Anihiburu 6:12 - IWE ỌNỊNỊ

¹² dị asị ọ na ngụ wụ nịnị ẹngụ. Ama waa mẹ̀ ebira, aza ana yịị sị ayịị tụra Ohomorihi, dị ẹ rẹ nyị isuuru. Ẹngụ aza ẹnẹẹ ẹ vaa dọ ẹyịza oni Ohomorihi kà a ka ẹyị zụ nyị ka ọnị ọyị vaa sịị yị wa nị.

Anihiburu 6:12 Referans Kwoze

Anihiburu 13:7

Tamayị ọdọvịdị awụ nịnị ana kà ịrẹyị Ohomorihi wụ nịnị! Zama ọdịrẹma ẹhẹ ẹnịnị re, dị ụ wa sị ayị tụra Ohomorihi anka ẹnịnị!

Anihiburu 10:36

Áa nyị ka wa nyị isuuru nịnị, agụvị wàa ịsa oni Ohomorihi sì, mẹ nịnị, dụ wa zụ dọ ịsa ọnị ọ zẹẹ wụ nịnị ịzẹzẹ anị.

1 Ịjọọnụ 2:25

Tamayị ka Ikirisiti ọnị ụvọta ọ raà kà a ka ẹ́ yi zụ nyị ka ọnị ẹ́yị vaa mẹ ka wa yara ịdị Ohomorihi nịnị pooro zịna-zịna.

Aniroomi 12:11

Waa mẹ̀ ụkọrọ nịnị, asị ụ nyị uworo nịnị. Sị ayị ọnya dụ wa sịị hẹkẹ Ananyị yị nịnị.

Anihiburu 5:11

Áa nyị ịsa ọrụrụ-ọrụrụ ọnị ị yaanị kà ini oze anị. Ama yẹ yị zụ kà a wụ nịnị, agụvị ka ịrẹyị ọ mā hụra ngụ wụ nịnị ụtọ.

2Ipita 1:10

Agụvị avọọ, anda ayị nịnị, sị vụrị dụ wa jẹẹ geri-geri ịnị ịsa ẹnẹnị, agụvị ka Ohomorihi ộ hị́ wụ nịnị, dị ọ rẹ nyị wụ nịnị nị. Wàa vavọọ aa mẹ nịnị, wẹ́ yị vaa hyẹdụ hụrị oze Ohomorihi nịnị pooro.

Ijemiisi 1:3

Wáa yẹ ka àa zama ẹdọwụ awụ nịnị re, ọ vaa mẹ ka ayị awụ nịnị ọ̀ nyị ụkata hu avọọ.

Anihiburu 12:1

Wee re ka áa nyị onivenu ọrụrụ-ọrụrụ ana kara yị aanị. Agụvị avọọ ịsa tụra ịsa ana àa vaa dọ yị oro, à vẹ ya sị ọọ kwooze beri ịvị anaā paraa za yị biri-biri! À vẹ ya jẹẹ geri-geri, di yee zwe echi ana yà ọvịdị ayị!

Anihiburu 1:14

Anggẹẹrị nịnị vị ịsị ọza ẹ yị zụ re, ana aa zị ụtụ yị Ohomorihi. Ẹnịnị ọọ tụ́ ka ẹ̀ na mẹ ọgụvọ yị aza ọnị ọnị vaa dọ há nị.

Aniroomi 4:12

Abụrahamị ọ rẹ vị ada Aniju nịnị nị, aza ana ahịka ẹ yị vị ụvẹvẹnẹ kẹnẹ ẹ jị, ama ệ sị ayị tụra Ohomorihi, anka Ábụrahamị ada ayị mẹẹ̄ mẹ, dị ọ hyakụ va jị ụvẹvẹnẹ.

Aniroomi 2:7

Aza ẹnyị aa mẹ̀ ebira ozoza. Eyee sì ka Ohomorihi ọ̀ sị ụbanyị yị ẹnị, dị ọ̀ rẹ mẹ ka ẹnị ẹ̀ yàra pooro zịna-zịna. Ẹngụ aza ẹnẹẹ, Ohomorihi vaa mẹ ka ẹ̀ yàra ị́da anị pooro zịna-zịna.

Ijeremaya 6:16

Ẹnẹyịmavara ộ kà a yị aza anị ka, jẹẹ ịzị oze va gẹ nịnị dị we re. Họ̀ use oze ịyẹẹyẹ nịnị, ka ịzị oze ọyịza ọnọọ ya, dị wa và tụraa nịnị, ka ọ va rọ wụ nịnị ẹngụ. Ama ẹnịnị ka heyiye, ẹnị ẹ yị zị avọọ.

Ụhịrẹyị 18:9

Onuworo ọnịrị ọza enee du ịsa ha, ẹyị jị ẹngụ nyee.

Ẹtore 13:10

Aza ana àa sị kà ka vaa vaa za nị, vị a vaa za wa nị. Aza ana àa sị ụ̀hwọ̀ wụ̀ ọza, ụhwọ a rẹ vaa sị wụ ọnị nị. Ọsọnị ọ́ọ dọ ka aza Ohomorihi ẹ̀ sị ẹngụ dọ ọ, dị ẹ̀ yị sị ayị tụra Ohomorihi.

Anihiburu 11:33

Ẹnịnị ệ sị ayị tụra Ohomorihi, dị ọ mẹ ka ẹ̀ zụ nyị ehuna ẹkụra irenyi-irenyi nị, ệ mẹ̀ ịsa ana vọrọ, ệ dọ ịsa oni Ohomorihi zẹẹ wa ịzẹzẹ anị. Aza ẹnyị ẹnịnị ệ mẹ ka idu nịnị è kú irenu ẹnịnị kú oku.

Anihiburu 6:15

Abụrahamị ộ nyị isuuru ẹtẹẹtẹrẹ, agụvị avọọ dị ọ dọ ịsa oni Ohomorihi kà a ka ẹ́ yị zụ nyị ka ọnị ẹyị vaa sịị yọ nị.

2 Anịtẹsaronika 1:4

Agụvị avọọ ẹyị nyẹmba aa sị wụ nịnịị mẹ ụbanyị ịnị anịragụ Ohomorihi nị. A mẹ̀ daka aa yịị sị ụya irenyi-irenyii rị wụ nịnị, waa yịị sị ẹngụụ dọ ọ nịnị, dị ụ waa yịị sị ayịị tụra Ikirisiti nịnị nị.

Iruuku 8:15

Ama aza ẹnẹnị vị ana yà anka ihu ene e mi tụ́ ịnị ẹtẹ ozoza. Ẹ mẹ̀ wụ́ ịrẹyị ọnọọ, ệ sị tụ́ ịnị ayị ẹtẹẹtẹrẹ, dị ẹ tangwa sị isuuru aa nyị ẹtụtụ nị.”

Imatiwu 22:32

‘Ẹma vị Ohomorihi Abụrahamị nị, dị mị rẹ vị Ohomorihi Ayiziiki nị, dị mị rẹ vị Ohomorihi Ijekọvụ nị.’ Ohomorihi ọ yị vị Ohomorihi aza ene wusu, ama Ohomorihi aza ana yàra.”

Ụhịrẹyị 15:19

Onuworo vị anaā vị ọnịrị akanya pooro kẹnẹ, ama ọnịzẹyịza vị ọnị ẹhẹ anị zoza yị.

Ụhịrẹyị 13:4

Ọza anaā nyị uworo o mē zụ re ịsị e si ama ọza anaā mẹ̀ vee re e tụra-tụra.

Ụhịrẹyị 12:24

Ọza anaā sịị ụvọta anị mẹ̀ ịsa vị anaā mẹ̀ ohi ama onuworo vị anaā vị ọrịhị ọza.

1 Anịtẹsaronika 1:3

Ịị̄ tamayị awụ nịnị pooro ọ́vịdị Ohomorihi Ada ayị, anka ụ mẹmẹ aa sịị zụ̀ ka wáa sị ayị tụraa ini oze ụkọrọ awụ nịnị nị. Ịrẹyị ọza oni u sì raa mẹ ka waa mẹ̀ ụkọrọ nịnị ẹtẹẹtẹrẹ, vị ụ rẹ nyayịnẹ ee zí Ijeesu Ikirisiti Ananyị yị eyi nịnị.

Iruuku 16:22

Ẹkụhị ọnya, dị ọpịsarị ọnọọ wusu nị. Dị anggẹẹrị nịnị sị ọọ na yaayịtẹ pe Abụrahamị nị. Dị ọnyẹkẹhị ọnọọ oni re sú, di e ne e nị.

Imatiwu 25:26

Dị ọga anị ka: ‘Ẹwụ ozi ahụ odivi ana vị onuworo aanị!’ Wâ yẹ ka ịzị mè yi chire ịsa tụ́, mịị̄ há ịsaa hụrẹ nị; dị mị rẹẹ̄ kụ́ ịsa ọnị mẹ̀ yị gara tịtẹ nị.

Ahẹ Isoromọnị 1:8

Ẹwụ ọnẹẹ ana maanị zoza aanị, wẹ̀ yị yẹ́, vatụra oze ọnị ịsụpa nịnị aa zị dị wa kụ ezi ẹvụ awụ na rị akaha ajẹngụ oseratẹmẹ nịnị kẹ.

Ụhịrẹyị 2:20

Agụvị avọọ, saasa ebira aza ana aa ra ẹhẹ ozoza, dị waa sị ịzẹyịza ra ẹhẹ awụ.

Ụhịrẹyị 28:10

Aza enee vene ọnịzẹyịza ka ọ mẹ̀ ebira odivi vị ana vaa hyẹdụ ngụ ịrẹpa ọnị ọ va, ama ọnịzẹyịza vị ọnị o vee zee yị.

Ụhịrẹyị 26:14

Onuworo vị anaa vara ịrẹsụ ode anị anka ukere mee jesi ịnị ẹza anị avọọ.