Anihiburu 7:14 - IWE ỌNỊNỊ

¹⁴ Yâ yẹ ka Ananyị yị vị ana chị hụụnị ovwoovu Ijuda vẹ. Imosiisi ọ yị hị́ ịrẹha anovwoovu ọnọọ, àaa kà ịrẹyị ini oze ohirẹsụ irehi Ohomorihi.

Anihiburu 7:14 Referans Kwoze

Imika 5:2

Ẹnẹyịmavara kà wéē re Ịbẹtịrẹhẹmị ana yà ini ẹtẹ Ehwirati avọọ Ọza ee re ka oni o weyi ini ovwoovu Anijuda. Ẹnẹyịmavara kà ọnị vaa sị ọza ịnya hụụ ịzọọ mẹ ohinọyị Anisirẹrị. Hụrẹ ụmọrụmọ ovwoovu ọza ọnọọ hụrẹ aa vẹ nị.

Ayịsaya 11:1

Irima ovwoovu Idevidi ana vị ozi Ijeese vị ana sị mẹẹ anka ọchị ana a ma, di igugu anị yị yà ịnị ẹtẹ avọọ. Anka igugu mẹ̀ẹ varẹma ha dị aa tụ́ avọọ, avọọ ọza ịnya mẹ vaa chịị hụụnị ovwoovu Idevidi dị ọ rị ohinọyị nị.

Ẹtore 5:5

Dị ọnya ịnị azọkụ ẹnẹẹ kà a mị ka asị mị rẹ̀ jị òrèrè nị. Ọ kà, Re, Idu ana hụrẹ ovwoovu Ijuda vẹ, ana vị ozi Idevidi, ọ raà nyị ehuna. Ọ zụ hụ̀ ịsa ịhịmba ana a sị vá iwe ọnọọ, dị ọ hụ̀ iwe ọnọọ.

Iruuku 3:33

ana rẹ vị ozi Aminadabi, ozi Aramị. Aramị vị ozi Ihezironi, ana vị ozi Ịpẹrẹzị, ozi Ijuda.

Ẹtore 22:16

Ọ kà, Ọnị Ijeesu ọ tụ́ anggẹẹrị anị ka ọ̀ kà ịsa ẹnẹnịị wụ nịnị ịnị ịragụ Ohomorihi nị. Ọnị ọ chị hụụnị ovwoovu Idevidi vẹ nị. Ọnị ọ vị ụzọmị ana aa zẹtẹ ẹnẹnẹ nị.

Aniroomi 1:3

Enube ọyịza ọnọọ vị ịrẹyị Ijeesu Ananyị yị Ikirisiti. Ozi Ohomorihi ọ vị nị. Anka ini oze ọza kẹnẹ, ozi Idevidi ọ vị nị.

Anẹhwẹsọsị 1:3

À vẹ ya sị ụga yị Ohomorihi Ijeesu Ikirisiti Ananyị yị, ọnị ọ rẹ vị Ada anị nị. Ohomorihi ọ raà mẹ̀ ịsa ọyịza yị ẹyị ẹnẹ ẹyịrị Ijeesu sị vị ọnya. Ohomorihi ọ raà sị avaba ịsa ozoza anị ana yà ẹbẹẹba ịdị anịị yị.

Oyinyima 49:10

Ijuda, ẹwa vaa vi ohinọyị nị. Ẹ yị nyị ọza ana vaa dọ wụ ohinọyị. Aza vaa kụ̀ ịsa ẹtẹ vaa wụ, anẹhẹ vị ana vaa vẹ vaa kụ̀ wụ, ịsa ẹtẹ ini Ihiburu a ka Isiro. Ọza ọ yị yẹ ịsị ẹ vị iruvo anị booro.

Aniroomi 2:3

Ẹwụ ana aa mẹ̀ ọkarẹyị yị aza ana aa mẹ ẹngụ ịsa ẹnẹẹ, dị ẹwụ raa mẹẹ, wéé zụ roo ka Ohomorihi ọ yị vaa mẹ̀ ọkarẹyị wụ?

Ịjọọnụ 20:28

Dị Ịtọmọsị tụ́ ọọ ohi, dị ọ ka, “Ananyị yị, Ohomorihi amị!”

Ịjọọnụ 20:13

Dị ẹ họ̀ Imeri ka, “Ọnẹẹ ọnọnị, sị ẹ vẹ dị ụ waa jị òrèrè?” Dị ọ ka, “A raà sị Ananyị yị hụụ ịzẹnị, mẹ yị yẹ ịzị ẹ sị ọọ tụ́.”

Iruuku 1:43

Ẹnẹ vị ẹmị, ọnị ọnyị Ananyị yị ee vee heyi?

Ịrịka 24:17

Ụmẹ ọnị ẹtẹ ọnị o re aanị vaa sị mẹ, o yi tu. Ẹkụhị ọnya, ohinọyị vaa kwẹẹtẹ hụrị Isirẹrị anka ụzọmị ana zẹtẹ avọọ. Dị o vu Animowabi nịnị ẹtẹ, dị ọ wụ evere Iseti nịnị va ha.

Oyinyima 46:12

Ezi Ijuda ẹ vị Eri, Onani, Isera, Ịpẹrẹzị ọnịrị Ịzẹra. Ama Eri ọnịrị Onani ẹnị ee wusu ịnị ẹtẹ Ikanaani. Ezi Ịpẹrẹzị ẹnị vị Ihezironi, ọnịrị Ihamiri.

Anihwiripi 3:8

M mẹ̀ hụrẹ va yẹ Ijeesu Ikirisiti ka ọnị ọ nyị mị nị, avaba ịsa ana vọ vị ọnị mị kụkụ za ịrịka tụ́ ịnị ịsa kẹnẹ-kẹnẹ. Ọnọ o huna avaba ịsa ẹnẹẹ nị. Mé yi re wa anka ịhyẹrẹ, agụvị ma kụkụ va rị ọgụ obooro ana vị Ikirisiti.

Imatiwu 2:6

Ẹwụ ẹkụra Ịbẹtịrẹhẹmị ana ya ịnị ẹtẹ Ijuda, ẹ yị vị ẹwụ o weyi hu keekere ini ohirẹsụ ẹkụra Ijuda nịnị, agụvị ka ịdị awụ óhinọyị ọnya vaa hụrẹẹ vẹ ana vaa sị oze zụ̀ aza amị ana vị Anisirẹrị nịnị nị.

Anihiburu 7:13

Ananyị yị ọnị yaa kà aanị, ọnị vị ana hụụnị ovwoovu ọsa vẹ. Ẹẹ̀ yị nyị ịpa anị ana vịdị mẹ ohirẹsụ irehi Ohomorihi da.

Anihiburu 7:15

Ịsị ẹ mẹ ka ya yẹ ịsa ẹnẹnị hu avọọ, ọ vị ka áa nyị ka ohirẹsụ irehi Ohomorihi ọsa anka Imerikizẹdẹkị ọ̀ vẹ nị.