Anihiburu 7:21 - IWE ỌNỊNỊ

²¹ A mẹ̀ sị anovwoovu Ireevi ka ẹ̀ vị ohirẹsụ irehi Ohomorihi, ọza ọ yị hị́ eku yị wa. Dị Ijeesu ọnị va vị ohirẹsụ irehi Ohomorihi, Ohomorihi ộ hị́ eku yọ ka: Ọnị Ohomorihi ọ raà hị́ eku, ọnị ẹ yị vaa vara ayị ka: ẹwa vaa mẹ ohirẹsụ irehi Ohomorihi pooro zịna-zịna nị.

Anihiburu 7:21 Referans Kwoze

Ahẹ Ụgama 110:4

Ẹnẹyịmavara ọ raà kà ịrẹyị, dị ọ hị́ eku tụ́ ọ nị, oyi kuku vee jesi ayị anị. Ọ kà Ẹwa vị ohirẹsụ irehi Ohomorihi pooro zịna-zịna anka Imerikizẹdẹkị nị.

Anihiburu 7:17

 chẹrẹ ẹ tụ́ ini Iwe Ohomorihi ka: Ẹwa vị ohirẹsụ irehi Ohomorihi pooro zịna-zịna anka Imerikizẹdẹkị nị.

1 Ịsamụwẹrị 15:29

Wâ yẹ ka Ohomorihi Anisirẹrị ana nyị ụbanyị o mē cheeche. Ịsị ọ̀ọ ka ọnị aa mẹ aā mẹ nị. Ọ mā mẹ̀ ebira anka ọzarẹyịrẹsụ ana aā vara ayị pooro.”

Ịrịka 23:19

Ohomorihi ọ yị vị ọzarẹyịrẹsụ. O yi mē cheeche, a vị dị ọ vara ayị anị. Ịsị ọ ka ọọ̄ mẹ̀ nị.

Aniroomi 11:29

Aza oni Ohomorihi sị nyị, dị ọ raà mẹ wa ẹyịza, ọ mā sị ụmayịyẹ ịnị anị.

Anihiburu 5:6

Ọ́ rẹ kà a áha ọsa ka: Ẹwa vị ohirẹsụ irehi Ohomorihi pooro zịna-zịna anka Imerikizẹdẹkị nị.

Anihiburu 7:20

Ịsa ọsa ọ rẹ vị ka Ohomorihi ộ hị́ eku ka Ijeesu ọ vaa vị ohirẹsụ irehi Ohomorihi nị.

Anihiburu 7:23

Ohirẹsụ irehi Ohomorihi ana vọ ẹnị ẹ́ẹ rụrụ, agụvị ka eyee sú, ẹ yị zụ yà ịnị ụkọrọ ẹnịnị pooro zịna-zịna.

Anihiburu 7:28

Ọda Imosiisi ộ nyị aza ẹnẹ ẹ̀ yị gụ ka ẹ vị ohirẹsụ ọbanyị irehi Ohomorihi. Ama oto oni Ohomorihi wo, ọ tụra ọda vẹ nị. Ọnị ọ nyị Ozi Ohomorihi ana a mẹ ka ọ gụ pooro zịna-zịna nị.