Anihiburu 6:8 - IWE ỌNỊNỊ

⁸ Ama àa vị ikeyi ọnịrị avị kẹnẹ-kẹnẹ e nyị hi ịnị anị nị, ẹ́ yị nyị ịsị aa sị ẹtẹ ọnọọ mẹ, Ohomorihi ọ́ọ hyakụ nyayịnẹ chì hi ọọ, dị a vana rị ọ ịra ọdịrẹma.

Anihiburu 6:8 Referans Kwoze

Ịjọọnụ 15:6

Ọza ẹnẹ ẹ̀ yị zẹẹ ka ẹmịrị ọnị ọ̀ vị ọnya, dị a dà a ne ta anka avọ́ ọchị avọọ. Dị ọ wụ, dị aza va tọ̀ọ́ yọ, dị ẹ kụ́ wa va hi ịnị ịra, dị ẹ rị ịra.

Iwe Ọhụhị Imosiisi ana aa hị́ Ọyịvatụrọda 29:28

Ẹnẹyịmavara ô du ayị ẹtẹẹtẹrẹ hi wa, dị ọ kụ́ wa hụrẹ ẹtẹ ẹnịnị ne hi ikinamị ịzị ẹ ya va ngụ ajịnị nị.

Ijeremaya 44:22

Agụvị avọọ, á jị ẹkụra awụ nịnị eburu, dị ẹ̀ yị nyị ọza ana kụkụ ra ịzọọ ajịnị anị nị. Aza enee kuku re e vị enee hí angwa, dị aza kụkụ aa sị ịrẹha anịị chii hi aza anị. Ẹnẹyịmavara kà ọnị ẹ yị kụkụ zụ sị ẹngụ dọ ịsa odivi-odivi ọnị waa mẹ nịnị.

Anihiburu 12:17

Wáa yẹ nịnị ka ô vene sì pooro ka ada anị ọ̀ mẹ ka ò zé yị ọnị, ama ada anị ô yi. Iisọ ộ hyakụ yị sị ẹgọ sì oze ka oni ò tenyi ịsa ọnị ọnị vịdị mẹ, ama o yi kuku re oze.

Anihiburu 10:27

Ọza ana àa vavọọ aa mẹ, ò hí angwa, agụvị ka Ohomorihi vaa mẹ̀ ọkarẹyị yọ. Ịra gogogo vaa rị aza ana vị ọnịvị Ohomorihi ịra.

Ẹtore 20:15

Ọza tụra ọza ọnị ọza ọyị re ka áa chẹrẹ ịrẹha anị tụ́ ini iwe aza ana yàra pooro zịna-zịna, dị a sị ọọ, di ee nee ngụ ini adagu ịra ọnọọ.

Ịmaakị 11:21

Ipita ộ tamayị ịrẹyị ọnọọ, dị ọ ka, “Ọga, re! Ọchị oni u chì hi avọọ, ọ sị wụ ọ!”

Ịmaakị 11:14

Dị Ijeesu kà a yị ọchị ọnọọ ka, “Ọza ọ mā vana rị ẹtụtụ awụ pooro.” Ezirẹma anị ệ wụ́ ịrẹyị ọnọọ.

Imatiwu 7:19

Avaba ọchị ẹnẹ ẹ̀ yị tụ́ ẹtụtụ ozoza vị anaa vaa má, di e nee ngụ ịra.

Imatiwu 3:10

Booro aanị, á raa sị ịraga pe ọchị nịnị ẹpa, avaba ọchị ẹnẹ ẹ̀ yị tụ́ ẹtụtụ ozoza vị ana á vaa má, dị e ne e ngụ ịnị ịra.

Ịmarakayị 4:1

Ẹnẹyịmavara Ochẹtẹẹngụ ka, ẹkụhị aa vẹ ọnị aza ana aa sị ẹngụ tụ ẹba ọnịrị enebira odivi va rị ịra anka azịzẹ avọọ. Ịnị ụmẹ ọnọọ, ẹ va rị ịra saka-saka, dị ẹ yị nyị ịzị ẹ da tịtẹ vụrụ-vụrụ.

Ezikẹẹrị 20:47

Ọ kà ọnị ọ̀ kà a yị iruku ana ya eyi ụvẹtẹ aanị ka, ọ̀ wụ́ ịrẹyị ọnị Ẹnẹyịmavara Ananyị ụkata hu aa ka: Ọ kà, ré, ọnị vaa jị ịraa da a, dị ọnị rị avaba ọchị ohwoohu ọnịrị ọchị ọyịwụ ene hi ịnị anị ịra. Ọza é yi ve zuu mí ịra ọnọọ. Avọọ ọ́ mẹ vaa rị hụrị eyi-ụvẹtẹ huuu naa ngụ eyi ẹbẹẹba nị.

Ijeremaya 17:6

Ẹngụ aza ẹnẹẹ vana sị mẹẹ anka avị ana chị tụ ịnị ẹtẹ ọpaapara avọọ. Vị ọ́ sị mẹ anka avị ana yà ịnị ụnọmị avọọ nị. Ẹ́ yị nyị ịsị ọyịza ọnị oo ree sị ụvọọ za.

Ahẹ Ụgama 107:34

dị ẹtẹ ana vịdị aa mẹ̀ ịsa ọ̀ vara ẹtẹ anọ-anọ ẹnẹ ẹ̀ yị kụkụ zụ mẹ̀ ịsa. Ebira edivi ana aza ana ra hi ịzọọ aa mẹ ọ mẹ ka Ohomorihi ọ̀ vavọọ mẹ ịzọọ nị.

Ijoovu 31:40

Mèe chire ihwiiti ọnịrị ibaari tụ ịnị aarẹ, ẹ̀ vara avị ọnịrị ikeyi. Ịrẹyị Ijoovu ộ ta.

Oyinyima 5:29

dị ọ hị́ ọ Inowa nị. Ọ kà, Ozi ọnọnị vaa mẹ̀ ka ẹnị ẹ̀ daba hi ụhwẹ ịnị ụkọrọ ẹnịnị ọnịrị ụya ọnị ẹnị sị Ochẹtẹngụ rị Ẹnẹyịmavara mẹ̀ hụrẹ chì hi ẹhẹ.

Oyinyima 4:11

avọọ e si chì hi ọ. Ọ̀ọ kụ ịrịkụ, ẹtẹ ọ yị kụkụ vaa mẹ̀ ịsa yị ọ agụvị ka ọ sị ọyịnyara anị wụ̀ dị ọ dọ va hi ẹtẹ nị; vị ẹtẹ há irenu, dị ọ dọ anị nị.

Imatiwu 25:41

Dị ọ va vara eyi, dị ọ kà a yị aza ene hi eyi ụvọha anị ka: ‘Hụụ ịda amị nịnị, ẹwụ nịnị aza oyivu! Waa nọ ịnị ịra ene è yi mē mi pooro, ana a kà tịtẹ yị Echu ọnịrị anggẹẹrị anị.

2 Ịsamụwẹrị 23:7

Wèe si ka wa kanyị aza ẹnẹẹ, enyusẹ ụ waa sị nị. Ẹ̀ yị, vị avọọ ahịka ọpa ụ sị nị; ịra a va sị rị wa nị, ịzị e hi ẹtẹ hi avọọ.

Ayịsaya 27:4

Ayị ụbazị amị ọ yị kụkụ kụ́ mị ama mèe re ikeyi ịnị anị ana vọrọ ka ẹmịrịị ọ̀ kụ̀ ịrẹkụ, dị mị rị ikeyi ẹnẹẹ ịra va ha.