Anihiburu 7:2 - IWE ỌNỊNỊ

² Dị Abụrahamị sị agẹẹwụ ịsa ọnị ọ dọ yọ nị. Ịpaapa, iruvo ịrẹha Imerikizẹdẹkị ọ vị Ohinọyị Ọnịzẹyịza; ohinọyị Ịsarẹmị ọ vị nị, agụvị avọọ, dị a rẹẹ̄ hị́ ọ ohinọyị ẹngwọọrọ nị.

Anihiburu 7:2 Referans Kwoze

Ịrịka 18:21

Ẹnẹyịmavara kà ọnị ọ sị agẹẹwụ avaba Anisirẹrị nịnị si Anireevi nịnị ụta ụkọrọ ẹnịnị.

Ahẹ Ụgama 72:7

Ụmẹ ohinọyị ọ̀ vị ụmẹ ana avaba aza vaa sị mẹ ịzẹyịza dị ahịka vi ee zozaa yị avaba aza pooro dị ẹhẹ ọ̀ kara ụ̀pa nị.

1 Ịtọpa 22:9

Ọ kà, ama Ẹnẹyịmavara ô wo otoo yị ọnị ka, ọnị vaa ma ozi ana vaa rị ohinọyị dị aa mẹ̀ ẹ ẹngwọọrọ-ẹngwọọrọ. Ẹnẹyịmavara kà ọnị vaa mẹ ka ọ̀ nyị ẹngwọọrọ ịnị ụvọ avaba ọnịvị anị. Ọ kà ịrẹha ozi ọnọọ ọ rị Isoromọnị nị, agụvị ka ụmẹ ọnị ọ́ vaa sị mẹ ohinọyị, ọnị vaa mẹ ẹngwọọrọ yị Anisirẹrị nịnị, dị ọnị mẹ ka à sị a nyị ịsị ẹ mẹ̀ wa.

2 Ịsamụwẹrị 23:3

Ohomorihi Anisirẹrị ọ sị ịrẹyị kà, Ọza ene ee sere Anisirẹrị ọ sị ịrẹyị kà yị ẹmị. Ọ kà ọza ana sị ịzẹyịza dị ọ yàa sịị̄ mẹ ịjọva tụra ọza. Aza ana yaā mẹ ịjọva, dị ẹnịnị nyị angwahi Ohomorihi,

2 Ịsamụwẹrị 8:15

Idevidi ộ vị ohinọyị avaba Anisirẹrị dị ọ mẹ ịzẹyịza ọnịrị ịsa ana vọrọ ka aā mẹẹ yị avaba aza anị nị.

1 Ịsamụwẹrị 8:17

Ịsụpa awụ nịnị vi oni o vee che tụ́ oze ẹẹwụ dị ọ kụ́ oze ọnya. Ẹwụ nịnị ụvọta vị ana vaa yà ahụ anị.

1 Ịsamụwẹrị 8:15

Wàa mẹ̀ akụ ịnị aarẹ awụ nịnị, dị ụ rẹ ha oromi awụ nịnị, ọ vaa dọ wụ nịnị agẹẹwụ anị, dị ọ rẹ kụ́ ọ yị ọga isoja ene hi ịda anị ọnịrị ọdọvịdị nịnị ana vọ.

Oyinyima 28:22

Ịrẹta oni oni hì jẹẹ aanị ọ vị ịzị a vaa dà irehi Ohomorihii tụ́ nị. Avaba ịsị ọ̀ọ sị yị, ọnị vaa sị agẹẹwụ anịị yọ.

Aniroomi 3:26

Ama booro aanị, Ohomorihi ộ sị zụ̀ ka ọnị ộ nyị ịzẹyịza, ọnị ọ vị ka ộ nyị ịzẹyịza hi ẹngụ anị. Ọnị ọ rẹẹ̄ jị ịhị yị aza ana àa sị ayị tụra Ijeesu nị.

Iruuku 2:14

“À vẹ yaa sị ụbanyịị yị Ohomorihi ana yà ẹbẹẹba keekere, ọ vaa sị ẹngwọọrọ yị aza ene hi ịnị ẹhẹ ana ayị anị hine tù.”

Imika 5:5

Ọza oni Ohomorihi vaa sị rị ohinọyị aanị vị ana vaa kụ́ ẹngwọọrọ vẹ. Ịhị Anasiriya ẹ̀ẹ kụ́ ịrẹkụ vẹ ịnị ẹkụra ayị dị ẹ va ngụ ịzị ị tẹ tụ́ nị, Dị ị kụ́ ọdọvịdị ayị ana nyị ụkata tù wa.

Ireevi 27:32

Avaba achehi ẹẹwụ ịsụpa ineehi vị Ẹ́ẹnẹyịmavara. Àaa za ịsụpa ọnị aza pa ịrịka, avaba anaaa tụ ọ ẹẹwụ vị Ẹ́ẹnẹyịmavara.

Imatiwu 1:23

“Re, ozwoorihi ọnya ẹnẹ ẹ̀ẹẹ̀ yị yẹ ọnọrụ vee zyẹẹ, dị ọ ma ozi ọnọrụ ọnya. A vaa hị́ ịrẹha anị Ẹmanụwẹrị oni iruvo anị vị Ohomorihi yà beri eyi.”

Anihiburu 7:1

Imerikizẹdẹkị ọnọọ vị ohinọyị Ịsarẹmị, dị ọ rẹ vị ohirẹsụ irehi Ohomorihi yị Ohomorihi ana nẹba hu keekere nị. Abụrahamị ộ và hụrị ịrẹkụ aa vẹ, ọ mẹ̀ na wụ ohinọyị ẹnyị aanị. Imerikizẹdẹkị ộ va gẹrị ọ, dị ọ mẹ̀ aduwaa yọ nị.

Anihiburu 7:3

Imerikizẹdẹkị ọ yị nyị ada, à vị ọnyị, ọ yị rẹ nyị ịpa ịrẹsụ ọnyọọnyị. Ẹ́ yị nyị ka ẹkụhị aanị-aanị a sị maa nị, ẹ́ yị rẹ nyị ka ịhị aanị-aanị o sú nị. Vị ọ sị mẹẹ anka Ozi Ohomorihi avọọ nị, ọnị ọ vị ohirẹsụ ọbanyị irehi Ohomorihi pooro nị.