Anihiburu 8:6 - IWE ỌNỊNỊ

⁶ Ụkọrọ oni Ohomorihi sị yị Ijeesu o huna ụkọrọ ohirẹsụ irehi Ohomorihi ana vọ nị. Ijeesu ọ́ọ yà ịnị akakana aza ọnịrị Ohomorihi, dị ọ hị́ eku ịsa ene huu yị nị.

Anihiburu 8:6 Referans Kwoze

Anihiburu 7:22

Agụvị eku ọnọọ, Ijeesu sị zụ̀ ka oto oni Ohomorihi wo o zoza hu nị.

Anihiburu 12:24

Wa zị vẹ ịdị Ijeesu nịnị, ana yà ịnị akakana aza ọnịrị Ohomorihi ini oze oto ọwọọwa, dị o re che anya anị sẹ́ ẹtẹ nị. Ịsa ana anya ọnọọ aa kà, o zoza huna ịsa ana anya Ẹba aa kà nị.

2Ipita 1:4

Ini oze ẹnẹẹ ọ raà sị ẹyịza ọbanyị ẹnẹẹ yị ọnị ọ vịdị zẹẹ yị ịzẹzẹ anị. Ịsa obooro ẹ vị yị nị. Ộ vavọọ mẹẹ, agụvị dị ya nyẹngụ há hụụnị ịsa edivi ẹhẹ ọnọnị ọnị ọchẹngụ azaā sì, ka ya kụkụ va nyị tụ́ ini ebira Ohomorihi nịnị.

Ịtayịtọsị 1:2

Mị vavọọ aa mẹ, agụvị ka máa nyị ọyịtureyi ka ị vaa yàra ịdị Ohomorihi pooro zịna-zịna. Ịsị Ohomorihi kà hụrị ụmọrụmọ dị a va yẹ ka aa mẹ ẹhẹ ọ vị ọnọọ nị. Yáa yẹ ka Ohomorihi o mē cheeche.

Iruuku 22:20

Dị ọ rẹ sị ako ana a sị ká eche tịtẹ, ẹ mẹ̀ sị ịsa oruva ọnọọ rị nị. Dị ọ ka, “Eche ini ako ọnọnị ọ vị oto ọwọọwa oni Ohomorihi sị anya amị sị ụvọ tụ́ nị. Mi vee che anya amị ọnọọ sẹ́ ẹtẹ yị wụ nịnị.]

Aniroomi 9:4

ẹnị ẹ vị Anisirẹrị nị, ẹnị Óhomorihi sị Mẹ ezi anị, dị ọ mẹ ka ẹ̀ nyị tụ́ ịnị ụbanyị anị nị. Ohomorihi ô wo oto irenyi-irenyi yị wa, dị ọ rẹ sị ọda anị yị wa nị. Ohomorihi ọ rẹ sị zụ wa a mẹ̀ vọrọ ka àa hẹkẹ ọnị, dị ẹ̀ rẹ dọ ịsa oni Ohomorihi kà a ka ẹ yị zụ nyị ka ọnị ọ yị vaa mẹẹ yị wa nị.

Ijeremaya 50:5

Ẹnịnị vee họ̀ use ka ịzị ẹ vị oze, dị ẹnịnị và tụra a. Ẹnịnị vaa vẹ vee wo oto yị ọnị, ka ọnị ẹnị vanaa saasa pooro zịna-zịna nị. Ẹnịnị ẹ́ yị vee hi ayị oto ọnọọ paa.

Anẹhwẹsọsị 2:12

Ịnị ụmẹ ọnọọ, ẹ yị nyị ịsị ẹ vịdị kụ́ ẹwụrị Ikirisiti gẹ nịnị. Wê noze rịrị aza oni Ohomorihi nyị nịnị. Wẹ yị rẹ nyị tụ́ ịnị oto oni Ohomorihi wo yị aza anị, ọnịrị ịsa ọnị ọ kà a ka ẹ yị zụ nyị ka ọnị ọyị vaa mẹẹ yị wa. Ẹ yị nyị ịsị ụ waa tụra eyi anị nịnị; wẹ yị rẹ nyị Ohomorihi tụ́ ịnị ẹhẹ nịnị ịnị ụmẹ ọnọọ.

1 Itimoti 2:5

Ohomorihi vị ọnya. Ọza ịnya ọ rẹ yà ịnị akakana aza ọnịrị Ohomorihi nị; ọza ọnọọ ọ vị Ijeesu Ikirisiti nị.