Anihiburu 9:23 - IWE ỌNỊNỊ

²³ Ẹnya ahẹkẹ ẹnẹẹ ana ahịka vị ẹyaa sịị zụ̀ ịsa obooro ana yà ẹbẹẹba nị; áa nyị ka à vavọọ vara wa ọnịnị. Ịsa obooro ẹnẹẹ ana yà ẹbẹẹba, áa nyị ka à mẹ̀ ịsọvọ ene huna avọọ, dị ọ vara wa ọnịnị.

Anihiburu 9:23 Referans Kwoze

Anihiburu 10:4

Anya imaaru ọnọrụ ọnịrị ịdẹ ẹyị zụ kụ́ ịvị kwooze vụrụ-vụrụ.

Anihiburu 9:14

Anya uye ẹnẹ ẹ̀ẹ zụ mẹ ka aza ẹ̀ nị, ọnọọ ọ́ọ sị zụ̀ ka anya Ikirisiti ọ́ọ nyị ụkata hu avọọ ẹtẹẹtẹrẹ. Ẹngụ anị ụvọta ẹnẹ ẹ̀ yị nyị ịvị ọ sị mẹ ịsọvọọ yị nị ini oze Ụhwẹ Ọnịnị ana yàra pooro zịna-zịna. Agụvị avọọ ộ nyịna ayị ayị nị, ka asị ị kụkụ na mẹ ịvị, anaā sịị ọza nee sú; ama dị ya kụkụụ hẹkẹ Ohomorihi ana yára.

Anihiburu 9:24

Ikirisiti ọ́ yị na ngụ aha ọnịnị ana aza mẹ, ana ahịka vị ọnị aa sị ịsa obooro zụ̀ kẹnẹ nị. Ịdị Ohomorihi booro ọ ngụ nị, agụvị avọọ ọ na jẹẹ ọvịdị Ohomorihi agụvị ayị booro aanị nị.

Anihiburu 8:5

Ohirẹsụ irehi Ohomorihi ẹnẹẹ vị ọnị ụkọrọ ẹnịnị aa sịị zụ̀ ịsa obobooro ana yà ẹbẹẹba. Yáa yẹ ka ịnị ụmẹ oni Imosiisi aa vaa jị ajẹngụ Ohomorihi, Ohomorihi óo hú ọọ ụvọ ka ò re ka ọnị ọ́ọ mẹ avaba anị anka ịsị ọnị sị zụ̀ ọọ gẹdẹ-gẹdẹ ị́rẹsụ ataba.

Ẹtore 5:9

Dị ẹ jị ahẹ ọwọọwa dị ẹ ka: Ẹwa hụ ọọ sị iwe ọnọọ nị, dị ụ wa hụ̀ ịsa ana sị vá a, agụvị ka â vịdị wụ wụ. A mẹ̀ wụ wụ, wa raà sị anya awụ hị́ aza varẹma va yị Ohomorihi, avaba anẹkụra, aza ana aa kà ẹkụra irenyi-irenyi avaba ẹhẹ.

Anikorasi 2:17

Ịsa ẹnẹẹ vị uhwoto ịsị ẹ vaa vẹ kẹnẹ. Ịsa ọnọọ ụvọta ọ vị Ikirisiti nị.

Iruuku 24:46

Dị ọ kà a yị wa ka, “Â vavọọ chẹrẹ ẹ tụ́ ini Iwe Ohomorihi. Agụvị avọọ â nyị ka Ikirisiti ọ̀ rị ụya, dị ọ ha hụụnị isu ịhyẹgwẹta anị.

Iruuku 24:26

Ẹ yị vọrọ ka Ikirisiti ọ̀ maanị rị ụya, dị ọ̀ va ngụ ịnị igirima anịị?”

Anihiburu 10:1

Ọda Imosiisi vị ụmọmọ ịsa ozoza ana aa vẹ kẹnẹ, ẹnịnị ẹ yị nyẹngụ sị ịsa ọnọọ obooro zụ̀. Aa yịị mẹ̀ ịsọvọ ọnyọọnya ịrayị-ịrayị. Ịsọvọ ẹnẹẹ ẹ yị zụ mẹ ka aza ene ee sì ka ẹnị ẹ̀ kà pe Ohomorihi, ẹ̀ zụ gụ.

Ịjọọnụ 14:3

Màa na sị aha tenyi tịtẹ wụ nịnị, mị raa vaavẹ, dị ma va sị wụ nịnị ne pe ẹngụ, agụvị ịzị màa yà, dị ẹwụ nịnị ọ̀ rẹ yà ịzọọ.

Odeyi 23:15

Agụvị avọọ ẹwụ nịnị beri anikootu ọ̀ tụ́ hi ọga ọbanyị ọnọọ ka ọ̀ sị Ịpọọrụ va wụ nịnị, dị ọ̀ sị mẹẹ ka u wee sì ka we sì iruvo ịrẹyị anị ẹtẹẹtẹrẹ nịnị nị. Ẹ yị vee tenyi ẹngụ, di ye re ka yaa wụ ọọ, di ò ve tù ịzẹnị.”