Anihiburu 7:25 - IWE ỌNỊNỊ

²⁵ Ọza ana àa zị oze ịnị ụvọ anị vẹ ịdị Ohomorihi, ọ zụ dọ wa há ịnị ụmẹ tụra ụmẹ, agụvị ka ọ́ọ yàra pooro zịna-zịna ka ọnị ọ̀ọ da ịpẹẹ yị Ohomorihi agụvị ẹnịnị.

Anihiburu 7:25 Referans Kwoze

Aniroomi 8:34

Áá nyị ọza ana kụkụ zụ jị ịvị yị wa? Ẹ yị nyị, agụvị ka Ijeesu Ikirisiti, ô wusu yị wa. Ohomorihi ộ hyakụ rẹ sị ọọ ha kwẹẹtẹ hụụnị isu bẹẹ. Ọ kụkụ yà eyi ụvọrị Ohomorihi booro aanị. Aa dá ịpẹ ịrẹyị ayịị yị Ohomorihi.

1 Itimoti 2:5

Ohomorihi vị ọnya. Ọza ịnya ọ rẹ yà ịnị akakana aza ọnịrị Ohomorihi nị; ọza ọnọọ ọ vị Ijeesu Ikirisiti nị.

Ijudi 1:24

Ohomorihi ọ nyẹngụ sị eyi pe wu nịnị ka asị ụ hyẹdụ hụụnị oze anị; dị ọ sị́ wụ nịnị va tụ ịdị anị ịnị ụbanyị anị, wẹ́ yị vaa nyị ịvị vụrụ-vụrụ ịzọọ nịnị, dị ayị awụ nịnị ee hine ẹtẹẹtẹrẹ.

Ịjọọnụ 14:6

Dị Ijeesu tụ́ ọọ ohi, dị ọ ka, “Ẹma vị oze ọnọọ nị, ẹma vị ịzẹyịza nị, ẹma rẹẹ̄ mẹ ka ọza ọ̀ yàra nị. Ẹ yị nyị ọza ana nyẹngụ nọ ịdị Ada amị, ẹ̀ yị vị oze amị ọ zị.

Anẹhwẹsọsị 2:18

Ijeesu ọ mẹ ka ẹyị ẹyịva ọ̀ nyẹngụ vẹ ọvịdị Ada ayị ini oze Ụhwẹ Ọnịnị ọnyọọnya nị.

Aniroomi 5:2

Agụvị ka yâ sị ayị tụra Ijeesu, ọ raà mẹ ka ya va yẹ́ ayamva Ohomorihi. Ịnị ayamva Ohomorihi ọnọọ ị yà dị ị kụkụ aa sị ịrajẹẹ tụra eyi ka ị vaa nyị tụ́ ịnị ụbanyị Ohomorihi nị.

Anihiburu 11:6

Ọza ẹnẹ ẹ̀ yị sị ayị tụra Ohomorihi, ọ yị nyẹngụ zé Ohomorihi eyi vụrụ-vụrụ. Iruvo ọ vị ka ọza ana àa vẹ ịdị Ohomorihi, áa nyị ka ọ̀ vịdị dọ wụ́ da ka Ohomorihi yà ịzọọ, ọnịrị ka ọọ̄ sị ọgụụ yị aza ene èe sì ọọ.

Anẹhwẹsọsị 3:20

Ohomorihi ọ zụ mẹẹ yị huna ọpa oni i họ̀ use, à vị ọnị ị hyakụ ee ro, ini oze ụkata ana aa sịị mẹ̀ ụkọrọ ịnị ayị ayị.

Ayịsaya 45:22

Avaba anẹhẹ nịnị ẹ va ka ọnị, dị ẹ zụ ha. Ọnị ọ vị Ohomorihi nị. Ẹ yị nyị ịsa ọsa.

Anihiburu 9:24

Ikirisiti ọ́ yị na ngụ aha ọnịnị ana aza mẹ, ana ahịka vị ọnị aa sị ịsa obooro zụ̀ kẹnẹ nị. Ịdị Ohomorihi booro ọ ngụ nị, agụvị avọọ ọ na jẹẹ ọvịdị Ohomorihi agụvị ayị booro aanị nị.

Anihiburu 7:19

Ọda Imosiisi ọnọọ ọ yị zụ mẹ ka ọza gụ. Ama ịsị Ohomorihi kụkụ sị vẹ, ọnị sị eyi tụra booro aanị o hu nị, agụvị ka ini oze anị ya zụ gụrị Ohomorihi.

Ayịsaya 59:16

Ộ zị ọ ka ẹ yị nyị ọza ana vọrọ ka ọ mẹ ọgụvọ yị aza ana aa mẹ ẹvaya yị. Agụvị avọọ ọnị vaa sị ụkata anị dọ wa ha, dị ẹ nyị ẹbẹẹba ọnịvị ẹnịnị.

Ịjọọnụ 14:13

Ịsa tụra ịsa oni u wèe họ̀ use anị ịnị ịrẹha amị nịnị, mị vaa mẹ̀ ẹ, agụvị dị à zụ sị igirima yị Ada amị ini oze ẹmị Ozi anị.

Ịdanịyẹrị 6:20

Ịjị o tu ịzọọ, ayị anị vị ene du, dị o nowu, dị ọ ka: Ịdanịyẹrị, ọnụtụ Ohomorihi ana yara! Ohomorihi awụ ọnị ụ waa sị ịzẹyịzaa hẹkẹ ọ́ọ́ sị ụ dọ tụ hụụnị ụvọ idu nịnị kẹ?

Ịdanịyẹrị 3:17

Àa hụ agụvị ịrẹyị ọnọnị kụ ẹnị va hi ịra, Ohomorihi ọnị ẹnị aa hẹkẹ vaa dọ ẹnịị tụ, agụvị ka ọ zụ dọ ẹnị ha hụrẹ ẹ ụvọ. Ọ rẹ zụ dọ ẹnị ha hụụnị ịra anaa za giri-giri bẹẹ.

Ijoovu 23:3

Àa yẹ ọnị ọ yẹ ịzị ọ ya dị ọnị o ne tu ọ.

Anihiburu 5:7

Ịnị ụmẹ oni Ijeesu sị yà ẹhẹ, ộ mẹ̀ aduwa ẹtẹẹtẹrẹ, dị ọ hyakụ aa ká ẹgọ, o mèe nowuu hị́ Ohomorihi ana zụ dọ ọ tụ ka asị ọ sú, Ohomorihi ộ wụ́ aduwa anị agụvị ka ộ sị ayị yị Ohomorihi.

Ayịsaya 53:12

Agụvị avọọ, Ẹnẹyịmavara kà, “Mị vaa sị udi ụbanyị yọ ẹtẹẹtẹrẹ. Ọnịrị aza ana nyị ụbanyị beri aza ana nyị ụkata vee hi aha ọnya. Ộ dọ ka oni ò sú, dị á za a ịrịka beri aza ana rị ịvị nị, ama ụya ịvị aza ọrụrụ ọ rị nị, dị aa da ịpẹ agụvị aza ana rị ịvị nị.”

Anihiburu 13:15

Agụvị avọọ ini oze Ijeesu, à vẹ yaa ga Ohomorihi pooro! Ụga ọnị yaa sịị yọ vị ana sị mẹẹ anka ịsọvọ ọnị yaa mẹẹ hi Ohomorihi avọọ. Ọnị ọ vi ka yaa sị irenu ayịị kà a ka aza anị ị vị nị.

Ayịsaya 63:1

Ẹnẹ ọnị ọnọnị vị ana hụrị Ibozira ịnị ẹtẹ Edomi aa vẹ aanị kẹ? Ẹnẹ kụ́ ẹnya ovivi chomi-chomi hí ẹngụ, di e hu ahụ ọkọọka ịnị ụbanyị ụkata anị vẹ aanị? Ẹnẹyịmavara ana hụ ọ dọ ọza ha aa vẹ vaa nọ̀ ka ọnị ọ raà nyị ehuna.

Anihiburu 7:16

Ẹ yị vị oze ọda Ovwoovu ọ sị vị ohirẹsụ irehi Ohomorihi. Ịsị ọ sị vị ohirẹsụ irehi Ohomorihi vị ana jẹẹ ịrẹsụ ụkata ọyịyara pooro zịna-zịna.

Anihiburu 2:18

Ộ rị ụya, a mẹ̀ zama a re; agụvị avọọ aza ana àaa zama a re, ọ zụ gụ wa ụvọ.

Anihwiripi 3:21

Ọ vaa sị ụkata anị ọnị ọ sị nyị ehuna avaba ịsa, dị ọ sị vara ọchẹngụ ayị ịnị ẹhẹ ọnọnị, dị ọ kụkụ mẹẹ ka ò véné ọchẹngụ anị ana nyị igirima.

Ịjọọnụ 14:16

Mị vaa dá ịpẹẹ yị Ada amị, dị ọ sị Ohunẹnọzayị ọsa va yị wụ nịnị, dị ọ̀ kụkụ yà ịdị awụ nịnị pooro zịna-zịna.

Ijeremaya 3:22

Ẹnẹyịmavara kà, avaba ẹwụ nịnị ezi ana kama wụ ọ̀ và ka ọnị vẹ. Ọnị vaa sị ụ nịnị ẹngụ nịya, dị ọnị mẹ ka waa mẹ ịzẹyịza nịnị. Dị ẹnịnị tụ́ ohi, dị ẹ ka, ịzẹyịza ẹnị aa vàa vẹ, agụvị ka ẹwụ a vị Ẹnẹyịmavara, Ohomorihi ẹnịnị nị.

Ayịsaya 45:24

Avaba aza vaa kà a ka ịda anị kẹnẹ ọza zụ re ịzẹyịza ọnịrị ụkata nị. Ama aza ana nyị ịhyẹrẹ anị vị ọnị ụhị vaa nyị.

2 Itimoti 1:12

Agụvị avọọ m maanị aa rị ụya aanị nị. Ama ụhị ẹ yị hụ agụvị avọọ nyị mị, agụvị ka mâ yẹ ọza ọnị mị sị ayị tụra. Mâ yẹ kaakara ka ịsị o si chire mị ụvọ, o zụ si eyi pee pooro ne tù ẹkụhị ọkarẹyị.

Ịdanịyẹrị 3:29

Agụvị avọọ, dị ohinọyị mẹ ọda ka àa nyị ọza ọnyọọnyị ịrẹsụ ẹtẹ ana ka kẹnẹ-kẹnẹ hi Ohomorihi Isediraki, Imesaki ọnịrị Abedinego, vị a vaa wụ̀ ọ dị a jị irehi anị eburu nị. Ọ kà ẹ yị nyị ori ana maanị nyẹngụ dị ọza tụ.

Anihiburu 7:24

Ama Ijeesu ọnị vị ana yára pooro zịna-zịna. Agụvị avọọ, ẹ yị nyị ka ọza ẹnẹsa ọ̀ na dọ ọ ịrẹsụ, dị ọ̀ọ mẹ ohirẹsụ irehi Ohomorihi.

Ịdanịyẹrị 9:16

Ẹnẹyịmavara, anka ụ mẹ mẹ̀ ịzẹyịza hi yị ịyẹẹyẹ navọ a sị ụ kụkụ kụ ayị hi Ijerusarẹmị huni aanị. Ẹkụra awụ ọnị ụ yaā sị ẹngụ awụ zụ ọ vị nị. Ama agụvị ebira odivi ohiku ayị nịnị, Ijerusarẹmị ọnọọ ọnịrị aza awụ avaba anẹkụra ana kara a kụkụ a sị mẹ enyinyi aanị nị.

Ịdanịyẹrị 3:15

Dị ọ ka, booro aanị, ẹnịị ẹ̀ẹ wụ́ ọpanyị, okokoro ọnịrị isohu ana vọ ịrẹyị, ẹnịnị ẹ̀ vaku ẹtẹ dị ẹ̀ hẹkẹ uyi ọnị ọnị sị igooru mẹ jẹẹ aanị. Ama ẹnịnị ẹ̀ yị hẹkẹ ẹ, obobooro ọnọọ a vaa kụ wa dị e ne wa va hi ịnị ọba anaa kà ịra anaa zá giri-giri tụ nị, dị ọnị ò re ịsị ẹ vaa dọ wa tụ.

Anẹhwẹsọsị 3:12

Agụvị ka ẹyịrị ọ ọ sị vị ọnya, dị ị rẹ sị ayị tụra a nị, ya kụkụ nyị ọtụtụrụma, ye re re oze kà pe Ohomorihi. Ẹ yị nyị ịsị ee chire yi angwa.

Anihiburu 7:8

Aza anaa dọ agẹẹwụ aanị, eni vee sú. Ama â chẹrẹ ẹ tụ́ ini Iwe Ohomorihi ka Imerikizẹdẹkị oni o yi sú.

Ijoovu 22:17

Ệ ka Ohomorihi Ochẹtẹẹngụ ọ navọ ẹnị, ka ẹ yị nyị ịsa ọnị ọ zụ mẹ ẹnịnị.

Aniroomi 5:10

Ọnịvị Ohomorihi ị vịdị vị nị. Ama agụvị isu oni Ozi anị sú yị yị, Ohomorihi ọ raà sị yị vara ọta anị. Ị mẹ̀ sị vara ọta anị aanị, ẹ yị kụkụ nyị ka àa jị ọọ ịrẹka ka Ozi anị ọnọọ vaa dọ yịị há, agụvị ka ộ yàra.

1 Anịkọrịntị 1:21

Ịnị ịrẹyọyẹ Ohomorihi, ọyị zẹẹ ka aza ẹ̀ sị ịrẹyọyẹ ẹngụ ẹnịnị yẹ ọnị. Ama Ohomorihi ọ́ọ vavọọ sì ọọ ka enube ọyịza ọnị yaa kà, ana aza ẹnyị ro ka ụra ọ vị nị, ka aza ana àa dọ ọ wụ́ ọnị ọ̀ dọ wa há.

Anihiburu 2:9

Ama yée re Ijeesu, ana ahịka â mẹẹ ka ò weyi huna anggẹẹrị nịnị chee, agụvị ini oze ayamva Ohomorihi, dị ò sú yị avaba aza. Agụvị ụya ọnọọ oni Ijeesu vavọọ rị dị o sú, Ohomorihi ọ́ọ sị ụbanyị ohinọyịị yọ.