Biblia Todo Logo
Bib sou entènèt

- Piblisite -




Anihiburu 9:15 - IWE ỌNỊNỊ

15 Ịsa ẹnẹnị ẹ́ẹ sị zụ̀ ka Ikirisiti ọ vị ọza ana yà ịnị akakana aza ọnịrị Ohomorihi nị, dị ọ mẹ eto oto ọwọọwa, agụvị aza oni Ohomorihi sị hị́, ẹ̀ zụ vẹ, dị ẹ̀ va dọ ẹyịza oni Ohomorihi sị ọọ kà ka ẹ yị zụ nyị ka ọnị ọyị vaa sịị yị wa. Ẹyịza ọnọọ vị ẹnẹẹ vaa nyị pooro zịna-zịna. Ịsa ẹnẹnị vaa mẹ, agụvị ka áa nyị ọza ịnya ene sú ka ọnị ọ̀ hị́ aza varẹma hụụnị ịsa edivi ẹnẹ ẹ vịdịị mẹ ịnị ụmẹ ẹnẹ ẹ sị yà ịnị ụvọ oto ịyẹẹyẹ.

Gade chapit la Kopi




Anihiburu 9:15
52 Referans Kwoze  

Aza oni Ohomorihi sị nyị tịtẹ, dị ọ rẹ hị́ wa nị. Aza ọnọọ vavọọ hị́, dị ọ rẹ jị ịhị yị wa nyị. Aza ọnị ọ vavọọ jị ịhị yị, dị ọ rẹ sị ụbanyị yị wa nị.


Yâ yẹ ka avaba ịsa ana àa mẹ, vị oni Ohomorihiī mẹ ka ọ̀ vị ọyịza yị aza ene sì ịrẹyị anị; ọnọọ vị ka aza ọnị ọ sị hị́, anka ọ mẹ̀ mẹ eto anị.


Ikirisiti ộ ngụ Aha Ọnịnị keekere Ohomorihi. Ụpẹ ọnya gene-gene ọ ngụ ịzọọ nị. Ẹ yị vị anya ịdẹ ọnịrị ozi imaaru ọnọrụ ọnị za na ngụ ịzọọ. Anya anị ụvọta ọ za na, dị ọ sị hị́ yị varẹma pooro zịna-zịna nị.


Áa nyị ka wa nyị isuuru nịnị, agụvị wàa ịsa oni Ohomorihi sì, mẹ nịnị, dụ wa zụ dọ ịsa ọnị ọ zẹẹ wụ nịnị ịzẹzẹ anị.


Ohomorihi vị ọnya. Ọza ịnya ọ rẹ yà ịnị akakana aza ọnịrị Ohomorihi nị; ọza ọnọọ ọ vị Ijeesu Ikirisiti nị.


Wa zị vẹ ịdị Ijeesu nịnị, ana yà ịnị akakana aza ọnịrị Ohomorihi ini oze oto ọwọọwa, dị o re che anya anị sẹ́ ẹtẹ nị. Ịsa ana anya ọnọọ aa kà, o zoza huna ịsa ana anya Ẹba aa kà nị.


Agụvị eku ọnọọ, Ijeesu sị zụ̀ ka oto oni Ohomorihi wo o zoza hu nị.


Ikirisiti ộ rị ụya o mè sú agụvị ịvị ayị ụpẹ ọnya gene-gene. Ikirisiti ẹnẹ ẹ̀ yị mẹ ịvị, ô sú yị aza ana mẹ ịvị, agụvị dị ọ̀ zụ sị yị vẹ ịdị Ohomorihi. Aza ệ wụ ọ, ama â mẹ ka ụhwẹ anị ọ̀ yara.


Ohomorihi ọọ̄ sị ẹngwọọrọ yị ọza nị. Ọ raà mẹ ka Ijeesu Ananyị yị ọ̀ ha hụụnị isu. Ijeesu ọnọọ ọ vị ọza ana sị eyi pe aza anị ẹtẹẹtẹrẹ nị. Ộ sị anya anị sị ụvọ tụ́ ịnị oto ana yà pooro zịna-zịna.


Ịnị ụmẹ ọnị yẹ̀ yị zụ gụ ẹngụ ayị ụvọ, Ikirisiti ộ vẹ, di o ve sú yị ẹyị aza edivi ịnị ụmẹ oni Ohomorihi nyị nị.


Avọọ Íkirisiti ọnị mẹ̀ rẹ sị ẹngụ anị mẹ̀ ịsọvọ ụpẹ ọnya gene-gene nị, ka ọnị ọ̀ kụ́ ịvị aza ọrụrụ-ọrụrụ kwooze. Ọ rẹ vanaa vaa vẹ ịnị ẹhẹ ọnọnị, ama ayị vị agụvị ịvị. Aza ene ee zí ọọ eyi, aa vaa dọ ọ há nị.


Óhomorihi me wo oto yị Abụrahamị, ẹ yị nyị ịsị e huna Ohomorihi ọnị ọ zụ sị hị́ eku, agụvị avọọ dị Ohomorihi sị ẹngụ anị hị́ eku nị.


Ẹwụ nịnị anda ayị, Ohomorihi ọ sị wụ nịnị nyị tụ́ irenyi yị ẹngụ anị. Ọ rẹ hị́ wụ nịnị ka wa nyị tụ́ ịdị anị ẹbẹẹba. Agụvị avọọ ro ịrẹyị Ijeesu nịnị ana vị odeyi ọnịrị ohirẹsụ ọbanyị irehi Ohomorihi ayị. Ọnị ị dọ wụ́ nị.


Ezi anị ẹnẹẹ vị aza rị ẹyị ị́rẹsụ. Agụvị avọọ, Ijeesu ọ́ọ vẹ ẹhẹ dị ọ yà anka ẹnịnị gẹdẹ-gẹdẹ nị, ka oni ò sú, di oni ò du ụkata Echu ha. Echu ọ nyị ụkata isu nị.


Dị ẹ jị ahẹ ọwọọwa dị ẹ ka: Ẹwa hụ ọọ sị iwe ọnọọ nị, dị ụ wa hụ̀ ịsa ana sị vá a, agụvị ka â vịdị wụ wụ. A mẹ̀ wụ wụ, wa raà sị anya awụ hị́ aza varẹma va yị Ohomorihi, avaba anẹkụra, aza ana aa kà ẹkụra irenyi-irenyi avaba ẹhẹ.


Dị Ohomorihi na aa kà a ka, “oto ọwọọwa”, ọnị ọ vị ka ọ raà mẹ ka ị́ịpaapa ò bo. Ịsa ene èe si bo, di ee du nị, ọ vaa taa kwooze.


Ohomorihi ộ jịhịị yị ini oze ayamva anị, agụvị avọọ ị vaa yara ị́dị Ohomorihi pooro zịna-zịna. Ịsị yaa tụra eyi anị ọ vị ọnọọ nị.


Mị vavọọ aa mẹ, agụvị ka máa nyị ọyịtureyi ka ị vaa yàra ịdị Ohomorihi pooro zịna-zịna. Ịsị Ohomorihi kà hụrị ụmọrụmọ dị a va yẹ ka aa mẹ ẹhẹ ọ vị ọnọọ nị. Yáa yẹ ka Ohomorihi o mē cheeche.


Agụvị avọọ, mâ sị ẹngụ dọ avaba ụyọrị agụvị aza oni Ohomorihi sị nyị, dị Ijeesu Ikirisiti ọ̀ rẹ zụ dọ ụyọrị agụvị aza ọnị Ohomorihi sị nyị, dị Ijeesu Ikirisiti ọ̀ rẹ zụ dọ ẹnị há, dị ẹ̀ rẹ nyị ụbanyị ana yà pooro zịna-zịna yị wa.


Maa mẹ ka ẹnịnị ẹ̀ yàra pooro zịna-zịna; e mē vene vu ẹtẹ paa, ẹ yị nyị ọza ana rẹ nyẹngụ dọ wa hụrẹ mị ụvọ.


Ọza ọ̀ọ navọ irehi anị, àa vị ẹyịnyara anị anọrụ, àa vị anẹẹ, ọ̀ọ navọ ada anị, àa vị ọnyị anị, ọ̀ọ navọ ose anị, àa vị ezi anị, ọ̀ọ navọ aarẹ tịtẹ agụvị ịrẹha amị, Ohomorihi rẹ vaa sị ịsa ene huna avọọ oze ẹchẹhị-ẹchẹhịị sí ọọ atọ, dị ọza ọnọọ rẹ yàra pooro zịna-zịna.


Tamayị ka Ikirisiti ọnị ụvọta ọ raà kà a ka ẹ́ yi zụ nyị ka ọnị ẹ́yị vaa mẹ ka wa yara ịdị Ohomorihi nịnị pooro zịna-zịna.


Ohomorihiī mẹ ọyịzaa yị aza ẹtẹẹtẹrẹ, ộ hị́ wụ nịnị ka wa vẹ, dị ẹwụrị Ijeesu ọ̀ vị ọnya nịnị ịnị ụbanyị ẹnẹ ẹ̀ yị ma sa pooro zịna-zịna. Wàa sị ụya rị chee nịnị, Ohomorihi ọnị ụvọta vee tenyi wu nịnị, dị ọ̀ mẹ ka wa gụ nịnị, dị ọ rẹ mẹ ka wa nyị ụkata jẹẹ geri-geri nịnị ịnị avaba ịsa.


Ọza ana àa zama re dị ẹ̀ yị rẹ vaa hyẹdụ nị, ọ vaa daa jẹ; agụvị ka ịjị àa sị ọ zama re, dị ọ jẹẹ geri-geri nị, Ohomorihi vaa sị ẹyịza ọnị o wo oto anị yọ, ana vị ka ọ̀ yàra ịdị anị pooro zịna-zịna. Ohomorihi ka ẹ́ yị zụ nyị ka ọnị ọ́ yị vaa sị ọyịyara ọnọọ yị aza ene èe sì ịrẹyị anị.


Avaba aza ẹnị ị kà aanị, vị ana sị ayị tụra Ohomorihi pooro di e vee sú. Ẹnịnị ẹ yị dọ ịsa oni Ohomorihi hị́ eku anị; ama ẹ́ jẹẹ ẹnẹẹnẹ re ịsa ẹnẹẹ, dị ẹ sị ịrajẹ zí ọ eyi nị. Ẹnị ụvọta ẹ́ dọ ka ọzọga ẹnị vị tụ́ ịnị ẹhẹ nị.


Ịsa oni Ohomorihi hị́ wụ nịnị tụ́ ịnị anị, ọ vị ọnọọ nị. Ộ hị́ wụ nịnị ini oze enube ọyịza ọnị ị kà wụ nịnị, dị ụ wa va nyị tụ́ ịnị ụbanyị Ijeesu Ikirisiti Ananyị yị.


Isu ọ vị ụta eneē si ọza ana mẹ ịvị nị. Ịsa oni Ohomorihiī sị yị ọọhẹ kẹnẹ ọnị vị ka ọza vaa yàra ị́da anị pooro zịna-zịna ịnị ka ẹyịrị Ijeesu Ikirisiti Ananyị yị ọ sị vị ọnya.


Ọza ọ̀ọ naa chẹrẹ ẹ tịtẹ a mẹ̀ vọrọ ka à gà ogu anị, oni òo wusu, dị à va gà ogu anị, áa nyị ka à sị zụ̀ gedebee ka ô wusu da.


Ịzẹyịza, Ọnị ọ mẹ ka ya zụụ kà a oto ọwọọwa oni Ohomorihi zẹẹ aza nị. Ịzẹzẹ ọnọọ ọ yị vị ịrẹyị ọda ana a chẹrẹ, ama ịrẹyị Ụhwẹ Ohomorihii yọ nị. Ọda ana a chẹrẹ avọọ vị anaā wụ̀ ọza. Ama Ụhwẹ Ohomorihi vị anaā mẹ ka ọza ọ̀ yàra.


Mị ka ẹyị ọnọọ hị́, ayị vị hụụnị Aniju nịnị kẹnẹ, ama hụụnị Anigiriki nịnị bẹẹ.


Ọnịvị Ohomorihi ị vịdị vị nị. Ama agụvị isu oni Ozi anị sú yị yị, Ohomorihi ọ raà sị yị vara ọta anị. Ị mẹ̀ sị vara ọta anị aanị, ẹ yị kụkụ nyị ka àa jị ọọ ịrẹka ka Ozi anị ọnọọ vaa dọ yịị há, agụvị ka ộ yàra.


Ama Ohomorihi ọnị ộ sị zụ ka oni ô sì ịrẹyị ayị ẹtẹẹtẹrẹ. Ẹ́yị mẹ̀ yị daka vị ọnịvị, dị Ikirisiti ve sú yị ẹyị nị.


Ọdọvịdị Aniju ọnya aanị ọ va họ̀ Ijeesu use ka: “Nda ọyịza, sị a vọrọ ka ma mẹ, dị ma nyẹngụ yàra pooro zịna-zịna ị́dị Ohomorihi?”


Íjeesu màa vaa na, dị ọnọrụ ọnya aanị zwe echi ve tù ọọ nị. Dị ọ jị idinku ku ẹtẹ ọ́vịdị anị, dị ọ ka, “Nda ọyịza, sị a vọrọ ka ma mẹ, dị ma nyẹngụ yàra pooro zịna-zịna ị́dị Ohomorihi?”


M mẹ̀ yà ịnị ahwaahụ, wâ sị ịta kú mi ẹngụ nịnị. Ẹ́ngụ mẹ̀ raa zị mị, wê sì mi ụkụ nịnị. M mẹ̀ yà ịnị ẹngwa, we re ve hee mi nịnị.’


Ịjọnọọ dị Ohinọyị kà a yị aza ene hi eyi ụvọrị anị ka: ‘Wa vẹ nịnị, ẹwụ nịnị ana Ada amị raà mẹ ka ò zé yị! Ngụ ịzị Ohomorihi yà aa mẹ ịjọva, oni o si tenyi tịtẹ wụ nịnị, ẹ́hẹ mè hụrẹ nyima.


Ịjị ụmẹ ọnọọ ọ̀ọ sị gụ, a vaa kụ ayị ọdọvịdị ọnị Ohomorihi nyị aanị dị aa wụ̀ ọ. Ọdọvịdị ọnyara vaa sị ụkata kụ isoja anị vẹ, dị e vu Ijerusarẹmị ọnịrị irehi Ohomorihi ana ya ịzọọ ẹtẹ. Ịsị ẹ vaa za ịrẹsụ yị ọdọvịdị ọnọọ ve divi ẹtẹẹtẹrẹ. A vaa kụ̀ ịrẹkụ dị e du ịsa ha ẹtẹẹtẹrẹ. Avọọ Ohomorihi mẹ mẹ̀ ẹ ọda tịtẹ nị.


Ẹnẹyịmavara ọ mā sị eyi hụrẹ ẹngụ ọza ana aā wụ́ ịrẹyị anị. Ogu ẹnẹ ẹ̀ẹ nyị vị ana vaa yarị wa pooro.


Ozi anị ọnọọ ô che anya anị sẹ́ ẹtẹ, di o sú yị ịvị ayị nị. Agụvị ayamva Ohomorihi ana ahịka ọ́ọ banyị ẹtẹẹtẹrẹ, ọ vavọọ sị yà nị.


Dị ọ tụ́ ozi ahụ anị ka ẹ̀ na hị́ aza ana a vịdị kà a yị, ka ẹ̀ vẹ ịnị ịrẹyị ọnẹẹ ọnọọ nị. Ama ẹnịnị ê yi, ẹ yị vẹ.


Dị ọ rẹ sị ako ana a sị ká eche tịtẹ, ẹ mẹ̀ sị ịsa oruva ọnọọ rị nị. Dị ọ ka, “Eche ini ako ọnọnị ọ vị oto ọwọọwa oni Ohomorihi sị anya amị sị ụvọ tụ́ nị. Mi vee che anya amị ọnọọ sẹ́ ẹtẹ yị wụ nịnị.]


“Booro aanị, mâ sị wụ nịnị chire Ohomorihi ụvọ ka ò sere wu nịnị. Ma rẹ sị wụ nịnị chire ịrẹyị ayamva anị ụvọ. Ịrẹyị ọnọọ ọ zụ sị wụ nịnị vịra, dụ wa rẹ zụ nyị tụ́ ịnị ẹyịza oni Ohomorihi raà sị tẹ yị aza ọnọọ nyị tụ́ irenyi yị ẹngụ anị.


Ọza ịnyara àa mẹ ịrẹyị, ẹ yị nyị ka òo sì ọza ana aa yà ịnị akakana; Ohomorihi ọnịnya ọ zẹẹ Abụrahamị ịzẹzẹ nị.


Abụrahamị ộ nyị isuuru ẹtẹẹtẹrẹ, agụvị avọọ dị ọ dọ ịsa oni Ohomorihi kà a ka ẹ́ yị zụ nyị ka ọnị ẹyị vaa sịị yọ nị.


Wê pe anịnẹngwa rị ụya nịnị. Wáa sị inohine dọ ka aza ẹ̀ dọ wụ ogu awụ nịnị, agụvị ka wáa yẹ nịnị ka wáa nyị ogu ene zoza hu avọọ tụ́ ẹbẹẹba nịnị ene è yi mē du.


Swiv nou:

Piblisite


Piblisite