Anihiburu 8:8 - IWE ỌNỊNỊ

⁸ Ama Ohomorihi ô re ka aza anị ệ nyị ohuvọ, agụvị avọọ dị ọ kà a ka: Ụmẹ aa vẹ, ọnị ọnị ve sii tenyi oto ọwọọwaa zẹẹ Anisirẹrị ọnịrị anovwoovu Ijuda.

Anihiburu 8:8 Referans Kwoze

Anihiburu 12:24

Wa zị vẹ ịdị Ijeesu nịnị, ana yà ịnị akakana aza ọnịrị Ohomorihi ini oze oto ọwọọwa, dị o re che anya anị sẹ́ ẹtẹ nị. Ịsa ana anya ọnọọ aa kà, o zoza huna ịsa ana anya Ẹba aa kà nị.

Ijeremaya 32:40

Ẹnẹyịmavara kà, oto ọnị ọnị vee woo yị wa ẹ́ yị vaa nyị ẹzẹtẹ. Ọnị vị ana vaa mẹ ọyịzaa yị wa pooro, ọnị vaa mẹ ka ẹnịnị ee hí angwa nị, dị à sị ẹnịnị kụkụ va ịrẹma anị.

Anihiburu 9:15

Ịsa ẹnẹnị ẹ́ẹ sị zụ̀ ka Ikirisiti ọ vị ọza ana yà ịnị akakana aza ọnịrị Ohomorihi nị, dị ọ mẹ eto oto ọwọọwa, agụvị aza oni Ohomorihi sị hị́, ẹ̀ zụ vẹ, dị ẹ̀ va dọ ẹyịza oni Ohomorihi sị ọọ kà ka ẹ yị zụ nyị ka ọnị ọyị vaa sịị yị wa. Ẹyịza ọnọọ vị ẹnẹẹ vaa nyị pooro zịna-zịna. Ịsa ẹnẹnị vaa mẹ, agụvị ka áa nyị ọza ịnya ene sú ka ọnị ọ̀ hị́ aza varẹma hụụnị ịsa edivi ẹnẹ ẹ vịdịị mẹ ịnị ụmẹ ẹnẹ ẹ sị yà ịnị ụvọ oto ịyẹẹyẹ.

2 Anịkọrịntị 3:6

Ịzẹyịza, Ọnị ọ mẹ ka ya zụụ kà a oto ọwọọwa oni Ohomorihi zẹẹ aza nị. Ịzẹzẹ ọnọọ ọ yị vị ịrẹyị ọda ana a chẹrẹ, ama ịrẹyị Ụhwẹ Ohomorihii yọ nị. Ọda ana a chẹrẹ avọọ vị anaā wụ̀ ọza. Ama Ụhwẹ Ohomorihi vị anaā mẹ ka ọza ọ̀ yàra.

1 Anịkọrịntị 11:25

Ịjị ẹ sị ịsa rị, dị ọ rẹ vavọọ sị ako anaa sị ká eche tịtẹ, dị ọ rẹ ka, “Eche ini ako ọnọnị vị ana jẹẹ yị oto ọwọọwa ana a sị anya amị zẹẹ. Ụmẹ tụra ụmẹ wa maanị ee hú eche ọnọnị nịnị, dị ụ wa sịị tamayị amị nịnị.”

Iruuku 22:20

Dị ọ rẹ sị ako ana a sị ká eche tịtẹ, ẹ mẹ̀ sị ịsa oruva ọnọọ rị nị. Dị ọ ka, “Eche ini ako ọnọnị ọ vị oto ọwọọwa oni Ohomorihi sị anya amị sị ụvọ tụ́ nị. Mi vee che anya amị ọnọọ sẹ́ ẹtẹ yị wụ nịnị.]

Ezikẹẹrị 37:26

Ọnị vaa hị́ eku yị wa ka, ẹngwọọrọ ọ́ vaa vịị yị wa pooro zịna nị. Ọnị vaa mẹ ka ò zé yị wa, dị ẹyaa rụrụụ hu avọọ. Ọnị vaa dà irehi anịị tụ ịnị ẹtẹ ẹnịnị, dị ọ kụkụ yà ịzọọ pooro zịna.

Ijeremaya 31:38

Ẹnẹyịmavara kà ụmẹ aa vẹ ene e vee tenyi Ijerusarẹmị dà anka ẹkụra. A vaa dà a hụrị ohurohuro Ịhananẹrị eyi ọnị ọyịị̄ zị naa ngụ ẹtẹ naa ngụ oze ovwoovu ẹkụra ana yà ịnị ịkọna.

Ayịsaya 55:3

Ẹwụ nịnị aza amị ọ̀ sị ụtọ pe ẹtẹ, dị ụ wa ká mị vẹ nịnị. Ká mị vẹ nịnị, ka ụ vaa yàra nịnị. Mi vee wo otoo yị wụ nịnị ọnị mị vaa mẹ pooro. Ize ọnị mị wo oto anị yị Idevidi, mị vaa sịị yị wụ nịnị.

Ịmaakị 14:24

Dị Ijeesu kà a yị wa ka, “Ọsọnị ọ vị anya amị nị, ana vị oto ọwọọwa, oni mi vee chee sẹ́ ẹtẹ yị aza ọrụrụ-ọrụrụ.

Ijeremaya 31:27

Ẹnẹyịmavara kà, ọnị ka ụmẹ aa vẹ ọnị ọnị vaa mẹ ka ẹtẹ Isirẹrị ọnịrị Ijuda ẹ vị ohihi yị aza ọnịrị ịsụpa.

Ijeremaya 30:3

agụvị ka ụmẹ aa vẹ ọnị ọnị Ẹnẹyịmavara vaa va aza anị Anisirẹrị nịnị ọnịrị Anijuda nịnị vẹ eehi ẹnịnị. Ọ kà nị vaa kụ wa vaavẹ ịnị ẹtẹ ọnị ọnị sị yị ohiku ẹnịnị.

Ijeremaya 23:7

Ẹnẹyịmavara kà, ụmẹ aa vẹ ọnị aza ẹ̀ yị ma vana sị ọnị hị́ eku ka, Ohomorihi ana yára, ana kụ Anisirẹrị nịnị hụrị ẹtẹ Ijipiti vẹ.

Ijeremaya 23:5

Ẹnẹyịmavara kà, ụmẹ aa vẹ ọnị ọnị vaa nyị ozi Idevidi ọnya ana vị ọnịrẹyịzẹyịza ka ọ̀ vị ohinọyị. Ọ vaa sị ịzẹyịza mẹ ohinọyị, dị aa mẹ̀ ịsa ana vọrọ ọnịrị ịzẹyịza ịnị avaba ẹtẹ anị.

Iruuku 17:22

Dị ọ rẹ kà a yị ezirẹma anị ka, “Ụmẹ aa vẹ oni u vee sì ka we re ẹkụhị ọnya ịnị ẹkụhị ẹmị Ozi ọza onigirima, di u we yi zụ re e nịnị.

Imatiwu 26:28

Ọsọnị ọ vị anya amị oni Ohomorihi sị sị ụvọ tụ́ ịnị oto ọwọọwa, oni mi vee chee sẹ́ ẹtẹẹ yị aza ọrụrụ, dị à sị sị ịvị ẹnịnị vagu wa.

Iwe Ọhụhị Imosiisi ana aa hị́ Ọyịvatụrọda 29:14

Imosiisi kà, ẹ yị vị Anisirẹrị nịnị ịnya Ẹnẹyịmavara aa mẹ̀ oto ọnịrị ịzẹzẹ ọnọnị yị.

Anihiburu 7:22

Agụvị eku ọnọọ, Ijeesu sị zụ̀ ka oto oni Ohomorihi wo o zoza hu nị.

Anihiburu 8:6

Ụkọrọ oni Ohomorihi sị yị Ijeesu o huna ụkọrọ ohirẹsụ irehi Ohomorihi ana vọ nị. Ijeesu ọ́ọ yà ịnị akakana aza ọnịrị Ohomorihi, dị ọ hị́ eku ịsa ene huu yị nị.

Anihiburu 8:13

Dị Ohomorihi na aa kà a ka, “oto ọwọọwa”, ọnị ọ vị ka ọ raà mẹ ka ị́ịpaapa ò bo. Ịsa ene èe si bo, di ee du nị, ọ vaa taa kwooze.

Iruuku 5:38

Agụvị avọọ â vọrọ ka à sị eyi-eche tụ́ ini okoko ọkatẹngụ.