọ nị. Anya ịsụpa ana a sị mẹ̀ ịsọvọ ka à zụ vagu aza ini ịvị ẹnịnị ọ vaa sị gụ̀ ọ nị. Avọọ ọ mẹ̀ vaa mẹẹ pooro nị. Ẹmị Ẹnẹyịmavara ọ vaa nyị avaba ụta ọnọọ nị.”

Anihiburu 9:2

 nyị ajẹngụ ana a vịdị jị. Aā hị́ eyi ẹhẹ anị Aha Ọnịnị. Ịsa ana a kụ́ hi ịzọọ, yị: ozotupa ọnịrị iteevuru beri Ịbụrẹẹdị ana a sị va yị Ohomorihi.