Anihiburu 9:14 - IWE ỌNỊNỊ

¹⁴ Anya uye ẹnẹ ẹ̀ẹ zụ mẹ ka aza ẹ̀ nị, ọnọọ ọ́ọ sị zụ̀ ka anya Ikirisiti ọ́ọ nyị ụkata hu avọọ ẹtẹẹtẹrẹ. Ẹngụ anị ụvọta ẹnẹ ẹ̀ yị nyị ịvị ọ sị mẹ ịsọvọọ yị nị ini oze Ụhwẹ Ọnịnị ana yàra pooro zịna-zịna. Agụvị avọọ ộ nyịna ayị ayị nị, ka asị ị kụkụ na mẹ ịvị, anaā sịị ọza nee sú; ama dị ya kụkụụ hẹkẹ Ohomorihi ana yára.

Anihiburu 9:14 Referans Kwoze

Anihiburu 10:22

Agụvị avọọ, à vẹ ya sị ayị ọnya kà pe Ohomorihi, dị ya sị avaba ayị ayị tụra a, agụvị ka Ijeesu ọ raà nyịna ịvị ana ayị ayị aa jịị yị kwooze. A rẹ raà sị enyi ana nị nyịna ẹngụ ayị.

1Ipita 1:19

ama anya Ikirisiti ụvọta ana vị ịsa ọkụmị-ọkụmị yọ nị. Anya ọnọọ vị ana sị mẹẹ anka anya ozi atẹmẹ ana a sịị̄ mẹ̀ ịsọvọ ẹnẹ ẹ̀ yị mā nyị ịdọtị, àa vị ụkụ vụrụ-vụrụ.

1 Ịjọọnụ 1:7

Ama yàaa zị ụsẹ ini ẹtohweyi anka Ohomorihi ọnị mẹ̀ rẹ yà ini ẹtohweyi, ọnị ọ vị ka yaa mẹ̀ uze vaabẹ beri ẹngụ. Anya Ijeesu Ikirisiti Ozi anị aa nyịna yị; yaa nị hụụnị avaba ịvị.

Anihiburu 9:12

Ikirisiti ộ ngụ Aha Ọnịnị keekere Ohomorihi. Ụpẹ ọnya gene-gene ọ ngụ ịzọọ nị. Ẹ yị vị anya ịdẹ ọnịrị ozi imaaru ọnọrụ ọnị za na ngụ ịzọọ. Anya anị ụvọta ọ za na, dị ọ sị hị́ yị varẹma pooro zịna-zịna nị.

1Ipita 2:24

Ikirisiti ụvọta ộ sị ịrẹsụ dọ ụya ịvị ayị, a mẹ̀ kanyị ọ za ọchị apavahị, agụvị dị ya kụkụ sị mẹẹ oku avọọ dị asị kụkụ zụ mẹ ịvị, dị ya kụkụụ mẹ ịzẹyịza. Ini oze ụnava ana a tụ̀ ọ, ọ sị mẹ wụ nịnị ụkụ nị.

1Ipita 3:18

Ikirisiti ộ rị ụya o mè sú agụvị ịvị ayị ụpẹ ọnya gene-gene. Ikirisiti ẹnẹ ẹ̀ yị mẹ ịvị, ô sú yị aza ana mẹ ịvị, agụvị dị ọ̀ zụ sị yị vẹ ịdị Ohomorihi. Aza ệ wụ ọ, ama â mẹ ka ụhwẹ anị ọ̀ yara.

Anihiburu 7:27

Oni e yi véné ohirẹsụ ẹbanyị irehi Ohomorihi ana vọ. Ẹ yị nyị ka ọ̀ọ mẹ̀ ịsọvọ eyinị-eyinị yị ịvị ẹngụ anị da, ọnịrị agụvị ịvị aza ana vọ. Ụpẹ ọnya gene-gene ọnị mẹ̀ ịsọvọ anị nị, ụmẹ ọnị ọ sị ẹngụ anị mẹ̀ ịsọvọ.

1Ipita 4:2

Ịnị avaba ẹhẹ awụ nịnị ana vọ, sị ụ kụkụ sị ẹngụ awụ yị ịsa ẹhẹ ọnọnị ọnị ọchẹngụ ọzaā sì! Ama wee sì ịsị Ohomorihi òo sì nịnị.

Anihiburu 1:3

Ini oze Ozi Ohomorihi ọnọọ ígirima Ohomorihi aa zịị zẹtẹ nị. Ọnị ọ vị uhwoto Ohomorihi gẹdẹ-gẹdẹ nị. Ịrẹyị anị ana nyị ụkata ọ sị za avaba ẹhẹ jẹẹ nị. Ộ nyịna aza hụụnị ịvị ẹnịnị ka ẹ̀ nyẹngụ nị. Dị ọ nọ ẹbẹẹba, dị ọ na yaayịtẹ éyi ụvọrị Ohomorihi ana nẹba hu kere-kere nị.

Ịtayịtọsị 2:14

Ijeesu ọnọọ ọ vịdị sị ẹngụ anịị yị, agụvị dị ọ̀ zụ hị́ yị varẹma nị, agụvị dị ya zụ há hụụnị avaba ịsa edivi. Dị ọ́ mẹ ayị ayị ọnịnị, dị ị kụkụ sị vị aza anị ana aa sịị vụrị ka yaa mẹ̀ ịsa ene zoza nị.

Ẹtore 1:5

Ijeesu Ikirisiti, ana a zụ sị ayị tụra, ọ̀ rẹ mẹ ọyịza wụ nịnị. Ọnị ọ vị ọnịpaapa ana ha hụụnị isu nị, ọnị ọ rẹ vị ohirẹsụ ohinọyị anẹhẹ nị. Ô sì ịrẹyị ayị. Ini oze anya oni o che sẹ́ ẹtẹ o mè sú, ộ nyịna ịvị ayị kwooze.

Anihiburu 6:1

Agụvị avọọ, à vẹ yaa kà a tụ́ ọvịdị ịnị ịsa ana a vọrọ ka aza ana vịra ẹ̀ẹ kọ! Asị i re kuku ne nyima dị yaa zụ̀ wụ nịnị ịsa ịpaapa ini oze ịrẹyị Ikirisiti! Asị ị rẹ varẹma nyima dị yaa kà a ka we ro ịnẹ varẹma hụụnị ụkọrọ anaā wụ̀ ọza, dị ụ wa sị ayị tụra Ohomorihi nịnị!

Aniroomi 6:13

Asị a nyị ọchẹngụ awụ nịnị ọnyọọnyị ọnị ụ zẹẹ ka wa sị na mẹ̀ ebira odivi nịnị! Ama hụrẹ ẹngụ awụ nịnị ụvọ yị Ohomorihi anka ọza anaa sị ha hụụnị isu dị ọ kụkụ yàra! Hụrẹ ọchẹngụ awụ nịnị ụvọ yọ, dị waa sịị mẹ̀ ebira ana vọrọ!

1 Ịjọọnụ 3:5

Wáa yẹ nịnị ka Ijeesu Ikirisiti vị ana vẹ ẹhẹ, agụvị dị ọ̀ va dị yị hụụnị ịvị. Wáa yẹ nịnị ka ọnị ẹ yị nyị ịvị vụrụ-vụrụ.

Aniroomi 6:22

Booro aanị, Ohomorihi ọ sị wụ nịnị dọ tịtẹ hụụnị ụvọ ịvị, wa sị vara ozi ahụ Ohomorihi nịnị. Ọgụ ọnị ụ rị nịnị ọ vị ka wa kụkụ zụ aa mẹ̀ ebira ọnịnị nịnị. Ọdịrẹma anị ọ vị ka ụ vaa yàra nịnị pooro zịna-zịna ị́da Ohomorihi.

Ijeremaya 10:10

Ama Ẹnẹyịmavara ọ vị Ohomorihi obooro nị. Ọnị ọ vị Ohomorihi ana yara nị. Ọnị ọ vị Ohinọyị pooro zịna-zịna nị. Ẹnẹyịmavara àaa kụ ayị, avaba ẹhẹ vị ene e zizi. Anẹhẹ ẹ yị zụ jẹẹ zị ọ àaa kụ ayị.

Anihiburu 10:2

Aza ana vavọọ aa hẹkẹ Ohomorihi ẹ̀ẹ yaanị sị nị saka-saka hụụnị ịvị, ayị ẹnịnị ẹ yị kụkụ yaanị aa jị ịvịị yị wa. A yaanị rẹ raà za avaba ịsọvọ ẹnẹẹ jẹẹ saka-saka.

Anẹhwẹsọsị 5:2

Wee sì ịrẹyị ẹngụ nịnị ịnị avaba ịsa ọnị ụ wàaa mẹ nịnị, anka Íkirisiti mè re sì ịrẹyị ayị, dị ọ sị ẹngụ anị mẹ ịsọvọọ yị. Ịsọvọ ọnọọ óo hine Ohomorihi ayị ẹtẹẹtẹrẹ.

Anẹhwẹsọsị 2:5

Ị́vị ayị ọnịrị akamawụ ẹngụ ayị mẹ̀ daka yị sị yị wụ, Ohomorihi ọ yị mẹ ka ya varẹma yàra beri Ikirisiti. Ayamva Ohomorihi kẹnẹ ọ sị dọ yị há nị.

2 Anịkọrịntị 5:21

Ikirisiti ọ yị mẹ ịvị vụrụ-vụrụ. Ama Ohomorihi ọ́ hụ agụvị ayị vara ọnị ụvọta ịvị, agụvị ẹyịrị ọọ ọ̀ zụ vị ọnya, dị ya zụ nyị tụ́ ịnị ịzẹyịza Ohomorihi.

Aniroomi 11:12

Ịvị ana Aniju mẹ, ọ raà mẹ ka Ohomorihi ọ̀ vayị anẹhẹ ana vọ ẹtẹẹtẹrẹ. Ịsẹẹ mẹ Aniju nịnị ịhị, ọ raà vara ọgụ yị Anigiriki ẹtẹẹtẹrẹ. Ọ̀ọ vavọọ yà, yẹ ka ịhị Aniju ẹ̀ẹ sị gụ, Ohomorihi vaa dàa tụ́ ọọ hu avọọ yị aza ẹtẹẹtẹrẹ.

Iruuku 1:74

ka ọnị vaa dọ yịị háa hụụnị ụvọ ọnịvị ayị, dị yaa hẹkẹ ọnị, dị asị i hí angwa;

1Ipita 2:22

Ẹ́ yị nyị ụmẹ ọnị ọ sị mẹ ịvị, ọza ộ yị rẹ wụ́ ịrẹyị ireche ini irenu ani da.

1 Itimoti 1:17

Aza ẹ̀ẹ sị ụbanyị ọnịrị igirimaa yị Ohomorihi pooro zịna-zịna! Ọnị ọ vị ohinọyị pooro zịna-zịna nị; o mē sú, ọza o mē ree. Ọnị kẹnẹ ọ vị Ohomorihi nị. Aamị.

Anigaratiya 2:19

Àa vị ẹmịị yọ, ini oze ọda mị yà yẹ ka mê wusu yị ọda, Mẹ yị kụkụ sị ayị tụra ọda ẹnẹẹ, agụvị dị ma zụ yàra yị Ohomorihi. Ẹmịrị Ikirisiti a kanyị za ọchị apavahị, di i sú nị.

2 Anịkọrịntị 6:16

Sị ẹ zụ kụ́ irehi Ohomorihi ọnịrị ori vabẹ? Ẹya vị irehi Ohomorihi ana yára nị, agụvị ka Ohomorihi ộ kà a ka, ọnị vaa ra ịnịnẹ ẹnịnị, dị ọnị aa ngụ ịnị akakana ẹnịnịị zị. Ọnị vaa vị Ohomorihi ẹnịnị, dị ẹnị rẹ vị aza anị.

Aniroomi 11:24

Ẹwụ nịnị ẹnẹ ẹ̀yị vị Aniju vị ana sị mẹẹ anka avọ oromi ịnị avị avọọ. Ohomorihi ộ dà wụ nịnị ve chire oromi obooro, ana ahịka ọyị yaanị vọrọ ka ọ̀ vavọọ yà. Aniju ẹ vị ana vị avọ oromi obooro nị. Yẹ ka ẹnị ẹ vaa hụ Ohomorihi ịraa hu nị, ka ọ̀ sị wa varẹma ve chire udi ẹnịnị!

Aniroomi 1:20

Óhomorihi mẹ̀ hụrẹ mẹ ẹhẹ, ọ raà sị ẹngụ ọza ọnị ọnị vị zụ̀, ọza ọ̀ yị daka zụ re e. Agụvị ka ọnị ọ mẹ avaba ịsa nị, aza e zụ re e gedebee ka ụkata anị yà ịzọọ pooro zịna-zịna. Ẹ rẹ zụ zị oze avọọ re e ka ọnị ọ vị Ohomorihi nị. Ẹ yị nyị ọza ene kuku re kụ́ vụrụ-vụrụ.

Ịjọọnụ 3:34

Ọza oni Ohomorihi tụ́ vẹ ẹhẹ, vị ana aa kà ịrẹyị Ohomorihi, agụvị ka Ohomorihi ọ́ sị Ụhwẹ Ọnịnịị yọ ẹtẹẹtẹrẹ.

Iruuku 4:18

“Ụhwẹ Ọnịnị Ohomorihi ộ dọ avaba ayị amị, agụvị ka ọ sị mị nyị ka ma kà enube ọyịza yị onosiye nịnị. Ộ tụ́ mị ka ma kà a yị aza ana a sụ́ ka a vaa ngwa waa tịtẹ, dị ma rẹ mẹ ogweyi nịnị ka èe re ẹtẹ; dị ma rẹ dọ aza ana aa mẹ ehunaa yịị tịtẹ;

Imatiwu 20:28

Agụvị ka ẹmị Ozi ọza onigirima mẹ yị vẹ ka à mẹ ozi ahụ yị mị, ama ka ma mẹ ozi ahụ yị aza, dị ma rẹ sị ụhwẹ amị hị́ aza ọrụrụ-ọrụrụ varẹma.”

Ịdanịyẹrị 6:26

Ọ kà, ọnị ộ mẹ̀ ẹ ọda ka ịnị avaba anẹkụra ọnị ọnị vị ohinọyị ẹ̀ sị ụbanyị yị Ohomorihi ọnị Ịdanịyẹrị aa hẹkẹ, dị ee hí angwa anị. Agụvị ka, ọnị ọ vị Ohomorihi ana yara pooro nị. Ọnị ọ rẹ vaa mẹ ịjọva pooro nị. Ẹ yị nyị ọza ene ve zụ vú ịjọva anị ọnịrị ụkata anị ẹtẹ.

Ireevi 22:20

Ọ kà a sị ẹ sị ịsụpa ọnị ịsa aa zịị va mẹ̀ ịsọvọ, agụvị ka Ohomorihi ẹ́ yị vaa dọ.

Anihiburu 11:21

Ijekọvụ ọnị ọ rẹ sị ayị tụra Ohomorihi. Ọnị ọ mẹ ka óni mèe vee sú, ọ̀ mẹ̀ aduwa yị ezi Ijosẹẹhụ ọnya-ọnya nị. Ụmẹ ọnọọ ô che ayị za okutẹ anị, dị ọ sị ụbanyị yị Ohomorihi nị.

Anihiburu 9:9

Ịsa ịyẹẹyẹ ẹnẹẹ vị ana jẹẹ yị ịsa ọyaanị ọnọnị. Ọnị ọ vị ka ẹyịza ana aza sị va yị Ohomorihi, ọnịrị uye ẹnẹ ẹyaa wụụ mẹ ịsọvọọ hi ọọ, ẹyị zụ mẹ ka ayị aza ana aa mẹ̀ ịsa ẹnẹẹ, ẹ̀ gụ saka-saka éyi Ohomorihi.

Odeyi 14:15

“Anda ayị nịnị, sị ẹ vẹ dị ụ maanị aa mẹ nịnị aanị? Ọza anka ẹwụ nịnị mẹ̀ rẹ yà ị vị nọ! Yâ vẹ ịzẹnị ka ya va kà enube ọyịza wụ nịnị, ka wa và hụụnị ịsa kẹnẹ-kẹnẹ ẹnẹnị, dị ụ wa và ká Ohomorihi ana yàra na nịnị! Ohomorihi ọnọọ ọ mẹ ẹbẹẹba ọnịrị ẹhẹ beri òkū ọnịrị avaba ịsa ene hi ịnị ẹnịnị nị.

Odeyi 10:38

Wa rẹ yẹ Ijeesu Anịnazarẹtị nịnị. Ohomorihi ộ sị Ụhwẹ Ọnịnị ọnịrị ụkata yọ ẹtẹẹtẹrẹ. Aa ngụ ọọ zị, dị aa mẹ ọyịza, dị ọ raa mẹ aza ene Echu aa sị ụyaa rị ụkụ nị, agụvị ka Ohomorihi ộ yà pe e.

Iwe Ọhụhị Imosiisi ana aa hị́ Ọyịvatụrọda 17:1

Wàa mẹ̀ ịsọvọ, asị ụ sị imaaru a vị atẹmẹ ana nyị ẹngụkata na mẹ̀ ịsọvọ yị Ẹnẹyịmavara ana vị Ohomorihi awụ nịnị. Ọọ̀ nyị ịhyẹrẹ ẹngụ ịsa ịsọvọ ẹnẹẹ.

Anihiburu 9:7

Ohirẹsụ ọbanyị irehi Ohomorihi ọnịnya kẹnẹ ọọ̄ ngụ ini aku ajẹngụ ọnọọ ụpẹ ọnya kẹnẹ ịnị ịrayị nị. Àaa na, dị ọ sị anya za ọnị ọ vaa sị mẹ ịsọvọọ yị ẹngụ anị, dị ọ̀ rẹ mẹ yị aza agụvị ịvị ene e nyeeyi mẹ.

1 Itimoti 3:15

agụvị mèe ne kù, dị iwe ọnọnị ọ̀ navọ ka wa yẹ, a mẹ̀ vọrọ ka aza ẹ̀ẹ mẹ̀ ebira ịnị akakana aneehi Ohomorihi ana vị ịragụ Ohomorihi ana yára. Aneehi Ohomorihi vị ohinẹ ọnịrị ohyẹtẹ ana za ịzẹyịza jẹẹ nị.

1 Anịtẹsaronika 1:9

Avaba aza aa kà a, u meme sì yi ọzọga nịnị, i mè ve hee wu nịnị. Ẹ rẹ yaa kà a, ụ mẹmẹ và hụụnị ori ọyịhẹkẹ và ká Ohomorihi vẹ nịnị, dị ụ kụkụ aa hẹkẹ Ohomorihi obooro ana yára nịnị.

Odeyi 1:2

pooro ne tù ẹkụhị ana a va sị sị ọọ nọ ẹbẹẹba ịdị Ohomorihi. Dị a va sị ọọ nọ ẹbẹẹba, ộ sị ụkata Ụhwẹ Ọnịnị mẹ ọda yị odeyi anị ọnị ọ nyị.

Iruuku 12:28

Ohomorihi ộ vavọọ sị ịsa ozoza yị avị, oni u wèe re ajịnị, ụhwọọ di a sị ọọ ká tụ́ ịnị ịra, wéé ro ka ọ yị vaa sị ịta ene zoza hu avọọ kú wu nịnị ẹngụ? Ẹdọwụ awụ nịnị ộ da weyi kẹnẹ.

Iruuku 12:24

Wee re ọrụ nịnị, ẹnịnị e mē chire ịsa, ẹnịnị ẹ mā rẹ kụ́ ịsa gụ. Ẹnịnị ẹ yị nyị ụhwọ, ẹ yị rẹ nyị oje; ama Ohomorihi aa yịị pá wa. Aanịka we yi huna inomi nịnị?

Imatiwu 12:28

Ama àa vị Ụhwẹ Ọnịnị Ohomorihi, m maa sịị dụ ụhwẹ echuu jịnẹ nị, ọnọọ ộ sị zụ̀ ka ịjọva Ohomorihi ọ sị gụrị ẹwụ nịnị.

Imatiwu 7:11

Ẹwụ nịnị ana vị aza edivi, wàa yẹ ka áa vọrọ ka wa sị ịsa ọyịza yị ezi ewu nịnị; ụ mẹmẹ va yẹ ka Ada awụ nịnị ẹbẹẹba ọ yị vaa sị ịsa ozoza yị aza ana aa họ̀ ọ use?

2 Ịsamụwẹrị 4:11

Ẹwụ nịnị aza edivi ẹ va ngụ ini eehi ne tù aza ẹnẹ ẹ̀ yị nyị ịsị ẹ mẹ̀ wa wụ̀ ọ tụ́ ịnị ịbẹẹdị anị nịnị. Maa họ̀ wụ nịnị oponu anị, dị mị mụ̀ nịnị hụụnị ẹhẹ.”

Iwe Ọhụhị Imosiisi ana aa hị́ Ọyịvatụrọda 33:27

Ohomorihi ana yà ịzọọ pooro è sere wu nịnị nị oō sị yị rị ụvọ pooro nị. Eyi awụ nịnị ọ̀ dụ ọnịvị awụ nịnị jịnẹ, dị ọ ka wa wụ̀ avaba ẹnịnị va ha nị.

Ịrịka 28:11

Ama ịnị ẹkụhị ịpaapa ịnị ụhwẹ, Ẹnẹyịmavara kà a Anisirẹrị nịnị ẹ̀ sị ozi ụnọ ẹẹva ọnịrị ịdẹba ọnya, ne beri ozi atẹmẹ ịrayị ọnya ịhịmba ẹnẹ ẹ yị nyị ụkụ.

Aniroomi 1:4

Ama ini oze ka Ohomorihi ộ ha a hụụnị isu, ọnọọ ộ sị zụ̀ ka ịdị Ohomorihi ọ hụrẹ vẹ nị, ọnịrị ka Ozi Ohomorihi ọnị ọ sị avaba ụkata yị ọ vị nị.

Ayịsaya 57:15

Ẹma vị Ohomorihi ọnịnị ana nẹba nị. Ẹma yàra pooro zịna nị. Aha ana nẹba dị ọ vị ọnịnị mị ra nị. Ama mị rẹẹ raa pe aza ana ka ẹngụ ẹnịnị chi, di e ro ịnẹ varẹma. Ọ vaa mẹ ka ma mẹ ka ayị ẹnịnị ọ̀ vana nẹtẹ, dị ẹ rẹ nyị ọyịtureyi.

Iwe Ọhụhị Imosiisi ana aa hị́ Ọyịvatụrọda 15:21

Ama àa nyị ịsụpa ene che ahụ, a vị dị o gu eyi nị, a vị dị a nyị ịsa ọsa ana mẹ̀ ẹ nị, asị ẹ sị ẹngụ ịsụpa ẹnẹẹ mẹ̀ ịsọvọ yị Ẹnẹyịmavara Ohomorihi

Ịrịka 28:3

Ịsa ẹnị ẹ vaa sị mẹ̀ ịsọvọ ana a rị ịra eyinị-eyinị yị Ẹnẹyịmavara ẹ vị ezi atẹmẹ ịrayị ọnya ẹẹva ẹnẹ yị nyị ụkụ.

Ayịsaya 53:9

Ệ sị ọ tụ ini ikuta pe aza ọhịmị nịnị. Ê ne e pe opisa ọnya. Ẹ yị nyị ụmẹ ọnị ọ sị sị ụkata-ụkata mẹ ọza ịrẹyị. E yi cheeche ọnyọọnyị.

Ayịsaya 42:1

Ẹnẹyịmavara kà; “Ozi ahụ amị yị, Ẹma sị ụkata yọ nị. Ma sị ọ nyị̀, ayị amị ô hine tù ọ. Ma raà sị ụhwẹ amịị yọ; Ọ vaa mẹ̀ ebira ana vọrọọ hi avaba anẹhẹ.

Ijoovu 15:16

Ẹnẹ va vị ẹyị ọza ana sị vụ dị ị sị du ha. Ẹyị anaa mẹ̀ ebira odivi pooro anka ọza mee hú enyi avọọ.

2 Ohinọyị 19:16

Ẹnẹyịmavara, re ịsị aa mẹẹ tu yị booro aanị, wụ̀ avaba ụhụ ọnị Isenakeribi aa kụ̀ ẹwụ Ohomorihi ana yara aanị.

1 Ịsamụwẹrị 17:26

Di Idevidi họ̀ aza ana jẹẹ pe e dị ọ ka àa nyị ọza ana zụ wụ̀ Anihwirisiti ọnọnị dị ọ kụ́ ịrẹyị ụhị ọnọnị hụụ ịrẹsụ Anisirẹrị nị, sị a vaa mẹẹ yị ọza ọnọọ? Dị ọ rẹ ka sị aa hị́ Anihwirisiti kẹnẹ-kẹnẹ ẹnẹ ẹ̀ yị mā jị ụvẹvẹnẹ ana aa vaa sị isoja Ohomorihi ana yaraa mẹ ịyẹyẹ?

Iwe Ọhụhị Imosiisi ana aa hị́ Ọyịvatụrọda 5:26

Ẹnẹ nyẹngụ wụ Ohomorihi ana yara ịrẹyị hụụnị ịra, dị ọ yara?

Ịrịka 28:9

Ẹkụhị ụhwọtụ vị ana a sị atẹmẹ ịrayị ọnya ẹẹva ọnịrị ayị ana a kwọ vahụra angwẹ orivi ne beri eche mẹ̀ ịsọvọ yị Ẹnẹyịmavara.

Ayịsaya 61:1

Ụhwẹ Ọnịnị Ẹnẹyịmavara Ohomorihi ộ dọ avaba ayị amị, Ọ raà nyị mị, dị ọ tụ́ mị Ka ma Kà enube ọyịza yị onosiye nịnị Dị ma mẹ ụkụ aza ọnị ayị ẹnịnị dụ dị ma nọ ọ ọyịhụrẹ ụvọ aza ana a za a ọnịrị ẹngwọọrọ yị

Iwe Ọhụhị Imosiisi ana aa hị́ Ọyịvatụrọda 31:27

Imosiisi kà ọnị ọ̀ yẹ ayị ọkatẹngụ ẹnịnị. Ẹnịnị ệ mẹ̀ akamawụ hi Ẹnẹyịmavara eyi anị. Ọnị ọ yẹ ka ịrẹma ọnị ọnị wusu o ve divi huu nị.

Ọyịkụra 12:5

Ọ kà atẹmẹ ẹnị ẹ̀ẹ sị ọ vị ịdẹba ịrayị ọnya, dị asị a nyị ịsị ẹ mẹ̀ ẹ vụrụ-vụrụ. Dị ọ ka òo zee wa eyi ahịka ẹvụ ẹ vavọọ sị nị.

Ahẹ Ụgama 51:2

Navọ wa sị ayị hụụnị avaba ebira odivi ọnị mị mẹ dị wa sị ebira odivi ọnị maa mẹ̀ hụrẹ mị ẹngụ.

Ezikẹẹrị 45:18

Ẹnẹyịmavara Ananyị ụkata hu ka, ẹkụhị ịpaapa, ịnị ụhwẹ ịpaapa ịrayị, ẹwụ nịnị Anisirẹrị ọ̀ sị ụnọ ọnya ẹnẹ ẹ̀ yị nyị ịsaa zị, dị wa sị mẹ̀ ịsọvọ nịnị; ọnị á vaa sị mẹ ka irehi Ohomorihi ọ̀ nị nị.

Imatiwu 16:16

Dị Ịsayịmọnị Ipita tụ́ ohi, dị ọ ka, “Ẹwa vị Ikirisiti, Ozi Ohomorihi ana yára nị.”

Odeyi 15:9

O yi sị eyi irenyi re ẹyịrị wa. Ộ mẹ ayị ẹnịnị ọnịnị, agụvị ka ệ sị ayị tụra a.

1 Anịkọrịntị 15:45

 vịdị chẹrẹ ẹ tụ́ ini Iwe Ohomorihi ka; Ohomorihi ộ mẹ̀ Adamị ana vị ọza ịpaapa ka ọ̀ vị ọza ana yára. Ama Adamị ọdịrẹma vị ana hụụ ịdị Ohomorihi vẹ, ọnị ọọ̄ mẹ̀ ka ọza ọ̀ yàra nị.

Anihiburu 3:12

Agụvị avọọ, anda ayị nịnị, sị eyi pe ẹngụ awụ nịnị oo. Asị a na nyị ọza ịnya ịnị awụ nịnị ana na nyị ayị odivi ẹnẹ ẹ̀ yị ma dọ wụ́, dị ọ sị há hụrị oze Ohomorihi ana yára.

Anihiburu 7:16

Ẹ yị vị oze ọda Ovwoovu ọ sị vị ohirẹsụ irehi Ohomorihi. Ịsị ọ sị vị ohirẹsụ irehi Ohomorihi vị ana jẹẹ ịrẹsụ ụkata ọyịyara pooro zịna-zịna.

Anihiburu 9:26

Àyị vị avọọ, vị ọ yaanị aa rị ụya ụmẹ tụra ụmẹ, ẹ́hẹ mẹ̀ hụrẹ nyima nị. Ama ộ vẹ ịnị ẹhẹ ọnọnị ụpẹ ọnya gene-gene ịnị ụmẹ ẹnẹ ẹhẹ aa vaa ta aanị, ka ọnị ọ̀ sị ẹngụ anị mẹ̀ ịsọvọ, dị ọ̀ kụ́ ịvị aza kwooze.

Anihiburu 10:10

Ijeesu Ikirisiti ộ mẹ̀ ịsa oni Ohomorihi sì ka ọ̀ mẹ. Ọ raà vara yị aza anị ọnịnị ini oze ịsọvọ ọnị ọ sị ẹngụ anị mẹ ụpẹ ọnya gene-gene.

Anihiburu 10:12

Ama Ikirisiti ọnị vị ana yị mẹ̀ ịsọvọ ụpẹ ọnya kẹnẹ ana kụ́ ịvị aza kwooze pooro zịna-zịna. Dị ọ kụkụ yaayịtẹ éyi ụvọrị Ohomorihi nị.

Anihiburu 13:12

Agụvị avọọ Ijeesu oni o re sú ị́rẹma ẹkụra, agụvị dị ọ̀ sị anya anị nyịna aza, dị ẹ̀ nị hụụnị ịvị ẹnịnị.