Anihiburu 8:10 - IWE ỌNỊNỊ

¹⁰ Ananyị yị rẹ kà oto ọnị ọnị kụkụ vee wo yị Anisirẹrị nịnị yị: Ọ kà, Ịnị ụmẹ ana aa vẹ, ọnị vaa sị ọda anịị tụ́ ịnị ayị ẹnịnị, dị ọnị rẹ chẹrẹẹ tụ́ ịnị ayị ẹnịnị. Ọnị vaa vị Ohomorihi ẹnịnị, dị ẹnị rẹ vị aza anị.

Anihiburu 8:10 Referans Kwoze

Ijeremaya 31:33

Ẹnẹyịmavara kà, aanị ọnị mẹ vaa zẹẹ oto ọwọọwa yị wa nị: Ọnị vaa chẹrẹ ọda anị tụ ịnị ayị ẹnịnị; ọnị vaa vị Ohomorihi ẹnịnị, dị ẹnịnị vị aza anị.

2 Anịkọrịntị 3:3

Ọzọza ộ yẹ ka, vị ụ sị mẹẹ nịnị anka iwe ọnị Ọza oni Ohomorihi nyị mẹ ohinọyị ka ọ̀ dọ yị ha chẹrẹ, dị ahịka ẹyị o pe e chẹrẹ ẹ nị. Ẹ yị vị ịsa a sị inyiiki chẹrẹ ọ vị. Ẹ yị rẹ vị ịnị ọparị a chẹrẹ ẹ tụ́. Ama Ụhwẹ Ohomorihi ana yára a sị chẹrẹ ẹ tụ́ ịnị ayị ọza nị.

Iwe Ọhụhị Imosiisi ana aa hị́ Ọyịvatụrọda 30:6

Ẹnẹyịmavara ana vị Ohomorihi ẹnịnị vaa sị ayị yị ẹnịrị ụnanka ẹ nịnị dị ẹ wụ́ chire e, dị ẹ sị avaba ayị ẹnịnị sị ịrẹyị anị agụvị dị ẹ ra ịnị ẹtẹ ọnọọ.

Ijeremaya 24:7

Ọ kà ọnị vaa sị ayị yị wa ana vaa mẹ ka ẹ̀ yẹ́ ka ọnị ọ vị Ẹnẹyịmavara nị. Ẹnịnị vaa vị aza anị, dị ọnị vị Ohomorihi ẹnịnị, agụvị ka ẹnịnị vaa sị avaba ayị ẹnịnị và a ka ọnịị vẹ.

1Ipita 2:9

Àa vị ẹwụ nịnị yọ, ẹwụ nịnị vị aza oni Ohomorihi sị nyị. Ẹngụ ohirẹsụ irehi Ohomorihi ana aa hẹkẹ Ohomorihi Ohinọyị, ụ vị nịnị nị. Anẹkụra oni Ohomorihi nyị tụ́ irenyi yị ẹngụ anị, ụ vị nịnị nị. Aza Ohomorihi obooro ụ vị nịnị nị. Ộ nyị wụ nịnị ka waa kà a yị aza ịsa ẹbanyị-ẹbanyị oni Ohomorihi mẹ, ọ mẹ̀ hị́ wụ nịnị hụụnị ịrahụ va ngụ ini ẹtohweyi anị ene hí ọza irenu.

Aniroomi 11:27

Oto ọnị mị vee wo yị wa ọ vị ọnọọ nị, màa raà kụ́ ịvị ẹnịnị kwooze.”

Ijemiisi 1:21

Agụvị avọọ, sị ụvọ hụụnị avaba ebira ịdọtị ọnịrị ebira odivi nịnị! Ká ịrẹsụ hi yị Ohomorihi, dị ụ wa dọ ịrẹyị oni o chire tụ́ ịnị ayị awụ nịnị. Ịrẹyị ọnọọ ọ zụ dọ ụhwẹ awụ nịnị há nị.

Ịtayịtọsị 2:14

Ijeesu ọnọọ ọ vịdị sị ẹngụ anịị yị, agụvị dị ọ̀ zụ hị́ yị varẹma nị, agụvị dị ya zụ há hụụnị avaba ịsa edivi. Dị ọ́ mẹ ayị ayị ọnịnị, dị ị kụkụ sị vị aza anị ana aa sịị vụrị ka yaa mẹ̀ ịsa ene zoza nị.

1Ipita 1:23

Ohomorihi ọ sị wụ nịnị tenyi ma ini oze ịrẹyị anị ana yára, dị ọ rẹ jẹẹ pooro. Ẹ́ yị vị ọza ana ahịka oō sú, o tenyi wụ nịnị ma, ama Ohomorihi ana yára zịna-zịna pooro yọ nị.

Ịzakaraya 8:8

Ọnị vaa kụ́ wa vavẹ Ijerusarẹmị vaa ra; ẹ vaa vị aza anị, dị ọnị rẹ vaa Ohomorihi ọnịrẹyịzẹyịza ana wụra sị ayị tụra.

Ijemiisi 1:18

Ô zé Ohomorihi eyi, dị ọ sị ịrẹyị anị ana vị ịzẹyịza, dị ọ sị mẹ ka ya yàra nị; ộ vavọọ mẹ, agụvị dị ya vị ọnịpaapa ịnị aza anị.

Ezikẹẹrị 37:27

Ẹnẹyịmavara kà ọnị vaa ra ịzọọ pe wa. Ọnị vaa vị Ohomorihi ẹnịnị, dị ẹnịnị vị aza anị.

Ịzakaraya 13:9

Ẹnẹyịmavara Ohomorihi kà a ẹnị ana vọ vị ọnị ọnị vaa zama a re anka á mẹẹ sị ịraa nyịna isiriva avọọ. Ọnị vaa zama wa re anka a mẹẹ̄ sị ịraa zama igooru avọọ. Ịjị ọnọọ ẹnịnị ẹ̀ẹ hị́ ọnị, ọnị vaa wụ́ wa. Ọnị vaa kà a ka aza anị ẹ vị nị, dị ẹnị rẹ kà ọnị ọ vị Ẹnẹyịmavara Ohomorihi ẹnịnị nị.

Ijeremaya 32:40

Ẹnẹyịmavara kà, oto ọnị ọnị vee woo yị wa ẹ́ yị vaa nyị ẹzẹtẹ. Ọnị vị ana vaa mẹ ọyịzaa yị wa pooro, ọnị vaa mẹ ka ẹnịnị ee hí angwa nị, dị à sị ẹnịnị kụkụ va ịrẹma anị.

Ijeremaya 32:38

Ọ kà, ẹnịnị vaa vị aza anị, dị ọnị vị Ohomorihi ẹnịnị.

Imatiwu 22:32

‘Ẹma vị Ohomorihi Abụrahamị nị, dị mị rẹ vị Ohomorihi Ayiziiki nị, dị mị rẹ vị Ohomorihi Ijekọvụ nị.’ Ohomorihi ọ yị vị Ohomorihi aza ene wusu, ama Ohomorihi aza ana yàra.”

Anihiburu 11:16

Ama ẹnịnị ee sì ịzị e huna ẹkụra ẹnịnị ịyẹẹyẹ, ịzọọ ọ vị ẹkụra ihinẹba nị. Agụvị avọọ ụhị ọ yị nyị Ohomorihi, ẹ̀ẹ yaa hị́ ọ Ohomorihi ẹnịnị, agụvị ka ọ sị ẹkụra tenyi tịtẹ yị wa.

Ọyịkụra 34:27

Dị Ẹnẹyịmavara rẹ kà a yi Imosiisi dị ọ ka ọ̀ chẹrẹ ịrẹyị ẹnẹẹ tịtẹ nị. Ọ kà ịrẹyị ẹnẹẹ ọ vị ịrẹyị ọnị ọnịrị Anisirẹrị ne beri Imosiisi kà tịtẹ nị.

Ezikẹẹrị 39:22

Anisirẹrị nịnị vaa yẹ́ hụrị ụmẹ avọọ ka ọnị ọ vị Ẹnẹyịmavara, Ohomorihi ẹnịnị nị.

Ahẹ Isoromọnị 2:16

Ọza oni mi sì aanị vị aamị, dị ẹmịrị vị aanị nị. Ịnị akakana ododo ọyịza-ọyịza ọọ̄ kụ ịsụpa anịị rị nị.

Ọyịkụra 24:4

Di Imosiisi va chẹrẹ avaba ịrẹyị ẹnị Ẹnẹyịmavara kà nị. Ẹnẹnẹ viri-viri eyinẹhẹ anị, di Imosiisi kwẹẹtẹ dị ọ jị ụta tụ́ iruvo ataba ọnọọ nị. Dị ọ sị ịrẹta jị ọhẹ ẹwụrẹva tụ́ ọ nị. Ọhẹ ẹwụrẹva ọnọọ ọ jẹẹ yị ịrẹsụ ẹwụrẹva ana vị Anisirẹrị.

Ihoseya 1:10

Anisirẹrị nịnị vaa rụrụ anka àarẹ ịnị òkū ọnị ọza ẹ yị yẹ ịrịka anị. Ịzị a ya kà a ka ẹnịnị ẹ yị va aza anị, a rẹ vaa hị́ wa ezi Ohomorihi ana yara nị.

Ijeremaya 31:1

Ẹnẹyịmavara kà ụmẹ aa vẹ ọnị ọnị vaa vị Ohomorihi avaba ịrẹsụ-ịrẹsụ Anisirẹrị nịnị, dị ẹnịnị ẹnị rẹ vị aza anị.

Ihoseya 2:23

Ẹnẹyịmavara kà ọnị vaa sị Isirẹrị jẹẹ, di o zee yọ. Ọnị vee sì ịrẹyị aza ọnị ọnị e yi vịdị si, dị aza ọnị ọnị ka ẹ yị vị aza anị kụkụ vị aza anị, dị ẹ yaa hị́ ọnị Ohomorihi ẹnịnị.

Ọyịkụra 24:7

Dị ọ va sị iwe ana chẹrẹ ịzẹzẹ anị Anisirẹrị zẹẹ Ohomorihi tụ́ dị ọ kà a zụ̀ aza ẹnẹẹ nị. Di e tụ́ ohi dị ẹ ka ẹnị ệ dọ, ẹnị vaa mẹ avaba ịsị Ẹnẹyịmavara ọ̀ọ mẹ ọda anị.

Ọyịkụra 34:1

Ẹnẹyịmavara ộ hị́ Imosiisi dị ọ ka, “Sị ịrẹta ẹẹva dụ wa bẹ wa anka ịpaapa ẹnẹẹ. Ịsa ọnị mị chẹrẹ tụ́ ịnị ịrẹta ịpaapa ọnị ụ chaka avọọ, mi ree tenyi ọ chẹrẹẹ tụ́ ịnị ịrẹta ọnị mị ka wa bẹ aanị.

1 Anịkọrịntị 6:16

Mee ro ka wẹ yị yẹ nịnị ka ọza ọnị ọnịrị ọsẹrẹka ọ̀ọ sị và hura ka ọnịrị ọ kụkụ vị ọnya? Agụvị ka áa chẹrẹ tụ́ ini Iwe Ohomorihi ka: Ẹnị ẹyịva vaa vara ẹngụ ọnya.