Anihiburu 9:10 - IWE ỌNỊNỊ

¹⁰ Ịsa ẹnẹnị vị ịrẹyị ịsọyịrị ọnịrị ịsa oyihú ne beri ẹngụ irenyi-irenyi ọyịnyịna. Avaba ẹnẹẹ vị ịsa ịnị ẹhẹ ọnọnị kẹnẹ, ana ahịka ụmẹ chee ẹ jẹẹ yị nị, dị Ohomorihi ọ̀ va vara avaba ịsa ọwọọwa.

Anihiburu 9:10 Referans Kwoze

Anikorasi 2:16

Agụvị avọọ asị ụ zẹẹ ka ọza ọ̀ kụkụụ jị ịvịị wụ nịnị ini oze ịsọyịrị ọnịrị isu wee hú nịnị. Asị ụ rẹ kụkụ zẹẹ ka àa mẹ ọdaa wụ nịnị ini oze eche ọyịrị, ẹhụụ eche ụhwẹ ọwọọwa ọnịrị ẹkụhị ụhwọtụ.

Anẹhwẹsọsị 2:15

Ộ kụ́ ọda Aniju ọnịrị ido oni ohiku ẹnịnị jị kwooze. Ộ mẹ ka anẹkụra ẹyịva ẹnẹẹ ẹ̀ kụkụ vara aza ọwọọwa ọnyara, ọ́nịrị wa mẹ̀ vị ọnya. Dị ẹnịnị kuku dudu vabẹ ịnị ẹngwọọrọ nị.

Anihiburu 7:16

Ẹ yị vị oze ọda Ovwoovu ọ sị vị ohirẹsụ irehi Ohomorihi. Ịsị ọ sị vị ohirẹsụ irehi Ohomorihi vị ana jẹẹ ịrẹsụ ụkata ọyịyara pooro zịna-zịna.

Ezikẹẹrị 4:14

Ezikẹẹrị ka dị ọnị ka, tee! Ohomorihi Ananyị yị, ọnị ẹ́ yị vịdị du ẹngụ anị ẹngụ da ọ. Ọnị ẹ̀ẹ yị rị ịsa ene sú da; ọnị ẹ̀ẹ yị rị uye ọnị uye ọsa wụ da, dị ọnị ẹ́ẹ yị rẹ rị uye ana sị vụ da.

Iwe Ọhụhị Imosiisi ana aa hị́ Ọyịvatụrọda 23:11

Oruva ọ̀ọ maanị ee vee tù, ọza ọnọọ nyịna ẹngụ anị. Ọyị ọ̀ọ sị ngụ ẹtẹ, dị ọ̀ vavẹ.

Ireevi 16:24

Ọ vaa ya aha ọnịnịị hụ enyi, dị ọ va kụ ẹnya ọnị ụvọta hi ẹngụ, ịrẹma ọnọọ, ọ vaa jịnẹẹ tụ ẹhẹ, dị ọ na mẹ̀ ịsọvọ ana aā rị ịra yị ẹngụ anị ọnịrị yị aza ana vọ; dị à sị vagu ịvị ọnị ụvọta ọnịrị ịvị aza ana vọ.

Anihiburu 10:22

Agụvị avọọ, à vẹ ya sị ayị ọnya kà pe Ohomorihi, dị ya sị avaba ayị ayị tụra a, agụvị ka Ijeesu ọ raà nyịna ịvị ana ayị ayị aa jịị yị kwooze. A rẹ raà sị enyi ana nị nyịna ẹngụ ayị.

Anihiburu 9:1

Ịnị oto ịpaapa, â nyị ọda ini oze ana a vọrọ ka ọza ọ̀ọ hẹkẹ Ohomorihi. A rẹ nyị aha ọnịnị ana aza mẹ.

Anihiburu 6:5

Ẹ rẹ sị ịrẹyị Ohomorihi ene zoza dá ree ẹ rẹ yẹ ụkata ẹhẹ anaa vẹ.

Anihiburu 2:5

Ẹhẹ ana aa vẹ ọnị yaa kà aanị, ẹ́ yị vị anggẹẹrị nịnị Óhomorihi si chire ụvọ.

Iwe Ọhụhị Imosiisi ana aa hị́ Ọyịvatụrọda 21:6

Aa vavọọ sị imaaru ọnọọ che ọrọkọ, dị ọdọvịdị ẹkụra ana gụrị oku ọnọnị ẹ nyịna ụvọ ẹnịnị ku oku imaaru ịrẹsụ.

Ireevi 16:4

Ẹnẹyịmavara kà, dị Eerọnị ộ va ngụ aha ọnịnị ene hu aanị, áa nyị ka ọ̀ hụ enyi, dị ọ̀ kụ ẹnya ohirẹsụ irehi Ohomorihi hi ẹngụ: ò chire awuru ọgọdọ hwẹkẹ-hwẹkẹ anị, dị ọ̀ vụ́ aaruchi oweyi tụ ọ, ọ̀ sị obo sụ ọtẹ, dị ọ̀ jị ubobo anị.

Ọyịkụra 40:12

Dị Ẹnẹyịmavara rẹ ka Imosiisi ọ̀ rẹ kụ́ Eerọnị ọnịrị ezi anị vẹ enoze ajẹngụ ọnọọ dị ọ̀ hụ̄ wa enyi nị.

Anihiburu 13:9

Asị ụ zẹẹ ka ịsa ọzọga irenyi-irenyi ana aza aa sịị zụ̀ aza, ẹ̀ kụ́ wụ nịnị nyeeyi! Ayamva Ohomorihi a vọrọ ka ọ̀ sị ụkata yị ayị awụ nịnị nị, ẹ yị vị ịrẹyị ọda ịsọyịrị. Ọda ẹnẹẹ ẹ yị mẹ ọgụvọ yị aza ana aa saasa wa.

Anihiburu 6:2

Ẹ́ yị nyị ka ye re ne nyima dị yaa zụ̀ wụ nịnị ịrẹyị ọyịhwọzenyi, ọnịrị a mẹmẹẹ̄ sị ụvọọ tụra ọza ịrẹsụ, beri ịrẹyị oku ọyị ha hụụnị isu, ọnịrị ọkarẹyị anaa vẹ ụmẹ ọdịrẹma.

Anẹhwẹsọsị 1:10

Ịsa oni Ohomorihi mẹ eto anị ka ọnị vaa mẹ ịjị ụmẹ òo si tù ọ vị ka, ọnị vaa kụ́ avaba ịsa ene hi ẹbẹẹba ọnịrị ẹhẹẹ gụ tụ́ ịdị Ikirisiti nị. Dị ahịka Ikirisiti ọ vị ka Ikirisiti ọ vị ohirẹsụ avaba ẹnịnị nị.

Anigaratiya 4:9

Ama ụ mẹ̀ va sị Ohomorihi yẹ nịnị aanị, à vị ka Ohomorihi mẹ̀ sị wụ nịnị yẹ aanị, sị ẹ vẹ dị ụ kụkụ varẹma nọ ịnị ọda ini oze ẹhẹ ọnọnị ẹnẹ ẹ̀ yị nyị ụkata, dị ẹ̀ yị nyị ịsa ẹ nyị? Di u ree sì ka wa vị ọrịhị ẹnịnị bẹẹ?

Ịmaakị 7:4

Ẹ̀ẹ maanị hụụnị ohu vẹ, ẹ mā rị ịsa, ẹ̀ yị vị ẹ nyịna ẹngụ ẹnịnị. A rẹ nyị ido irenyi-irenyi oni ohiku ẹnịnị jị, ẹnẹ ẹ sị ụvọọ za; ẹẹ̄ nyịna ako ọnịrị ịchacha, ẹ rẹẹ̄ nyịna age beri aga.

Ireevi 22:6

Ọza ana àa kanyị ẹngụ ịsa ẹnẹẹ ọnyọọnyị ẹ́ yị kụkụ nị pooro dị oruva ò tu ịhị ọnọọ. Ọza ọnọọ ẹ́ yị vaa rị ịnị ịsa a sị tu irenyi yị Ohomorihi ẹ̀ yi vị ọ́ sị enyi hụ.

Ọyịkụra 29:4

Di ụ sị Eerọnị ọnịrị ezi anị vẹ enoze ajẹngụ ịzị a yàa gẹ, dị ụ hụ wa enyi ịzọọ.

Ịrịka 6:3

ẹ yị kụkụ vee hú eche ọnyọọnyị; ọ yị vee hú eche ịvayịnị ana raà sụrẹyị ọnịrị igirepi, ọ yị rẹ vaa rị ẹtụtụ igirepi ọnyọọnyị ana sị wụ̀.

Anihiburu 7:12

Àa sị oze ana a zịị̄ sị ohirẹsụ irehi Ohomorihii vara, áa nyị ka à rẹ vara ọda.

Ireevi 13:58

Ọ̀ọ nyị ịsa ọnọọ, dị ịpa ọnọọ hụụnị anị nị, ọ rẹ vaa varẹma tenyi ọ nyịna, dị ọ̀ va nị.