Anihiburu 9:16 - IWE ỌNỊNỊ

¹⁶ Ọza ọ̀ọ naa chẹrẹ ẹ tịtẹ a mẹ̀ vọrọ ka à gà ogu anị, oni òo wusu, dị à va gà ogu anị, áa nyị ka à sị zụ̀ gedebee ka ô wusu da.

Anihiburu 9:16 Referans Kwoze

Ijemiisi 2:10

Ọza ọ̀ọ daka sị eyi pe avaba ọda Ohomorihi, dị ọ jịnẹ ọnya kẹnẹ nị, avaba ọda Ohomorihi bemi ọ jịnẹ avọọ nị.

1 Anịkọrịntị 15:22

Avaba aza vị ene ee sú agụvị ka Adamị ọ vị ohiku ayị nị. Avọọ gẹdẹ-gẹdẹ Ikirisiti mẹ̀ rẹ vaa mẹ ka aza ọnị ọnịrịị sị vị ọnya, ẹ̀ yàra nị.

Aniroomi 6:23

Isu ọ vị ụta eneē si ọza ana mẹ ịvị nị. Ịsa oni Ohomorihiī sị yị ọọhẹ kẹnẹ ọnị vị ka ọza vaa yàra ị́da anị pooro zịna-zịna ịnị ka ẹyịrị Ijeesu Ikirisiti Ananyị yị ọ sị vị ọnya.

Aniroomi 5:12

Oze ịnị ụvị ọza ịnya ịvị zị ngụ ịnị ẹhẹ nị, di isu saasa ịvị ọnọọ vẹ nị. Hụrẹ ịhị ọnọọ avaba aza kuku ee sú nị, agụvị ka avaba ẹ sị ịvị mẹ.

Anihiburu 9:15

Ịsa ẹnẹnị ẹ́ẹ sị zụ̀ ka Ikirisiti ọ vị ọza ana yà ịnị akakana aza ọnịrị Ohomorihi nị, dị ọ mẹ eto oto ọwọọwa, agụvị aza oni Ohomorihi sị hị́, ẹ̀ zụ vẹ, dị ẹ̀ va dọ ẹyịza oni Ohomorihi sị ọọ kà ka ẹ yị zụ nyị ka ọnị ọyị vaa sịị yị wa. Ẹyịza ọnọọ vị ẹnẹẹ vaa nyị pooro zịna-zịna. Ịsa ẹnẹnị vaa mẹ, agụvị ka áa nyị ọza ịnya ene sú ka ọnị ọ̀ hị́ aza varẹma hụụnị ịsa edivi ẹnẹ ẹ vịdịị mẹ ịnị ụmẹ ẹnẹ ẹ sị yà ịnị ụvọ oto ịyẹẹyẹ.

Anihiburu 9:17

Ọza ana vavọọ chẹrẹ iwe tịtẹ, ọ̀ọ yị yàra, iwe ọnọọ ọ yị nyị ụkata. Ama ịhị òo wusu, ịjọnọọ íwe ọnọọ nyị ụkata nị.

Anihiburu 1:3

Ini oze Ozi Ohomorihi ọnọọ ígirima Ohomorihi aa zịị zẹtẹ nị. Ọnị ọ vị uhwoto Ohomorihi gẹdẹ-gẹdẹ nị. Ịrẹyị anị ana nyị ụkata ọ sị za avaba ẹhẹ jẹẹ nị. Ộ nyịna aza hụụnị ịvị ẹnịnị ka ẹ̀ nyẹngụ nị. Dị ọ nọ ẹbẹẹba, dị ọ na yaayịtẹ éyi ụvọrị Ohomorihi ana nẹba hu kere-kere nị.

Anihiburu 13:20

Ohomorihi ọọ̄ sị ẹngwọọrọ yị ọza nị. Ọ raà mẹ ka Ijeesu Ananyị yị ọ̀ ha hụụnị isu. Ijeesu ọnọọ ọ vị ọza ana sị eyi pe aza anị ẹtẹẹtẹrẹ nị. Ộ sị anya anị sị ụvọ tụ́ ịnị oto ana yà pooro zịna-zịna.