Anihiburu 7:26 - IWE ỌNỊNỊ

²⁶ Ijeesu ọ vị ohirẹsụ ọbanyị irehi Ohomorihi ene rere yi nị. Ọnịnị ọ vị nị, ọ yị mẹ̀ ịsa odivi vụrụ-vụrụ. Ohomorihi ọ raà sị ọ hụụnị akakana ọnịvị nịnị, dị ọ sị ọ tụ́ ẹbẹẹba keekere nị.

Anihiburu 7:26 Referans Kwoze

2 Anịkọrịntị 5:21

Ikirisiti ọ yị mẹ ịvị vụrụ-vụrụ. Ama Ohomorihi ọ́ hụ agụvị ayị vara ọnị ụvọta ịvị, agụvị ẹyịrị ọọ ọ̀ zụ vị ọnya, dị ya zụ nyị tụ́ ịnị ịzẹyịza Ohomorihi.

1 Ịjọọnụ 2:2

Ọnị ọ sị ẹngụ anị mẹ̀ ịsọvọ ana kụ́ ịvị ayị kwooze nị. Ẹ́ yị hyakụ vị ẹ́ẹyịnya kẹnẹ, ama ịvị avaba anẹhẹ.

Anihiburu 8:1

Avaba ịsa ọnị yaa kà ịrẹyị anị yị: Yáa nyị ohirẹsụ ọbanyị irehi Ohomorihi ọnya, ana yaayịtẹ éyi ụvọrị aga ohinọyị, ana nyị avaba ụbanyị ẹ́bẹẹba.

1Ipita 2:22

Ẹ́ yị nyị ụmẹ ọnị ọ sị mẹ ịvị, ọza ộ yị rẹ wụ́ ịrẹyị ireche ini irenu ani da.

1 Ịjọọnụ 3:5

Wáa yẹ nịnị ka Ijeesu Ikirisiti vị ana vẹ ẹhẹ, agụvị dị ọ̀ va dị yị hụụnị ịvị. Wáa yẹ nịnị ka ọnị ẹ yị nyị ịvị vụrụ-vụrụ.

Anihiburu 12:2

À vẹ ya sị eyi pe Ijeesu! Ọnị ọ mẹ ka ye nyima ẹdọwụ, dị ọ rẹ mẹ ka ẹdọwụ ayị ọnọọ ọ̀ gụ nị. Ộ dọ ka oni ò sú isu ụhị ị́rẹsụ ọchị apavahị. Ọ yị za ụhị ọnọọ ịrịka tụ́ ịnị ịsọnyị-ịsọnyị agụvị ịrajẹ ọyịjẹ oni Ohomorihi sị tịtẹ ee zí ọọ. Ọ yaayịtẹ éyi ụvọrị ịnị aga Ohomorihi ohinọyị booro aanị.

Anihiburu 9:14

Anya uye ẹnẹ ẹ̀ẹ zụ mẹ ka aza ẹ̀ nị, ọnọọ ọ́ọ sị zụ̀ ka anya Ikirisiti ọ́ọ nyị ụkata hu avọọ ẹtẹẹtẹrẹ. Ẹngụ anị ụvọta ẹnẹ ẹ̀ yị nyị ịvị ọ sị mẹ ịsọvọọ yị nị ini oze Ụhwẹ Ọnịnị ana yàra pooro zịna-zịna. Agụvị avọọ ộ nyịna ayị ayị nị, ka asị ị kụkụ na mẹ ịvị, anaā sịị ọza nee sú; ama dị ya kụkụụ hẹkẹ Ohomorihi ana yára.

Anihiburu 1:3

Ini oze Ozi Ohomorihi ọnọọ ígirima Ohomorihi aa zịị zẹtẹ nị. Ọnị ọ vị uhwoto Ohomorihi gẹdẹ-gẹdẹ nị. Ịrẹyị anị ana nyị ụkata ọ sị za avaba ẹhẹ jẹẹ nị. Ộ nyịna aza hụụnị ịvị ẹnịnị ka ẹ̀ nyẹngụ nị. Dị ọ nọ ẹbẹẹba, dị ọ na yaayịtẹ éyi ụvọrị Ohomorihi ana nẹba hu kere-kere nị.

Iruuku 23:47

Ọga isoja ẹchẹhị nịnị ô re ịsa ana mẹ, dị ọ sị ụga yị Ohomorihi nị, dị ọ ka, “Ịzẹyịza, ọnịrẹyịzẹyịza ọ́nọrụ ọnọnị vị nị.”

Iruuku 23:41

Ọkarẹyị ẹyị ọnị ộ vọrọ, agụvị ka ụkọrọ ụvọ ayị, ị yaa rị ọgụ anị nị. Ama ẹ yị nyị ịsa odivi ọnị ọnọrụ ọnọnị mẹ.”

1Ipita 3:22

Ikirisiti ọ zị nọ ịdị Ohomorihi. Ọ yaayịtẹ éyi ụvọrị Ohomorihi. Ọnị ọ vị Ohinọyị tụ́ ịrẹsụ anggẹẹrị nịnị ọnịrị avaba ịsa ana nyị ụkata ọnịrị ọda tụ́ ịdị Ohomorihi nị.

1Ipita 1:19

ama anya Ikirisiti ụvọta ana vị ịsa ọkụmị-ọkụmị yọ nị. Anya ọnọọ vị ana sị mẹẹ anka anya ozi atẹmẹ ana a sịị̄ mẹ̀ ịsọvọ ẹnẹ ẹ̀ yị mā nyị ịdọtị, àa vị ụkụ vụrụ-vụrụ.

Anihiburu 7:11

Anisirẹrị nịnị ệ dọ Imerikizẹdẹkị ọda, Ánireevi màa mẹ ohirẹsụ irehi Ohomorihi. Ụkọrọ ẹnịnị ọnọọ ọ̀ọ yaanị zụ mẹ ka aza ẹ̀ gụ, ẹ yị yaanị nyị ka à nyị ohirẹsụ ọsa anka Imerikizẹdẹkị; vị a yaanị aa kà a ka anka Eerọnị nị.

Anihiburu 2:10

Ohomorihi ọ mẹ avaba ịsa nị, dị ẹ rẹ vị Óhomorihi nị. Agụvị avọọ áa vọrọ ka ọ̀ mẹ ka Ijeesu ọ̀ gụ ini oze ụya ọnị ọ rị, dị aza ọrụrụ-ọrụrụ ẹ̀ zụ nyị tụ́ ini igirima anị. Ijeesu ọ sị oze zụ̀ wa ka ẹ̀ vẹ, dị à va dọ wa há nị.

Odeyi 4:27

Ịzẹyịza, Ịhẹrọdị ọnịrị Ịpọntụsị Ipayireti beri anarịmadọwụ nịnị ọnịrị Anisirẹrị nịnị ệ kụ́ gụ ẹkụra ọnọnị agụvị Ijeesu Ozi ewu ọnịnị ọnị ụ sị nyị.

Odeyi 3:14

Wê yi Ọza Ọnịnị ọnịrị Ọnịzẹyịza tịtẹ nịnị, ụ ka à vana hụrẹ ọwọza ụvọ tịtẹ wụ nịnị.

Ịjọọnụ 14:30

Me yi kuku sì ka ma kà ịrẹyịị wụ nịnị gọdọ hu aanị, agụvị ka ohinọyị ẹhẹ ọnọnị aa vẹ. Ama ọ yị nyị ụkata ị́rẹsụ amị.

Ịjọọnụ 8:29

Ọza ana tụ́ mị vẹ ẹhẹ yàa mị ịrẹma. Ọ yị navọ ẹmị ịnya tịtẹ, agụvị ka ịsa ene zé e eyi mịị̄ mẹ pooro nị.”

Iruuku 24:46

Dị ọ kà a yị wa ka, “Â vavọọ chẹrẹ ẹ tụ́ ini Iwe Ohomorihi. Agụvị avọọ â nyị ka Ikirisiti ọ̀ rị ụya, dị ọ ha hụụnị isu ịhyẹgwẹta anị.

Iruuku 24:26

Ẹ yị vọrọ ka Ikirisiti ọ̀ maanị rị ụya, dị ọ̀ va ngụ ịnị igirima anịị?”

Iruuku 23:22

Dị Ipayireti rẹ kà a yị wa ụpẹ ọhụta ka, “Sị ẹ vẹ, sị ẹ vị ịsa odivi ọnị ọ mẹ? Me yi re ịrẹyị ana a vọrọ ka à sị wụ ọ. Maa kà a ka è tụ́ ọọ ịjapa, dị ma hụrẹ ẹ ụvọ.”

Iruuku 1:35

Dị anggẹẹrị ọnọọ kà a yọ ka, “Ụhwẹ Ọnịnị vaa vàa kú wu, dị ụkata Ohomorihi và kú wu, agụvị avọọ ozi ọnị ụ vaa ma avọọ, ọnịnị a vaa hị́ ọ nị, Ozi Ohomorihi a rẹ vaa hị́ ọ nị.

Ịmaakị 16:19

Ịjị Ananyị yị maanị sị wa pe kà ịrẹyị, dị a sị ọọ nọ ẹbẹẹba nị, dị ọ na yaayịtẹ é yi ụvọrị Ohomorihi nị.

Imatiwu 27:18

Ộ yẹ ka agụvị ayamịkụ ẹ sị za Ijeesu chire ọnị ụvọ nị.

Ayịsaya 53:9

Ệ sị ọ tụ ini ikuta pe aza ọhịmị nịnị. Ê ne e pe opisa ọnya. Ẹ yị nyị ụmẹ ọnị ọ sị sị ụkata-ụkata mẹ ọza ịrẹyị. E yi cheeche ọnyọọnyị.

Ahẹ Ụgama 68:18

Ộ hịrẹ nọ ẹbẹẹba dị ọ kú aza ọnị ọ za éyi ịrẹkụ aa na nị. Ộ dọ ịsa ẹtẹ hụụnị ụvọ aza Aza ana hyakụ kwẹẹtẹ tù ọ vị ọnị za agụvị dị ọ̀ ra ịzọọ. Dị ẹkụkụ aa tụ́ ịsa ẹtẹẹ yọ nị.

Ọyịkụra 28:36

Si igooru obooro mẹ ẹnya ọnya chẹtẹẹ aanị. Di u wa chẹrẹ ịsa anka ịsa ana a bẹ avọọ tụ́ ọ. Ịsị ụ vaa chẹrẹẹ tụ́ ọ ọ vị “A raà sị yị Ẹnẹyịmavara”.

Ẹtore 3:7

Ọza oni mi re rẹ ka: Chẹrẹ iwe tụ́ hi anggẹẹrị ana sị eyi pe ịragụ Ohomorihi ana yà Ihwiradehwiya ka: Ọza ana vị ọnịnị ọnịrị ọnịzẹyịza, ana rẹ nyị ụkọkọrọ Idevidi; ọnị ọọ̄ na oze, dị ẹ yị nyị ọza ene zụ gu ọọ nị; oni o reē gu oze, dị ẹ yị nyị ọza ana zụ naa nị; ọnị ọnọọ ọ tụ́ ụtụ ọnọnị nị:

Ịrịka 29:26

Ịhyẹgwẹẹhị anị, ụnọ ịhịịna, ịdẹba ẹẹva, ozi ịdẹba ịrayị ọnya ẹwụrẹna ẹnẹ ẹ yị nyị ụkụ.

Anihiburu 2:17

Ọnọọ ọ vị ka áa nyị ka ọ̀ yà anka ẹyịnyara anị ini oze tụra oze, dị ọ̀ zụ yà anka ohirẹsụ ọbanyị irehi Ohomorihi ana vaa mẹ ụkọrọọ yị Ohomorihi. A zụ sị ayị tụraa, dị ọ rẹẹ̄ vayị ọza nị, agụvị dị ò zụ sí ụta ịvị aza.

Anihiburu 3:1

Ẹwụ nịnị anda ayị, Ohomorihi ọ sị wụ nịnị nyị tụ́ irenyi yị ẹngụ anị. Ọ rẹ hị́ wụ nịnị ka wa nyị tụ́ ịdị anị ẹbẹẹba. Agụvị avọọ ro ịrẹyị Ijeesu nịnị ana vị odeyi ọnịrị ohirẹsụ ọbanyị irehi Ohomorihi ayị. Ọnị ị dọ wụ́ nị.

Ezikẹẹrị 44:27

Ẹnẹyịmavara kà ịhị ọ́ọọ vanaa ngụ aha ọnịnị naa mẹ̀ ụkọrọ, ọ vaa vịdị mẹ̀ ịsọvọ yị ẹngụ anị agụvị ịvị ọnị ọ rị.