Anihiburu 7:1 - IWE ỌNỊNỊ

¹ Imerikizẹdẹkị ọnọọ vị ohinọyị Ịsarẹmị, dị ọ rẹ vị ohirẹsụ irehi Ohomorihi yị Ohomorihi ana nẹba hu keekere nị. Abụrahamị ộ và hụrị ịrẹkụ aa vẹ, ọ mẹ̀ na wụ ohinọyị ẹnyị aanị. Imerikizẹdẹkị ộ va gẹrị ọ, dị ọ mẹ̀ aduwaa yọ nị.

Anihiburu 7:1 Referans Kwoze

Anihiburu 6:20

Ijeesu ọ raà dọ ọvịdị na ngụ ịzọọ agụvị ayị, agụvị ka ọ sị vara ohirẹsụ ọbanyị irehi Ohomorihi pooro zịna-zịna anka Imerikizẹdẹkị.

Imika 6:6

Sị ị nyẹngụ sịị va yị Ẹnẹyịmavara kẹ? Sị ẹ vị ịsọvọ ọnị vaa sị va yọ? Ị yaa vaa tana tụra ẹtẹ ọvịdị anị beri ịsọvọ ezi imaaru ịrayị ọnya ana aā rị ịraa yọ?

Ahẹ Ụgama 57:2

Mê nowu na za Ohomorihi ana nẹba hu keekere Ọnị aa mẹ avaba ịsị aa rị mị ụyaa mị nị.

Ịmaakị 5:7

Di o nowu tụ́ ẹba nị, dị ọ ka, “Ijeesu, Ozi Ohomorihi ana ya ẹbẹẹba keekere, sẹ jị gẹ ẹmịrị ẹwụ? Aarịhịnị, mâ sị Ohomorihi dá ịpẹ wụ, asị ụ sị ụya rị mị!”

Ịdanịyẹrị 5:18

Ọ kà, ohinọyị ọ̀ taarụ! Ohomorihi ene hu kere-kere ọ̀ vịdị sị ada anị Inebukadineza mẹ ohinọyị, dị ọ mẹ ka ọ̀ nyị ụbanyị ẹtẹẹtẹrẹ nị.

Ahẹ Ụgama 78:35

Ịjọnọọ dị ẹ sị tamayị ka Ohomorihi ọ zụ sị ẹnị tẹ ka asị a nyị ịsị ẹ mẹ̀ ẹnị nị.

Ahẹ Ụgama 76:2

Ohomorihi vị ana kụ́ udi tụ́ Ịsarẹmị, mị ka ịnị ataba Ịzayọnị ọ ra nị.

Odeyi 16:17

Dị aa dụ ẹyịrị Ịpọọrụ zị, di ee nowu ka, “Aza ẹnẹnị vị ezi ahụ Ohomorihi ana nẹba hu kere-kere. Ẹ yaa kà a wụ nịnị, ụ mẹmẹ zụ há nịnị.”

Ịdanịyẹrị 5:21

Ọ kà â dụ ọ hụụnị ẹkụra, dị ọ kụkụ aa mẹ̀ ebira uye ịnị avị nị. Ọnịrị ịkẹrịkẹtẹ ene hi ịnị avị ẹ vana rá dị aa rị avị anka ụnọ avọọ nị. Ịnị avị ọ vanaa sụ̀ dị eguhi ee chiree kụ ọ nị, ẹ yị hyakụ re aha tẹ̀. Avọọ ọ mẹ yà pooro ne tu ịjị ọ sị dọ ka Ohomorihi ọ nyị ịjọva avaba ẹhẹ nị, ọnịrị ka ọza enee ze e eyi ọ sịị̄ rị ohinọyị nị.

Ịdanịyẹrị 4:2

Ọ kà, Tangwa o nịnị e! Avaba aza ẹ sị ụtọ pe ẹtẹ dị ẹ̀ wụ́ ịrẹyị ịvọpa ọnị Ohomorihi Enehu kere-kere sị zụ ọnị.

Ahẹ Ụgama 78:56

Ama Anisirẹrị aa zama Ohomorihi re, ẹ yị zẹẹ ka ẹnị ẹ̀ dọ ịrẹyị Ohomorihi tụ́ ịzọọ. Ẹnịnị ẹ yị sị ụvọ za ọda anị.

Anihiburu 7:2

Dị Abụrahamị sị agẹẹwụ ịsa ọnị ọ dọ yọ nị. Ịpaapa, iruvo ịrẹha Imerikizẹdẹkị ọ vị Ohinọyị Ọnịzẹyịza; ohinọyị Ịsarẹmị ọ vị nị, agụvị avọọ, dị a rẹẹ̄ hị́ ọ ohinọyị ẹngwọọrọ nị.

Anihiburu 7:3

Imerikizẹdẹkị ọ yị nyị ada, à vị ọnyị, ọ yị rẹ nyị ịpa ịrẹsụ ọnyọọnyị. Ẹ́ yị nyị ka ẹkụhị aanị-aanị a sị maa nị, ẹ́ yị rẹ nyị ka ịhị aanị-aanị o sú nị. Vị ọ sị mẹẹ anka Ozi Ohomorihi avọọ nị, ọnị ọ vị ohirẹsụ ọbanyị irehi Ohomorihi pooro nị.

Anihiburu 7:6

Ama Imerikizẹdẹkị ọnị ọ yị vị anovwoovu ẹnịnị, ộ dọ Abụrahamị agẹẹwụ, dị ọ rẹ mẹ̀ aduwa yọ nị. Abụrahamị ọnọọ Óhomorihi hị́ eku yị nị.