Anihiburu 6:19 - IWE ỌNỊNỊ

¹⁹ Ịsa ọnị ị sị eyi tụra, ọ za ayị ayị jẹẹ geri-geri nị. Agụvị avọọ, ọyịtureyi ayị ọ́ọ para ịzị a sị ịsa jị hu na huuu na ngụ aha ọnịnị keekere.

Anihiburu 6:19 Referans Kwoze

Ahẹ Ụgama 43:5

hyakụ vọrọ ka ma maanị và ẹngụ hi di mee du ayị Maa sị ayị amị tụra Ohomorihi mâ yẹ ka mị rẹ vanaa kụ́ ọ avọ Ọnị ọ vị Ohomorihi amị ana aā dọ mịị tụ́ nị.

Ireevi 16:15

Ịrẹma ọnọọ, Eerọnị vaa wụ̀ ịdẹ ana aza sị va mẹ̀ ịsọvọ ịvị ẹnịnị aanị, dị ọ sị anị ngụ aha ọnịnị ene hu aanị, òo tu ịzọọ, dị ọ mẹ ịdẹ ọnọọ anka ọ́ mẹ mẹ ụnọ ọnọnị: o vee che e sẹ ịrẹhụ ayamva, dị o re che e sẹ ẹtẹ ọvịdị apoti oto ọnọọ.

Ireevi 16:2

Ọ̀ kà a yị ọyịnyara anị Eerọnị ka, à sị ọ sị avaba ụmẹ ngụ aha ọnịnị ịzị a sị ịta jị, agụvị ka ịzọọ ọnị yaā sị ẹngụụ zụ̀ ịnị eguhi, akẹbẹẹba oku apoti oto nị. Ẹ̀ yị saasa ịrẹyị ọnọnị vị ọnị aa wụ̀ ọ nị.

Anihiburu 9:7

Ohirẹsụ ọbanyị irehi Ohomorihi ọnịnya kẹnẹ ọọ̄ ngụ ini aku ajẹngụ ọnọọ ụpẹ ọnya kẹnẹ ịnị ịrayị nị. Àaa na, dị ọ sị anya za ọnị ọ vaa sị mẹ ịsọvọọ yị ẹngụ anị, dị ọ̀ rẹ mẹ yị aza agụvị ịvị ene e nyeeyi mẹ.

Anihiburu 9:3

Ịnịnẹ anị, â nyị aku ana a sị ịta ọsa ana ratụpọ jị oze anị. Ịzọọ aā hị́ Aha Ọnịnị keekere nị.

Imatiwu 27:51

Dị achị ọratụpọ anaa sị che irehi Ohomorihi, há hi ẹẹva hụrẹ ẹbẹẹba na ngụ ụvẹtẹ waara nị. Dị ẹtẹ henyi, dị ịrẹta nịnị há hi ẹẹva nị.

Anikorasi 3:1

Wáa yẹ nịnị ka a sị ẹwụrị Ijeesu ha hụụnị isu nịnị. Agụvị avọọ waa sị eyii tụ́ ịnị ịsa ana yà ẹbẹẹba, ịzị Ikirisiti yaayịtẹ éyi ụvọrị Ohomorihi.

Ahẹ Ụgama 42:11

Ẹ yị hyakụ vọrọ ka ma maanị và ẹngụ hi di mee du ayị Maa sị ayị amịị tụra Ohomorihi Mâ yẹ ka mị rẹ vanaa kụ́ ọ avọ Ọnị ọ vị Ohomorihi amị ana aā dọ mịị tụ́ nị.

2 Itimoti 2:19

Ama yáa yẹ ka ịsị Ohomorihi reè si hi ẹtẹ ẹtẹẹtẹrẹ, ọza o yi kuku zụ zizi ọọ. Â maanị chẹrẹ ẹ tụ́ ọọ ka, “Ananyị yị ộ yẹ aza ana vị aza anị.” A rẹ chẹrẹ ẹ ka, “Ọza ana àa ka ọza Ananyị yị ọ́nị vị nị, ọ̀ sị ụvọ hụụnị ebira odivi.”

Odeyi 27:29

Eyee hí angwa ka ẹpa ayị ve ne gu chire ịrẹta ini enyi, dị ẹ kụ́ ịsa ẹẹna ana vị enyusẹ anaa sịị̄ za ẹpaa jẹẹ nị. Dị ẹ kụ́ ọọ và hi ini enyi ị́rẹma ẹpa, dị ẹ jẹẹ dị ẹyaa mẹ̀ aduwa ka eyi ọ̀ nị nị.

Aniroomi 4:16

Ye si oo re ka oto oni Ohomorihi wo, vị ana jẹẹ tụ́ ịrẹsụ ka ọza ộ sị ayị tụra Ohomorihi. Ọnọọ vaa mẹ ka ịsị Ohomorihi wo oto anị vị ọọhẹ, dị avaba ezi Abụrahamị re re oze dọ ọ nị. Ẹ yị vị ịrẹyị aza ana aa saasa ọda Aniju kẹnẹ, ama yị avaba aza ana aa sị ayị tụra Ohomorihi, anka Abụrahamị ọnị mẹ̀ rẹ mẹ. Yâ yẹ ka avaba ayị Ábụrahamị vị ada anị nị.

Odeyi 27:40

Dị ẹ yẹrẹ obo ịsị a sịị̄ za ẹpaa jẹẹ tụ́ ini enyi nị. Dị ẹ rẹ ngwara obo anaa sị sụ́ ọchị anaa sịị̄ họ̀ ẹpa nị. Dị kụ̀rà ịta ẹpa ka ahị ọ̀ tụ́ ọọ ụvọọ tụ́ ọvịdị na ngụ ụtọ oku nị.

Ayịsaya 28:16

Batọ o, dị wa wụ́ Ẹnẹyịmavara ana vi ohinọyị keekere mẹ̀ kà. Ọ kà ọnị ộ nyị ịrẹta ọnya ọnị ọnị sị jẹẹ tụ́. Ọ kà a raà zama ịrẹta ọnọọ re, ịrẹta ọnọọ vị ọzẹnya irehi, vị ọ nyayịnẹ si iruvo irehi jẹẹ nị. Ọ rẹ ka ọza tụra ọza ana àa sị ayị tụra a, ụhị ọ yị vaa nyị ọ.

Ayịsaya 12:2

Ịzẹyịza Ohomorihi ọ vị ẹnẹdọha amị nị. Ẹwụ m maa sị ayịị tụra nị, me yi vee hí angwa. Ẹnẹyịmavara ọ sị ụkata yị mị nị. Ẹwa m maa sịị jị ahẹ nị. Ọnị ọ vị ẹnẹdọha amị nị.

Anihiburu 4:16

Agụvị avọọ, à vẹ ya nyị ọtụtụrụma, di ye tere vẹ ọvịdị aga ohinọyị ịzị Ohomorihi yà dị aa mẹ ọyịzaa yị aza. Ịzọọ Ohomorihi vaa vayị ayị, dị ọ rẹ gụ yị ụvọ ịnị ụmẹ oni yèe sì ọgụvọ nị.

Anẹhwẹsọsị 2:6

Ohomorihi ộ ha yị kwẹẹtẹ beri Ikirisiti, dị ọ mẹ ka ẹyị ọnị ọnịrị Ikirisiti sị vị ọnya, ẹyịrị ọọ ò dudu yaayịtẹ ẹ́bẹẹba nị.

Ahẹ Ụgama 42:5

Hyakụ vọrọ ka ma maanị và ẹngụ hi di mee du ayị Maa sị ayị amịị tụra Ohomorihi mâ yẹ ka mị rẹ vanaa kụ́ ọ avọ. Ọnị ọ vị Ohomorihi amị ana aā dọ mịị tụ́ nị Ịjị ayị amị si du, m mẹ̀ yà ịnị ẹtẹ Ijodani, ịnị ataba Ihamọnị ọnịrị Imiza, mâ tamayị ẹwụ Ohomorihi.

1 Anịkọrịntị 15:58

Ẹwụ nịnị ẹyịnyara amị, re ka wa hụ agụvị avọọ jẹẹ geri-geri nịnị, asị ụ zizi! Waa sị avaba ụmẹẹ mẹ ụkọrọọ yị Ananyị yị nịnị pooro, agụvị ka wâ yẹ nịnị ka ẹ yị nyị ịsị ụ mẹ yị Ananyị yị nịnị ana zụ vị ọọhẹ kẹnẹ.

Ahẹ Ụgama 39:7

Ananyị yị, àa vị aanị ẹhẹ mẹ̀ yà nị, sị ẹmị nyẹngụ aa tụra eyi anị? Ẹwụ kẹnẹ mị sị ayị tụra nị.

Ịzakaraya 9:12

Waa vaa vẹ aha ọyịtẹ̀ awụ nịnị, wa nyị eyọtụra. Ẹnẹyịmavara kà booro aanị, ọnị vaa sì wa atọ ịsa ana jị wa ha oze ẹẹva.

Odeyi 23:6

Ịjị Ịpọọrụ re ka ẹnyị ini anikootu ẹnẹẹ vị Anisadusi, dị ẹnyị rẹ vị Anihwarisi nịnị, di o nowu ini ikootu, dị ọ ka, “Ẹwụ nịnị ẹyịnyara amị, Anihwarisi mị vị nị. Ada amị rẹ vị Anihwarisi. Mâ tụra eyi ka oku nịnị vaa haa hụụnị isu. Agụvị avọọ a za mị vẹ ịzẹnị aanị nị.”

Aniroomi 4:18

Abụrahamị ộ sị ayị tụra Ohomorihi, dị aa yịị tụra eyi ịsa ana ahịka àa ka ọza ọ̀ kà, ẹ yị kụkụ vọrọ ka ọ̀ọ tụra eyi anị nị. Ịzẹyịza, dị ọ vị ada anẹkụra ọrụrụ-ọrụrụ nị, anka a mẹ̀ vịdị kà a tịtẹ ka: Ezi ewu vaa rụrụ ẹtẹẹtẹrẹ.

Aniroomi 5:4

Yàa zụụ sị ẹngụụ dọ ịrẹyị, ọ vaa mẹ ka yaa vịra. Yàa sị vịra, dị yaa nyị ọyịtureyi.

1 Anịkọrịntị 13:13

Ịsa ana vaa yà pooro zịna-zịna ẹ vị ẹdọwụ, ọyịtureyi ọnịrị ịrẹyị ọza oyisì nị. Ịnị ịsa ẹyịta ẹnẹnị, ịrẹyị ọza oyisì o hu keekere nị.

Anikorasi 1:27

Ô zé Ohomorihi eyi ka ọ̀ sị zụ̀ aza anị ị́rẹyị ọnọọ mẹmẹ nyị ụbanyị, dị ọ rẹ nyị ọgụ yị avaba anẹhẹ. Ịrẹyị ọnọọ oni iruvo anị nyịnẹ yị Ikirisiti yà ịnị ayị awụ nịnị, agụvị avọọ waa tụra eyi ka ụ vaa nyị tụ́ ini igirima anị nịnị.

1Ipita 1:3

À vẹ ya sị ụga yị Ohomorihi ana vị Ada Ijeesu Ikirisiti Ananyị yị! Ohomorihi ộ vayị ayị ẹtẹẹtẹrẹ, di o tenyi yị ma nị. Agụvị avọọ yáa nyị ọyịtureyi ka ị vaa yara ịdị anị pooro zịna-zịna, agụvị ka Ijeesu Ikirisiti ộ ha kwẹẹtẹ hụụnị isu.