Anihiburu 9:12 - IWE ỌNỊNỊ

¹² Ikirisiti ộ ngụ Aha Ọnịnị keekere Ohomorihi. Ụpẹ ọnya gene-gene ọ ngụ ịzọọ nị. Ẹ yị vị anya ịdẹ ọnịrị ozi imaaru ọnọrụ ọnị za na ngụ ịzọọ. Anya anị ụvọta ọ za na, dị ọ sị hị́ yị varẹma pooro zịna-zịna nị.

Anihiburu 9:12 Referans Kwoze

Anihiburu 10:4

Anya imaaru ọnọrụ ọnịrị ịdẹ ẹyị zụ kụ́ ịvị kwooze vụrụ-vụrụ.

Anihiburu 9:15

Ịsa ẹnẹnị ẹ́ẹ sị zụ̀ ka Ikirisiti ọ vị ọza ana yà ịnị akakana aza ọnịrị Ohomorihi nị, dị ọ mẹ eto oto ọwọọwa, agụvị aza oni Ohomorihi sị hị́, ẹ̀ zụ vẹ, dị ẹ̀ va dọ ẹyịza oni Ohomorihi sị ọọ kà ka ẹ yị zụ nyị ka ọnị ọyị vaa sịị yị wa. Ẹyịza ọnọọ vị ẹnẹẹ vaa nyị pooro zịna-zịna. Ịsa ẹnẹnị vaa mẹ, agụvị ka áa nyị ọza ịnya ene sú ka ọnị ọ̀ hị́ aza varẹma hụụnị ịsa edivi ẹnẹ ẹ vịdịị mẹ ịnị ụmẹ ẹnẹ ẹ sị yà ịnị ụvọ oto ịyẹẹyẹ.

Anẹhwẹsọsị 1:7

Ozi anị ọnọọ ô che anya anị sẹ́ ẹtẹ, di o sú yị ịvị ayị nị. Agụvị ayamva Ohomorihi ana ahịka ọ́ọ banyị ẹtẹẹtẹrẹ, ọ vavọọ sị yà nị.

Anihiburu 5:9

Ịjị Ohomorihi sị Ijeesu mẹ ka ọ gụ, dị Ijeesu kụkụ vị oze ana aza ana wụ́ ịrẹyị anị aa zịị há pooro zịna-zịna.

Ẹtore 1:5

Ijeesu Ikirisiti, ana a zụ sị ayị tụra, ọ̀ rẹ mẹ ọyịza wụ nịnị. Ọnị ọ vị ọnịpaapa ana ha hụụnị isu nị, ọnị ọ rẹ vị ohirẹsụ ohinọyị anẹhẹ nị. Ô sì ịrẹyị ayị. Ini oze anya oni o che sẹ́ ẹtẹ o mè sú, ộ nyịna ịvị ayị kwooze.

Anihiburu 10:19

Ẹwụ nịnị ẹyịnyara amị, ini oze anya oni Ijeesu che sẹ́ ẹtẹ o mè sú, yáa nyị ọtụtụrụma ọyịna ngụ aha ọnịnị keekere ịzị Ohomorihi yà.

Anihiburu 9:28

Avọọ Íkirisiti ọnị mẹ̀ rẹ sị ẹngụ anị mẹ̀ ịsọvọ ụpẹ ọnya gene-gene nị, ka ọnị ọ̀ kụ́ ịvị aza ọrụrụ-ọrụrụ kwooze. Ọ rẹ vanaa vaa vẹ ịnị ẹhẹ ọnọnị, ama ayị vị agụvị ịvị. Aza ene ee zí ọọ eyi, aa vaa dọ ọ há nị.

Anihiburu 7:27

Oni e yi véné ohirẹsụ ẹbanyị irehi Ohomorihi ana vọ. Ẹ yị nyị ka ọ̀ọ mẹ̀ ịsọvọ eyinị-eyinị yị ịvị ẹngụ anị da, ọnịrị agụvị ịvị aza ana vọ. Ụpẹ ọnya gene-gene ọnị mẹ̀ ịsọvọ anị nị, ụmẹ ọnị ọ sị ẹngụ anị mẹ̀ ịsọvọ.

Ireevi 9:15

Ịrẹma ọnọọ, ộ sị ịsị ịsọvọ ana aa mẹẹ yị aza, dị ọ sị ẹvụ ana aa sịị mẹ̀ ịsọvọ yị aza, dị ọ wụ̀ ọ nị, ọ sị ọ wụ, dị ọ mẹ̀ ẹ anka ọ mẹ mẹ̀ ịsọvọ ịvị ẹngụ anị nị.

Anihiburu 9:13

Anya ịdẹ ọnịrị imaaru ọnọrụ beri atịtọ ozi imaaru e vidiī chee sẹ́ ọza ẹnẹ ẹ̀ yị nị ini eyi Ohomorihi, agụvị dị ẹ̀ zụ nị nị.

Anihiburu 1:3

Ini oze Ozi Ohomorihi ọnọọ ígirima Ohomorihi aa zịị zẹtẹ nị. Ọnị ọ vị uhwoto Ohomorihi gẹdẹ-gẹdẹ nị. Ịrẹyị anị ana nyị ụkata ọ sị za avaba ẹhẹ jẹẹ nị. Ộ nyịna aza hụụnị ịvị ẹnịnị ka ẹ̀ nyẹngụ nị. Dị ọ nọ ẹbẹẹba, dị ọ na yaayịtẹ éyi ụvọrị Ohomorihi ana nẹba hu kere-kere nị.

1 Anịtẹsaronika 1:10

Dị ụ rẹ jẹẹ ee zí Ozi Ohomorihi nịnị ka ọ̀ và hụrị ẹbẹẹba vẹ nị. Ozi anị ọnọọ ọ ha hụụnị isu nị. Ọnị ọ vị Ijeesu ana dọ yị há hụụnị ọyịkụ Ohomorihi ana aa vẹ nị.

Ịzakaraya 3:9

Re, a reè tenyi ịrẹta tụ ọvịdị Ijosuwa. Ịrẹta ọnọọ ọ nyị eyi ịhịmba. Ẹnẹyịmavara Ochẹtẹẹngụ kà ọnị va chẹrẹ ịsa tụ́ ọ. Ịnị ẹkụhị ọnya ọnị vaa nyee ịvị ẹtẹ ọnọnị kwooze.

Ịdanịyẹrị 9:24

Ịrayị ẹtarẹwụ oze ịhịmba Ohomorihi jị ka ọ vaa mẹ dị aza anị ana vị Anijerusarẹmị ẹ va hụụnị ebira odivi ọ̀ yị mẹ, dị a kụ ebira odivi hụrị ẹtẹ nị. A vaa mẹ ka à kụkụ mẹ̀ ịsa ana vọrọ pooro, dị ẹtẹ ọnị Ịdanịyẹrị ré aanị ọnịrị ịrẹyị ọnị ọnịsẹ kà aanị sị gẹ. Dị a varẹma ve tenyi irehi Ohomorihi ana ya Ijerusarẹmị.

Anikorasi 1:14

Ozi anị ọnọọ ọ hị́ yị varẹma, dị ọ rẹ vagu yị ịnị ịvị ayị nị.

Odeyi 20:28

Sị eyi pe ẹngụ awụ nịnị! Du we re sị eyi pe avaba aza Ohomorihi ọnị Ụhwẹ Ọnịnị si chire wu nịnị ụvọ! Waa tẹsị anịragụ Ohomorihi nịnị! Wâ yẹ nịnị ka anya ẹngụ anị ọ sị mẹ ka ẹ̀ vị áanị nị.

Ịmaakị 3:29

ama ọza ana àa kụ̀ Ụhwẹ Ọnịnị ụhụ, ọ yị va nyị ẹvagu ịnị anị, ộ rị ịvị pooro zịna-zịna.”

Ẹtore 5:9

Dị ẹ jị ahẹ ọwọọwa dị ẹ ka: Ẹwa hụ ọọ sị iwe ọnọọ nị, dị ụ wa hụ̀ ịsa ana sị vá a, agụvị ka â vịdị wụ wụ. A mẹ̀ wụ wụ, wa raà sị anya awụ hị́ aza varẹma va yị Ohomorihi, avaba anẹkụra, aza ana aa kà ẹkụra irenyi-irenyi avaba ẹhẹ.

Ịtayịtọsị 2:14

Ijeesu ọnọọ ọ vịdị sị ẹngụ anịị yị, agụvị dị ọ̀ zụ hị́ yị varẹma nị, agụvị dị ya zụ há hụụnị avaba ịsa edivi. Dị ọ́ mẹ ayị ayị ọnịnị, dị ị kụkụ sị vị aza anị ana aa sịị vụrị ka yaa mẹ̀ ịsa ene zoza nị.

Ireevi 8:2

Ọ̀ kụ́ Eerọnị ọnịrị ezi anị vẹ enoze ajẹngụ anị; dị ọ̀ kụ́ ẹnya ohirẹsụ irehi Ohomorihi, angwẹ ene e siī sisi ọza ịrẹsụ ọnịrị ụnọ ana aa sịị mẹ̀ ịsọvọ agụvị ebira odivi aza vaka wa vẹ, ọ ka Imosiisi ọ̀ rẹ kụ́ ịdẹba ẹẹva ọnịrị uji ana a kụ́ ịbụrẹdị ọnị ọza ẹ̀ yị sị owu tụ vẹ.

Anihiburu 9:7

Ohirẹsụ ọbanyị irehi Ohomorihi ọnịnya kẹnẹ ọọ̄ ngụ ini aku ajẹngụ ọnọọ ụpẹ ọnya kẹnẹ ịnị ịrayị nị. Àaa na, dị ọ sị anya za ọnị ọ vaa sị mẹ ịsọvọọ yị ẹngụ anị, dị ọ̀ rẹ mẹ yị aza agụvị ịvị ene e nyeeyi mẹ.

Ireevi 4:3

Àa vị ohirẹsụ ọbanyị irehi Ohomorihi ọ mẹ ịvị nị, ọ raa mẹ ka aza ana vọ ẹ̀ rị ịvị, ịvị ọnị ọ́ mẹ avọọ, ọ vaa sị ozi ụnọ araka ọnị ẹ̀ yị tụ ọkụmị vaa mẹ̀ ịsọvọ ịvị anịị yị Ẹnẹyịmavara.

Ireevi 16:15

Ịrẹma ọnọọ, Eerọnị vaa wụ̀ ịdẹ ana aza sị va mẹ̀ ịsọvọ ịvị ẹnịnị aanị, dị ọ sị anị ngụ aha ọnịnị ene hu aanị, òo tu ịzọọ, dị ọ mẹ ịdẹ ọnọọ anka ọ́ mẹ mẹ ụnọ ọnọnị: o vee che e sẹ ịrẹhụ ayamva, dị o re che e sẹ ẹtẹ ọvịdị apoti oto ọnọọ.

Iruuku 1:68

“À vẹ ya sị ụga yị Ananyị yị ana vị Ohomorihi Anisirẹrị! Agụvị ka ọ va raà gụ aza anị ụvọ, ọ sị wa hị́ varẹma.

Anihiburu 9:14

Anya uye ẹnẹ ẹ̀ẹ zụ mẹ ka aza ẹ̀ nị, ọnọọ ọ́ọ sị zụ̀ ka anya Ikirisiti ọ́ọ nyị ụkata hu avọọ ẹtẹẹtẹrẹ. Ẹngụ anị ụvọta ẹnẹ ẹ̀ yị nyị ịvị ọ sị mẹ ịsọvọọ yị nị ini oze Ụhwẹ Ọnịnị ana yàra pooro zịna-zịna. Agụvị avọọ ộ nyịna ayị ayị nị, ka asị ị kụkụ na mẹ ịvị, anaā sịị ọza nee sú; ama dị ya kụkụụ hẹkẹ Ohomorihi ana yára.

Anihiburu 9:19

Ịpaapa, Imosiisi ộ vịdị kà a yị avaba aza ẹnẹẹ avaba ịsa a vọrọ ka ẹ̀ mẹ anka ọda Ohomorihi. Dị ọ va sị anya ozi imaaru ọnịrị ịdẹ beri enyi, dị ọ sị avị ana aā hị́ ihisopu ọnịrị ẹyị atẹmẹ ana a jị ngụ azọnọ ovivi, dị ọ jị ọọ ngụ anya ọnọọ ọnịrị enyi, di o chee sẹ́ iwe ọda ọnịrị aza ẹnẹẹ nị.

Anihiburu 13:12

Agụvị avọọ Ijeesu oni o re sú ị́rẹma ẹkụra, agụvị dị ọ̀ sị anya anị nyịna aza, dị ẹ̀ nị hụụnị ịvị ẹnịnị.